ဈေးချိုပြန်ဖွင့်သော်လည်း ဆိုင်ခန်းအချို့ ဖွင့်လှစ်ခြင်းမရှိ

ပို့စ်တင်ချိန် - 7/03/2014 01:29:00 PM

ဇူလိုင် ၂ ရက် နံနက်က မန္တလေးဈေးချိုတစ်ဝိုက် သွားလာနေကြသူများကို တွေ့ရစဉ် (ဓာတ်ပုံ − မောင်တာ)

 ကောလာဟလများ ထွက်ပေါ်ခဲ့သော မန္တလေး ဈေးချိုတော်သည် ဇူလိုင် ၂ ရက်တွင် ပုံမှန်ဖွင့်လှစ်ရောင်းချခဲ့ သော်လည်းဆိုင်ခန်းအချို့မှာ ဖွင့်လှစ် ခြင်းမရှိသေးကြောင်း သတင်းရရှိ သည်။

ဇွန်လ ၁ ရက်ညက မန္တလေး ဈေးချိုတော်ဝန်းကျင်တွင် လူစု လူဝေးများ ဖြစ်ပွားခဲ့ပြီးနောက် ဇွန်လ ၂ ရက် နံနက် ၈ နာရီဈေး ဖွင့်ပြီးမကြာမီ အဆင့်မြင့်ဈေးချို တော် (A)ရုံ၌ ဗုံးတွေ့ရှိသည်ဟု ကောလာဟလများ ထွက်ပေါ် ခဲ့သည်။ တာဝန်ရှိသူများ သွား ရောက်စစ်ဆေးရာတွင် ဗုံးမဟုတ် ဘဲ အမှိုက်များထည့်ထားသည့် အထုပ်တစ်ခုသာ ဖြစ်ကြောင်း အဆင့်မြင့်ဈေးချိုတော် ဈေး အကျိုးတော်ဆောင်အဖွဲ့ ဒုဥက္ကဋ္ဌ ဦးမြကျော်ဦးကပြောသည်။

ပြင်ပတွင် ဈေးချိုတော်ပိတ် သည်ဟု ကောလာဟလများ ထွက်ပေါ်ခဲ့သော်လည်း ပုံမှန် အတိုင်းဖွင့်လှစ်ရောင်းခဲ့ကြောင်း၊ သို့သော်အဆင့်မြင့်ဈေးချိုတော် တောင်ဘက်တိုက်တန်းနှင့်ဈေး ချိုမန်းမြန်မာပလာဇာရှိ မွတ်စလင်ဆိုင်အများစုမှာ ဖွင့်လှစ်ရောင်းချမှုမရှိကြောင်း ဈေးချိုတော်မှဆိုင်ရှင်အချို့ကပြောသည်။  လာ ရောက်ဖွင့်လှစ်ခဲ့သည့်ဆိုင်အချို့မှာလည်း ပုံမှန် ညနေ ၄ နာရီခန့်ထိ ဖွင့်လေ့ရှိသော်လည်း ယနေ့တွင် မွန်းလွဲ ၂နာရီဝန်းကျင်ကတည်းက ပိတ်သိမ်းစပြုနေသည်။

‘‘တချို့ဆိုင်တွေကတော့ ပိတ်ထားကြတယ်။ ဈေးချိုက တော့ လုံးဝမပိတ်ပါဘူး။ ပုံမှန် အတိုင်းပဲ ဖွင့်လှစ်ရောင်းချသွား မှာပါ။ ဈေးသူဈေးသားတွေက လည်း ဈေးပိတ်တာမလိုချင်ကြ ဘူး’’ ဟု ဒုဥက္ကဋ္ဌက ပြောကြားသည်။

ယခုရက်ပိုင်းအတွင်း မန္တ လေးဈေးချိုတော်တွင် ဝါဝင်ခါနီး ဖြစ်၍ အရောင်းအဝယ် ပါးနေ ကြောင်း ဆိုင်ရှင်အချို့က ပြော ကြားသည်။

‘‘ဝါဝင်ခါနီးလို့ ပါးရတဲ့အထဲ အခုလိုဖြစ်တော့ ပိုပါးသွားတာ ပေါ့။ နယ်ကလူတွေကျတော့ ဖြစ် တာထက်ပိုပြီး ကြီးတဲ့သတင်းတွေ ကိုကြားတတ်ကြတယ်။ ဒါကြောင့်ဈေးဝယ်လည်းမလာတော့ဘူး။ ဥပုသ်ထွက်လောက်မှပဲ ဈေးက ပြန်စည်နိုင်တော့မယ်’’ ဟု မန္တ လေး ဈေးချိုတော် မြေညီထပ်မှ ဆိုင်ခန်းရှင်အမျိုးသမီးတစ်ဦးက ပြောသည်။

ဈေးချိုတော် ဆိုင်ခန်းများ အပြင် ဈေးချိုတော်ဝန်းကျင်ရှိ မွတ်စလင် ဘာသာဝင်အချို့၏ အရောင်းဆိုင်များလည်း ပိတ် သိမ်းထားကြောင်း သတင်းရရှိ သည်။

7day daily