ယောဉ်မောင်းသူများ အထူး သတိ ပြုရမည့် ယာဉ်မီးလောင်မှု အန္တရာယ်
ပို့စ်တင်ချိန်
- 5/04/2014 04:09:00 PM
စာရေးသူတို့ငယ်စဉ်က ကြည့်ရှု ခဲ့ရသော ရုပ်ရှင် ဇာတ်ကားများနှင့် နိုင်ငံရပ်ခြားမှ သတင်း များတွင် မော်တော်ယာဉ်များ ယာဉ်တိုက်မှု ဖြစ်ပွားခြင်း၊ တိမ်းမှောက်ခြင်းများ ဖြစ်ပွားပါက မီးလောင် ပေါက်ကွဲ လေ့ရှိကြောင်း ကြားမြင် သိရှိခဲ့ရပါသည်။
သို့သော်လည်း မြန်မာ နိုင်ငံတွင် ဖြစ်ပွားသော ယာဉ်တိုက်မှု၊ ကားချောက်ထဲ ထိုးကျမှု၊ တိမ်းမှောက်မှု ဖြစ်စဉ်များတွင် မီးလောင်သည် ဟူ၍ ကြားသိခဲ့ခြင်း မရှိခဲ့ပေ။ နိုင်ငံခြား ဝတ္ထုဘာသာပြန် စာအုပ်များ၊ နိုင်ငံခြား ဝတ္ထုကို မှီငြမ်းသော ရုပ်ပြနှင့် ရုပ်ရှင်ဇာတ်လမ်း များတွင်မူ ယာဉ်မီးလောင်မှုများကို တွေ့ရှိရ
သည်။ ထိုစဉ်ကပင် နိုင်ငံခြားတွင် ယာဉ်မတော်တဆမှု ဖြစ်ပါက မီးလောင်လေ့ရှိပြီး မြန်မာ နိုင်ငံ၌မူ မီးလောင်မှု ဖြစ်ပွားခြင်း မရှိသည်ကို သတိထားမိ ခဲ့သော်လည်း အကြောင်းရင်းကို မသိရှိခဲ့ပေ။
သို့သော်လည်း ယခုအခါတွင် မြန်မာနိုင်ငံ၌လည်း မော်တော်ယာဉ် မီးလောင်မှုများစွာကို တွေ့ကြုံကြား သိနေရပြီ ဖြစ်ပါသည်။
ဓာတ်ဆီဆိုင်များတွင် ဆီဖြည့်စဉ် မီးလောင်ခြင်း၊ ယာဉ်မောင်းနှင်နေစဉ်၊ ရပ်နားထားစဉ် အလိုအလျောက် မီးလောင်ခြင်း၊ ယာဉ်တိုက်မှု ဖြစ်ပြီး မီးလောင်ခြင်း၊ ယာဉ် တိမ်းမှောက်ရာ မှတစ်ဆင့် မီးလောင်ခြင်း စသည်ဖြင့် မီးလောင်မှု မျိုးစုံကို ကြားသိ နေရပါသည်။
ထို့ကြောင့် မြန်မာနိုင်ငံတွင် ယာဉ်မတော်တဆမှု ဖြစ်ပွားသော အခါ၌ တခြားနိုင်ငံများ နည်းတူ မီးလောင်မှု ဖြစ်ပွားရခြင်း အကြောင်းများကို လေ့လာသောအခါ ယာဉ်မောင်းနှင် ရာတွင် အသုံးပြုရသော လောင်စာဆီ ပြောင်းလဲ အသုံးပြု လာသောကြောင့် ဖြစ်ကြောင်း တွေ့ရှိ ရပါသည်။
မြန်မာ နိုင်ငံတွင် ယခင်က အစိုးရ ရေနံ ချက်စက်ရုံများမှ ထုတ်လုပ် ဖြန့်ချိသော ဓာတ်ဆီများ ကိုသာ အသုံးပြု ခဲ့ကြသော်လည်း ယခုအချိန်တွင် တခြား နိုင်ငံများ နည်းတူ Octane 92 Ron, 95 Ron စသည့်ဆီများ အသုံးပြုလာကြသည်ကို တွေ့ရှိရပါသည်။
