ရပ်ထားသော ဘတ်စ်ကားကို ၀င်တိုက် ယာဉ်နောက်လိုက် ကားကြိတ်သေဆုံး

ပို့စ်တင်ချိန် - 5/13/2014 06:32:00 PM

ဖြိုးဝေလင်း

ရပ်ထားသည့် အခြားခရီးသည်တင်ယာဉ်တစ်စီးအား နောက်မှဝင်တိုက်မိခဲ့ပြီး ယာဉ်နောက်လိုက်တစ်ဦး ကို ကြိတ်မိခဲ့သော ဖြစ်စဉ်တစ်ခု မေလ ၁၁ ရက်၊ နံနက် ၆ နာရီခွဲအချိန်က မြောက်ဥက္ကာလာပမြို့နယ် အမှတ်(၄၃) ယာဉ်လိုင်းဂိတ်တွင် ဖြစ်ပွားခဲ့သည်ဟု ရန်ကုန်တိုင်းရဲတပ်ဖွဲ့ရုံးက သတင်းထုတ်ပြန်ထား သည်။

ရပ်ထားသည့်ကားမှာ အမှတ်(၄၃) ယာဉ်လိုင်းမှ ခရီးသည်တင်ယာဉ်တစ်စီးသည် ဘရိတ်ပေါက်ကာ ဂိတ်တွင်ရပ်နားထားခြင်းဖြစ်ပြီး သေဆုံးသူ ယာဉ်နောက်လိုက်မှာ ကားနောက်တွင် ရေဖြည့်နေခဲ့စဉ် ၀င် တိုက်မိခြင်း ဖြစ်သည်။
“တိုက်တဲ့ကားရော၊ အတိုက်ခံရတဲ့ကားရောက (၄၃)လိုင်းကကားတွေပဲ။ တိုက်တဲ့ကားက ဘရိတ်ပေါက် ပြီးတော့ လမ်းဘေးမှာရပ်ထားတဲ့ကားကို တိုက်တာ။ လိုက်ထရပ်တစ်စီးကိုလည်း တိုက်လိုက်သေး တယ်။

တိုက်ပြီးခေါင်းကိုကြိတ်လိုက်တော့ ပွဲချင်းပြီးပဲ”ဟု ယင်းဂိတ်အနီးတွင် ကွမ်းယာရောင်းချနေသည့် မျက်မြင်တွေ့ရှိသူတစ်ဦးက ပြောသည်။
ဖြစ်ပွားပုံမှာ မြောက်ဥက္ကလာပမြို့နယ်၊ ပုဂံလမ်းအတိုင်း ခြောက်ကွေ့ဘက်မှ ရွှေပေါက္ကံဘက်သို့ ယာဉ် မောင်းဦးစိန်အောင် (၅၈)နှစ် မောင်းနှင်လာသည့် နံသာရောင်ဟီးနိုးဘတ်စ် ခရီးသည်တင်ယာဉ်သည် အမှတ်(၄၃) ကားဂိတ်အနီးသို့အရောက်တွင် မျက်နှာချင်းဆိုင်မှမောင်းနှင်လာသော လိုက်ထရပ်ကိုယ်ပိုင် ယာဉ်အား တိုက်မိပြီး လမ်းဘေးတွင်ရပ်ထားသော ခရီးသည်တင်ယာဉ်အား ထပ်မံတိုက်မိခဲ့ခြင်းဖြစ် သည်ဟု ရဲမှတ်တမ်းတွင် ဖော်ပြထားသည်။

ယင်းသို့ တိုက်မိခဲ့ခြင်းကြောင့် ရပ်ထားသည့် ခရီးသည်တင်ယာဉ်၏ နောက်တွင် ရေတိုင်ကီရေဖြည့်နေ သူ ယာဉ်နောက်လိုက် ကိုထွန်းအောင်ကျော်(၂၃)နှစ်ကို ကြိတ်မိခဲ့သဖြင့် ဦးခေါင်းပွင့်၊ ဦးနှောက်ထွက်၊ ၀ဲ/ ယာခြေထောက်ပွန်း၊ ယာလက်ဖျံပွန်း ဒဏ်ရာများရရှိကာ အခင်းဖြစ်ပွားရာနေရာ၌ပင် သေဆုံးသွားခဲ့ ခြင်းဖြစ်သည်။

အဆိုပါဖြစ်စဉ်နှင့်စပ်လျဉ်း၍ လူသေဆုံးသည်အထိ မောင်းနှင်ခဲ့သော ယာဉ်မောင်း ဦးစိန်အောင်အား အရေးယူပေးပါရန် ရဲအုပ်လှိုင်ဝင်းအောင်က တရားလိုပြု တိုင်တန်းချက်ကို မြောက်ဥက္ကလာပမြို့မရဲစခန်း မှ (ပ)၆/၁၄၊ ပြစ်မှုပုဒ်မ ၂၇၉/ ၃၃၇/၃၀၄-က ဖြင့် အမှုဖွင့်ထားပြီး တရားခံအား ဖမ်းဆီးစစ်ဆေးလျက်ရှိ သည်။

Mizzima - News in Burmese