ထိုင်းစစ်တပ်က ၀န်ကြီးချုပ်ဟောင်းယင်လက်ကို ထိန်းသိမ်း၊ အာဏာသိမ်းမှုကို ဆန့်ကျင်ဆန္ဒပြမှုများ ဖြစ်ပွား

ပို့စ်တင်ချိန် - 5/24/2014 03:01:00 PM

(ထိုင်းဝန်ကြီးချုပ် ယင်လက်အား ရာထူးမှ ထုတ်ပယ်ခံခဲ့ရပြီးနောက် မေ ၇ ရက်က တွေ့ရစဉ်)
အာဏာသိမ်းခဲ့သော ထိုင်းစစ်တပ်က ဖြုတ်ချခံ အစိုးရခေါင်းဆောင်များကို ဆင့်ခေါ်ခဲ့ပြီးနောက် ဘန်ကောက်ရှိ စစ်ရုံးချုပ်သို့ သွားရောက်ခဲ့သော ၀န်ကြီးချုပ်ဟောင်း ယင်လက်နှင့် မိသားစုဝင်များ၊ ယင်လက်နေရာကို ဆက်ခံသူ ၀န်ကြီးချုပ် ဘွန်ဆောင်ပေဆန် အပါအ၀င် နိုင်ငံရေးသမား အမြောက်အမြား ထိန်းသိမ်းခံခဲ့ရကြောင်း သိရသည်။

ရာထူးမှ ဖယ်ရှားခံခဲ့ရသော အစိုးရမှအဖွဲ့ဝင်များ၊ ဖြူထိုင်းပါတီမှ ခေါင်းဆောင်များကို ဘန်ကောက်မြို့လယ်ရှိ ထိုင်းစစ်အသင်းတိုက်သို့ မေ ၂၃ ရက် ဒေသစံတော်ချိန်နံနက် ၁၀ နာရီတွင် သတင်းလာပို့ရန် စစ်တပ်က ညွှန်ကြားခဲ့သည်။ ထို့ပြင် ဖြုတ်ချခံအစိုးရ ခေါင်းဆောင်များ အပါအ၀င် ထင်ရှားသော ပုဂ္ဂိုလ် ၁၅၅ ဦးကို စစ်တပ်၏ ခွင့်ပြုချက်မရဘဲ ပြည်ပထွက်ခွာခွင့် တားမြစ်ကြောင်း စစ်တပ်က ပြောကြားခဲ့သည်။ ၀န်ကြီးချုပ်ဟောင်း ယင်လက်သည် စစ်တပ်၏ ဆင့်ခေါ်မှုခံခဲ့ရပြီးနောက် ကိုယ်ပိုင်ကျည်ကာယာဉ်ဖြင့် ဘန်ကောက်ရှိ စစ်ဘက်အသင်းတိုက်သို့ မေ ၂၃ ရက်က လာရောက်ခဲ့ကြောင်း သိရသည်။

ယင်လက်၊ သူ၏ညီမနှင့် ခင်ပွန်းတို့ကို ထိန်းသိမ်းခံထားရကြောင်း စစ်ဘက်ဆိုင်ရာ တာဝန်ရှိသူတစ်ဦးကို ကိုးကားပြီး ရိုက်တာက ဖော်ပြခဲ့သည်။ ယင်လက်ကို စစ်ဘက်ဆိုင်ရာ အသင်းတိုက်တွင် အချိန်အတော်အကြာ ထိန်းသိမ်းထားခဲ့ပြီးနောက် အခြားတစ်နေရာသို့ ခေါ်ဆောင်သွားခဲ့ကြောင်း သိရသည်။

အာဏာသိမ်းခေါင်းဆောင် ဗိုလ်ချုပ်ကြီး ပရာယွတ်ချန်အိုချာက အဓိကတာဝန်ရှိသူများနှင့် တွေ့ဆုံခဲ့ပြီး ရွေးကောက်ပွဲမတိုင်ခင် ပြုပြင်ပြောင်းလဲမှုများ ဆောင်ရွက်ရမည်ဟု ပြောကြားခဲ့ကြောင်း သိရသည်။ ယခုအခါ ထိုင်းစစ်တပ်၏ အဆင့်မြင့်ဆုံး အရာရှိ ခြောက်ဦးကို နိုင်ငံအုပ်ချုပ်ရန်အတွက် ခန့်အပ်ထားပြီးဖြစ်ကြောင်း သိရသည်။ ထို့ပြင်ဒေသဆိုင်ရာ တပ်မှူးများကလည်း ပြည်နယ်အစိုးရများကို ကွပ်ကဲနေကြောင်း သိရသည်။

