နံရံပေါ်က အခေါင်းပေါက်

ပို့စ်တင်ချိန် - 6/07/2014 01:36:00 PM

အသက်၉နှစ်အရွယ် ကောင်လေးနှစ်ယောက် အလင်းပြန်နေတဲ့ဖန်သားပြင်တစ်ခုပေါ် မျက်နှာကပ်ပြီးကြည့်နေကြတယ်။

“ဒါ ဘာလဲ… ရုပ်မြင်သံကြားလား” တစ်ယောက်ကမေးတယ်။

“ဟိုခလုတ်လေးတွေကို နှိပ်ကြည့်ကြရအောင်” နောက်တစ်ယောက်က ကီးဘုတ်ကိုလက်ညိုးထိုးပြီးပြောတယ်။

ခလုတ်အားလုံးကို သူတို့လျှောက်နှိပ်ကြည့်လိုက်တယ်။ ဖန်သားပြင် ဘာမှ ပြောင်းမသွားဘူး။ အဲဒီမှာ ချက်ချင်းပဲ အယောက်၂ဝလောက်ရှိတဲ့ အသက် ၆နှစ်မှ ၁၄နှစ်အရွယ်ကလေးတွေ ရွာရဲ့အိမ်ကျိုအိမ်ကြားကနေ ပြေးထွက်လာကြတယ်။ အလင်းပြန်နေတဲ့ “မိုးပေါ်ကကျလာတဲ့ပစ္စည်း”ကို ဘာများဖြစ်မလဲဆိုတဲ့သိလိုစိတ်နဲ့ ဝိုင်းအုံလာကြတယ်။

တကယ်တော့ ဒါဟာ အင်တာနက်တက်လို့ရတဲ့ ကွန်ပျူတာတစ်လုံးပါ။ မနေ့က မြို့ပေါ်ကလူတွေရောက်လာပြီး ရွာလယ်မှာ အုတ်အိမ်လေးတစ်လုံးဆောက်ပြီး ကွန်ပျူတာကို တပ်ဆင်လိုက်တာဖြစ်တယ်။ ကွန်ပျူတာဖန်သားပြင်ကို ပြတင်းပေါက်အပြင်ဖက်ထုတ်ထားလိုက်ပါတယ်။ လာတပ်ဆင်ပေးတဲ့လူတွေက ကလေးတွေကို ဒီစက်ပစ္စည်းအသစ် မင်းတို့ကစားဖို့လို့ပဲ ပြောခဲ့တယ်။

ကလေးတွေက သူတစ်မျိုး ငါတစ်မျိုးနဲ့ အကြံထုတ်ပြီး စက်အသစ်ကိုနှိပ်ကြည့်ကြတယ်။ စက်က ဘာမှပြောင်းလဲမသွားဘူး။ ၅မိနစ်လောက်နေတော့ ကလေးတစ်ယောက်က ခလုတ်တချို့ကိုနှိပ်လိုက်ရင် ဖန်သားပြင်ပေါ်မှာ မြားသဏ္ဍာန်လေးကို ရွေ့လို့ရတယ်ဆိုတာကို သိသွားတယ်။ တကယ်လို့ အလယ်ကခလုတ်ကြီးကို နှိပ်လိုက်ရင် ပုံအသစ်ထွက်လာတတ်တယ်ဆိုတာကို သိသွားတယ်။ ဟိုစမ်းဒီစမ်းနဲ့ တအောင့်နေတော့ ပုံတစ်ခုခုကိုသူနှိပ်လိုက်မိပြီး အင်တာနက်ချိတ်သွားတော့တယ်။ နာရီအနည်းငယ်အကြာမှာ သူနဲ့ တခြားကလေးတွေဟာ ဂိမ်းတွေဆော့ကစားနေပါပြီ။ ဒါဟာ သူတို့အတွက် ပထမဆုံးအကြိမ် ကွန်ပျူတာနဲ့ထိတွေ့တာဆိုပေမယ့် သိပ်မကြာပါဘူး… ဒစ္စနီရဲ့ဝက်ဆိုက်ထဲ သူတို့အောင်မြင်စွာ ဝင်ရောက်နိုင်ခဲ့ပါတယ်။

