့ပြည်သူ့နားရွက်ကို တံတွေးလာဆွတ်နေသူများ (တိုးမောင်)
ပို့စ်တင်ချိန်
- 5/15/2014 07:32:00 PM
ပဲခူးတိုင်းဒေသကြီး ဝန်ကြီးချုပ် ဦးဉာဏ်ဝင်းက ပဲခူးမြို့ရဲ့ အထင်ကရ ဘုရားကြီးတစ်ဆူဖြစ်တဲ့ ရွှေမော်ဓော စေတီရင်ပြင်ပေါ်ကို ကားနဲ့တက်ပြီး ညောင်ရေသွန်းခဲ့တယ်ဆိုတဲ့ သတင်းဟာ မနေ့ကတည်းက အင်တာနက်ပေါ်မှာ ပျံ့နှံ့နေခဲ့ပါတယ်။ စစ်တပ်ကနေ အငြိမ်းစားယူလာပြီး နိုင်ငံအုပ်ချုပ်ရေးမှာ ထိပ်တန်းတာဝန်တွေကို ယူထားသူတွေက ပြည်သူတွေရဲ့နားရွက်ကို တံတွေးဆွတ်နေတာ အကြိမ်ပေါင်း မနည်းတော့ဘူးလို့လည်း သတိထားလိုက်မိတယ်။
ကျွန်တော် ပဲခူးသားပါ။ ရွှေမော်ဓော ဘုရားပေါ်ကို ခေတ်အဆက်ဆက် နိုင်ငံခေါင်းဆောင်တွေ၊ နိုင်ငံခြားက ဧည့်သည်တော်တွေ လာဖူးပါတယ်။ ဘယ်သူမှ ဘုရားပေါ်ကားနဲ့ မတက်ခဲ့ကြဘူး။ ဝန်ကြီးချုပ် ဦးနုခေတ်ကလည်း ပဲခူးလာပြီး ရွှေမော်ဓော ဘုရားကိုဖူးတာ ကားနဲ့မတက်ဘူး။ ထိုင်းဘုရင့်သမီး သီရိဒုံလာတော့လည်း ကားနဲ့မတက်ဘူး။ ခေတ်အဆက်ဆက် ဘယ်အကြီးအကဲတွေမှ ကားနဲ့တက်ပြီး ဘုရားမဖူးကြတာကို ဘောင်းဘီချွတ်ပြီး ပုဆိုးတိုက်ပုံဝတ်တဲ့ ဝန်ကြီးတွေက ရင်ပြင်တော်ပေါ်အထိ တက်ပြီး ကားနဲ့ကြွလာကာ ညောင်ရေသွန်းတယ် ဆိုတာကတော့ တစ်ဆိတ်လွန်တယ်လို့ ဆိုချင်တယ်။
အထွတ်အမြတ်နေရာဆိုတာ ဘာသာတိုင်းမှာ သူ့နေရာနဲ့သူ အလေးထားကြတယ်။ ရင်ပြင်တော်ပေါ်မှာ ဘုရားဖူး ပြည်သူတွေ စိတ်ချမ်းသားစွာ လျှောက်နိုင်ဖို့ နေပူခံ ကျောက်ပြားတွေလည်း ခင်းပေးထားတယ်။ အားလုံးဟာ စေတနာရှင်တွေက ခြေပူမှာစိုးရိမ်ပြီး လှူဒါန်းငွေတွေနဲ့ လုပ်ဆောင်ထားကြတာ။ ဝန်ကြီးဆိုတဲ့သူက ခြေပူတော်မူမှာ စိုးရိမ်ပြီး ကားနဲ့ (တက်လို့ရတယ် ဆိုရင်တောင်) တက်ချင်တယ်လို့ ပြောလာရင် ဂေါပက ဆိုသူတွေက မသင့်တော်ပါဘူးလို့ တားရမှာ။ ဂေါပကဆိုတဲ့ အထဲမှာလည်း တပ်ထွက်တွေကပဲ ကြီးစိုးထားတာဆိုတော့ သူတို့အဘတွေကို မပြောရဲ မဆိုရဲပုံရပါတယ်။
