ဆင်ဖြူတော် SUMMIT

ပို့စ်တင်ချိန် - 5/17/2014 11:43:00 AM

နိုင်ငံသားတစ်ဦးအနေနှင့် ပြောရလျှင် ကိုယ့်မိခင်နိုင်ငံနှင့် ပတ်သက်လာလျှင် ကောင်းတာပဲ ပြောချင်သည်။ ကမ္ဘာ့နိုင်ငံ မိသားစုနိုင်ငံများ အကြားမှာ ထည်ထည်ဝါ၀ါ ခမ်းခမ်းနားနား ရှိနေတာကိုပဲ မြင်လိုသည်။ မျက်နှာမငယ်လိုပါ။ ဂုဏ်ယူလိုပါသည်။

“မြန်မာဟေ့” လို့ ဆိုလိုက်လျှင် အထင်အမြင်သေး ကြည့်ရှုအကဲခတ် ခံရတာမျိုး မလိုချင်ပါ။ ဒါက အမိနိုင်ငံကိုချစ်သော နိုင်ငံသားတိုင်း၏ရင်မှာ ကိန်းအောင်းနေကြသည့် တူညီသော ဆန္ဒတွေပဲဖြစ်သည်။

မြန်မာနိုင်ငံက အိမ်ရှင်အဖြစ် ပထမဦးဆုံးအကြိမ် လက်ခံကျင်းပသော (၂၄) ကြိမ်မြောက် အာဆီယံထိပ်သီး ဆွေးနွေးပွဲကြီး မကြာမီက ပြီးဆုံးသွားသည်။ မေလ ၁၀ ရက်မှ ၁၁ ရက်အထိ နှစ်ရက်ကြာ ကျင်းပခဲ့သော ဤထိပ်သီးဆွေးနွေးပွဲကို နေပြည်တော်ရှိ MICC 1 ခန်းမဆောင်သစ်ကြီးမှာ ပြုလုပ်ခဲ့သည်။ မြန်မာနိုင်ငံဟာ အာဆီယံ အဖွဲ့ဝင်ဖြစ်ပြီး ၁၇ နှစ်ကြာမှ အာဆီယံ အလှည့်ကျဥက္ကဋ္ဌ တာဝန်ယူခဲ့ပြီး ထိပ်သီးအစည်းအဝေးကို အိမ်ရှင်အဖြစ် တာဝန်ယူ ကျင်းပရခြင်းဖြစ်သည်။ စင်စစ်အလှည့်ကျ အာဆီယံဥက္ကဋ္ဌ တာဝန်ကို ၂၀၀၅ ခုနှစ်ကတည်းက ထမ်းဆောင်ခွင့်ရခဲ့ပြီး အာဆီယံထိပ်သီး အစည်းအဝေး ကျင်းပရန် ရှိခဲ့သော်လည်း ထိုစဉ်က ဖြစ်ပေါ်နေသော နိုင်ငံရေး အခြေအနေက ထိပ်သီးအစည်းအဝေး ကျင်းပရန် အခွင့်မသာခဲ့ပါ။

အာဏာရှင်စနစ်အောက် ပွင့်လင်းမြင်သာမှု ဆိတ်သုဉ်းခဲ့သော ထိုခေတ်အခါကာလက သံတမန် အသိုင်းအ၀ိုင်းတွင် Toilet Diplomacy ဆိုသော ဝေါဟာရတစ်ခုပင် တွင်ကျယ်ခဲ့ဖူးသည်။ မြန်မာနိုင်ငံက အာဆီယံအလှည့်ကျ ဥက္ကဋ္ဌတာဝန် ယူမည်လား။ မယူမည်လား ဆိုသည်ကိုပင် ပြတ်ပြတ်သားသား အဖွဲ့ဝင်နိုင်ငံတွေကို မတင်ပြရဲခဲ့သည့် အခြေအနေ။ ၂၀၁၁ ခုနှစ် အရပ်သားအစိုးရ ဖြစ်လာပြီး နိုင်ငံတကာအမြင်မှာ ပြုပြင်ပြောင်းလဲရေး ဖော်ဆောင်နေပြီဟု ဆိုရမည့် ယခုချိန်ကျမှပဲ မြန်မာနိုင်ငံက အလှည့်ကျဥက္ကဋ္ဌ တာဝန်ကို ရဲရဲကြီး ထမ်းဆောင်နိုင်ခဲ့သည်။

