အရက်မရောင်းကြောင်းပြောသူကို မကျေနပ်၍ ဓါးဖြင့်ခုတ်
ပို့စ်တင်ချိန်
- 5/19/2014 07:03:00 PM
နေပြည်တော်၊ မေ ၁၉
၂၀၁၄ ခုနှစ်၊ မေလ ၁၈ ရက်နေ့ နေ့လည် ၂ နာရီအချိန်ခန့်တွင် မကွေးတိုင်းဒေသကြီး၊ ဆောမြို့နယ်၊ ကျောက်ထုမြို့နယ်ခွဲ၊ နယ်ရဲရွာနေ ဒေါ်မကြည်(၆၄)နှစ်သည် နေအိမ်၌ အိမ်ဖော်ဖြစ်သူ မဗူးဒေါင်း(ခ)ခင်ဆွေဦးနှင့်အတူရှိနေစဉ် ပေါက်ခေါင်းကျေးရွာနေ လှဝေ(၃၃)နှစ်ရောက်ရှိလာပြီး အရက်ရောင်းရန်ပြောသဖြင့် ဒေါ်မကြည်မှ ယခုနှစ်တွင် မရောင်းတော့ကြောင်းပြောခဲ့သည်။ ထိုသို့ ပြောသည်ကို မကျေနပ်၍ လှဝေမှ ဓါးမတစ်ချောင်းကိုင်ကာ ပြန်လည်ရောက်ရှိလာပြီး အိမ်ပေါ်တက်၍ ဓါးဖြင့်ခုတ်ရာ ဒေါ်မကြည်တွင် နဖူးယာမှပါးရိုးထိ အရိုးပြတ်/ပေါက်ပြဲ၊ နှာခေါင်းဖျားပြတ်ရှ၊ ယာပါးရိုး(၆)လက်မခန့်ပေါက်ပြဲ၊ ၀ဲလက်ဖျံကျိုး၊ ဦးခေါင်းထိပ်(၄)လက်မခန့်ပေါက်ပြဲ၊ ဆံပင်အစပ်မှ လည်ဂုတ်ရိုးထိ(၃)လက်မခန့် ပြတ်ရှဒဏ်ရာများရရှိပြီး အခင်းဖြစ်နေရာတွင် သေဆုံးသွားသောကြောင့် လှဝေအား ကျောက်ထုနယ်မြေရဲစခန်း(ပ)၁၃/၂၀၁၄၊ ပြစ်မှုပုဒ်မ ၃၀၂ ဖြင့် အမှုဖွင့်အရေးယူ ထားကြောင်း သတင်းရရှိသည်။
ရဲဇာနည်
