ဘာသာကူးပြောင်းခြင်းဆိုင်ရာဥပဒေလိုအပ်နေပြီလား
ပို့စ်တင်ချိန်
- 6/07/2014 10:54:00 AM
''မနေ့ကတင်ပဲ အမျိုးသမီးတစ်ယောက်လက်ထပ် ပေါင်းသင်းတာ ငါးလလောက်ကြာတော့မှ By force နဲ့ သူများဘာသာဝင်ဖြစ်သွားတဲ့သာဓကရှိနေပါတယ်။ စိတ် တောင်မချမ်းသာဘူး''ဟု သူမကဆိုသည်။
တကယ်တမ်း လူ့အခွင့်အရေးဆိုသည်လည်း မိမိ ဆန္ဒရှိရင် ဘယ်သူ့ကိုမှမထိခိုက်ရင် လုပ်ခွင့်ရှိသည်။ ဘာ သာလည်းကူးခွင့်ရှိသည်။ ပြောင်းခွင့်ရှိသည်မှန်သော် လည်း မိမိကမလုပ်ချင်ပါဘဲ ဖိအားပေးလို့ ကူးပြောင်း သည်ကတော့ ''နိုင့်ထက်စီးနင်းလုပ်တာနဲ့တူတယ်''ဟု ဒေါ် ခင်ဝိုင်းကြည်က ပြောသည်။
''ဆိုတော့ တကယ်လို့သာပြဋ္ဌာန်းနိုင်ရင်တော့ အဲဒီလိုပဋိပက္ခမျိုးတွေလျော့သွားပြီး မတရားဘာသာသွတ် သွင်းခံရတာတွေပျောက်သွားမယ်''ဟု သူမကယူဆသည်။
ပြီးခဲ့သည့် မေ ၂၉ ရက်က ထုတ်ပြန်သော အမေ ရိကန်အခြေစိုက်လူ့အခွင့်အရေးစောင့်ကြည့်ရေးအဖွဲ့၏ အဆိုအရတော့ ယခုကိုးကွယ်ဘာသာကူးပြောင်းခြင်းဆိုင် ရာဥပဒေကြမ်းသည် မြန်မာနိုင်ငံရှိ လူမျိုးစုများအကြား ဘာသာရေးပဋိပက္ခများဖြစ်ပွားစေနိုင်သည်ဟု ဆိုသည်။
ဘာသာရေးသည် နိုင်ငံရေးသဘော သက်ဝင်နေ သောကြောင့် အစိုးရသည် ဘာသာရေးကို ဝင်ရောက် စွက်ဖက်နိုင်ပြီး အမျိုးဘာသာ၊ လူမျိုးစုတင်းမာမှုများဖြစ် စေနိုင်သည်ဟု ¤င်းအဖွဲ့က ထုတ်ပြန်သည်။ ထို့ကြောင့် လည်း လူနည်းစုဘာသာဝင်များကို ဖိနှိပ်အကြမ်းဖက် ခြင်းကိုအားမပေးသော ဥပဒေတစ်ရပ်အဖြစ်လုပ်ဆောင် ပေးရန် မြန်မာနိုင်ငံကလွှတ်တော်အသိုင်းအဝိုင်းကို တိုက် တွန်းထားသည်။
''ဒီဥပဒေကိုသာ အတည်ပြုလိုက်မယ်ဆိုရင် တခြား သော မြန်မာနိုင်ငံအတွင်းမှာရှိတဲ့ ဘာသာတရားတွေကို အမြင့်ဆုံးစော်ကားတာနဲ့တူနေပါတယ်''ဟု ကချင်ငြိမ်း ချမ်းရေးကွန်ရက်မှ ဒေါ်ဂွန်ဂျာကဝေဖန်လိုက်သည်။ သူမ အနေဖြင့် အဆိုပါဥပဒေကိုပြဋ္ဌာန်းဖို့အတွက် ကမကထ ပြုလုပ်ဆောင်သည့်အဖွဲ့အစည်းများ၏ အခန်းကဏ္ဍကို ထည့်တွက်သည်။ သူတို့သည် ဗုဒ္ဓဘာသာတစ်ခုတည်း ကိုပဲကာကွယ်ဖို့လုပ်နေသည့်ပုံစံမျိုးဖြစ်နေသည်ဟု ဒေါ် ဂွန်ဂျာက ဆိုသည်။
