နာတာရှည် နာကျင်မှု ရှိသူများ ရှောင်ရှားသင့်သော အစားအစာ ၁၀ မျိုး

ပို့စ်တင်ချိန် - 7/25/2014 06:52:00 PM

နာတာရှည် နာကျင်မှု ရှိသူတွေကို ကုသရာမှာ အလွန် ခက်ခဲလှပါတယ်။ ဆေးဝါး အသုံးပြုတာဟာလည်း နာတာ၊ ပင်ပန်းတာနဲ့ တခြားရောဂါ လက္ခဏာတွေ အနည်းငယ်သာ လျော့အောင် ပြုလုပ်နိုင်ပါတယ်။  ဒါကြောင့် ဝေဒနာ ခံစားရသူတွေ အနေနဲ့ ဘဝနေထိုင်မှုပုံစံနဲ့ အစားအသောက် ပုံစံတွေကို ပြောင်းလဲပေးဖို့ လိုအပ်ပါတယ်။ နာကျင်မှု ဖြစ်ရတာဟာ အာရုံကြောဆဲလ်တွေ ထိရှလွယ်တာကြောင့်ပါ။ တချို့ အစားအစာတွေက နာကျင်မှုဝေဒနာ ပိုဖြစ်စေနိုင်တဲ့ နျူယိုထရန်စ္စမစ်တာတွေကို ထွက်ရှိလာအောင် လှုံ့ဆော်နိုင်တယ်လို့ သုတေသီတွေက ယုံကြည်ကြတာမို့ နာကျင်တာ သက်သာဖို့အတွက် ဘယ်လို အစားအစာတွေကို ရှောင်ရှားရမယ်ဆိုတာ သုတေသီတွေက ဖော်ထုတ်ထားပါတယ်။

၁။ အချိုစာနှင့် သကြားတုများကို ကန့်သတ်ပြီး စားပါ

ခန္ဓာကိုယ်တွင်း အင်ဆူလင် အဆင့်တွေ မြင့်မားနေရင် ရောင်ရမ်းမှု အခြေအနေနဲ့ နာကျင်မှုအခြေအနေ ပိုမို ဆိုးရွားနိုင်ပါတယ်။ အချိုစာတွေ အားလုံးကို ကန့်သတ်ပြီး စားပါ။သစ်သီးကြိုက်တတ်သူဖြစ်ရင် သစ်သီးဖျော်ရည်အစား လတ်ဆတ်တဲ့ သစ်သီးတွေကိုသာ စားပါ။ ဆေးသကြားလိုမျိုး သကြားတုတွေ ပါဝင်တာတွေကလည်း နာကျင်မှု ဝေဒနာ ပိုဆိုးစေနိုင်ပါတယ်။

၂။ ကဖင်းရှောင်ပါ

အိပ်ရေးမဝတာကြောင့် နာကျင်မှုဝေဒနာ ပိုဆိုးတတ်ပါတယ်။ ကဖင်းသောက်တာကြောင့် အိပ်မပျော် ဖြစ်တတ်ပါတယ်။

၃။ Night Shade ဟင်းသီးဟင်းရွက်များကို ရှောင်ပါ

ဟင်းသီးဟင်းရွက်တွေဟာ များသောအားဖြင့် ကယ်လိုရီ နည်းပါးစွာ ပါဝင်ပြီး ကျန်းမာရေးအတွက် ကောင်းတယ် ဆိုပေမယ့် နာတာရှည် နာကျင်မှု ဝေဒနာ ခံစားရသူတွေ အနေနဲ့ Night Shade ဟင်းသီးဟင်းရွက်တွေကို ရှောင်သင့်ပါတယ်။ ဒီအစားအစာတွေမှာ ပါဝင်တဲ့ အယ်ကယ်လ်လွိုက်တွေက အာရုံကြောလုပ်ငန်းနဲ့ အစာခြေလုပ်ငန်းကို အနှောင့်အယှက် ဖြစ်စေတာကြောင့်ပါ။ ဒီအစာတွေက အဆစ်ရောင်ရောဂါ ဖြစ်အောင်လှုံ့ဆော်နိုင်ပြီး နာကျင်မှုဝေဒနာ ပိုဆိုးစေနိုင်ပါတယ်။ ခရမ်းချဉ်သီး၊ အာလူး၊ ခရမ်းသီးနဲ့ ငရုတ်သီးတွေက Night Shade ဟင်းသီးဟင်းရွက်တွေ ဖြစ်ပါတယ်။

၎။ တစေး (Yeast) ရှောင်ပါ

တစေးဟာ မီးနဲ့ ဖုတ်ထားတဲ့ အစားအစာတွေမှာ ပါဝင်တတ်ပါတယ်။ သူ့ကြောင့် မှိုပိုးတွေ ကြီးထွားမှု ဖြစ်စေနိုင်ပြီး နာကျင်မှု ပိုဆိုးစေတတ်ပါတယ်။