အလှည့်ကျဥက္ကဋ္ဌတို့၏ တာဝန်အရ ထိပ်သီးဆွေးနွေးပွဲများ အပါအ၀င် အဆင့်မြင့် အရာရှိကြီးများ၏ ပုံမှန်အစည်းအဝေးတို့ကို လက်ခံကျင်းပရမည်ဖြစ်ရာ ဒီလိုလက်ခံ ကျင်းပနိုင်ဖို့ သင့်တင့်လျောက်ပတ်သည့် နေရာထိုင်ခင်း အဆောက်အအုံတို့ လိုလာသည်။ သမ္မတဦးသိန်းစိန် တာဝန်ယူပြီးနောက် အာဆီယံနိုင်ငံများအကြား အရေးကြီးဆုံး တာဝန်နှစ်ခုကို ကတိပြုခဲ့သည်။ တစ်ခုမှာ (၂၇) ကြိမ်မြောက် ဆီးဂိမ်းအားကစားပွဲတော်အား အိမ်ရှင်အဖြစ် လက်ခံကျင်းပရေးနှင့် တစ်ခုမှာ (၂၄) ကြိမ်မြောက် အာဆီယံထိပ်သီး အစည်းအဝေး အပါအ၀င် အာဆီယံအလှည့်ကျ ဥက္ကဋ္ဌတာဝန် ယူခြင်းဖြစ်သည်။

နေပြည်တော်မှာ ၂၀၀၅ ခုနှစ်မှစ၍ မြန်မာနိုင်ငံ၏ ရုံးစိုက်ရာမြို့တော် ဖြစ်ခဲ့သည်။ ဤမြို့တော် စီမံကိန်းများကို ၂၀၀၀ ပြည့်လွန် နှစ်များကစ၍ တိတ်တစိတ် လျှို့ဝှက်အကောင်အထည် ဖော်နေခဲ့ရာ နိုင်ငံသူ၊ နိုင်ငံသား မည်သူတစ်ဦး တစ်ယောက်မျှ ကြိုတင်သိခွင့် မရခဲ့ကြ။ တစ်ချက်လွှတ်အမိန့်ဖြင့် မြို့တော်ဟောင်း ရန်ကုန်ရှိ ၀န်ကြီးဌာန ၁၁ ခုသည် ၂၀၀၅ ခုနှစ်၊ နိုဝင်ဘာ ၁၁ ရက် နံနက် ၁၁ နာရီ အချိန်တွင် တပ်ရင်း ၁၁ ရင်းမှ စစ်မော်တော်ယာဉ် ၁၁၁၀ စင်းဖြင့် နေပြည်တော်သို့ စတင် ပြောင်းရွှေ့ခဲ့ကြသည်။ ၂၀၀၆ ခုနှစ် မတ်လ ၂၇ ရက် တပ်မတော်နေ့တွင် “နေပြည်တော်” မြို့ကို တရားဝင် ထုတ်ပြန်ကြေညာသည်။ ဤနေပြည်တော် တည်ဆောက်ရေးကို ၂၀၀၂ ခုနှစ်မှစ၍ Asia World၊ ထူးကုမ္ပဏီများ အပါအ၀င် ဆောက်လုပ်ရေး ကုမ္ပဏီပေါင်း ၂၅ ခုထက်မနည်းက လျှို့ဝှက်တာဝန်ယူ တည်ဆောက်ခဲ့ကြရသည်။

