အလုပ်အကိုင်ပြပွဲများ ပြုလုပ်သော်လည်း အခြေခံ အလုပ်သမားများ ခန့်ထားနိုင်ခြင်းမရှိဟု ဝေဖန်
ပို့စ်တင်ချိန်
- 5/16/2014 10:32:00 PM
အလုပ်အကိုင်အခွင့်အလမ်းဆိုင်ရာ ပြပွဲများ ကျင်းပသော်လည်း အခြေခံအလုပ်သမားများအတွက် ခန့်အပ်ပေးနိုင်သော စက်ရုံအလုပ်ရုံများနှင့် ကုမ္ပဏီ အလုပ်ခန့်ထားမှုများ မရှိသလောက်အားနည်းသည်ဟု အလုပ်သမားဆိုင်ရာ အဖွဲ့အစည်းများက ဝေဖန်ပြောဆိုလိုက်သည်။
“အခြေခံလုပ်သားတွေအတွက်တော့ လုပ်ကိုင်ရရှိမှုက အရမ်းအားနည်းနေပါတယ်။ သူတို့တွေအတွက် ဦးစားပေးစဉ်းစားပေးမှုလည်း မရှိဘူး။ အဆိုးရွားဆုံး အချက်ကတော့ ပြပွဲလုပ်ပြီးသွားရင် အလုပ်အကိုင် ဘယ်လောက်ခန့်အပ်ခဲ့သလဲဆိုတဲ့ ထုတ်ပြန်ပေးမှု မရှိတာပါဘဲ”ဟု မြန်မာနိုင်ငံအလုပ်သမားသမဂ္ဂအဖွဲ့ချုပ် (ယာယီ)ဥက္ကဋ္ဌ ဦးအောင်လင်းက မဇ္ဈိမကို ပြောသည်။
အဆိုပါပြပွဲများကို ကျပ်ငွေသိန်းချီ အကုန်အကျခံကာ ပြုလုပ်ရသည့်အတွက် အလုပ်အကိုင်အမျိုးအစား ဘယ်လောက်မှာ အလုပ်သမားမည်မျှခန့်အပ်သွားမည်ကို ကြိုတင်ပြင်ဆင်ထားဖို့ လိုအပ်သည်ဟု အဖွဲ့အစည်းများက အကြံပြုပြောသည်။
အထက်ပါပြပွဲများတွင် ဘွဲ့ရအလုပ်အကိုင်များအပြင် အခြေခံလုပ်သားများ လုပ်ကိုင်နိုင်သော အမျိုးအစားများကို ပြုလုပ်ပေးရန် လိုအပ်သည်။ စက်ရုံအလုပ်ရုံများအတွက် ကျွမ်းကျင်ဝန်ထမ်းမဟုတ်သည့် အလုပ်သမားများကို ပြပွဲများတွင် ခေါ်ယူကာ သင်တန်းပေးဆောင်ရွက်သည်အထိ ပြပွဲများတွင် ခေါ်ယူပြုလုပ်စေလိုကြသည်။
သီရိမင်္ဂလာဈေး အခြေခံအလုပ်သမားအဖွဲ့ဝင် ဦးလှမျိုးဦးက “လှိုင်သာယာစက်မှုဇုန်မှာ လုပ်ခဲ့တဲ့ အလုပ်အကိုင်ပြပွဲကို သွားပြီး အလုပ်လျှောက်ထားခဲ့ပါတယ်။ အလုပ်မရှိလို့သာ လျှောက်ခဲ့တာပါ။ ကိုယ်လုပ်ချင်တဲ့ ပုံစံမျိုးမဟုတ်ပါဘူး။ အခြေခံလုပ်သား အများဆုံးလျှောက်ထားနိုင်မယ့် အမျိုးအစားများ ပါဝင်တာမျိုးဖြစ်စေချင်တယ်” ဟု ပြောသည်။
အခြေခံအလုပ်သမားအများဆုံး လုပ်ကိုင်လျက်ရှိသည့်စိုက်ပျိုးရေးလုပ်ငန်းများ၊ သစ်ထုတ်လုပ်ရေးလုပ်ငန်းများ၊ ရေလုပ်ငန်းများ၊ အထည်ချုပ်လုပ်ငန်းများ၊ ဓာတုပစ္စည်းလုပ်ငန်းများနှင့် သံရည်ကျိုလုပ်ငန်းများတွင် လုပ်ကိုင် လျက်ရှိသည်။
စက်ရုံအလုပ်ရုံများနှင့် ကုမ္ပဏီများက အလုပ်သမားဦးရေ များများရရှိရန် ရည်ရွယ်ပြီး ပြုလုပ်သော်လည်း ကျွမ်းကျင်လုပ်သားရှားပါးမှုများနှင့် တွေ့ကြုံရသည်ဟု လှိုင်သာယာ စက်မှုဇုန်ဥက္ကဋ္ဌ ဦးမြတ်သင်းအောင်က ပြောသည်။
“လာလျှောက်တဲ့သူ သိန်းချီရှိသော်လည်း တကယ်လက်တွေ့ ခန့်နိုင်တာ ထောင်ဂဏန်းပင် မပြည့်ဘူး”ဟု ဦးမြတ်သင်းအောင်က ပြောသည်။
Mizzima Burmese