၅။ နို့နှင့် နို့ထွက်ပစ္စည်း မစားပါနှင့်

နို့နဲ့ နို့ထွက်ပစ္စည်းမှာ ပါဝင်တဲ့ ပရိုတင်းတစ်မျိုးဟာ အဆစ်ရောင်ရောဂါနဲ့ ဆက်စပ်မှုရှိပါတယ်။ ဒီပရိုတင်းက အဆစ်တစ်ဝိုက်က တစ်သျှူးတွေကို လှုံ့ဆော်မှု ပေးနိုင်တဲ့အတွက် နာကျင်မှုဝေဒနာ ပိုဆိုးနိုင်ပါတယ်။


၆။ ကာဗိုဟိုက်ဒရိတ်လည်း လျှော့စားပါ

ကာဗိုဟိုက်ဒရိတ်တွေဟာ သကြားဓာတ်တွေလိုပဲ အင်ဆူလင် အဆင့်တွေ မြင့်တက်နိုင်တာကြောင့်ပါ။ ကယ်လိုရီ နည်းပါးတဲ့ ကာဗိုဟိုက်ဒရိတ် အမျိုးအစားကို ရွေးချယ်ပါ။

၇။ အချိုမှုန့် မစားပါနှင့်

Monosodium Glutamate ပါဝင်တဲ့ အချိုမှုန့်တွေက နာတာရှည် နာကျင်တတ်တဲ့ သူတွေကို ပြဿနာ ပိုမို ဆိုးရွားစေတတ်ပါတယ်။

၈။ အရက်နှင့် ဆေးလိပ်ရှောင်ပါ

ဆေးလိပ်သောက်သူတွေက သွေးကြောင့်ဖြစ်တဲ့ အဆစ်ရောင်ရောဂါ ဖြစ်နိုင်ခြေ အလွန်မြင့်မားပြီး နေ့စဉ် အရက်သောက်တတ်သူတွေထက် ဂေါက် အဆစ်ရောင်ရောဂါ ဖြစ်နိုင်ခြေ အလွန် မြင့်မားပါတယ်။

၉။ ပြုပြင်ထားသော ဟင်းသီးဟင်းရွက်အဆီ ရှောင်ပါ

ပြောင်းဖူးအဆီလိုမျိုး ဟင်းရွက်ဆီ အတော်များများမှာ အိုမီဂါ ၆ ဖက်တီးအက်စစ်တွေ ပါဝင်ပါတယ်။ သူတို့ဟာ ရောင်ရမ်းမှု ဖြစ်စဉ်ကို လှုံ့ဆော်နိုင်တဲ့အတွက် ရှောင်ရှားသင့်ပါတယ်။ အိုမီဂါ ၃ အဆီပါဝင်တဲ့ သံလွင်ဆီ၊ ငါးအဆီတွေကို စားပေးပါ။ အိုမီဂါ ၃ ဟာ ရောင်ရမ်းမှုနဲ့ နာကျင်မှုဝေဒနာကို လျှော့ချနိုင်ပါတယ်။


၁၀။ ပြုပြင်ထားသော အစားအစာနှင့် အရန်သင့် အစားအစာများကို ရှောင်ပါ

ဒီအစားအစာတွေမှာ သကြား၊ အချိုမှုန့်၊ ဆေးသကြား၊ အိုမီဂါ ၆ အဆီ၊ ဆိုဒီယမ်၊ တာရှည်ခံပစ္စည်းနဲ့ တခြား ဒြပ်ပေါင်းတွေ များစွာ ပါဝင်တတ်တာကြောင့်ပါ။ သင်ဟာ နာတာရှည် နာကျင်မှု ဝေဒနာ ခံစားရသူ ဖြစ်နေရင် ဒီအစားအစာတွေကို တစ်မျိုးပြီးတစ်မျိုး ဖြတ်ကြည့်ပါ။ ဘယ်အစားအစာကို မစားတာက နာကျင်တာကို သက်သာစေနိုင်မလဲ ဆိုတာကို စောင့်ကြည့်ပါ။ ဒါ့အပြင် လတ်ဆတ်တဲ့ သစ်သီးဝလံနဲ့ ဟင်းသီးဟင်းရွက်တွေ များများ စားပေးပါ။ သင်ဟာ သက်သတ်လွတ်စားသူ ဖြစ်နေရင် ဟင်းသီးဟင်းရွက်တွေကို တတ်နိုင်သမျှ အစိမ်းအတိုင်း စားပေးပါ။ သူတို့မှာ ပါဝင်တဲ့ ဓာတ်တိုး ဆန့်ကျင်ပစ္စည်းတွေက ဆဲလ်ပျက်စီးမှုကို ကာကွယ်နိုင်တာကြောင့်ပါ။ လေ့ကျင့်ခန်း အသင့်အတင့်ကို ပုံမှန်လုပ်ဖို့ကိုလည်း မမေ့သင့်ပါဘူး။

ဒေါက်တာခင်မိုးမိုး

Good Health