ကျောက်တံခါးမြို့၌ ၂၂ ဘီးတွဲ ယာဉ်နှစ်စီး မီးလောင်မှု ဖြစ်ပွား
ပို့စ်တင်ချိန်
- 6/22/2014 02:51:00 PM
ကျောက်တံခါးမြို့နယ် ရင်းတိုက်ကုန်းကျေးရွာအုပ်စု ကျွန်းကုန်း ကျေးရွာအနီး ရန်ကုန်-မန္တလေးကား လမ်းဟောင်း မိုင်တိုင်အမှတ် (၁၁၉/၁)နှင့် (၁၁၉/၂)အကြားတွင် ဇွန် ၂၁ ရက် နံနက် ၂ နာရီခန့်တွင် ရန်ကုန်ဘက်မှ မန္တလေးဘက်သို့ ယာဉ်မောင်း (စုံစမ်းဆဲ) ယာဉ်အမှတ် ၂ခ/..... ၂၂ ဘီးတွဲယာဉ်သည် သံချောင်းများတင်ဆောင်၍ မောင်းနှင်နေစဉ် ၎င်း၏ယာဉ်နောက်မှ (ယာဉ်မောင်း စုံစမ်းဆဲ)၂၂ ဘီးတွဲယာဉ်က စားအုန်းဆီများတင်ဆောင်၍ မောင်းနှင်လာပြီး နောက်မှဝင်တိုက်မိ၍ ယာဉ်နှစ်စီးလုံး ယင်းနေရာတွင် မီးလောင်ကျွမ်း ပျက်စီးဆုံးရှုံးခဲ့ကြောင်းသိရသည်။
အခင်းဖြစ်နေရာသို့ ကျောက်တံခါးမြို့နယ် ရဲတပ်ဖွဲ့မှူး ရဲမှူးဝင်းညွန့်နှင့် ရဲတပ်ဖွဲ့ဝင်များ၊ ဌာနဆိုင်ရာ တာဝန်ရှိသူများ၊ ရင်းတိုက်ကုန်းကျေးရွာအုပ်စု အုပ်ချုပ်ရေးမှူးတို့ ရောက်ရှိကြပြီး မီးငြှိမ်းသတ်နိုင်ရေးအတွက် ကျောက်တံခါး၊ ဖဒို၊ ပဲနွယ်ကုန်း၊ တောကျွဲအင်းမြို့မှ မီးသတ်ယာဉ်များလာရောက် မီးငြှိမ်းသတ်ခဲ့ရာ နံနက် ၃ နာရီခွဲတွင် မီးညွန့်ကျိုး၍ နံနက် ၄ နာရီခွဲတွင် မီးလုံးဝငြိမ်းခဲ့ပြီး ယာဉ်များ နံနက် ၆ နာရီတွင် ပုံမှန်ပြေးဆွဲ သွားလာနိုင်ကြောင်း သိရသည်။
MOI Webportal Myanmar
