ဦးသန့်၏ စစ်ဖြစ်ရခြင်းအကြောင်းရင်း လေးချက်

ပို့စ်တင်ချိန် - 6/11/2014 12:03:00 PM

(ဆောင်ပါးရှင် - မြန်မာ့အလင်းအောင်သန်း)

ကျောက်တံတားမြို့နယ် ပန်းဆိုးတန်းတွင် လူငယ်များကြီးပွားရေးအသင်း ရှိသည်။ အသင်းကို ၁၉၂၆ ခုနှစ်က စတင်တည်ထောင်ခဲ့ရာ ၁၉၇၆ ခုနှစ်တွင် နှစ်ငါးဆယ်ပြည့်သည်။ နှစ်ငါးဆယ် ရွှေရတုသဘင် အထိမ်းအမှတ်အဖြစ် ကြီးပွားရေးစာစောင် ထုတ်ဝေသည်။ ယင်းစာစောင်မှာ ကုလသမဂ္ဂ အတွင်းရေးမှူးချုပ် ဦးသန့်၏ ဆောင်းပါးတစ်စောင် ပါလာသည်။ “လူငယ်နှင့်ကျွန်တော်” အမည်ရှိ ထိုဆောင်းပါးတွင် စစ်ဖြစ်ရခြင်း အကြောင်းရင်း လေးချက်ရှိကြောင်း ဤကဲသို့ ဖော်ပြထားသည်။

“ပထမ အကြောင်းကတော့ နိုင်ငံရေး အယူအဆကွဲလို့” ဟုဆိုကာ “ကွန်မြူနစ်ကလည်း သူ့ဟာသူကောင်းတယ်။ ဆိုရှယ်လစ်ကလည်း သူ့ဟာသူကောင်းတယ်။ ဒီမိုကရေစီကလည်း သူ့ဟာသူကောင်းသလို ဖြစ်ဖြစ်နေတယ်” ဟု ရှင်းပြရင်း ယင်းကစ၍ နိုင်ငံရေးအယူအဆတွေ အပေါ်မှာ တင်းမာမှု Tensions built on differences of political ideology ဖြစ်လာပုံကို ဦးသန့်ထောက်ပြသည်။ မတူသော နိုင်ငံရေး အယူအဆတွေ တင်းမာရာကနေ နောက်ဆုံးတွင် စစ်ဖြစ်ခြင်းဖြင့် ဖြေရှင်းကြသည်ကို ဦးသန့်က အချက်တစ်ရပ်အဖြစ် ကောက်ချက်ဆွဲပြခြင်း ဖြစ်သည်။

ဒုတိယအကြောင်းက စီးပွားရေးမညီမျှမှု (Tension based on disparity of economic and social conditions of peoples) ကြောင့် ဖြစ်ရခြင်း။

စီးပွားရေး မညီမျှမှုကြောင့် စစ်ဖြစ်လာရခြင်းကို ဦးသန့်က ဤကဲ့သို့ ကောက်ချက်ဆွဲပြသည်။ “ချမ်းသာတဲ့နိုင်ငံနဲ့ ဆင်းရဲတဲ့နိုင်ငံတွေကို စစ်ပြီးခေတ် ကမ္ဘာမှာကြည့်ရင် ချမ်းသာတဲ့နိုင်ငံထက် ဆင်းရဲတဲ့နိုင်ငံက များလာတယ်။ ဒါဟာ မကောင်းတဲ့အချက်ပဲ။ ဆင်းရဲတဲ့နိုင်ငံ များလာသလို တင်းမာမှုတွေ များလာတယ်။ ဒုတိယကမ္ဘာစစ်ကြီး ပြီးတဲ့အခါ စီးပွားရေးပါရဂူတွေ လေ့လာတော့ ဆင်းရဲတဲ့နိုင်ငံတွေက ပိုဆင်းရဲပြီး ချမ်းသာတဲ့နိုင်ငံတွေက ပိုချမ်းသာလာကြတယ်။ ဒီအခြေအနေဟာ ကြောက်စရာကောင်းတယ်ဟု ဦးသန့်သုံးသပ်သည်။ စီးပွားရေးပါရဂူတွေ အားလုံးကလည်း ယင်းအချက်ကို သဘောတူကြသည်။ ယင်းကွာဟချက်ကို ကုစားနိုင်ရန် ကုလသမဂ္ဂက ဆယ်နှစ်ဖွံ့ဖြိုးရေးစီမံကိန်း (Development decade) ချမှတ်သည်။ ကုလသမဂ္ဂသည် နိုင်ငံတစ်နိုင်ငံဝင်ငွေ (GNP) ကို ငါးရာခိုင်နှုန်းထိ တိုးတက်ရမည်ဟု မှန်းထားသည်။ လက်တွေ့တွင် အောင်မြင်သင့်သလောက် မအောင်မြင်ပါ။ အမှန်တိုးတက်လာသည်က နှစ်ရာခိုင်နှုန်း၊ သုံးရာခိုင်နှုန်းမျှသာ။ အလားတူ တစ်ဖက်တွင် လူဦးရေက နှစ်ရာနှုန်း၊ သုံးရာနှုန်း တိုးလာနေရာ ဘဲစားဘဲချေ ဖြစ်သွားလေသည်။ နိုင်ငံအများအပြားသည်လည်း တိုးတက်လာဖို့ထက် လျော့ကျသည့် အနေအထားက များနေလေသည်။

