တောင်ကိုရီးယား ခရစ်ယာန် သာသနာပြု တစ်ဦးအား သူလျှိုမှုဖြင့် မြောက်ကိုရီးယားက အလုပ်ကြမ်းနှင့် ထောင်ဒဏ် တစ်သက်ချမှတ်
ပို့စ်တင်ချိန်
- 6/02/2014 10:43:00 AM
တောင်ကိုရီးယား နိုင်ငံသား ခရစ်ယာန်သာသနာပြု တစ်ဦးအား သူလျှို လုပ်မှုဖြင့်
အလုပ်ကြမ်းနှင့် ထောင်ဒဏ် တစ်သက်ကျခံရန် ပြစ်ဒဏ် ချမှတ် ခဲ့ကြောင်း မြောက်
ကိုရီးယား နိုင်ငံပိုင် မီဒီယာက စနေနေ့တွင် ထုတ်ပြန်ခဲ့သည်။
တောင်ကိုရီးယားတွင် ကင်မ်ဂျွန် -၀ူးဟု ခေါ်ဆိုပြီး မြောက်ကိုရီးယား နိုင်ငံပိုင် KCNA သတင်းဌာနက ကင်မ်ဂျွန်အက်ခ်ဟု ခေါ်ဆိုခဲ့သည့် ခရစ် ယာန် သာသနာပြုအား သေဒဏ် ချမှတ်ပေးရန် မြောက်ကိုရီးယား အမှုစစ် အရာရှိများက တရားရုံးသို့ တိုက်တွန်း ပြောဆိုခဲ့သည်။ သို့သော် ကင်မ်သည် မြောက်ကိုရီးယား နိုင်ငံပြိုကွဲအောင် လုပ်ဆောင်မှု၊ သူလျှိုလုပ်မှု၊ နိုင်ငံအစိုးရ ဆန့်ကျင်ရေး ၀ါဒဖြန့်မှုများ လုပ်ဆောင်မှုနှင့် မြောက်ကိုရီးယား နိုင်ငံတွင်း တရားမ၀င် ၀င်ရောက်မှုများ ကျူးလွန်မိ ခဲ့ကြောင်း ၀န်ခံခဲ့သည့် အတွက် သေဒဏ်မှ အလုပ်ကြမ်းနှင့် ထောင်ဒဏ်သို့ ပြောင်းလဲ ကျခံခဲ့ရခြင်း ဖြစ်သည်။
တောင်ကိုရီးယားနိုင်ငံသား ခရစ်ယာန် သာသနာပြုသည် မြောက်ကိုရီးယား နိုင်ငံတွင်း ဘာသာရေးနှင့် ဆန့်ကျင်သော ပြစ်မှုများကျူးလွန်ခဲ့ပြီး မြောက်ကိုရီးယားနိုင်ငံ၏ မဟာ ခေါင်းဆောင်ကြီးအား ပြည်ပတွင်နာမည် ဖျက်ရန် ကြိုးပမ်းခဲ့ကာ မြောက်ကိုရီးယား နိုင်ငံတွင်း တရားမ၀င် ၀င်ရောက်ပြီး အစိုးရ ဆန့်ကျင်ရေး ၀ါဒဖြန့်ချိမှုများ ပြုလုပ်ခဲ့ကြောင်း KCNA က ပြောဆိုခဲ့သည်။
မြောက်ကိုရီးယား ဖွဲ့စည်းပုံ အခြေခံဥပဒေတွင် ဘာသာရေးအရ လွတ်လပ်စွာ ကိုးကွယ်ခွင့်ကို အသိအမှတ်ပြု ထားသော်လည်း လက်တွေ့ တွင်မူ လွတ်လပ်စွာ ကိုးကွယ်ယုံကြည်ခွင့်မရှိဘဲ အစိုးရ နှင့် ပတ်သက်သော အဖွဲ့အစည်းများသည်သာ ဘာသာရေး အရ လှုပ်ရှားလုပ်ဆောင်မှု ရှိနေ သည်။
မြောက်ကိုရီးယား အစိုးရသည် နိုင်ငံခြားသား သာသနာပြု ပုဂ်္ဂိုလ်များအား နိုင်ငံတွင်း မတည်ငြိမ်မှုများ ဖြစ်ပေါ်အောင် လုပ်ဆောင်ရန် ရည်ရွယ်ရှိ သူများအဖြစ် သတ်မှတ်ထားသည်။ တောင်ကိုရီးယား၏ ကိုရီးယားနှစ်နိုင်ငံ ပြန်လည် ပေါင်းစည်းရေး ၀န်ကြီးဌာန သည် ကင်မ်အား ချက် ချင်းပြန် လွှတ်ပေးရန် ဖေဖော်ဝါရီတွင် စောတစ်စောင်ပေးပို့ပြီး တောင်းဆိုခဲ့သော်လည်း မြောက်ကိုရီးယားက လွှတ်ပေးမည်မဟုတ်ကြောင်း တုံ့ပြန်ပြော ဆိုခဲ့သည်။
Source:AFP
The Messenger News Daily
