၎ တန်းနှင့် ၈ တန်း အစိုးရစစ် ပြန်စစ်မည်
ပို့စ်တင်ချိန်
- 6/04/2014 08:09:00 PM
 |
| ဓာတ်ပုံ - Phoezaw Dawei |
အခု ပညာသင်နှစ်ကစပြီး ၄ တန်းနဲ့ ၈ တန်း စာမေးပွဲကို အစိုးရစစ်ပုံစံ ပြောင်းစစ်တော့မယ်လို့ ပညာရေးစီမံကိန်းနဲ့လေ့ကျင့်ရေးဦးစီးဌာနက ညွှန်ကြားရေးမှူး ဦးစန်းလွင်က ပြောပါတယ်။
အရင် စာသင်နှစ်တွေမှာ သူငယ်တန်းကနေ န၀မတန်းအထိ စာမေးပွဲတွေကို ကျောင်းစစ်ပုံစံ စစ်ဆေးပြီး ဆယ်တန်း တတန်းတည်းကိုပဲ အစိုးရစစ် စစ်ဆေးနေရာက အခုပညာသင်နှစ်ကစပြီး ၄ တန်းနဲ့ ၈ တန်းကို ပြောင်းစစ်မှာဖြစ်တဲ့အကြောင်း ဦးစန်းလွင်က ပြောပါတယ်။
“၄ တန်းက မြို့နယ်စစ်သဘောပေါ့၊ ၈ တန်းက တိုင်းစစ်သဘောပေါ့။ ငယ်ငယ်တုန်းကလိုလေ။ အရည်အချင်း ပြန်ထိန်းချုပ်တဲ့ သဘောပါ။ မြို့နယ်စစ်ကတော့ မြို့နယ်အဆင့်ကနေ မေးခွန်း ထုတ်မှာပေါ့။ ၈ တန်းက တိုင်းအဆင့် တိုင်းကနေ မေးခွန်းထုတ်မှာပါ။”
မြန်မာ့ဆိုရှယ်လစ်လမ်းစဉ် ပါတီခေတ်က ၄ တန်းနဲ့ ၈ တန်း စာမေးပွဲတွေကို အစိုးရစစ်ပုံစံ စစ်ဆေးခဲ့ဖူးပြီး အဲ့ဒီနောက် န၀တ၊ နအဖ လက်ထက်မှာ ဖျက်သိမ်းခဲ့တာ ဖြစ်ပါတယ်။
အမျိုးသားဒီမိုကရေစီအဖွဲ့ချုပ် ပညာရေးကွန်ရက်က ဒေါက်တာသိန်းလွင်က စာမေးပွဲစနစ်ကိုပဲ ပြန်ဦးတည်သွားတဲ့အတွက် ပညာရေးပြုပြင်ပြောင်းလဲတာ မဟုတ်ဘူးလို့ ပြောပါတယ်။
“အဲဒီ စစ်နည်းက ပညာရေးမှာ မပြောင်းလဲဘူးဆိုတဲ့ အဓိပ္ပာယ်ထွက်တယ်။ အခု မြန်မာပြည် ကျောင်းတွေမှာ စစ်တဲ့နည်းက စစ်ဆေးနည်း အဟောင်း၊ အဆုံးသတ်မှာ စစ်ပြီးတော့ အမှတ်နဲ့ ခွဲတဲ့ စနစ်၊ စာကို ဘယ်လောက်မှတ်မိလဲဆိုတာ အလွတ်ကျက်ပြီး အလွတ်ဖြေရတဲ့ စနစ်။ အဲဒီ နည်းစနစ်ကြောင့် ကျနော်တို့ နိုင်ငံရဲ့ ပညာရေးဟာ ကျဆင်းလာတာလေ။ ကျူရှင်တွေ ဖြစ်လာတာလည်း အဲဒီ စာမေးပွဲစနစ်ကြောင့်။ အခုက အဲဒါကို မပြင်ဘဲနဲ့ ၄ တန်းနဲ့ ၈ တန်းမှာ စစ်ဦးမယ်ဆိုတော့ ဒါက စာမေးပွဲစနစ်ကိုပဲ ပြန်ဦးတည်သွားတဲ့အတွက် ဒါက ပညာရေး ပြုပြင်ပြောင်းလဲမှု မဟုတ်ဘူး။ နဂို အဟောင်းအတိုင်း သွားတာပဲ။ ကျနော်တို့ အကြံပေးထားတာ စစ်ဆေးတဲ့ နည်းစနစ်ကို ပြင်လိုက်ဖို့ပေါ့။ စစ်ဆေးတဲ့ နည်းစနစ်က အလွတ်ကျက် အလွတ်ဖြေတဲ့ နည်းမျိုးမဟုတ်ဘဲနဲ့ ကျောင်းသားတွေရဲ့ စာသင်ယူမှုကို အားပေးတဲ့ နည်းစနစ်ကို ပြောင်းလိုက်ဖို့ အစိုးရဘက်က အဲဒါကို မလုပ်ပဲနဲ့ အရင်အတိုင်းပဲ စာကို အလွတ်ကျက်ခိုင်းပြီးတော့ အလွတ်ဖြေတဲ့ စနစ်ကို ပြန်သုံးနေတော့ ဒါဟာ ပညာရေးပြုပြင်ပြောင်းလဲမှု မဟုတ်ဘူး။”
ဦးသိန်းစိန်အစိုးရလက်ထက်မှာ ပညာရေးပြုပြင်ပြောင်းလဲမယ်ဆိုပြီး တက္ကသိုလ် စာသင်နှစ်တွေ တိုးချဲ့ဖို့ အခြေခံပညာစာသင်နှစ်တွေ တိုးချဲ့ဖို့ လုပ်ဆောင်လာနေပြီး အခု ပထမဆုံးတော့ အစိုးရစစ်စာမေးပွဲတွေ ပြန်လုပ်ဖို့ စီစဉ်လာတာ ဖြစ်ပါတယ်။
DVB Burmese