''တခြားနိုင်ငံတွေမှာဆိုရင် သေးငယ်တဲ့ဘာသာတ ရားတွေ၊ လူမျိုးစုတွေကို မပျောက်ပျက်အောင် အကာ အကွယ်ပေးတဲ့ဥပဒေတွေပဲရှိပါတယ်။
အများဆုံးဖြစ်တဲ့ ဘာသာတရားကိုကိုးကွယ်ဖို့အတွက် သက်သက်ကြီး ဥပဒေ ထုတ်တာတော့မရှိဘူး။ မြန်မာနိုင်ငံမှာတော့ ပြောင်းပြန် ဖြစ်နေတယ်။''
ဘာသာကူးပြောင်းတာကိုပဲ မှတ်ပုံတင်ပေးပြီး စောင့် ကြည့်နေမှာလား၊ ကိုယ့်ဘာသာတရားကို တကယ်သက် ဝင်ယုံကြည်အောင်လုပ်မလားဟု ဒေါ်ဂွန်ဂျာက မေးခွန်း ထုတ်သည်။ ထိုဥပဒေကြောင့် နိုင်ငံတော်ကိုယ်တိုင်က နိုင်ငံသားတစ်ယောက်၏အခွင့်အရေးဖြစ်သော လွတ်လပ် စွာကိုးကွယ်ယုံကြည်ခွင့်ကို ဥပဒေတစ်ရပ်ထုတ်ပြီး ကန့် သတ်သလိုဖြစ်နေသည်ဟု သူမကယူဆသည်။
ကမ္ဘာ့ကုလသမဂ္ဂ၏ အပြည်ပြည်ဆိုင်ရာလူ့အခွင့် အရေးကြေညာစာတမ်း အပိုဒ်(၁၈)အရတော့ လူတိုင်း လွတ်လပ်စွာကိုးကွယ်ယုံကြည်ခွင့်ရှိပြီး ဆန္ဒရှိပါက အ ခြားဘာသာကို ကူးပြောင်းကိုးကွယ်နိုင်သည်ဟု ဆိုသည်။
ယခုထုတ်ပြန်လိုက်သော ကိုးကွယ်ရာဘာသာကူး ပြောင်းခြင်းဆိုင်ရာဥပဒေကြမ်းပါ ပြဋ္ဌာန်းချက်များသည် အပြည်ပြည်ဆိုင်ရာလူ့အခွင့်အရေးကြေညာစာတမ်းပါ အခွင့်အရေးများကိုတော့ ချိုးဖောက်သည့်အသုံးအနှုန်း မျိုးမတွေ့ရဟု မြန်မာနိုင်ငံလူ့အခွင့်အရေးပညာရေးဌာန ညွှန်ကြားရေးမှူးလည်းဖြစ်၊ အီကွဲလ်လတီမြန်မာမှ ဦးအောင်မျိုးမင်းက သုံးသပ်သည်။
သို့သော် ''ဗုဒ္ဓဘာသာဘက်ကို နည်းနည်းဇောင်း ပေးတဲ့သဘောမျိုး၊ သက်ရောက်မှုမျိုးတော့ရှိပါတယ်။ စာ အရမဟုတ်ပေမယ့် ရေးသားမှုအပိုင်းအရပေါ့''ဟု သူက ဆိုသည်။ ဥပမာ-အကြံပြုဖို့အတွက် ဖိတ်ခေါ်တဲ့နေရာမှာ ရဟန်းရှင်လူတွေပဲဖိတ်ခေါ်ပြီးတော့ တခြားဘာသာဝင် တွေကို ထည့်သွင်းစဉ်းစားထားပုံမရတာကို သတိထားမိ ပါတယ်။