“ပြည်သူ့ဝန်ထမ်းအားလုံး နိုင်ငံကို ၀ိုင်းဝန်းကူညီကြဖို့ ကျွန်တော်လိုလားပါတယ်။ ရွေးကောက်ပွဲတွေ မတိုင်ခင် စီးပွားရေး၊ လူမှုရေးနဲ့ နိုင်ငံရေးပြုပြင်ပြောင်းလဲမှုတွေ ကျွန်တော်တို့ ဆောင်ရွက်ရပါမယ်။ အခြေအနေ ငြိမ်းချမ်းရင် အာဏာကိုပြည်သူထံ ပြန်အပ်နှင်းဖို့ ကျွန်တော်တို့က အသင့်ပါပဲ” ဟု ဗိုလ်ချုပ်ကြီး ပရာယွတ်ချန်အိုချာက ပြောကြားခဲ့သည်။

အာဏာသိမ်းမှုကို ကန့်ကွက်ဆန္ဒပြ

ထိုင်းစစ်တပ်က အာဏာကို ချုပ်ကိုင်မှု ပိုမိုတင်းကျပ်လာခဲ့ပြီး အရပ်ဘက်လွတ် လပ်မှုကို လျှော့ချထားခဲ့ကြောင့် ဘန်ကောက်တွင် မေ ၂၃ ရက်က ကန့်ကွက်ဆန္ဒပြမှုများ ဖြစ်ပွားခဲ့ကြောင်း သိရသည်။ လမ်းထွက်ဆန္ဒပြမှုများ ရှိခဲ့ပြီး ဘန်ကောက်မြို့လယ်တွင် မေ ၂၃ ရက်နေ့လယ်က စစ်သားများကို လှောင်ပြောင်အော်ဟစ်ခဲ့မှုများ၊ ထိပ်တိုက်တွေ့မှုများ ရှိခဲ့သည်။ ဆန္ဒပြသူများ စခန်းချနေရာများကို ရှင်းလင်းရန် စစ်တပ်က စစ်သားအများအပြား တပ်ဖြန့်ထားခဲ့သည်။ ဆန္ဒပြသူအချို့က စစ်အာဏာသိမ်းမှုကို ဆန့်ကျင်သည့် ကြွေးကြော်သံပိုစတာများ ကိုင်စွဲဆန္ဒပြခဲ့ကြသည်။

ဆန္ဒပြသူများကို စစ်သားများက ခေါ်ဆောင်သွားမှုအား မြင်တွေ့ခဲ့ကြောင်း မျက်မြင်သက်သေများက ပြောကြားခဲ့သည်။ သို့သော် ပဋိပက္ခများ မရှိခဲ့ကြောင်း သိရသည်။

နိုင်ငံခြား ရုပ်သံလုပ်ငန်းများ အပါအ၀င် ရုပ်သံနှင့်အသံလွှင့်ဌာန အားလုံးကို စစ်တပ်၏ ကြေညာချက်များကိုသာ ဆက်တိုက် ထုတ်လွှင့်ရန် ညွှန်ကြားထားပြီး အာဏာသိမ်းမှုကို ဆန့်ကျင်သည့် အကြောင်းအရာများ ဖော်ပြသည့် လူမှုကွန်ရက်များကို ပိတ်ပင်သွားမည်ဖြစ်ကြောင်း စစ်ဘက်က သတိပေးခဲ့သည်။

၂၀၀၆ ခုနှစ်က ၀န်ကြီးချုပ် သက်ဆင်ရှင်နာဝပ်ကို ဖြုတ်ချခဲ့သော စစ်အာဏာသိမ်းမှု ဖြစ်ပွားခဲ့ပြီးနောက်ပိုင်း ထိုင်းနိုင်ငံသည် နိုင်ငံရေး အကျပ်အတည်း အတွင်း၌ ပိတ်မိနေခဲ့သည်။ ၂၀၀၆ ခုနှစ်က အာဏာသိမ်းခဲ့ပြီးနောက် စစ်တပ်သည် အာဏာကို တစ်နှစ်ကျော် ထိန်းချုပ်ခဲ့သည်။ ထိုနောက်ပိုင်းမှစပြီး သက်ဆင်မိသားစု ကျောထောက်နောက် ခံရှိသော အုပ်စုနှင့် စစ်တပ်နှင့် နီးနီးကပ်ကပ် ဆက်နွှယ်မှုရှိသော ဘန်ကောက်အခြေစိုက် တော်ဝင်ထောက်ခံသူ အုပ်စုတို့အကြား အာဏာလွန်ဆွဲနေခဲ့သည်။

Ref: AFP



Eleven Media Group