အင်္ဂလိပ်ခေတ်က ကာတွန်း ဦးဘဂျမ်းလား၊ ရွှေတလေးလား မသိဘူး ဆွဲထားတဲ့ ကာတွန်းတစ်ကွက်ကို သတိရမိတယ်။ ရွှေတိဂုံစေတီပေါ်ကို ဖိနပ်စီးပြီး မတက်ရဘူးဆိုတော့ ဖိနပ်စီးထားတဲ့ အင်္ဂလိပ်ကို ဂေါပကတစ်ဦးက ကုန်းပိုးပြီး ဘုရားပေါ်ခေါ်သွားတဲ့ ကာတွန်းဟာ တစ်ကွက်တည်းနဲ့ ထိမိစွာခေတ်ကို သရော်ထားနိုင်ခဲ့တာမို့ ယနေ့ထိ မမေ့နိုင်သေးဘူး။
ရွှေမော်ဓောစေတီဆိုတာ ရှေးမင်းတွေ အဆက်ဆက် နားသရာနေရာ၊ အထွတ်အမြတ်ထားပြီး အခမ်းအနားတွေ ကျင်းပရာနေရာ ဖြစ်ပါတယ်။ ထိုင်းတွေလာရင် ရွှေမော်ဓော ဘုရားပေါ်မှာ အောင်မြေဆိုပြီးတော့ လာနင်းကြတာလည်း ရှိတယ်။ ဒီလိုနေရာမျိုးကို တိုင်းဒေသကြီးရဲ့ ဝန်ကြီးချုပ် ကိုယ်တိုင်က လေးစားပြီး မလုပ်သင့်တာကို မလုပ်ရမှာ။ လုပ်သင့်တယ်ထင်ပြီး မြှောက်ထိုးပင့်ကော် လုပ်သူတွေ ရှိရင်တောင် ဒါမလုပ်သင့်ပါဘူးလို့ ရွှေဉာဏ်တော် ပြေးသင့်ပါတယ်။
အကြောင်းတိုက်ဆိုင်လို့ ဗိုလ်ချုပ်အောင်ဆန်း ပဲခူးမြို့က ရွှေသာလျောင်း ဘုရားလာဖူးပုံလေး ပြောရဦးမယ်။ လွတ်လပ်ရေးအတွက် ကြိုးပမ်းနေစဉ် ကာလတွေမှာ ဗိုလ်ချုပ်အောင်ဆန်းဟာ နိုင်ငံစည်းလုံး ညီညွတ်ရေးအတွက် နေရာအနှံ့ လျှောက်သွားပြီး တရားတွေ ဟောတယ်။
တစ်နေ့မှာ ပဲခူးကို ဗိုလ်ချုပ်လာမယ်၊ ရွှေသာလျောင်းဘုရားမှာ တရားဟောမယ်ဆိုတော့ ဗိုလ်ချုပ်ကိုချစ်တဲ့ ပဲခူးသားတွေက ကြိုဆိုဖို့ သည်းသည်းလှုပ်ပြင် ဆင်ကြတယ်။ အဲဒီအချိန်က ကျွန်တော့်အမေက ဆေးလိပ်သမ ဖြစ်တာကြောင့် ပန်းကုန်းနဲ့ ကြိုဆိုရေး အဖွဲ့မှာပါတယ်။ ဒီအကြောင်းကလည်း အမေ ပြန်ပြောပြလို့သိတာ။
ဗိုလ်ချုပ်ကို လေးမျက်နှာဘုရား အဝကနေ ရွှေသာလျောင်းမုခ်ဦးအထိ ပန်းစည်းတွေကမ်းဖို့ လူတန်းကြီးနဲ့ စောင့်နေချိန်မှာ ဗိုလ်ချုပ်က ဘုရားဖူးပြီး တရားဟောစင်က စောင့်နေပြီ။ နောက်မှ လော်စပီကာကနေ ဗိုလ်ချုပ်တရား ဟောပါတော့မယ်ဆိုမှ လူထုက ရွှေသာလျောင်း ဘုရားဝင်းထဲ ပြေးသွားကြရတယ်။