လူ့အခွင့်အရေးကြေညာစာတမ်းသည် ဥပဒေတစ် ရပ်တော့မဟုတ်ပါ။ မိမိနိုင်ငံ၏ဓလေ့ထုံးတမ်းအစဉ်အ လာ၊ ယဉ်ကျေးမှုနှင့်မိမိတို့၏ အခြေအနေပေါ်မူတည်ပြီး လိုက်နာနိုင်သည်များကို ကျင့်သုံးရသည့်သဘောဟု မြန် မာနိုင်ငံလူ့အခွင့်အရေးကော်မရှင်အတွင်းရေးမှူး ဦးစစ် မြိုင်ကပြောဖူးသည်။ ''လူ့အခွင့်အရေးကိုအသုံးချတဲ့အခါ မှာ ကိုယ်ယုံကြည်တာကိုတင်ပြခွင့်ရှိသလို သူကလဲ သူ့ ဆန္ဒရှိတာကို တင်ပြခွင့်ရှိတယ်။ တစ်ဖက်နဲ့တစ်ဖက် ပဋိ ပက္ခမဖြစ်ဖို့တော့လိုတယ်''ဟု အမျိုးသားလွှတ်တော်ကိုယ် စားလှယ် ဒေါ်ခင်ဝိုင်းကြည်က ယုံကြည်သည်။
''လူ့အခွင့်အရေးနဲ့သာ ကိုင်ပေါက်နေရင် အစ္စလာမ် မှာရှိနေတဲ့ စည်းမျဉ်းစည်းကမ်းဥပဒေသတွေ၊ ခရစ်ယာန် မှာရှိတဲ့ စည်းမျဉ်းစည်းကမ်းဥပဒေသတွေ၊ ဟိန္ဒူမှာရှိနေ တဲ့ စည်းမျဉ်းစည်းကမ်းဥပဒေသတွေ အကုန်လုံးကိုလေ့ လာပြီးမှ မြန်မာနိုင်ငံကလုပ်သည့်ဥပဒေဟာ ဘာတွေဖြစ် တယ်ဆိုတာကိုချိန်ထိုးပြီး သိပ်မတရားဘူးဖြစ်နေရင်တော့ ကန့်ကွက်ပေါ့။ လက်ခံပါတယ်။ ရမ်းသန်းပြီးတော့ သံ သယနဲ့စိတ်က ကိုယ်ချစ်လို့၊ မုန်းလို့ ကန့်ကွက်တယ်ဆို တာတော့မကောင်းဘူး''ဟု ဒေါ်ခင်ဝိုင်းကြည်က ဥပဒေနှင့် ပတ်သက်ပြီး ဝေဖန်နေသူများကို အကြံပြုသည်။ ဥပဒေ တစ်ရပ်တွင်တော့ အားနည်းချက်၊ အားသာချက်များဆို သည်က ရှိစမြဲပဲဟု သူမကဆိုသည်။
ဥပဒေတစ်ခုပြဋ္ဌာန်းရာတွင် နံပါတ်တစ်-တစ်သီး ပုဂ္ဂလအခွင့်အရေး၊ နံပါတ်နှစ်-အစုအဖွဲ့အလိုက်အခွင့် အရေးနှင့် နံပါတ်သုံး-အမျိုးသားအကျိုးစီးပွားကိုထည့်သွင်းစဉ်းစားဖို့လိုသည်ဟု နိုင်ငံတကာဥပဒေပညာရှင် ဒေါက် တာ ဆလိုင်းငွန်ကျုံးလျန်က ပြောဆိုဖူးသည်။
''ဒီအချက်သုံးချက်ကို ထည့်စဉ်းစားရင် ဘာမှအ ငြင်းပွားစရာရှိမှာမဟုတ်ပါဘူး။ အဲဒီအချက်သုံးချက်နဲ့ ဥပ ဒေလုပ်တယ်ဆိုရင် နိုင်ငံတကာဘယ်စံတွေနဲ့ပဲတိုင်းတိုင်း ဒါဟာ မြန်မာ့စံပဲဖြစ်လိမ့်မယ်''ဟု ဒေါက်တာဆလိုင်းက ဆိုသည်။
ယခုအငြင်းပွားနေသော ကိုးကွယ်ရာဘာသာကူးပြောင်းခြင်းဆိုင်ရာဥပဒေကြမ်းအခန်း(၂) အရ ဘာသာ ကူးပြောင်းလိုသူသည် အသက် ၁၈ နှစ်ပြည့်ပြီးသူဖြစ်ရ မည်။ လွတ်လပ်သောမိမိ၏သဘောဆန္ဒအရ ကူးပြောင်း လိုခြင်းမျိုးဖြစ်ရမည်။ သက်ဆိုင်ရာမှတ်ပုံတင်ရုံးသို့ ဘာ သာကူးပြောင်းလိုခြင်းအကြောင်းအရင်းကို ဖော်ပြနိုင်ရ မည်ဟုဆိုသည်။
