ကင်မ်ဂျုံအန်းကို စော်ကားသည့် အမေရိကန် ရုပ်ရှင်များကို ဒဏ်ခတ်တုံ့ပြန်မည်ဟု မြောက်ကိုရီးယားခြိမ်းခြောက်

ပို့စ်တင်ချိန် - 6/26/2014 07:33:00 PM

မြောက်ကိုရီးယား နိုင်ငံခြားရေး ဝန်ကြီးဌာနက မိမိတို့၏ ခေါင်းဆောင် ကင်မ်ဂျုံအန်းကို စော်ကားသည့် အမေရိကန် ရုပ်ရှင်များအတွက် အညှာအတာမရှိ တုံ့ပြန် ဒဏ်ခတ်သွားမည်ဟု ခြိမ်းခြောက် ပြောကြားလိုက်သည်။

မြောက်ကိုရီးယား ခေါင်းဆောင်ကြီးကို လုပ်ကြံသည့် ဇာတ်လမ်းမျိုး စိတ်ကူးပုံဖော်ထားသည့် အက်ရှင်ဇာတ်မြူး ရုပ်ရှင်တစ်ခု မကြာမီ ရုံတင်ရန် စီစဉ်ထားရာ ယင်းကို ရည်ညွှန်းပြီး မြောက်ကိုရီးယားက ခြိမ်းခြောက်ခဲ့ခြင်း ဖြစ်ဖွယ်ရှိသည်။

The Interview ဟု အမည်ပေးထားသော ဇာတ်ကားကို အောက်တိုဘာလတွင် စတင်ပြသမည်ဖြစ်ပြီး မြောက်ကိုရီးယားက ရည်ရွယ်သတိပေးသည့် ဇာတ်ကားအဖြစ်လည်း ယူဆရသည်။ အဆိုပါ ရုပ်ရှင်တွင် ဂျိမ်းစ်ဖရန်ကိုနှင့် ဆက်သ်ရိုဂျန်တို့သည် Talkshow အစီအစဉ်မှူးများ ဖြစ်ကြပြီး ကင်မ်ကို အင်တာဗျူးခွင့် ရလာသည့်ပုံစံမျိုး ပုံဖော် ရိုက်ကူးထားသည်။ ၎င်းတို့နှစ်ဦးကို CIAက စည်းရုံးသိမ်းသွင်းကာ ကင်မ်ကို လုပ်ကြံစေမည် ဖြစ်သည်။

မြောက်ကိုရီးယား နိုင်ငံခြားရေး ဝန်ကြီးဌာနမှ တာဝန်ရှိသူ တစ်ဦးက မိမိတို့၏ ခေါင်းဆောင်ကို စော်ကားခြင်းသည် စစ်ကြေညာသည့် သဘောမျိုးဟု ယူဆကြောင်း ဆိုသည်။ ၎င်းက “လူဆိုးဂိုဏ်းသားတွေလို ပုံစံမျိုးနဲ့ ဟောလီးဝုဒ် ရုပ်ရှင်ဖန်တီးသူတွေဟာ မြောက်ကိုရီးယား ခေါင်းဆောင်တွေကို ပြည်သူလူထုနဲ့ စစ်တပ်ကြား သွေးထိုးပေးထားသလို ဖန်တီးယူနေကြတာပါ”ဟုလည်း စွပ်စွဲခဲ့သည်။

အဆိုပါ ပြောရေးဆိုခွင့်ရ အရာရှိက “တကယ်လို့ အမေရိကန် အစိုးရက ဒီလိုရုပ်ရှင်မျိုးတွေ ပြသခွင့်ကို ကာကွယ်ပေးမယ် ဆိုရင်တော့ မြောက်ကိုရီးယားဘက်က အညှာအတာမရှိ တုံ့ပြန်လာတဲ့ အခြေအနေမျိုးကို မျှော်လင့်ရပါလိမ့်မယ်”ဟုလည်း ပြောကြားခဲ့သည်။

အခြားသော သတင်းများအရ မြောက်ကိုရီးယားသည် ၎င်းတို့၏ ဒုံးကျည်လက်နက် နည်းပညာကို မြှင့်တင်မှုများ ပြုလုပ်နိုင်ခဲ့ပြီဟု ယူဆရကြောင်း သိရသည်။ ပြီးခဲ့သည့် သီတင်းပတ်က ထွက်ပေါ်ခဲ့သည့် ဝါဒဖြန့် ဗီဒီယိုတွင် ခရုစ်ဒုံးကျည်များ တိုက်သင်္ဘော အသစ်တစ်စင်း၏ ပုံရိပ်ကို မြောက်ကိုရီးယားစစ်တပ်က ပထမဆုံးအကြိမ် ထည့်သွင်းပြသသွားခဲ့သည်။

_Ref: BBC