အဖေ
ပို့စ်တင်ချိန်
- 7/07/2014 09:43:00 AM
အဖေသည် သားသမီးတို့၏ ဥယျာဉ်မှူးဖြစ်သည်။
အဖေသည် သားသမီးတို့၏ စားဝတ်နေရေး၊ ပညာရေးအတွက် အမြဲတစေလှုပ်ရှားရုန်းကန်ရှာဖွေပေး နေရသူဖြစ်သည်။
အဖေသည် သားသမီးတို့၏မှီခိုရာ၊ ခိုကိုးရာ၊ အားထားရာ အရိပ်ကြီးတစ်ခုဖြစ်သည်။
အဖေသည် သားသမီးတို့ကို လမ်းမှန်ညွှန်ပြပေးနိုင်သော အလင်းရောင်ကို ပေးစွမ်းနိုင်သော နေမင်း ကြီးနှင့်တူသည်။
အဖေသည် သားသမီးတို့၏ရှေ့မှ မားမားမတ်မတ်ရပ်တည်ပြီး လုံခြုံမှုကိုအမြဲတစေပေးနေသူ ဖြစ် သည်။
အဖေသည်သားသမီးတို့၏ ရှေ့ဆောင်လမ်းပြ မီးရှူးတန်ဆောင်နှင့်တူသည်။
အဖေ၏ မေတ္တာ၊ စေတနာများသည် သားသမီးတို့အတွက် မရှိမဖြစ်အလိုအပ်ဆုံးအရာဖြစ်သည်။ အဖေသေလျှင် အဖေအစားမရနိုင်ဘဲ မိသားစုငြိမ်းချမ်းရေး ပျောက်ကွယ်သွားနိုင်သည်။
အဖေအသက်ရှိစဉ် အဖေ့ကျေးဇူးကို ဆပ်နိုင်ကြပါစေ။
ကျွန်တော်တို့ ဌာနအကြီးအကဲ၏ ရုံးခန်းမျက်နှာစာတွင် ထိုက်ထိုက်တန်တန်နေရာယူထားသော အဖေ့မေတ္တာဘွဲ့စာတန်း၊ အဖေ့ကျေးဇူးတရားကို တသသနှင့်ရှိနေသောပြယုဂ်။
ကိုယ်တိုင်ကိုယ်ကျ အဖေတစ်ယောက်ဖြစ်လာသောအခါ အဖေ့စကားမေတ္တာအနှိုင်းမဲ့ကို ပုံခိုင်းတိုင်း တာမရစကောင်းမှန်း သိလာခဲ့ရပါသည်။
အရေးပေါ်ကိုယ်ရေးကိုယ်တာ ကိစ္စတစ်ရပ်ကြောင့် ခရီးတစ်ခုသွားဖြစ်သည်။ တိုက်တိုက်ဆိုင်ဆိုင် ၁၀ တန်း ဖြေဆိုထားသော သားငယ်အောင်စာရင်းထွက်သည့်နေ့ဖြစ်နေလည်း ရှောင်လွှဲမရ။ ဇွန် ၆ ရက် ညနေ ၅ နာရီထွက်မည့် မန္တလေးအဆန် အမြန်ရထားပေါ်ရောက်နေခဲ့သည်။ တောင်ငူရောက်ချိန် ည ၁၂ နာရီ သားငယ်ထံမှ ဖုန်းခေါ်သံကိုစောင့်ရင်း ရင်တထိတ်ထိတ်နှင့် ရှိနေသည်။ အနီးဝန်းကျင်မှ ခရီး သွားများ တိတ်ဆိတ်ငြိမ်သက်မှေးစက်နေကြချိန် ကျွန်တော့်မှာ မျှော်လင့်ချက်ကြောင့်တစ်စက်မှ မှေး၍ မရ။ မကြာလိုက်ပါ။ သားငယ်ဆီမှ ဖုန်းဝင်လာသည်။ သိလိုက်ပြီ။ သားငယ်စာမေးပွဲအောင်ပြီ။ သားဂုဏ်ထူးလေးဘာသာပါတယ်အဖေ။ တိုရင်းလိုရှင်းနှင့် ဝမ်းသာအားရဖြင့်ပြောလာသော သားငယ် စကား။ နားစည်မှတစ်ဆင့် တစ်ကိုယ်လုံးသို့ တစ်မဟုတ်ချင်း