လွန်ခဲ့တဲ့၁ဝနှစ်က ဒီလိုမြင်ကွင်းမျိုးကို အိန္ဒိယနိုင်ငံ အနှံ့အပြားမှာ အကြိမ် ၆ဝဝထက်မနည်း ဖြစ်ပျက်ခဲ့ပါတယ်။ တက္ကသိုလ်ပါမောက္ခ Sugata Mitraက ဒီစိတ်ကူးကိုစတင်ခဲ့တာဖြစ်ပြီး ဒါကို “နံရံပေါ်က အခေါင်းပေါက်”လို့ အမည်ပေးခဲ့ပါတယ်။ ဒီစိတ်ကူးက ဆင်းရဲသားကလေး ထောင်ပေါင်းများစွာကို ကွန်ပျူတာနဲ့ထိတွေ့စေတဲ့ အခွင့်အရေးပဲဖြစ်ပါတယ်။ ကွန်ပျူတာပါတဲ့ ဒီအုတ်အိမ်ငယ်လေးတွေဟာ ဟိမဝန္တာတောင်တန်းဒေသကနေ Mumbaiမြို့လယ်က အများပြည်သူနဲ့ဆိုင်တဲ့နေရာအထိ ပျံ့နှံ့ခဲ့ပါတယ်။ သတိထားမိခဲ့ရင်ဖြစ် လူကြီးတွေကြားဝင်စွက်ဖက်တာမျိုးမရှိဘဲနဲ့ ဒီကလေးတွေဟာ သူတို့ဘာသာသူတို့ ကွန်ပျူတာကိုသုံးပြီး အင်္ဂလိပ်စာနဲ့သချာင်္ကို လေ့လာနေကြတာကို တွေ့မြင်ရမှာဖြစ်ပါတယ်။ ကလေးတချို့က သူတို့ရဲ့သင်ယူလေ့လာခြင်းကို အဲဒီနေရာမှာပဲ အုတ်မြစ်ချခဲ့ပြီး နောက်ပိုင်းမှာ နိုင်ငံရေးသိပ္ပံ၊ ရူပဗေဒ၊ ဇီဝဗေဒ.. စတဲ့တက္ကသိုလ်ကျောင်းသားတွေ ဖြစ်လာခဲ့ပြီး သူတို့ရဲ့လက်ရှိကံကြမ္မာကို တွန်းလှန်နိုင်ခဲ့ကြပါတယ်။

ကလေးတွေက ကွန်ပျူတာပါရမီရှင်တွေပါ

“၁၉၈၅ခုနှစ်က နယူးဒေလီမှာ ကျွန်တော်ကွန်ပျူတာပရိုကရမ်မင်း ဆရာလုပ်ခဲ့ပါတယ်။ စတာလင်ပေါင် ၅ဝဝတန် ကွန်ပျူတာတစ်လုံးကို ကျွန်တော်ဝယ်ခဲ့ပါတယ်။ အသက် ၄နှစ်အရွယ်ရှိတဲ့ ကျွန်တော့်သားလေးက အဲဒီကွန်ပျူတာကို ဆော့ကစားချင်ခဲ့တယ်။ ကျွန်တော်ကသူ့ကို ဒီကွန်ပျူတာကိုကစားဖို့ လုံးဝစိတ်မကူးနဲ့လို့ ပြောလိုက်တယ်။ ဒါပေမယ့် သူက ကျွန်တော်သုံးနေတာကိုပဲ ဆက်ရပ်ကြည့်နေခဲ့တယ်”။ အသက် ၅၇နှစ်ရှိပြီဖြစ်တဲ့ Mitra က ရယ်ရင်း နွေးထွေးတဲ့အသံနဲ့ သူ့အတိတ်ဇာတ်ကြောင်းကို လှန်ပြနေခဲ့ပါတယ်။