အခန်း(၃)အရဆိုလျှင် သွေးဆောင်ဖြားယောင်း ခြင်း၊ ခြိမ်းခြောက်ခြင်း၊ မလျော်သြဇာသုံးခြင်းနှင့် အနိုင် အထက်ပြုခြင်း သို့မဟုတ် ထိုသို့သဘောသက်ရောက်သော အပြောအဆို၊ အပြုအမူတို့ကိုခံရခြင်းမရှိဘဲ မိမိဆန္ဒအ လျောက်ကူးပြောင်းခြင်းဟုတ်၊ မဟုတ်ကို ဘာသာကူးပြောင်း လိုသူအား မှတ်ပုံတင်ရေးအဖွဲ့ကစစ်ဆေးမေးမြန်းရမည် ဖြစ်သည်။
ထိုသို့မေးမြန်းပြီးမှ ရက်ပေါင်း ၉ဝ ထက်မပိုသော ကာလသတ်မှတ်ပြီး ကိုးကွယ်လိုသော ဘာသာ၏အနှစ် သာရ၊ ထိမ်းမြားလက်ထပ်ခြင်း၊ ကွာရှင်းပြတ်စဲခြင်း၊ ပစ္စည်း ခွဲဝေခြင်းဆိုင်ရာဓလေ့ထုံးတမ်းများ၊ အမွေဆက်ခံခြင်း များကို လေ့လာခွင့်ရမည်ဖြစ်သည်။ လေ့လာသည့်သတ် မှတ်ရက် မလောက်ငလို့ တိုးမြှင့်တောင်းဆိုပါက နောက် ထပ်ရက်ပေါင်း ၁၈ဝ ထက်မပိုသောကာလတစ်ခုကို မှတ်ပုံ တင်အဖွဲ့က သတ်မှတ်ပေးနိုင်သည်။
ဗုဒ္ဓသားတော်၊ ရဟန်းတော်များကို ရဟန်းပြုခွင့်၊ ရဟန်းခံခွင့်ပြုထားသည့်အရွယ်မှာ အသက် ၂ဝ ဖြစ်သည်။ အသက် ၂ဝ ပြည့်ပြီးမှသာကြုံတွေ့ရမည့် ဘေးအန္တရာယ် နှင့် လောကဓံမျိုးကို ခံနိုင်ရည်ရှိမည်။ ''ဘုရားအလိုအ တိုင်း ၂ဝ လောက်ကိုထားရင်တော့ ပိုသင့်တော်မလားလို့စဉ်း စားမိတယ်။ ဒါပေမဲ့ နိုင်ငံတကာမှာက ၁၈ နှစ်ပြည့်ရင် မဲ ပေးပိုင်ခွင့်ရှိတယ်။ ဆုံးဖြတ်နိုင်တဲ့အနေအထားရှိတယ် ဆိုပြီး လက်ခံထားတော့ ဒါကိုမဆန့်ကျင်ချင်ပါဘူး။ ကလေး အရွယ်ဆိုတာကတော့ အသက် ၂ဝ လောက်မှ မရှိသေး ရင် ဆင်ခြင်တုံတရားနည်းသေးတယ်''ဟု ရွာမဆရာတော် ကြီးက မိန့်သည်။
ဘာသာကူးပြောင်းမှုကို မှတ်ပုံတင်သည့်အဖွဲ့ထဲတွင် ဘာသာရေးဆိုင်ရာကျွမ်းကျင်သည့်သူများကို ထည့်သွင်း ထားခြင်းမရှိတာကိုတော့ မြန်မာနိုင်ငံလူ့အခွင့်အရေးပညာ ပေးရေးဌာန ညွှန်ကြားရေးမှူးက သတိပြုမိသည်။ ဥပဒေ ကြမ်းအရ မှတ်ပုံတင်ပေးရေးအဖွဲ့တွင် မြို့နယ်သာသနာ ရေးမှူး၊ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနမှ ဦးစီးဌာနမှူး၊ မြို့နယ်အထွေထွေအုပ်ချုပ်ရေး ဦးစီးဌာနမှ ဒုတိယအုပ်ချုပ်ရေးမှူး၊ ¤င်းဌာနကရွေးချယ် ပေးသော မြို့မိမြို့ဖနှစ်ဦး(အုပ်ချုပ်ရေးမှူး)၊ မြို့နယ်အမျိုး သမီးရေးရာအဖွဲ့မှဥက္ကဋ္ဌ၊ မြို့နယ်ပညာရေးမှူးများ ပါဝင် သည်။