ပျံ့နှံ့လျှပ်စီးသလို သိမ့်သိမ့်တုန်သွား သည်။ ဝမ်းသာခြင်းပီတိအဟုန်ကြောင့် တစ်ကိုယ်လုံးနွေးထွေးသွားသည်။ အိပ်၍မရနိုင်တော့ပါပြီ။ ကျွန်တော်မျက်နှာမှာ အပျော်ရိပ်လွှမ်းခြုံထားမှန်း ကိုယ်တိုင်မသိနိုင်လည်း ရထားတွဲစောင့်ကရိပ်မိ သည်။ ဆရာဘာပြုံးနေတာလဲတဲ့။ လတ်တလော မင်္ဂလာသတင်းစကား တွဲစောင့်အား အားပါးတရ ပြောရင်း ရင်ရှင်းလိုက်ရသည်။ ကြားရသူများအတွက် သုတိမင်္ဂလာသတင်းစကား။
ကျွန်တော့်ဘဝ ၁၀ တန်းအောင်ခဲ့စဉ် ငယ်စဉ်ကာလကိုပြေး၍ သတိရလိုက်မိပါသည်။ ထိုအချိန် အဖေ မရှိတော့ပြီ။ ထိုစဉ်က အောင်စာရင်းကို ရေဒီယိုက ကြေညာသည်။ သူငယ်ချင်းတစ်စု ရေဒီယိုနားဝိုင်း အုံနားစွင့်အပ်ကျသံကြားရလောက်သည်။ အောင်ပြီဟု သိလိုက်ချိန်သတိလက်လွတ်နှင့် တစ်မိုင်သာ သာဝေးသောအိမ်သို့ မည်သို့မည်ပုံရောက်သွားမှန်းမသိလိုက်။ အမေသားအောင်ပြီ။ ပြတင်းပေါက်မှ လှမ်းမျှော်နေလျက် မျှော်လင့်တကြီးရှိနေသော အမေအားခုနှစ်အိမ်ကြား အော်ဟစ်၍ စိတ်လွတ်လက် လွတ်လှမ်းပြောဖြစ်နေသည်။
အမေ့ကို သတိထားလိုက်မိချိန် မျက်ရည်တွေတွေကျကာ ရှိုက်သံနှင့် သားအဖကို သတိရလိုက်တာဟု ဝမ်းနည်းဝမ်းသာစကားဆိုလာသည်။ အဖေဆိုသောစကားကြောင့် ကျွန်တော်တွေသွားသည်။ အမေ နှင့်အပြိုင်မျက်ရည်ကျ ငိုခဲ့ရသည်။
အဖေဆုံးစဉ်တုန်းက မျက်ရည်မကျရုံမက ကျိတ်ပြီးပျော်နေခဲ့မိသော ကျွန်တော် ယခု ၁၀ တန်းအောင် မှအဖေ့ကိုသတိရပြီး မျက်ရည်ကျခဲ့ရသည်။ ဝမ်းနည်းပူဆွေးရသည့်အချိန်တွင် ပျော်နေခဲ့ပြီး ပျော်ရ မယ့်အချိန်မှာ အဖေ့ကိုသတိရတမ်းတငိုကြွေးပြီး ယူကျုံးမရဖြစ်နေခဲ့သော ကျွန်တော်လူမိုက်။
ခေတ်ပညာမတတ်ခဲ့သော ဘုန်းကြီးကျောင်းထွက် ကျွန်တော့်အဖေ။ တိုင်းရင်းသားဆေးဆရာဘဝနှင့် နေပူမိုးရွာမရှောင် ပင်ပန်းခဲ့ရသည်မှာ ခေတ်ပညာမတတ်ခဲ့၍ဟု တစ်ထစ်ချစွဲမြဲနေခဲ့သော ကျွန်တော့် အဖေ။ သားသမီးများကို မိမိလိုပင်ပင်ပန်းပန်းမရှိစေလို။ အရိပ်အောက်မှာ “ကလောင်” ကိုင်ရင်း အေးဆေးသက်သာ သိက္ခာရှိရှိနေနိုင်မည့် ခေတ်ပညာတတ်များဖြစ်စေရမည်ဆိုသော သန္နိဋ္ဌာန်ဖြင့် မြေတောင်မြှောက်ပေးခဲ့သော ကျွန်တော့်အဖေ။ ကျွန်တော် ၁၀ တန်းအောင်ချိန် အဖေမရှိ မသိနိုင် တော့ပါပြီ။
