တရုတ်တွင် မူကြို ကျောင်းကား တိမ်းမှောက်ပြီး လူ(၁၁)ဦး သေဆုံး

ပို့စ်တင်ချိန် - 7/11/2014 07:56:00 PM

တရုတ်နိုင်ငံတွင် မူကြို ကျောင်းကားတစ်စင်းတိမ်းမှောက်မှု ဖြစ်ပွားရာ ကလေးအများစု အပါ
အဝင် လူ(၁၁)ဦး သေဆုံးခဲ့ကြောင်း သိရသည်။ဇူလိုင်(၁၀)ရက် ညနေပိုင်းတွင် ဟူနန်၌


မီနီဘတ်စ်ကားတစ်စင်း တိမ်းမှောက်ကာ လမ်းဘေးရေကန်ထဲ ကျဆင်းသွားခြင်းဟု Xinhua သတင်းဌာနက ဖော်ပြခဲ့သည်။ ကျောင်းကားပေါ်တွင် လိုက်ပါလာသူ (၁၁)ဦး ရှိခဲ့ရာ အားလုံး သေဆုံးခဲ့ပြီး ယင်းတို့အနက် (၈)ဦးသည် မူကြိုကျောင်းသူကျောင်းသားများ၊ (၂)ဦးသည် ဆရာမများနှင့် ကျန်(၁)ဦးမှာ ဘတ်စ်ကား ဒရိုင်ဗာတို့ ဖြစ်ကြောင်းလည်း Xinhua က ဆိုသည်။

ဟူနန်၏ မြို့တော်ဖြစ်သည့် ချန်ရှာအနီး တောင်ထူထပ်သည့် နေရာတစ်ခုတွင် ကျောင်းကား ဖြတ်သန်းသွားစဉ် တိမ်းမှောက်ခဲ့ခြင်း ဖြစ်သည်။ ဒေသခံ မီဒီယာများက ကျောင်းကားမှောက်သည့် နေရာမှာ လမ်းကျဉ်းတစ်ခုတွင်ဖြစ်ပြီး နံဘေးတွင် အကာအရံ အတားအဆီး မရှိကြောင်းလည်း ဖော်ပြခဲ့ကြသည်။

သေဆုံးသူများ၏ မိသားစုများက ယခုတစ်စင်း အပါအဝင် အဆိုပါ ဒေသရှိ ကျောင်းကားများတွင် လူဦးရေကို သတ်မှတ်ပမာဏထက် ပိုမိုတင်ဆောင်လေ့ရှိကြောင်း Xinhua သို့ ပြောကြားခဲ့သည်။ ရေကန်ထဲ နစ်နေသည့် မော်တော်ကားကို ဆယ်ယူရန် (၃)နာရီမျှ အချိန်ယူ လုပ်ဆောင်ခဲ့ရပြီး ဒေသစံတော်ချိန် ဇူလိုင်(၁၁)ရက်၊ နံနက် (၃)နာရီမှ ပြန်လည် ဆွဲတင်နိုင်ခဲ့ကြောင်းလည်း သိရှိရသည်။

_Ref: Xinhua
7Day News Daily