ကျွန်တော်တို့နှစ်ယောက်ကို ဝေဖန်တဲ့သူတွေအတွက် ဗမာစကားနဲ့ပဲ တုံ့ပြန်လိုက်မယ်ဆိုတဲ့ နိုင်းဝမ်း
ပို့စ်တင်ချိန်
- 8/01/2014 03:47:00 PM
ခင်ဆွေသက်
အဆိုတော် နိုင်းဝမ်းကတော့ သူ့ရဲ့ချစ်သူ ယွန်းမီမီကျော် Miss Universe Myanmar မှာ first runner up ရရှိသွားတဲ့အပေါ်ခံစားချက်နဲ့ သူတို့နှစ်ဦးကို ဝေဖန်ပြောဆိုနေကြသူတွေအတွက် သူပြောချင်တဲ့စကားတစ်ချို့ကို ခုလိုဖွင့်ဟသွား ပါတယ်။ “အချစ်ရေးကတော့အဆင်ပြေပါတယ်။ သူဆုရတာနဲ့ ပတ်သတ်ပြီး ကျွန်တော့်စိတ်ခံစားချက် အမှန်အတိုင်းပြောရင် သူက miss လိုချင်တယ်။ ကျွန်တော်ကတော့ သူရခဲ့ရင်တောင် တစ်ဝက်လောက်ပဲပျော်မှာဗျ။ ခု သူfirst runner up ရတဲ့တွက် ကျွန်တော်အရမ်းပျော်တယ်။ သူဒီပွဲမပြိုင်ခင် ဖူးခတ်သွားတဲ့ တစ်ပတ်လောက် ကျွန်တော်နဲ့ အဆက်အသွယ် ပြတ်နေတယ်။ ဖုန်းတွေလဲ သိမ်းထားတော့ကျွန်တော်နဲ့အဆက်အသွယ်မရဘူး။ သူဖျားနေတဲ့ရက်တွေလဲ ရှိတယ်။ သူဘာလုပ်လို့ လုပ်နေမှန်းလဲမသိဘူး။ သီချင်းလဲသွားဆိုမရ၊ ဘာမှလုပ်လို့မရတဲ့ရက်တွေ အများကြီးပဲ။ အခုသာ သူmiss ရလို့ အမေရိကားသွားရင် ၂လလောက်သူနဲ့အဆက်အသွယ်ပြတ်နေမှာ။ ကျွန်တော် ဘယ်လိုက်ဖမ်းလို့ဖမ်းရမှန်း သိမှာမဟုတ်ဘူး။ အခု ဘာပြောပြော first runner up ရတယ်ဆိုတော့ ပျော်တယ်ပေါ့နော်။ အဲ့ပွဲကို ပြိုင်ခဲ့တာကလဲ သူ့မိဘတွေကို စိတ်ချမ်းသာအောင် ၀င်ပြိုင်ပေးတာပေါ့။ ပြီးတော့ ကျွန်တော့ကို ခွင့်တောင်းတယ်။ ဗမာပြည်မှာကလဲသိတဲ့တိုင်း ရည်းစားရှိတဲ့သူဆိုရင် ဒီလိုပွဲတွေ မပြိုင်သင့်ဘူးဆိုပြီး အတွေးခေါင်တာမျိုး ရှိတယ်။ နိုင်ငံခြားမှာ တကယ့် miss universe ပြိုင်ပွဲတွေမှာဆို ကြည့်ဖူးတဲ့သူ သိပါလိမ့်မယ်။ လေယာဉ်ကွင်းကို လိုက်ပို့တဲ့အချိန်၊ လိုက်ကြိုတဲ့အချိန်တွေမှာတောင် သူတို့ရဲ့ ရည်းစားတွေ နမ်းကြတယ်။ အဲ့ဒါတွေကို ရုပ်သံတွေမှာလွှင့်ပြကြတယ်။ အဲလိုလေး အမြင်ကျယ်စေချင်ပါတယ်။သူသည် အသက် ၂၁ ပြည့်ပြီးတဲ့ မိန်းကလေးတစ်ယောက်ပါ။ သူ့သဘောနဲ့သူတောင် လုပ်ချင်တာလုပ်လို့ရပါတယ်။ ဒါပေမဲ့ကျွန်တော်တို့ဘာတစ်ခုမှ မဟုတ်တာမလုပ်ပါဘူး။ ဗမာ အယူအရမ်းကြီးပြီး သူတို့ ကျွန်တော်တို့ကို တိုက်ခိုက်မယ်ဆိုရင် ဗမာစကားတစ်ခုလောက် ပြန်ပြောပြချင်တယ်။ သုံးနှစ်သုံးမိုးစောင့်မှ ယောကျာ်းကောင်း တစ်ယောက်ရမယ်ဆိုရင် ဥပမာ ခုချိန်မှာ သူမထားရဘူးဆိုရင် အသက် ၃၀ လောက်မှာမှ တွဲပြီး နောင်၃နှစ်ကြာမှ သာ လက်ထပ်ရမှာလားပေါ့။ လူတိုင်းမှာတော့ လင်မရှိတဲ့မယား မတင့်တယ်ဘူးဆိုသလိုပေါ့။ မိန်းကလေးတစ်ယောက်ကအချိန်တန်ရင် ယောက်ျားတစ်ယောက်တော့ ရှိဖို့လိုတယ်။ အဲ့ဒီအတွက် သူကျွန်တော့ကို လေ့လာချင်လို့ ရည်းစားထားတာဖြစ်တဲ့အတွက် သူမမှားဘူးလို့ကျွန်တော်ထင်ပါတယ်။ အဲဒါကိုလဲ ပရိသတ်တွေသိပြီးနားလည်ပေးမယ်လို့ထင်ပါတယ်။” လို့ ချစ်သူ ယွန်းမီမီကျော်နဲ့ သူ့အချစ်ရေးအကြောင်း ဖွင့်ဟသွားပါတယ်။
Trend Myanmar