အဖေပုံသွန်းထုဆစ်ပေးမှုကို ခံယူခဲ့ရသော ကျွန်တော့်ဘဝ ငယ်ကာလသည် ကျွန်တော့်သားသမီးများ အပေါ်မည်သို့ကျင့်သုံးရမည်ဆိုသည့် သင်ခန်းစာကောင်းကိုရရှိစေခဲ့ပါသည်။ “အိုးဖုတ်သမားထုံး” နှလုံးမူကျင့်သုံးတတ်သော ဘုန်းကြီးကျောင်းထွက်ကျွန်တော့်အဖေ၊ ကျွန်တော်တို့ငယ်ဘဝကို ‘ကြိမ်’ ကိုင်လမ်းညွှန် လမ်းမှန်စေခဲ့သည်။ တစ်ခါတစ်ရံ အဖေ့ကြိမ်ဒဏ်မခံနိုင်တော့ လူငယ်ပီပီအမြင်မကြည် ပြစ်မှားခဲ့မိပါသည်။ အဖေဆုံးတော့ ကျွန်တော်လူပျိုဖော်ဝင်စအရွယ် ရှစ်တန်းကျောင်းသား။ နေရာ မရွေးအချိန်မရွေးသော အဖေ့အကြိမ်မှ လွတ်ပြီကျွတ်ပြီပျော်နေခဲ့ရသည်။
အဇာတသတ်မင်းသား သားလေးမွေးဖွားမှ ဖခင်စိတ်ကိုစာနာတတ်လာသလို ကျွန်တော့်ဘဝမှာလည်း ဤအတိုင်းပင်၊ အသိဝင်ချိန်နှောင်းခဲ့ပြီ။ အဖေ့မေတ္တာနှင့်အတူ အဖေ့ဆီမှသင်ခန်းစာကောင်းတစ်ခုကို ရရှိစေခဲ့ပါသည်။ အဖေနှင့် ကျွန်တော့်ဘဝငယ်ကာလကို ကျွန်တော့်သားသမီးတွေ မဖြစ်စေဖို့ အဖေ့သွန်သင်ဆုံးမမှုက နည်းပေးလမ်းညွှန်မှုပေးခဲ့သည်။ အဖေ့ကြိမ်ဒဏ် တစ်ခါတစ်ရံမခံနိုင်၍ အဖေ့အပေါ် ‘ဝစီကံ၊ မနောကံ’ ပြစ်မှားမိစေခဲ့သော ကျွန်တော့်လိုသားဆိုးကျိုး ကျွန်တော့်သားသမီး တွေကို အဖြစ်မခံနိုင်။ ဤသို့ဖြင့် အဖေ့လက်သုံးအိုးဖုတ်သမားထုံးကို မကျင့်သုံးဘဲ “စမ်းရေစီးအားနှင့် ခဲလုံးလေးများကို ချောမွတ်စေသည့် အနုနည်းကို” သုံးကာ ဆုံးမလမ်းညွှန်လမ်းကြောင်းမှန်ပေါ်တင် ပေးနိုင်ခဲ့သည်။ ဤသည်လည်း အနှိုင်းမဲ့အဖေ့မေတ္တာရိပ်အောက် ပေါက်ပွားလာခဲ့သော နည်းနာတစ်ခု ပင်ဖြစ်ပါသည်။
အဖေ့ကြောင့် ကျွန်တော်လမ်းကြောင်းမှန်ခဲ့သည်။ အဖေ့ကြောင့် အဖေ့မြေးတွေလည်း လမ်းကြောင်း မှန်ပေါ်လျှောက်လှမ်းနေကြပြီ။ အဖေသေဆုံးသွားပြီဆိုငြားလည်း အဖေ့မေတ္တာ၊ အဖေ့အရိပ်အာဝါသ အေးမြမြသည် နှလုံးသားမှာ အစဉ်ကိန်းအောင်းလျက် ထာဝရတည်နေရှင်သန်နေဦးမည်ဖြစ်ပါသည်။
“အဖေများနေ့သို့”
ကြေးမုံသတင်းစာ
ဇွန် (၁၇) ရက်၊ ၂၀၁၄ ခုနှစ်