“ရက်အနည်းငယ်အကြာမှာ ကွန်ပျူတာထဲက ဖိုင်တစ်ခုကို ကျွန်တော်ရှာမတွေ့ခဲ့ဘူး။ commandထဲမှာ dir/w/p လို့ရိုက်ထည့်ကြည့်ပါလား လို့ ကျွန်တော့်သားက ကျွန်တော်ကိုသင်ပြပါတယ်။ သူပြောတဲ့အတိုင်း ကျွန်တော်လုပ်ကြည့်လိုက်တာ ကျွန်တော့်ဖိုင်ကို ချက်ချင်းရှာတွေ့ခဲ့ပါတယ်။ အချိန်တိုတို တစ်လအတွင်းမှာပဲ ကျွန်တော့်သားရဲ့ ကွန်ပျူတာအတတ်က ကျွန်တော့်ကိုကျော်သွားခဲ့ပါတယ်။ လောကမှာရှိတဲ့ မိဘတွေအတိုင်းပဲ ကျွန်တော်နဲ့ကျွန်တော့်ဇနီးက ကျွန်တော်တို့ရဲ့သားကို ပင်ကိုစွမ်းရည်ရှိသူ ပါရမီထူးသူလို့ ထင်ခဲ့ကြတယ်။ ဒါပေမယ့် ကျွန်တော့်မိတ်ဆွေနဲ့ ဒီအကြောင်းဆွေးနွေးဖြစ်ကြတော့ သူတို့ရဲ့ကလေးကလည်း ကွန်ပျူတာပါရမီရှိတဲ့သူလို့ သိခဲ့ရပါတယ်”

၁၁နှစ်အကြာမှာ Mitra ဟာ NIITအိုင်တီကုမ္ပဏီရဲ့ အဓိက သိပ္ပံပညာရှင်ဖြစ်လာခဲ့တယ်။ နယူးဒေလီမှာရှိတဲ့ NIITအဆောက်အဦးကြီးဟာ ဆင်းရဲသားရပ်ကွက်နဲ့ ဘေးချင်းကပ်လျှက်ပါ။ ဆင်းရဲသားရပ်ကွက်မှာ ဝက်တွေက အမှိုက်ပုံမှာ ဟိုထိုးဒီဆွနဲ့ အစာရှာကြတယ်။ အဲဒီအမှိုက်ပုံမှာပဲ ရပ်ကွက်သားတွေက အပေါ့အလေးစွန့်ကြတယ်။ အဲဒီနေရာဟာ ဆင်းရဲသားကလေးတွေရဲ့ ဘောလုံးကစားရာနေရာလည်း ဖြစ်ပါတယ်။

NIIT အဆောက်အဦးရဲ့ အပြင်နံရံပေါ်မှာ အပေါက်အကြီးအငယ်တွေ ပွထနေပါတယ်။ Mitraက စူးစမ်းလိုစိတ်နဲ့ အပေါက်ကြီးတစ်ပေါက်မှာ ကွန်ပျူတာတစ်လုံး ထိုးထည့်လိုက်တယ်။ အဲဒီအပေါက်က ကွန်ပျူတာနဲ့ ကွက်တိပါပဲ။ မြေပြင်အမြင့် တစ်မီတာမပြည့်ပါဘူး။ ကလေးတွေရဲ့အရပ်နဲ့မီတာမို့ သူတို့အလွယ်တကူ ထိတွေ့နိုင်ခဲ့ပါတယ်။

နောက်တစ်နေ့မှာ လုပ်ဖော်ကိုင်ဖက်တစ်ဦးက Mitra ကို “အပြင်မှာ ဟိုကလေးတွေ အင်တာနက်သုံးနေတယ်”လို့ ဆိုပါတယ်။