''သတိထားရမယ့်အချက်က ကျွန်တော်တို့ဆီမှာ သာ သနာရေးဝန်ကြီးဌာနမှာဆိုရင် ဗုဒ္ဓဘာသာအတွက်ပဲလုပ် ကိုင်ပေးနေတဲ့အဖွဲ့တစ်ခုလို မြင်တွေ့နေရလို့ပါ။ ဒါကြောင့် ဗုဒ္ဓဘာသာတစ်ခုတည်းကို မဟုတ်ဘဲနဲ့ တခြားဘာသာ အချင်းချင်းကူးပြောင်းချင်တယ်ဆိုရင်လဲ တခြားဘာသာ ရေးဆိုင်ရာကျွမ်းကျင်သူတွေပါဝင်မယ်ဆိုရင်တော့ ပိုကောင်း မှာ''ဟု ဦးအောင်မျိုးမင်းက ထောက်ပြသည်။
နိုင်ငံတော်အစိုးရ၏ ဝန်ကြီးဌာနတစ်ခုဖြစ်သော သာ သနာရေးဝန်ကြီးဌာနသည် ''လောလောဆယ်တော့ ဗုဒ္ဓ ဘာသာတစ်ခုတည်းရဲ့အကျိုးစီးပွားတစ်ခုတည်းကိုပဲ လုပ် ကိုင်နေတာ''ဟု ဒေါ်ဂွန်ဂျာက ဝေဖန်သည်။ ဘာသာတ ရားတစ်ခုနှင့်တစ်ခုအကြားတွင် ပိုပြီးငြိမ်းချမ်းသာယာအောင် လုပ်ရမည့်အစား လက်ရှိသူတို့၏ လုပ်နေကိုင်နေပုံများ သည် ဘာသာတရားတစ်ခုနဲ့တစ်ခုကိုပိုကွဲအောင်လုပ် နေသလိုပဲဟု ¤င်းကဆိုသည်။
''ဒါကြောင့် အစိုးရရဲ့ဘတ်ဂျက်ကိုထုတ်ပြီးတော့ လည်ပတ်တဲ့ဌာနမျိုးမဖြစ်သင့်တော့ဘူး''ဟု ဒေါ်ဂွန်ဂျာ က အကြုံပြုသည်။
နောက်တစ်ချက်ကတော့ အမျိုးသမီးရေးရာအဖွဲ့ တစ်ခုပါဝင်နေသည်ကလည်း ထူးခြားနေသည်။ ''ဘာသာ ပြောင်းတယ်ဆိုမှာတော့ အမျိုးသမီးလဲဖြစ်နိုင်တယ်။ အမျိုးသားလဲဖြစ်နိုင်ပါတယ်။ ဒါပါနေခြင်းထက် တခြား ဘာသာရေးဆိုင်ရာ နှံ့စပ်ကျွမ်းကျင်တဲ့သူပါတာက ပိုသင့် တော်ပါလိမ့်မယ်''ဟု ဦးအောင်မျိုးမင်းက ဆိုသည်။
ဥပဒေသမားတစ်ဦးအတွက်တော့ အဆိုပါဥပဒေ၏ ပုဒ်မ-၉ ပါ ''လိုအပ်သလိုဆောင်ရွက်ပြီး သက်သေခံလက် မှတ်ထုတ်ပေးနိုင်သည်''ဆိုသည့်စကားလုံးကို သိပ်ဘဝင် မကျလှ လူ့အခွင့်အရေးချိုးဖောက်မှုတစ်စုံ တစ်ရာဆီသို့ ဦးတည်သွားစေနိုင်သည်ဟု တရားလွှတ်တော်ရှေ့နေ ဦး ဌေးဦး (စိန်ဂျွန်း)က ထောက်ပြသည်။
