ပြောပြစရာတွေလဲ တပုံကြီးရှိသေးတယ် - အမှတ် (၅၂၅)
ပို့စ်တင်ချိန်
- 5/18/2014 08:34:00 PM
ဗောဓိတထောင်ပွဲသို့
မာမာအေး
မေ ၁၇၊ ၂၀၁၄
သောတရှင်များ ကျန်းမာတော်မူကြပါစရှင် ...
မာအေးချစ်တဲ့သောတရှင်တွေ ဂီတဝါသနာရှင်တွေအားလုံး မာအေးရဲ့အသံလေးကြားရတဲ့အခါမှာ ကိုယ်ရော စိတ်ပါ ချမ်းသာကြပါစေလို့ ဆုမွန်ကေါင်းတောင်းလိုက်ပါတယ်။
သောတရှင်တို့ရေ ... မာအေးတော့ စိတ်ကူထားတာကတခြား၊ ပြောမိနေတာက တခြားတော့ ဖြစ်နေပြန်ပြီရှင့်။ သိတယ်မို့လား ... လွတ် လပ်ရေးအတွက် မျိုးစေ့ချခဲ့တဲ့ သူတော်ကောင်းတွေအကြောင်းကို ဦးတည်ထားခဲ့တာပေမယ့် ချစ်စွာသော မမမေအကြောင်းကလဲ ပေါ် ပြန်တော့ ပြောခဲ့ရပြန်တာပေါ့ရှင်။ ပြီးခဲ့တဲ့အစီအစဉ်တွေမှာ ဆရာတော်ဦးဥတ္တမအကြောင်း ကောင်းကောင်းကြီးပြောခဲ့တာကြောင့် ရွှေနား တော်ညောင်းမယ်ဆိုလဲ ပြေစရာရစေမယ်ဆိုတဲ့ သဘောလဲဖြစ်ပါတယ်ရှင်။
ခုလဲမာအေးက ကိုယ့်မွေးရပ်မြေ ပြန်ရောက်နေပြန်ပါပြီ။ ဒီမှာ အလှူရေစက်ချစရာလေးရှိနေလို့ ခဏပြန်လာတာပြောတာပေါ့။ ဒီတခေါက်က အလုပ်သဘော ဆိုစရာ ပြုစရာကိစ္စမဟုတ်လို့ အေးအေးဆေးဆေး ကုသိုလ်လုပ်အားပေးစရာရှိရင်ပေးဘို့ စဉ်းစားမိတာနဲ့ မဟာဗောဓိ တစ်ထောင် သာသနာမြေက လက်ရှိသာသနာပြုဆရာတော်ဘုရားကို မာအေးလာဖြစ်စရာအကြောင်းရှိပါတယ်လို့ ဖုန်းဆက်လှမ်းလျှောက် ထားမိပါတယ်။ ကိုယ့်ကုသိုလ်ကိစ္စရေစက်ချဘို့ရာက ပုဂံညောင်ဦးဖြစ်တာမို့ သုံးနာရီလောက်ကားမောင်းချိန်အတွင်းမှာ မဟာဗောဓိ တစ် ထောင်တည်ရာ မုံရွာမြို့နဲ့ မနီးမဝေး သံဗုဒ္ဓေစေတီတော်ကြီးရဲ့နောက်ကျောဖက်က သာသနာ့မြေကို ရောက်နိုင်တာမို့လဲ လျှောက်ဖြစ် တာပါဘဲ။
ဗောဓိတစ်ထောင် ပထမဆရာတော် ဘဒ္ဒန္တနာရဒ- စပြီးတည်ထောင်တော်မူစဉ်ကဘဲ ရောက်တိုင်းဝင်ဖူး၊ ပြည်ပမှာကြုံပြန်တော့လဲ သွားဖူး၊ ကိုယ့်ဧရာဝတီတိုင်းထဲမှ တစ်ထောင်သာသနာတွေစခဲ့တာဟာလဲ ဆရာတော့်ကျေးဇူးရယ်လို့ သဒ္ဓါစိတ်ကရှိနေလေတော့- ဆရာတော် ရှိစဉ်ကတည်းက ကျင်းပမြဲဖြစ်တဲ့ ဆရာတော်ဘုရားမွေးနေ့ တပိုတွဲလဆန်း (၁၄) ရက် အဝင်အပါ၊ ဗုဒ္ဓပူဇနိယပွဲမဟာကို ရောက်သွားပါတယ်။