“သူတို့ကို ဘယ်လိုလုပ်ရမယ်လို့ မင်းသင်လိုက်သေးလား”

“ဘယ်လူကြီးမှ သူတို့အနားမကပ်ခဲ့ပါဘူး”

Mitra က နောက်ထပ်ကွန်ပျူတာတစ်လုံးနဲ့ ကလေးတွေကစားနေတဲ့ ကွန်ပျူတာကို ဖမ်းကြည့်လိုက်တယ်။ လူကြီးတွေရဲ့အကူမပါဘဲ သူတို့ဟာ ကွန်ပျူတာကိုသုံးပြီး ဂိမ်းကစားနေတာကို တွေ့လိုက်တယ်။ နှစ်ပတ်အကြာမှာ ကွန်ပျူတာကို သူဖွင့်ကြည့်တော့ wordဖိုင်တစ်ခုကို တွေ့လိုက်တယ်။ အဲဒီဖိုင်ထဲမှာ ရောင်စုံစာလုံးတွေနဲ့ “I Love India”လို့ ရေးထားတာကို တွေ့လိုက်တယ်။ အဲဒီစာရေးသူကို Mitraရှာတွေ့ခဲ့ပါတယ်။ အသက် ၈နှစ်အရွယ် ကောင်လေးတစ်ယောက်ပါ။ ကွန်ပျူတာပါမောက္ခ၊ အိုင်တီကုမ္ပဏီရဲ့ သိပ္ပံပညာရှင်ဖြစ်တဲ့ Mitraဟာ အဲဒီကောင်လေးရဲ့ပြသမှုကြောင့် word မှာ စာလုံးကိုအရောင်ခြယ်တဲ့ ဖန်ရှင်တစ်ခုရှိသေးကြောင်းကို သိလိုက်ရပါတယ်။

သိပ်မကြာပါဘူး… ဖခင်တွေက ကလေးတွေကို အင်တာနက်ကနေ အလုပ်ရှာပေးဖို့ ပြောကြသလို မိခင်တွေကလည်း ကိုယ့်မွေးနေ့နက္ခတ်ပုံတွေကို ကြည့်ချင်ကြောင်း ပြောလာကြပါတယ်။

“ကျွန်တော့်သားလေးကို စွမ်းရည်ပါရမီရှိသူလို့ ကျွန်တော်နဲ့ဇနီးထင်ခဲ့ကြသလိုပဲ သူတို့လည်း သူတို့ကလေးတွေကို စွမ်းရည်ပါရမီရှိသူလို့ ထင်ခဲ့ကြပါတယ်”

အဲဒီနောက်မှာတော့ Mitra ဟာ “နံရံပေါ်က အခေါင်းပေါက်”ဆိုတဲ့အရာနဲ့ လူထုတွေကြား လက်တွေ့စမ်းသပ်မှုကို အကောင်အထည်ဖော်ခဲ့ပါတယ်။ စစချင်းမှာတော့ ကလေးတွေရဲ့လက်ချက်ကြောင့် ကွန်ပျူတာဖန်သားပြင်တွေ ပျက်စီသွားတယ်ဆိုတာကိုတော့ မေးစရာမလိုပါဘူး။ ဒါကို Mitra လည်းသိတယ်။ “အခေါင်းပေါက်”ကို ဘယ်လို မြဲမြံအောင်လုပ်သင့်တယ်ဆိုတာကို သူတွေးခဲ့တယ်။ အဲဒီနောက်မှာတော့ နံရံပေါ်က အခေါင်းပေါက်.. အခေါင်းပေါက်ထဲကကွန်ပျူတာတွေဟာ အိန္ဒိယနိုင်ငံရဲ့ တောရွာ၊ တောင်တန်းဒေသနဲ့ ဆင်းရဲသားရပ်ကွက်တွေမှာ ပျံ့နှံ့သွားခဲ့ပါတော့တယ်။

ဆက်ပါဦးမယ်…

Credit : နိုင်းနိုင်းစနေ