''လွယ်လွယ်ရေးထားတာ။ ဒါဟာ လာဘ်ပေးလာဘ် ယူမှုကိုခွင့်ပြုထားသလိုပဲ။ ဒါဆိုရင် ငွေမပေးနိုင်တဲ့၊ အား နည်းတဲ့သူတွေကခံသွားရမှာပဲ၊ အဲဒီလိုပိုက်ဆံရှိတဲ့သူတွေ နဲ့အာဏာရှိတဲ့သူတွေနဲ့ပေါင်းပြီးလုပ်တာကိုသာ ဆင်းရဲ တဲ့သူကခံလိုက်ရမယ်ဆိုရင် ဒါဟာ လူ့အခွင့်အရေးကို အကြီးကျယ်ချိုးဖောက်တာပဲ''ဟု ဆိုသည်။
မည်သို့ဆိုစေ တိုင်းပြည်နှင့်လူမျိုး၊ ဘာသာနှင့်သာ သနာအပေါ်တွင်မူတည်ပြီးကြည့်လျှင် အဆိုပါဥပဒေမျိုး မဖြစ်မနေလိုအပ်နေသည်ဟု ရွာမဆရာတော်ကြီးက မိန့် ကြားသည်။
''အခုချိန်မှာကိုလိုအပ်နေပြီ။ ဒါထက်နှောင်းသွား ရင် မလွယ်တော့ဘူး။ တကယ့်ကိုတာဝန်ရှိတဲ့ ကိုယ်တွေရဲ့ ဗုဒ္ဓဘာသာဝင်လွှတ်တော် ကိုယ်စားလှယ်တွေရှိနေတုန်း လုပ်လိုက်တာဟာ အကောင်းဆုံးပဲ။ အခုအချိန်က အချိန် ကောင်းပါ။ နောက်တစ်ချိန်တော့ ဒီလိုအခြေအနေမျိုးပြန် ရောက်ဖို့မလွယ်တော့ဘူး''။
အဘယ်ကြောင့်ဆိုသော် အိမ်နီးချင်း ထိုင်းနိုင်ငံတောင် ပိုင်းကိုကြည့်မလား၊ ကိုယ့်နိုင်ငံက ရခိုင်ပြည်နယ်အနောက် ဖျားပိုင်းက ဘူးသီးတောင်၊ မောင်တောကို ကြည့်မလား၊ ဗုဒ္ဒဘာသာလုံးဝဆုံးရှုံးသွားရပြီဖြစ်သော အင်ဒိုနီးရှား၊ မလေး ရှား၊ ဘင်္ဂလားဒေ့ရ်ှတို့ကို ကြည့်မလားဟု ဆရာတော်က မေးခွန်းထုတ်သည်။
''အရင်တုန်းက ဗုဒ္ဓဘာသာနိုင်ငံတွေပါ။ ဒါကိုကြည့် ရင် ဒီအတိုင်းလွှတ်ထားပေးခြင်းအားဖြင့် ကြာလေပိုဆိုး လေဖြစ်သွားလိမ့်မယ်။ ကန့်ကွက်တဲ့သူတွေအနေနဲ့လဲ ကိုယ်တိုင်းပြည်နဲ့လူမျိုး၊ ကိုယ့်ဘာသာကိုသာ စောင့်ရှောက် စေချင်တယ်''ဟု ဆရာတော်က မိန့်ကြားသည်။
ကိုးကွယ်ရာဘာသာကူးပြောင်းခြင်းဆိုင်ရာဥပဒေကြမ်းကို ဥပဒေတစ်ရပ်အနေဖြင့် ဖြစ်ချိန်မတန်သေးဘူး ဟု လက်ခံနားလည်ထားသည့် တရားလွှတ်တော်ရှေ့နေ ဦးဌေးဦး(စိန်ဂျွန်း)ကတော့ ယခုလိုပဲ တုံးတိတိ အကြံပြု ပါသည်။
''လုပ်မယ်ဆိုရင်လဲ ထိထိရောက်ရောက်လုပ်ဖို့လို တယ်။ ထိထိရောက်ရောက်လုပ်နိုင်တဲ့ခေတ်မျိုးကိုလဲ စောင့် ဖို့လိုတယ်။ ဒီအချိန်မှာတော့ ဒီဥပဒေပြဋ္ဌာန်းဖို့ မလိုသေး ပါဘူး''။ ။
Yangon Media Group