ထိုလောင်စာဆီများသည် အထူးသဖြင့် အေးသော နိုင်ငံများတွင် အင်ဂျင်ပေါက်ကွဲအား ကောင်းအောင် အသုံးပြုသော ဆီများဖြစ်ပြီး ယာဉ်မတော်တဆမှုများ ဖြစ်သောအခါ မီးလောင် လွယ်ကြောင်း သိရှိ ခဲ့ရပါသည်။ ထို့ကြောင့် ဥရောပမှ ထုတ်သော ကားများတွင် မီးလောင် ခြင်းမှ ကာကွယ်ရန် လောင်စာဆီကြောင့် လောင်သောမီးကို ထိရောက်စွာ ငြှိမ်းသတ် နိုင်သော မီးသတ်ဆေးဘူးများ ထည့်ပေး လိုက်သည်ကို တွေ့ရှိရပါသည်။
စာရေးသူ မလေးရှား နိုင်ငံတွင် တာဝန် ထမ်းဆောင်စဉ် မိမိတို့ ရုံးအတွက် မာစီဒီး မော်တော် ယာဉ် တစ်စီး ဝယ်ယူရာ ရှေ့ယာဉ်မောင်း ထိုင်ခုံနှင့် ဘေးထိုင်ခုံ အောက်များတွင် မီးသတ် ဆေးဘူးတစ်ဘူး စီထား ရှိထားသည်ကို တွေ့ ရှိပြီး ၄င်းမီးသတ်ဆေးဘူးများမှာ လောင်စာ ဆီ မီးလောင်မှုကို ငြှိမ်းသတ်နိုင်ရန် အထူး စီမံ ပြုလုပ်ထားသော မီးသတ် ဆေးဘူးများ ဖြစ်ကြောင်း သိရှိရပါသည်။ ၄င်းအပြင် မော်တော်ယာဉ်အား သတ်မှတ် ကီလိုမီတာ ပြည့်အောင် မောင်းနှင်ပြီးတိုင်း ကြံ့ခိုင်ရေး (Servicing) သို့ပို့ရာတွင် မော်တော်ကား ဝပ်ရှော့ခ်မှ ထိုမီးသတ်ဆေးဘူး သက်တမ်းလွန်၊ မလွန်၊ ကောင်း၊ မကောင်းတို့ကို အထူး အလေးထား စစ်ဆေးသည်ကို တွေ့ကြုံခဲ့ ရပါသည်။ ထို့အပြင် မော်တော်ယာဉ် အာမခံ ထားရာတွင်လည်း မီးသတ်ဆေးဘူးပါရှိခြင်းရှိ၊ မရှိနှင့် ထားရှိသော မီးသတ်ဆေးဘူး အမျိုးအစားကို လိုက်၍ အာမခံပရီမီယံကြေး အနည်းအများကို ညှိနှိုင်းခဲ့ရပါသည်။ စာရေးသူ တင်ပြလိုသည်မှာ ဥရောပနိုင်ငံများမှ မော်တော်ယာဉ်များ ထုတ်လုပ်ရာတွင် မီးသတ်ဆေးဘူး ကဏ္ဍအား အထူး အလေးထားသည်ကို တင်ပြလိုခြင်း ဖြစ်ပါသည်။ ထို့ကြောင့် မြန်မာ နိုင်ငံတွင် အသုံးပြု မောင်းနှင် လျက်ရှိသော ယာဉ်အားလုံးတွင် လောင်စာဆီ မီးလောင်ခြင်း ကို ငြှိမ်းသတ်နိုင်စွမ်း ရှိသော ဓာတုဗေဒ ဆေးမှုန့်ပါ မီးသတ်ဆေး ဘူးများကို လုံလောက်စွာ ထားရှိရန် လိုအပ်သကဲ့သို့ မီးသတ်ဦးစီး ဌာနနှင့် ကုန်းလမ်း ပို့ဆောင်ရေး ညွှန်ကြားမှု ဦးစီးဌာန တို့ကဲ့သို့ တာဝန်ရှိသော ဌာနဆိုင်ရာများ အနေဖြင့်လည်း မော်တော်ယာဉ်များ၌ မီးသတ်ဆေးဘူးပါ၊ မပါကို တင်းကျပ်စွာ စစ်ဆေး အရေးယူရန် လိုအပ်ပါသည်။
