ပြည်သူပိုင်မြေ ၆၆ ဧကပေါ်တွင် တည်ဆောက်မည့် အိမ်ရာစီမံကိန်းကြီးနှစ်ခုကို တင်ဒါမခေါ်ဘဲ FMI ကုမ္ပဏီသို့ လုပ်ခွင့်ပေးရန် စီစဉ်၊ အကျိုးအမြတ်အား နိုင်ငံတော်က ရာခိုင်နှုန်း ၃၀ သာရပြီး FMI က ရာခိုင်နှုန်း ၇၀ အထိ ရယူမည်

ပို့စ်တင်ချိန် - 5/06/2014 10:40:00 AM

ရန်ကုန်မြို့ မှအိမ်ယာတချို့ ကိုတွေ့ရစဉ်

ပြည်သူပိုင်မြေ ၆၆ ဧကပေါ်တွင် တည်ဆောက်မည့် အိမ်ရာစီမံကိန်းကြီးနှစ်ခုကို တင်ဒါမခေါ်ဘဲ Mr.Serge Pun ၏ FMI (First Myanmar Investment Co.,Ltd) ကုမ္ပဏီသို့ တည်ဆောက်ခွင့်ပေးရန် စီစဉ်နေသည်ဟု ဆောက်လုပ်ရေးဝန်ကြီးဌာနအသိုင်းအ၀ိုင်းမှ စုံစမ်းသိရှိရသည်။

စီမံကိန်းကြီးနှစ်ခုမှာ မင်္ဂလာဒုံမြို့နယ်ရှိ ပြည်သူပိုင်မြေ ၂၇ ဧကပေါ်တွင် တည်ဆောက်မည့် ပုလဲဥယျာဉ်အိမ်ရာစီမံကိန်းနှင့် အမှတ်(၁)လမ်းမကြီးအနီး ပြည်သူပိုင်မြေ ၃၉ ဧကပေါ်တွင် တည်ဆောက်မည့် ပျဉ်းမပင် အိမ်ရာစီမံကိန်းတို့ဖြစ်သည်။

ပုလဲဥယျဉ်အိမ်ရာစီမံကိန်းကို တည်ဆောက်ရာတွင် FMI က အကျိုးအမြတ်အဖြစ် ရာခိုင်နှုန်း ၇၀ အထိ ရယူမည်ဖြစ်ပြီး နိုင်ငံတော်က ရာခိုင်နှုန်း ၃၀ သာ ရရှိမည်ဖြစ်သည်ဟုလည်း စုံစမ်းသိရှိရသည်။

ပုလဲဥယျာဉ်အိမ်ရာစီမံကိန်းမှ နိုင်ငံတော်ကရမည့် ရာခိုင်နှုန်း ၃၀ ကိုရောင်းချ ပြီး ရရှိလာသောငွေများဖြင့် ပျဉ်းမပင်အိမ်ရာစီမံကိန်းကို အကောင်အထည်ဖော်မည်ဖြစ်ကြောင်းနှင့် ပျဉ်းမပင်အိမ်ရာစီမံကိန်းကို ဆောက်လုပ်ရာတွင်လည်း FMI သို့သာ ငှားရမ်းဆောက်လုပ်ခွင့်ပြုသွားရန် စီစဉ်နေကြခြင်းဖြစ်သည်။

ပုလဲဥယျာဉ် အိမ်ရာစီမံကိန်း၌ အိမ်ခန်းပေါင်း ၂၇၀၀ ကျော်အထိ တည်ဆောက်မည်ဖြစ်ပြီး ပျဉ်းမပင်အိမ်ရာစီမံကိန်းတွင် အိမ်ခန်းပေါင်း ၃၀၀၀ ၀န်းကျင်အထိ တည်ဆောက်ရန် အစီအစဉ်ရေးဆွဲထားသည်ဟု သိရသည်။

FMI မှ ရာခိုင်နှုန်း ၇၀ အထိ အကျိုးအမြတ်ယူတည်ဆောက်မည့် ပျဉ်းမပင်အိမ်ရာစီမံကိန်းတွင် အိမ်ခန်းပေါင်း ၂၇၀၀ကျော် ပါဝင်သည်ဆိုသော်လည်း ၀င်ငွေနည်းပြည်သူများအတွက် တန်ဖိုးသင့်အိမ်ခန်းကို ၁၁၀၀ ၀န်းကျင်သာ ထည့်သွင်းတည်ဆောက်မည်ဖြစ်ပြီး ၀င်ငွေအလယ်အလတ်ရှိသူများ ၀ယ်ယူနိုင်မည့် အိမ်ခန်းပေါင်းကိုမူ ၁၆၀၀ နီးပါးအထိ တည်ဆောက်ဖြစ်ရာ ၀င်ငွေနည်း ပြည်သူများအတွက်ထက် ၀င်ငွေအလယ်အလတ်ရှိသူများအတွက်သာ ပို၍ရွေးချယ်ခွင့်ရှိမည့် စီမံကိန်းဖြစ်သည်။