အရပ်သားအစိုးရ မပေါ်ပေါက်မီ သတင်းစာရှင်းလင်းပွဲများကို နေပြည်တော်မှာ ပြုလုပ်လေ့ရှိသည်။ ရန်ကုန်သတင်းသမား များအားလုံး ထိုနေရာသို့ စုဝေးချီတက်ကြရသည်။ နေပြည်တော် ဟိုတယ်တွေက နိုင်ငံတကာအဆင့်မီ လုံးချင်းဘန်ဂလိုတွေ ဖြစ်သည်။ ယခုနောက်ပိုင်းကျမှ ထပ်မြင့်ဟိုတယ်တွေ ပေါ်ပေါက်လာသော်လည်း စတင်တည်ခါစက လွယ်လွယ်နှင့် မြန်မြန် ဘန်ဂလိုဟိုတယ် တွေပဲရှိသည်။ ဟိုတယ်ခန်းက ခေတ်မီအသုံးအဆောင်၊ လေအေးစက်၊ ရုပ်မြင်သံကြားစက်အပြား၊ နောက်ဆုံးပေါ် ပစ္စည်းတွေနှင့် ဖွဲ့စည်းထားသည်။ မိတ်ဆွေတစ်ဦးက သူ့အတွေ့အကြုံတွေကို ဤသို့ပြောပြသည်။

“ဟိုတယ်အခန်းကတော့ အပျံစားပဲ။ ပြတင်းပေါက် ဖွင့်ကြည့်လိုက်တော့ ဘေးမှာ နွားတွေ မြက်စားနေတာ တွေ့ရတယ်” ဟုဆိုသည်။

မည်သို့ပင်ဖြစ်စေ မြန်မာနိုင်ငံတော်၏ မြို့တော်ကား “နေပြည်တော်” ဖြစ်သည်ဟု ၂၀၀၈ ခုနှစ်၊ ဖွဲ့စည်းအုပ်ချုပ်ပုံ အခြေခံဥပဒေမှာ အတိအလင်း ပြဋ္ဌာန်းထားပြီး ဖြစ်သည်။ နေပြည်တော်မှာ ကြီးကျယ်ခမ်းနားသော လွှတ်တော် အဆောက်အအုံကြီးလည်း ရှိနေပြီ။ သမ္မတအိမ်တော်လည်း ရှိနေပြီ။ ၁၀ စုနှစ်မပြည့်မီ ကာလအတွင်း နေပြည်တော်က မြို့တော်တစ်ခု၏ ရှိအပ်သော အရာများနှင့် ပြည့်ပြည့်စုံစုံ ဖြစ်လာသည်။ ဤနေပြည်တော်ကြီးသို့ အိမ်နီးချင်းနိုင်ငံ ခေါင်းဆောင်တွေ၊ ကမ္ဘာ့ခေါင်းဆောင်တွေ ၀င်ထွက်သွားလာ နေကြပြီ။

ပြီးခဲ့သည့်နှစ် ဒီဇင်ဘာလက နေပြည်တော်တွင် အရှေ့တောင်အာရှ အားကစားပြိုင်ပွဲကြီးကို တခမ်းတနား ကျင်းပသွားခဲ့သည်။ နေပြည်တော်ဆီးဂိမ်းစ် ပြိုင်ပွဲအတွက် လူဦးရေ ၃၀၀၀၀ ဆံ့ အားကစားကွင်းကြီး နှစ်ကွင်း၊ အားကစားရုံကြီးနှစ်ရုံ (ရေကူးကန်အပါ) တည်ဆောက်ခဲ့သည်။ ၂၀၁၂ ခုနှစ်က အဆိုပါ အားကစားကွင်းကြီးများ တည်ဆောက်နေသည့် နေရာကိုရောက်ခဲ့သည်။ တောရိုင်း မြေကိုရှင်းလင်း၍ ကွင်းသစ်ကြီးကို ယန္တရားကြီးများ၊ လုပ်သားအင်အား များစွာဖြင့် တည်ဆောက်နေတာ တွေ့ရသည်။ လူသူကင်းမဲ့သော တောရိုင်းမြေထဲမှာ အားကစားကွင်းသစ်ကြီးတွေ ပေါ်ထွက်လာသည်။ အသစ်စက်စက် ကွန်ကရစ်လမ်းတွေ အလျှိုလျှို ပေါ်လာသည်။ နေပြည်တော် စီမံကိန်းများကိုကြည့်လျှင် ကျွန်တော်တို့နိုင်ငံသည် အလွန်ကြွယ်ဝ ချမ်းသာလွန်းသည့် သရုပ်ကို ဆောင်နေသည်။ မော်တော်ယာဉ် အသွားအလာ လုံးဝနီးပါး သွေ့ခြောက်နေသော်လည်း ၁၀ လမ်းသွား ကွန်ကရစ် လမ်းမကြီးများ၊ ထိုလမ်းမကြီးများကို အလင်းရောင်ပေးနေသည့် လျှပ်စစ်မီးတိုင်များ စီရီနေပုံမှာ (ဗဟုသုတ သိပ်မရှိဘူးဆိုလျှင်) ဒီနိုင်ငံ အတော်ကြီးကျယ်ခမ်းနား ကြွယ်ဝချမ်းသာ လွန်းလှပါတကားဟု ထင်ချင်စရာ။