အရင်တခါရောက်ခဲ့စဉ်ကလဲ ကိုယ့်ပရိသတ်သိရအောင် အတော်အသင့်ပြောပြခဲ့ပြီးပါပြီ။ ဒီနှစ်မာအေးရောက်သခိုက်မှာ တွေ့ခဲ့ကြုံခဲ့တာ တွေကိုပြောပြရရင် ကုသိုလ်ပွားဗဟုသုတလဲ ပွားမယ်ထင်လို့ပြောပါရစေရှင်။
မာအေးရဲ့ခရီးစဉ်ကတော့ ရန်ကုန်ကနေ ညောင်ဦးကိုလေယာဉ်နဲ့သွားပြီး ပုဂံမြို့ဟောင်းက က္ကုသိပညဒေဝ ဂုရုကျောင်းမှာ တညတာဝင်နား ခဲ့တာပါ။ တန့်ကြည်တောင်ဆရာတော်ဘုရားတရားရိပ်မှာ ၁၉၉၀ ခုနှစ်လောက်ကစပြီး ဒီဇင်ဘာလတိုင်း တရားအားထုတ်လာတဲ့ သံယော ဇဉ်နဲ့ပေါ့။ ပြီးတော့ ဒီမယ် နောင်တရားဝင်တဲ့အခါ စိတ်ချမ်းသာစေချင်လို့ဆိုပြီး သားငယ်က တိုက်ဇရပ်ကလေးတလုံးဆောက်လှူချင်တာကိုလဲ အမိန့်ရှိထားတာကြောင့်၊ လိုတာများရှိရင် သိနိုင်အောာင် ဝင်ကြည့်တာပေါ့ရှင်။ လိုအပ်သည်များကို ညွှန်ကြားတဲ့သူတွေများ ပါ သွားပြီလား…မပြောတတ်ဖူး။ ဆရာတော်ဆီပြန်ချင်တာလေးလျှောက်ဖို့ ဖုန်းဆက်လိုက်ရှာတော့မှ ယိုးဒယားကြွနေသတဲ့။ ပြင်သာ ပြင်လိုက်ပါ။ ကိုယ့်သဘော ဆရာတော်သိပါတယ်လို့ အတော်ပြောယူရတယ်။ ဧရာဝတီမြစ်ပြင်ကြီးကို ငေးမယ့်တွေးမယ့်ရေးမယ့်သူမို့၊ သံတံခါးအပိတ်ကြီး မထားပါရစေနဲ့ဘုရား။ မှန်တရုတ်ကပ်ကလေးထည့်ပါရစေဘုရားလို့ လျှောက်ထားရုံဘဲ ဟာနော်။ ဒါနဲ့ မနက်တိုင်း ပုဂံသံဃာတော်များဆွမ်းလောင်းတဲ့အလှူ တမနက်စာလှူဒါန်းရခဲ့တယ်။ သာဓုခေါ်ရင် ကုသိုလ်ရလိမ့်မယ်နော်။
(ပုဂံသွားလို့ ဆွမ်းလောင်းမယ်)
ဆွတ်ဆွတ်ဖြူဆွမ်း၊ လန်းဆန်းတက်ကြွလောင်းလှူကြဘို့လာ၊ အာရုံဆွမ်း အလှူကုသိုလ်ယူဖွယ်၊ ပုဂံသွားလည် ဆွမ်းလောင်းမယ်၊ ပုဂံ သွားလည် လောင်းမယ်၊ ပုဂံသွားလည် ဆွမ်းလောင်းမယ်၊ ပုဂံကို လာတည်းခိုပါ၊ က္ကုသိပညာ့ဒေဝဂုရုကျောင်းတော်မှာ၊ အာရုံ ဆွမ်း လောင်းလှူခြင်းကို ကြည်ညိုသဒ္ဓါပွားစေရာ၊ ပုဂံဆိုသည်မှာမြန်မာ၊ မြန်မာဆိုသည်မှာ ပုဂံ၊ ပုဂံမှာ ဘုရားပေါပေသည်၊ ရှင်အရဟံအစ- အနော်ရထားမင်းကြီးအလယ်၊ ရန်အောင်ချမ်းသာ ဆရာတော် ထေရ်ဘုန်းကြွယ် အဆုံးမရှိတယ် (ပုဂံသွားလည်ဆွမ်းလောင်းမယ်)၂ ။ ။