ထို့အပြင် မြန်မာနိုင်ငံတွင် ယခုနှစ်၌ ပို၍ ပူပြင်း ခြောက်သွေ့လာသဖြင့် ယာဉ်များ မောင်းနှင် စဉ်၊ ရပ်နားထားစဉ် တို့တွင် အလိုအလျောက် မီးလောင်မှုများ မကြာခဏ ဖြစ်ပွား နေပါသည်။ ၄င်းဖြစ်စဉ်များကို လေ့လာကြည့်ပါက မော်တော်ယာဉ် အင်ဂျင်စက်ခန်းများ အပူချိန် မြင့်တက် လာချိန်တွင် ဆီပိုက်များ ယိုစိမ့်ခြင်း၊ အင်ဂျင်ခန်း သန့်ရှင်းမှုမရှိခြင်း တို့ကြောင့် အင်ဂျင်ခန်းရှိ ဆီကြေးများ၊ ဖုန်များမှတစ်ဆင့် လောင်ကျွမ်းမှု ဖြစ်ပွားရခြင်း ဖြစ်ကြောင်း သိရှိရပါသည်။ ထို့ကြောင့် မော်တော်ယာဉ်များ၏ အင်ဂျင်ခန်းများအတွင်း သန့်ရှင်းမှုရှိစေရေး၊ ဆီပိုက်များ ယိုစိမ့်မှုမရှိစေရေးအတွက် အလေးပေး ဆောင်ရွက်ထားကြရန် လိုအပ်ပါသည်။
အဓိက အရေးကြီးဆုံး အချက်မှာ ယာဉ်မောင်းများ၏ အခန်းကဏ္ဍ ဖြစ်ပါသည်။ ယာဉ်မောင်း များအနေဖြင့် ယာဉ်မတော် တဆမှု ဖြစ်ပွားမှုမှ ကာကွယ်ရန်အတွက် သတ်မှတ်မိုင်နှုန်း အတိုင်း ဂရုတစိုက် မောင်းနှင်ခြင်း၊ ယာဉ်မောင်းနေစဉ် အချိန်၌ ယာဉ်နှင့်လမ်း အခြေအနေကို အခါမလပ် ဂရုစိုက်သတိထားခြင်း၊ ဖုန်းစကားပြောခြင်း၊ သီချင်းနားထောင်ခြင်း၊ ဗီဒီယို ကြည့်ခြင်း၊ ဆေးလိပ်သောက်ခြင်း၊ မူးယစ်သေစာ သောက်စားခြင်း၊ လက်တစ်ဖက်တည်းဖြင့် မောင်းနှင်ခြင်း(တချို့ယာဉ်မောင်းများသည် ယာဉ်မောင်းနှင် နေချိန်၌ ကလေးငယ်များအား စီယာတိုင်နောက်တွင် ချီပြီး ပေါင်ပေါ်တင်ကာ မောင်းနှင်လေ့ ရှိသည်။) တို့ကို ရှောင်ရှားရန် လိုအပ်ပါသည်။ သို့မှသာ ယာဉ်မတော်တဆမှု မှတစ်ဆင့် ဖြစ်ပွားလာမည့် မီးလာင်မှု ဖြစ်စဉ်များကို ကာကွယ်နိုင်မည် ဖြစ်ပါသည်။
သို့ပါ၍ မော်တော်ယာဉ်မီးလောင်မှု မှတစ်ဆင့် နိုင်ငံတော်၏ ပိုင်ဆိုင်မှုများ ပျက်စီးဆုံးရှုံးမှုမှ ကာကွယ်ရန်နှင့် နိုင်ငံသား များ သေကျေဒဏ်ရာရရှိမှုမှ ကာကွယ်နိုင်ရန်အတွက် ယာဉ်မီးလောင်မှု အန္တရာယ်ကို ယာဉ်မောင်းများနှင့်အတူ အလေးထား ကာကွယ်သင့် ပါကြောင်း အကြံပြု တင်ပြအပ်ပါသည်။
မြ၀တီ