ပြီးခဲ့သည့် ရက်များအတွင်း နေပြည်တော်သို့ ရောက်ဖြစ်ခဲ့သည်။ (၂၄) ကြိမ်မြောက် အာဆီယံထိပ်သီး အစည်းအဝေး ကျင်းပပုံများကို သတင်းရယူရန်ဖြစ်သည်။ မြန်မာနိုင်ငံက အိမ်ရှင်အဖြစ် လက်ခံကျင်းပသည့် ဤထိပ်သီး အစည်းအဝေးသို့ အာဆီယံခေါင်းဆောင်များအားလုံး တက်ရောက်ကြမည်ဖြစ်သည်။ ဤရက်ပိုင်းအတွင်း ရာထူးမှ ဖယ်ရှားခံလိုက်ရသော ထိုင်းဝန်ကြီးချုပ် ယင်လက်ရှင်နာဝပ်ကလွဲလျှင် စင်ကာပူဝန်ကြီးချုပ် လီရှန်လွန်း၊ ဗီယက်နမ် ၀န်ကြီးချုပ် ငုယင်တန်ဇွန်း၊ အင်ဒိုနီးရှားသမ္မတ ဘမ်ဘန်း၊ ကမ္ဘောဒီးယား ၀န်ကြီးချုပ် ဟွန်ဆန်စသည့် အာဆီယံ ၁၀ နိုင်ငံမှ ခေါင်းဆောင်များ နေပြည်တော်သို့ ရောက်ရှိလာကြသည်။

နိုင်ငံတကာ ခေါင်းဆောင်များ လာရောက်မည့် ထိပ်သီးအစည်းအဝေး ဖြစ်သည်မို့ ကျွန်တော်တို့ အိမ်ရှင်ဘက်ကလည်း အစစ အရာရာ အကောင်းဆုံးဖြစ်အောင် ပြင်ဆင်ထားသည်။ နိုင်ငံတကာ ထိပ်သီးအစည်းအဝေးကြီးများ ကျင်းပပြုလုပ်ရန် အပြည်ပြည်ဆိုင်ရာ ကွန်ဗင်းရှင်းစင်တာ MICC တစ်ခုရှိပြီး ဖြစ်သော်လည်း အာဆီယံထိပ်သီး အစည်းအဝေး များအတွက် ရည်ရွယ်၍ နောက်ထပ်ကွန်ဗင်းရှင်းစင်တာ အသစ်တစ်ခု ထပ်ဆောက်ထားသည်။ ဤစင်တာကိုတော့ MICC 1 ဟုအမည်ပေးထားပြီး ယခင်ကွန်ဗင်းရှင်း စင်တာကိုတော့ MICC II အဖြစ် သတ်မှတ်လိုက်သည်။

