အကြမ်းဖက်သမားများ၏ ပုံစံပြောင်း ခြိမ်းခြောက်မှု ပိုတိုးလာဟု အမေရိကန်ပြော

ပို့စ်တင်ချိန် - 5/01/2014 07:46:00 PM

အကြမ်းဖျက်မှုတိုက်ဖျက်ရေးအတွက် အမေရိကန်အစိုးရ ညှိနှိုင်း ဆောင်ရွက်ရေးမှူး သံအမတ်ကြီး တီနာ ခိုင်ဒါနောင်း

နယ်မြေအနှံ့ကို ဖြန့်ထုတ်ထားတဲ့ အယ်ကေဒါနဲ့ ပတ်သက်တဲ့ အဖွဲ့တွေရဲ့ ပုံစံပြောင်း ခြိမ်းခြောက်မှုတွေ တိုးလာနေတယ်လို့ အမေရိကန်အစိုးရက ဧပြီ ၃၀ ရက်နေ့က သတိပေးလိုက်ပါတယ်။



၂၀၁၃ ခုနှစ်မှာ အကြမ်းဖက်သမားတွေရဲ့ ခြိမ်းခြောက်မှုတွေ ရုတ်တရုက် ပုံစံပြောင်းခဲ့တယ်လို့ အကြမ်းဖျက်မှုတိုက်ဖျက်ရေးအတွက် အမေရိကန်အစိုးရ ညှိနှိုင်း ဆောင်ရွက်ရေးမှူး သံအမတ်ကြီး တီနာ ခိုင်ဒါနောင်းက ပြောပါတယ်။
အစိုးရက ထောက်ပံ့တဲ့ အကြမ်းဖက်မှုဆိုင်ရာနှစ်ပတ်လည်အစီရင်ခံစာ ဖြန့်ချိမှုအတွက် သတင်းစာရှင်းလင်းပွဲအတွင်း ခုလို ပြောလိုက်တာ ဖြစ်ပါတယ်။
ပါကစ္စတန်နိုင်ငံတွင်းက အယ်ကေဒါ ခေါင်းဆောင်မှုအမာခံစခန်းတွေကို နိုင်ငံတကာ လူ့အဖွဲ့အစည်းက နှိမ်နင်းနိုင်ခဲ့ပြီး အရှေ့အလယ်ပိုင်းနဲ့ အာဖရိကအနောက်မြောက်ပိုင်းက အဖွဲ့အစည်းတွေကို အင်အားနည်းပြီး မတည်ငြိမ်အောင် လုပ်နိုင်ခဲ့လို့ အယ်ကေဒါ အမာခံတွေက နယ်မြေအနှံ့ကို ဖြန့်ထွက်မှုတွေ တိုးလာခဲ့တာပါ။

ဒါဟာ ဒေသတွင်းနဲ့ နယ်ပယ်တွင်း ရည်မှန်းချက်တွေကို အာရုံစိုက်မှုပါ တိုးလာစေတယ်လို့ သတင်းထောက်တွေကို ဆက်ပြောပါတယ်။
ပိုပြီးရန်လိုလာတဲ့ အယ်လ်ကေဒါနဲ့ ဆက်စပ်အဖွဲ့အစည်းတွေ၊ အလားတူအုပ်စုတွေ ယီမင်၊ ဆီးရီးယား၊ အီရတ်၊ အာဖရိက အနောက်မြောက်ပိုင်းနဲ့ ဆိုမာလီတို့မှာ ပေါ်ထွက်လာခဲ့တယ်လို့ ဆိုပါတယ်။

၂၀၁၃ ခုနှစ်မှာ အယ်ကေဒါခေါင်းဆောင်တွေဟာ သူတို့ကွန်ရက်အတွင်း စည်းကမ်းထိန်းသိမ်းဖို့ အဖွဲ့ဝင်အုပ်စုတွေကို လမ်းညွှန်ချက်ပေးရေးအတွက် ဆက်သွယ်ကြိုးစားခဲ့တာကို မြင်ရတယ်လို့ သံအမတ်ကြီး တီနာ ခိုင်ဒါနောင်းက ပြောပါတယ်။

“အယ်ကေဒါခေါင်းဆောင် အိုင်မန် အယ်ဇာဝါဟိရီရဲ့ ဘေးထွက်ဖျက်ဆီးမှုတွေကို လျှော့ချရေး ဗျူဟာမြောက် လမ်းညွှန်ချက်ကို မလိုက်ဘဲ အကြမ်းဖက် တိုက်ခိုက်မှုတွေ တိုးလာတာ သိသာထင်ရှားတယ်။ ယီမင်ဆေးရုံ တိုက်ခိုက်မှု၊ ကင်ညာကုန်တိုက်တွင်း မိသားစုတွေကို သတ်မှုနဲ့ အီရတ် ဘာသာရေးဘုရားဖူး အရပ်သားတွေကို တိုက်ခိုက်မှုတွေက ဥပမာပဲ” လို့ သူက ပြောခဲ့ပါတယ်။

DVB Burmese