ဖေဖော်ဝါရီ ၁၂ ရက်နေ့ဆိုတာ တို့ဆွေမျိုးတိုင်းရင်းသားတွေနဲ့အတူ နေခဲ့ရဖူးတဲ့ရက်ပဲလို့၊ ဧရာကိုငေးရင်း သတိရနေမိပါတယ်။ မရောက် မရှိရောက်ခဲ့ဖူးတဲ့ ပြည်ထောင်စုနေ့တွေမှာ အတူဖျော်ဖြေခဲ့ဖူးတဲ့ အကိုတွေ မောင်တွေ အမတွေ ဂီတလောကသားတွေလဲ ဘယ်ဆီမှာလဲ-ရှိသလား မရှိကြတော့ဘူးလား။ တရားရိပ်မှာ အတိတ်တွေထင်နေတယ်။ မတည်မြဲခြင်းကို ရှင်းရှင်း တွေ့နိုင်ပြီ။ နင်ဘာလုပ်ဦးမှာလဲ တွေးဆဲမှာ အခေါ်လာတဲ့ကားရောက်ပြီဆိုမှ ဓမ္မခရီးရှိသေးတာပါလားနဲ့ လိုက်သွားခဲ့တာ မဟာဗောဓိတစ်ထောင်ကိုပါရှင်။
နှစ်နာရီခွဲသာသာ သုံးနာရီတောင်မကြာဘဲ ရောက်ပါတယ်။ ညနေ ၅ နာရီလောက်ထွက်တာမို့ လမ်းမှာ မိုးချုပ်တာပေါ့နော်။ မာအေးအစက ကိုယ့်နိုင်ငံမှာအရင်လို ကားပြန်မောင်းမယ်ဆိုတဲ့စိတ်ကူးရှိတာ ပျက်မလိုကို ဖြစ်ပါတယ်။ လမ်းမှာ သုံးဘီးအကြီးစားရော၊ ထော်လာဂျီဆို တာရော၊ တရုတ်ဆိုင်ကယ်တွေရော၊ တဗျောဗျော တက်တက်လာသကိုး။ လမ်းကကျဉ်း လမ်းဘေးရပ်ထားတဲ့ကားကြီးတွေက ရောင် ပြန်အပြားတောင် ကပ်မထားတော့ အန္တရာယ်ကြီးလှတယ်ရှင်။ ဆင်ခြင်နိုင်ပါမှ တော်ကာကျမှပါ။ လမ်းမှာဆိုင်ကယ်စီး ခရီးသွားတဲ့သူ (၈၅)ရာနှုန်းလောက်က ဦးထုပ်အမာခံ ဆောင်းမထားကြပါဘူး။ သူလဲ ယာဉ်ဥပဒေနဲ့မောင်းနှင်ရတဲ့ လိုင်စင်ရှိမယ်ထင်ပါတယ်ရှင်။ ယာဉ်စည်း ကမ်းအတိုင်းယူမယ်ဆိုရင်တော့ ကားလိုင်စင်လိုဘဲ အသက်၊ (၁၈) နှစ်နဲ့အထက်မှ မောင်းခွင့်လက်မှတ်ပေးလိမ့်မယ်ထင်ပါတယ်။ ခုမာ အေးမြင်ခဲ့တာခလေးတွေ ဆယ်နှစ်ဝန်းကျင်ဘဲရှိဦးမယ့် ခလေးငယ်တွေပါ။ မောင်းခွင့်ရှိပါရဲ့လား။ အမိအဖတွေ ခွင့်ပြုတာလား။ ဘာတွေလဲ၊ အန္တရယ်တွေဘဲဆိုတာအသိသားနဲ့ ကြည့်များလဲလုပ်ကြပါဦးလို့ ဘယ်သူ့ကိုပြောမှ ခရီးရောက်မှာလဲ၊ သိကြပြင်ကြမှာပါလဲနော်၊ မာအေးက အခုမှ ဒါတွေကို ပူပင်နေတာမဟုတ်ပါဘူး။ ဝန်ထမ်းဘဝကတည်းက အဖွဲ့တွေနဲ့ ပညာပေးသီချင်း၊ (ယာဉ်အန္တရယ်) ဆိုတာမှာ ဝင်ပါသီ ဆိုခဲ့တာပါ။ ကြားဖူးမှာပါ။
ယာဉ်အန္တရာယ် xxx စုပေါင်းကာကွယ်ပါမည် xxx
xxxx လမ်းစည်းကမ်းကို လိုက်နာဘို့လိုပါသည် xxx
ယာဉ်စည်းကမ်းကို xxx လိုက်နာဘို့လိုပါသည် xxx
အဲဒီသီချင်းလေ။
MoeMaKa Burmese