ကုန်းမြင့်လွင်ပြင်ထဲတွင် ဆီးဂိမ်းပြီးကတည်းက ဖွင့်လှစ်ထားသော ဟိုတယ်အဆောက်အအုံ အချို့ကို ထိုးထိုးထောင်ထောင် မြင်ရသည်။ ယခင်တုန်းက ဘန်ဂလိုဟိုတယ်တွေသာ ရှိခဲ့သော နေပြည်တော်မှာ ထပ်မြင့်ဟိုတယ်တချို့ ပေါ်လာသည်။ ကွင်းပြင်ကျယ် နေရောင်အောက်တွင် အချို့ဟိုတယ်မှာ အရိုးပြိုင်းပြိုင်း ဆောက်လက်စ။ ကွန်ကရစ် လမ်းမကျယ်များ၊ ရာသီပန်းအ၀ိုင်းများနှင့် နေပြည်တော်သည် ကြီးကျယ်မှုကို ထုတ်ပြထားသည်။ အာဆီယံထိပ်သီး အစည်းအဝေးများ ကျင်းပမည့် MICC II အဆောက်အအုံကြီးကား ဧရာမ ကြီးကျယ်လွန်းလှသည်။ ဘယ်အချိန်တုန်းက ဆောက်လိုက်သည်မသိ။ ကွန်ကရစ်လမ်းတွေက အသစ်။ မြက်ခင်းတွေက အသစ်၊ သစ်ပင်တွေကလည်း (တစ်နေရာမှ အပင်လိုက်ရွှေ့ပြီး စိုက်ထားသဖြင့်) အသစ်။ အဆောက်အအုံ ဆေးသားတွေက အသစ်ရနံ့ရနေသည်။ နိုင်ငံတကာ အစည်းအဝေး ခန်းမအဆောက်အအုံတစ်ခု ရှိထားပြီး ဖြစ်သော်လည်း အာဆီယံထိပ်သီး အစည်းအဝေးအတွက် ရည်ရွယ်လျက် ကြီးကျယ်ခမ်းနား သော အဆောက်အအုံသစ်တစ်ခုကို ထပ်မံတည်ဆောက်ခဲ့သည်။ အကုန်အကျများလိုက်မည့် ဘတ်ဂျက်။ အကုန်အကျများလိုက်မည့် ပြည်သူ့ဘဏ္ဍာ။