အများပြည်သူနှင့်သက်ဆိုင်သည့် အိမ်ရာစီမံကိန်းများမှာ နိုင်ငံခြားကုမ္ပဏီများသို့ပါ တင်ဒါခေါ်ယူဆောက်လုပ်သင့်ကြောင်း၊ သို့မှသာ အမှန်တကယ် တန်ဖိုးသင့်၊ တန်ဖိုးသက်သာပြီး အရည်အသွေးမီသော အဆောက်အအုံများကို အများပြည်သူ အသုံးပြုနိုင်မည်ဖြစ်ကြောင်း

၂၀၁၃ ခုနှစ် နှစ်ကုန်ပိုင်းကတည်းက တင်ဒါမခေါ်ဘဲ FMI သို့ပေးရန် စီစဉ်နေခြင်းဖြစ်ပြီး လက်ရှိအချိန်တွင် ပြည်ထောင်စုအဆင့် အဖွဲ့အစည်းများအထိပင် FMI သို့ဆောက်လုပ်ခွင့်ပေးရန် တင်ပြသည့်အဆင့်သို့ ရောက်ရှိနေပြီဟု စုံစမ်းမှုများအရ သိရသည်။

ပုလဲဥယျာဉ် အိမ်ရာစီမံကိန်းနှင့် ပျဉ်းမပင်အိမ်ရာစီမံကိန်းများမှာ ပြည်သူပိုင်မြေပေါ်တွင် ၀င်ငွေနည်းပြည်သူများအတွက် အိမ်ရာများ အဓိကတည်ဆောက်ရမည့် စီမံကိန်းများဖြစ်သည်။

သို့သော် ယခုအခါ ပုလဲဥယျာဉ်အိမ်ရာစီမံကိန်းဆိုလျှင် လက်ရှိအစီအစဉ်အရဆိုပါက ၀င်ငွေအလယ်အလတ်ရှိသူများအတွက်သာ အဓိကတည်ဆောက်မည့် စီမံကိန်းဖြစ်သည်ဟု စီမံကိန်းနှင့်ပတ်သက်၍ သိရှိထားသူအချို့က သုံးသပ်သည်။

အများနှင့်သက်ဆိုင်သော စီမံကိန်းများ အကောင်အထည်ဖော်ရာတွင် ၀န်ကြီးဌာနများအနေဖြင့် တင်ဒါခေါ်ယူပြီး လုပ်ကိုင်ခွင့်ပြုရမည်ဖြစ်ရာ ယခုနောက်ပိုင်းနှစ်များတွင် ၀န်ကြီးဌာနအများစုသည် တင်ဒါခေါ်ယူပြီးမှ လုပ်ကိုင်ခွင့်ပေးလာကြသည်။

နိုင်ငံတော်သမ္မတရုံးကလည်း တင်ဒါခေါ်ယူရာတွင် လိုက်နာရမည့် စည်းကမ်းချက်များကို ထုတ်ပြန်ကြေညာထားပြီး ဖြစ်သည်။

သို့သော် အများနှင့်သက်ဆိုင်သည့် အိမ်ရာစီမံကိန်းများ တည်ဆောက်မှုအများစုကိုမူ တင်ဒါခေါ်ယူမှုမရှိဘဲ နီးစပ်သည့်ကုမ္ပဏီများသို့သာ လုပ်ခွင့်ပေးသည့်စနစ် ကျင့်သုံးနေဆဲဟု လုပ်ကိုင်ခွင့်ချထားပေးမှုများအရ သိရသည်။

စက်မှု(၁)လမ်းမပေါ်၊ ဆီဒိုးနားဟိုတယ်နှင့် ဗဟိုဘဏ်ကြားရှိ ၁၀ ဧကကျော်ကျယ်ဝန်းသော မြေကွက်ပေါ်တွင် တည်ဆောက်မည့်စီမံကိန်းကိုလည်း ရွှေသံလွင်ကုမ္ပဏီသို့ ပြန်လည်လုပ်ကိုင်ခွင့်ပြုရန် စီစဉ်ခဲ့ပြီး ယင်းစီမံကိန်းမှာ ရွှေသံလွင်ကုမ္ပဏီမှ ယခင်က မကိုက်၍မလုပ်ဘဲ နိုင်ငံတော်သို့ပြန်အပ်ခဲ့သော စီမံကိန်းဖြစ်ပြီး ယခုမြေဈေးများ မြင့်တက်ကာ အကျိုးအမြတ်များနိုင်သည့် အခြေအနေရောက်မှ လုပ်ခွင့်ရရန် တောင်းခံခြင်းဖြစ်သည်။