တတိယအကြောင်းကို ဆရာသန့် ကောက်ချက်ဆွဲပြသည်က ဤသို့ဖြစ်သည်။ ကိုလိုနီနယ်ချဲ့စနစ်ရဲ့ အကြွင်းအကျန်တွေ ရှိနေတဲ့ လွတ်လပ်ရေး မရသေးတဲ့ နိုင်ငံတွေက မီးပွားတွေ တောက်နေတယ်။ နောက်ဆုံးတော့ ဒုတိယကမ္ဘာစစ် အပြီးမှာ နိုင်ငံအတော်များများ လွတ်လပ်လာကြတယ်။ ကုလသမဂ္ဂရဲ့ ဆောင်ရွက်ချက်ကြောင့်လည်း လွတ်လပ်တဲ့နိုင်ငံတွေ များလာတယ်။ ဒါပေမဲ့ မလွတ်လပ်ဘဲ ကျန်နေတဲ့နိုင်ငံတွေလည်း ရှိတယ်။ အထူးသဖြင့် အာဖရိကတိုက်မှာပေါ့။ သူတို့နိုင်ငံတွေ လွတ်လပ်ဖို့ ရုန်းကန်ကြတယ်။ တချို့နိုင်ငံတွေ အဓမ္မနည်းကို သုံးတယ်ဟု ဦးသန့်သည် အာဖရိကနိုင်ငံအချို့ကို ထောက်ပြသည်။ လွတ်မြောက်အောင် အားထုတ်ရင်းက လွတ်လပ်ရေး တောင်းသည်။ လွတ်လပ်ရေး ရှောရှောရှူ ရှူ မပေးချင်သော နယ်ချဲ့နှင့် သူ့လက်ဝေခံတို့၏ စနက်ကြောင့် စစ်ဖြစ်ရပြန်သည်။

စတုတ္ထအချက် “နောက်ဆုံးအချက်ကတော့ (colour) အသားအရောင်ကွဲပြားမှုကြောင့် ဖြစ်ပါတယ်” ဟု ကောက်ချက်ဆွဲပြသည်။ အထူးသဖြင့် အာဖရိက တောင်အာဖရိကနဲ့ ဥရောပတိုက်မှာ ရှိသေးတယ်။ ဤတိုက်ကြီးများတွင် အသားအရောင် မတူ၍ ညီတူညီမျှမှု အခွင့်အရေး မပေးပါ။ အသားအရောင် မတူ၍ အရေးယူမှုတွေ ရှိသည်။ အသားမည်းသည့်အတွက် အောက်ကျသည်။ လူ့အခွင့်အရေး ဆုံးရှုံးသည်။ လူဖြူတွေကလည်း သူတို့လူဖြူဟူသော အစွဲအလမ်းကြီးသည်။ (Colour) အသားအရောင်ကွဲ၍ (Tensions) တင်းမာမှုများ ဖြစ်လာကြခြင်းပင်။

“အဲဒီအချက်တွေကြောင့် ကမ္ဘာအရပ်ရပ်မှာ တင်းမာမှုတွေ ဖြစ်နေတယ်။ တင်းမာမှုတွေ များနေတယ်။ ခြုံကြည့်လိုက်ရင် ဒီအချက်ကြီး လေးချက်ကြောင့် စစ်တွေဖြစ်နေရတယ်” ဟု ဆရာသန့်က နိဂုံးချုပ်ထားလေသည်။

ဆရာသန့်သည် ရှုထောင့်စုံက ဖြစ်နိုင်၊ ကြည့်နိုင်၊ တွေ့နိုင်သော ကုလသမဂ္ဂရှုထောင့်က ကောက်ချက်ဆွဲပြခြင်းဖြစ်၍ အမြင်ကျယ်ပြန့်သည်။ တင်ပြချက်ပါ အကြောင်းအရာ အားထားရလောက်သည်။ လေ့လာကြည့်လျှင် မည်သူမဆို ဤလေးချက်ကိုသာလျှင် ရှာဖွေတွေ့ရှိနိုင်ပေသည်။

မှတ်ချက်။ ။ ကုလသမဂ္ဂအတွင်းရေးမှူးချုပ်တာဝန် ထမ်းဆောင်နေသော ဦးသန့်သည် လွန်ခဲ့သော ၄၇ နှစ်ခန့်က မြန်မာနိုင်ငံသို့ ခေတ္တရောက်ရှိလာ၏။ ၂၆-၂-၁၉၆၇ နေ့ ည ၈ နာရီတွင် လူငယ်များကြီးပွားရေး အသင်းသားများနှင့် တွေ့ဆုံသည်။ ၁၁ ဝင်္ကပါရိပ်သာလမ်း၊ ဗဟန်းမြို့နယ်ရှိ (ဦးသန့်၏ညီ) အတွင်းဝန်ဦးသောင်း၏ နေအိမ်တွင် တွေ့ဆုံခြင်းဖြစ်၏။ ယင်းသို့တွေ့ဆုံရာတွင် ကြီးပွားရေးအသင်း ဥက္ကဋ္ဌ ဦးကျော်မြင့်၏ ပန်ကြားချက်အရ စစ်ဖြစ်ခြင်းအကြောင်း အရင်းလေးချက်ကို ဦးသန့်က ဟောပြောခဲ့ခြင်းဖြစ်သည်။ (မြန်မာ့အလင်းအောင်သန်းသည် ဦးကြီးသန့်နှင့် ရင်းနှီးမှု မရှိခဲ့သော်လည်း ဦးကြီးသန့်၏သား ကွယ်လွန်သူ တင်မောင်သန့်နှင့်တော့ ကျောင်းသားဘဝမှာ ခင်မင်ခွင့် ရခဲ့ပါသည်။)

Eleven Media Group