အဆောက်အအုံကြီးက ကြီးကျယ်ခမ်းနားသလောက် လူတွေကတော့ စမတ်သိပ်မကျ။ လုံခြုံရေးစစ်ဆေးရေးဂိတ်မှာ ၀င်ခွင့်ကတ် ဆင်ဆာမဖတ်တာလည်း ရှိသည်။ သတင်းထုတ်ပြန်မှုက မြန်မာ့နည်း မြန်မာ့ဟန်အတိုင်း နှေးနေသည်။ သတင်းစာရှင်းလင်းပွဲကလည်း ထိပ်သီးဆွေးနွေးပွဲတစ်ခု၏ အဖြေကို တိတိကျကျ ရှင်းပြတာမျိုးမရှိခဲ့။ ပြန်ကြားရေးက ထုတ်လုပ်သော MEDIA HAND BOOK မှာ အစည်းအဝေး အစီအစဉ်နှင့် လမ်းညွှန်တွေ ဖော်ပြထားသော်လည်း စာအုပ်ဖွဲ့စည်းပုံနှင့် အရေးအသားက ညီလာခံအဆောက်အအုံကြီး ခမ်းနားသလိုမျိုး မခမ်းနား။ အဆောက်အအုံကြီးတွေကသာ ခမ်းနားနေပြီး လူတွေက ခေတ်ဟောင်းစနစ်ဟောင်း မျက်နှာပေးတွေနှင့် ဖြစ်သည်။ ဒီလောက်ငွေကုန်ကြေးကျ အများကြီးသုံးစွဲ တည်ဆောက်ထားသဖြင့် နိုင်ငံတကာ ခေါင်းဆောင်များ အလယ်မှာ မျက်နှာငယ်စရာ မရှိတော့ပါ။ ညဘက်မှာ လျှပ်စစ်မီးရောင် တထိန်ထိန်၊ ရေပန်းအလှများဖြင့် ဝေေ၀ဆာဆာရှိနေသော MICC 1 အဆောက်အအုံသစ်က နေပြည်တော်တောင်ကုန်း ချိုင့်ဝှမ်းထဲမှာ ခမ်းခမ်းနားနား တည်ရှိနေသည်။ အပြင်လူတွေ ၀င်ရောက်ဖို့ ခက်ခဲသလို မြင်တွေ့ဖို့မလွယ်သည့် နေရာမှာရှိသည်။ ဒီနေရာမှ နည်းနည်းဆက်သွားလိုက်လျှင် အာဆီယံထိပ်သီး ခေါင်းဆောင်များ တည်းခိုဖို့ သီးသန့်ဆောက်လုပ်ထားသည့် ခေတ်မီအဆောက်အအုံတွေ ရှိသေးသည်။ အဆောက်အအုံတွေထဲမှာ မည်မျှခမ်းနားသည်ကိုတော့ မသိပါ။ အပြင်မှ ကြည့်ရုံနှင့် နန်းတော်တမျှ ခမ်းနားသည်ကို မြင်ရသည်။ အာဆီယံခေါင်းဆောင်တွေက ဒီမှာ အလွန်ဆုံး တစ်ည၊ နှစ်ညပဲ နားလိမ့်မည်။ ကျန် ၁၂ ရာသီမှာ ဒီအဆောက်အအုံတွေကို ဘယ်လိုအသုံးပြုကြ မည်မသိ။ ဒါတွေအားလုံး ပြည်သူ့ဘဏ္ဍာတွေထဲကပဲ ထုတ်သုံးတာဖြစ်သည်။

နေပြည်တော်သည် ဧရာမကြီးကျယ်ခမ်းနားမှုတို့ဖြင့် နိုင်ငံတကာ အထင်ကြီးလေးစားမှုကို ရယူရန်ကြိုးစားထားသည်။ နေပြည်တော် တစ်ခုလုံးမှာ ပြည်သူတို့၏ ဘဏ္ဍာငွေများဖြင့် ခင်းကျင်းထားသည်။ ဧရာမအဆောက်အအုံကြီးများ၊ ဧရာမလမ်းကြီးများ၊ မေလ ၁၁ ရက်တွင် အာဆီယံခေါင်းဆောင်ကြီးများ နေပြည်တော်သို့ တဖွဲဖွဲရောက်ရှိ လာကြသည်။ ၀တ်စုံပြည့် မော်တော်ဆိုင်ကယ်စီး အခြံအရံများ လိုက်ပါလျက် ယာဉ်တန်းတွေ တစ်ဖွဲ့ပြီးတစ်ဖွဲ့ ၀င်လာကြသည်။ စင်ကာပူဝန်ကြီးချုပ် လီရှန်လွန်းကတော့ နေပြည်တော် ရောက်ရောက်ချင်း ပျဉ်းမနားမြို့ကိုသွားသည်။ နန်းစိန်ကဖီးမှာ လက်ဖက်ရည်သောက်သည်။ လီရှန်လွန်းသည် နေပြည်တော် မြို့တော်သစ်ကြီးကို စိတ်မ၀င်စား။ ပျဉ်းမနားမြို့ပေါ်က အဆောက်အအုံများနှင့် ရှုခင်းတွေကိုကြည့်ပြီး လွန်ခဲ့သည့် နှစ်ပေါင်း ၅၀/၆၀ လောက်က စင်ကာပူမြို့နှင့် ပီနန်မြို့ကို သတိရသည်ဟု မှတ်ချက်ပေးသည်။

လူတချို့အတွက်တော့ နေပြည်တော်သည် “ဆင်ဖြူတော်” (White Elephant) ဖြစ်သည်။

(White Elephant): a possession entailing great expense out of proportion to its usefullness or value to the owner.

Eleven Media