ရွှေသံလွင်ကုမ္ပဏီက လုပ်ကိုင်ခွင့်တောင်းသည့် စီမံကိန်းမှာလည်း အများပြည်သူအတွက် အိမ်ရာဆောက်လုပ်မည့် စီမံကိန်းဖြစ်ပြီး ယခု FMI သို့လုပ်ခွင့်ပေးရန် စီစဉ်နေသည့် အိမ်ရာများမှာလည်း ပြည်သူအတွက် ဆောက်လုပ်မည့် စီမံကိန်းများ ဖြစ်သည်။

အများနှင့်သက်ဆိုင်သော စီမံကိန်းများဖြစ်သော်လည်း တင်ဒါခေါ်ယူမှုမရှိဘဲ နီးစပ်ရာကုမ္ပဏီသို့ ပေးရန်စီစဉ်မှု၊ လုပ်ကိုင်ခွင့်ရရန် ကုမ္ပဏီများမှ တောင်းခံမှုများသည့် တင်ဒါခေါ်ယူရမည်ဆိုသော စည်းမျဉ်းနှင့် ဆန့်ကျင်လျက်ရှိသည်။

ယှဉ်ပြိုင်လုပ်ကိုင်ရခြင်း မဟုတ်သည့်အတွက် အများပြည်သူအတွက်ဟုဆိုသော်လည်း ပြည်သူအတွက် အမှန်တကယ် သက်သာခွင့်မရဘဲ ကုမ္ပဏီ၏အကျိုးအမြတ်အပေါ် အခြေခံသည့်စနစ်အောက်တွင် နစ်နာရနိုင်သည်။

အများပြည်သူနှင့်သက်ဆိုင်သည့် အိမ်ရာစီမံကိန်းများမှာ နိုင်ငံခြားကုမ္ပဏီများသို့ပါ တင်ဒါခေါ်ယူဆောက်လုပ်သင့်ကြောင်း၊ သို့မှသာ အမှန်တကယ် တန်ဖိုးသင့်၊ တန်ဖိုးသက်သာပြီး အရည်အသွေးမီသော အဆောက်အအုံများကို အများပြည်သူ အသုံးပြုနိုင်မည်ဖြစ်ကြောင်း၊ ယခုကဲ့သို့ တင်ဒါခေါ်ယူရမည့်စည်းမျဉ်းကို ဖောက်ဖျက်၍ပေးခဲ့ပါက ပေးခဲ့သူများကသာ တာဝန်ခံကြရမည်ဖြစ်ကြောင်း ဆောက်လုပ်ရေး လုပ်ငန်းရှင်အချို့က ပြောကြားခဲ့ကြသည်။

အကျိုးအမြတ်ပိုင်းကြည့်လျှင်လည်း ရန်ကုန်တွင် လက်ရှိတည်ဆောက်ရန်စီစဉ်နေကြသည့် အဆောက်အအုံစီမံကိန်းများအားလုံးသည် နိုင်ငံတော်မှမြေပေးပြီး လုပ်ငန်းရှင်မှ အားလုံးအကုန်အကျခံ တည်ဆောက်သည့် စီမံကိန်းများဖြစ်ပြီး နိုင်ငံတော် ၅၀ လုပ်ငန်းရှင် ၅၀ အချိုး၊ နိုင်ငံတော် ၄၉ လုပ်ငန်းရှင် ၅၁ အချိုးများဖြင့်သာ အကျိုးအမြတ်ခွဲဝေ တည်ဆောက်ကြခြင်း ဖြစ်သည်။

ယခု ပုလဲဥယျာဉ်အိမ်ရာစီမံကိန်းသည်လည်း နိုင်ငံတော်မှ မြေစိုက်ထုတ်ပေးရပြီး လုပ်ငန်းရှင်အကုန်အကျခံဆောက်သည့် စီမံကိန်းဖြစ်ရာ ၃၀း၇၀ ဆိုသည်မှာ အခြားစီမံကိန်းများဖြင့်ယှဉ်လျှင် နိုင်ငံတော်ရသည့်နှုန်း များစွာနည်းပါးလျက်ရှိသည်။

Eleven Media Group