ဖြစ်ပုံကို နောက်မှသိတာက ဗိုလ်ချုပ်က သူ့ကို လူတန်းကြီးနဲ့ ကြိုနေတယ်ဆိုတာကို အဝေးကမြင်တော့ လေးမျက်နှာ ဘုရားမရောက်ခင် ကားကိုရပ်ခိုင်းပြီး သူနဲ့အတူ ပါလာသူတွေကို တစ်ယောက်မှ မလိုက်ခဲ့နဲ့လို့ ပြောသတဲ့။ ပြီးတော့မှ လူကြားထဲကို လက်ကလေးနောက်ပစ်ပြီး တောင်ကြည့်မြောက်ကြည့်နဲ့ လျှောက်သွားပြီးမှ ရွှေသာလျောင်းဘုရားပေါ်ကို သူတစ်ယောက်တည်း တက်သွားပြီး ဘုရားရှိခိုး၊ ပြီးမှ တရားဟောဖို့ သတ်မှတ်ထားတဲ့ စင်မြင့်ဆီကို လျှောက်သွားတယ်။
ကျွန်တော့်အမေ ပြောတာကတော့ “တရားဟောစင်ပေါ်မှာ ဗိုလ်ချုပ်ဆိုလို့ ကြည့်လိုက်တော့မှ ဘောင်းဘီပွပွ၊ စုတ်ချာချာနဲ့ တွေ့လိုက်ရတယ်။ ဗိုလ်ချုပ်ကို အမေတို့ရှေ့က ဖြတ်သွားတာ မြင်လိုက်သားပဲ။ သူက တစ်ယောက်တည်း လက်ကလေး နောက်ပစ်ပြီး လျှောက်သွားတော့ ဘယ်သူက ဗိုလ်ချုပ်လို့ထင်မလဲ။ အမေတောင် ဘယ်က တရုတ်ဘိန်းစားလဲလို့ ထင်လိုက်သေးတယ်” ဆိုတဲ့စကားဟာ ကျွန်တော့်ကို တစ်သက်လုံး ဗိုလ်ချုပ်အပေါ် လေးစားကြည်ညို စိတ်တွေကို တိုးမြှင့်စေတဲ့ အချက်တွေ ဖြစ်ပါတယ်။
နိုင်ငံနဲ့ လူမျိုးအကျိုးကလွဲပြီး၊ လွတ်လပ်ရေးကလွဲပြီး အခြားဘာစိတ်မှမထားတဲ့ ဗိုလ်ချုပ်၊ ကြီးကျယ်မြင့်မြတ်မှုတွေ၊ အဆောင်အယောင်တွေကို မုန်းတဲ့ဗိုလ်ချုပ်၊ ပြည်သူတွေ ငြိုငြင်စိတ်ပျက်စေမယ့် အပြုအမူတွေ တစ်ခုမှ မလုပ်သွားတဲ့ ဗိုလ်ချုပ်၊ ပြည်သူထဲမှာ ပြည်သူနဲ့ တစ်သားတည်း နေထိုင်သွားတဲ့ ဗိုလ်ချုပ်လိုလူမျိုးကို ရွှေမော်ဓောဘုရားပေါ် ကားစီးပြီး တက်လာတဲ့ ဗိုလ်ချုပ်ထွက်တွေနဲ့ ယှဉ်ပြောရတာတော့ အားနာပါတယ်။
ရွှေမော်ဓောစေတီ ဂေါပကရုံးခန်းက ဝန်ထမ်းတစ်ဦးက“အရေးကြီးတဲ့ ပုဂ္ဂိုလ်မို့လို့ပါ။ ကျန်တဲ့သူဆို ခွင့်မပြုဘူး” လို့ ပြောတဲ့စကားကလည်း အသည်းနာစရာ စကားမျိုး။ တိုင်းပြည်မှာ ခြေထောက် ပြတ်လာတဲ့စစ်သားက ချိုင်းထောက်နဲ့ ခက်ခဲစွာ ဘုရားပေါ်တက်နေချိန်မှာ ဝန်ကြီးကို အရေးကြီး ပုဂ္ဂိုလ်ဆိုပြီး ကားနဲ့ ဘုရားရင်ပြင်ပေါ်အထိ ဘုရားတက်ဖူးခွင့် ပေးတာကတော့ ကြက်တူရွေးကတော်တော်၊ မယ်ဘော်တွေက ပိုကဲနေရော့သလား အတွေးပွားမိတယ်။
(ဤကဏ္ဍတွင် ဖော်ပြချက်များသည် စာရေးသူ၏ အာဘော်သာဖြစ်ပြီး The Voice Daily ၏ အာဘော် မဟုတ်ပါ)
The Voice Daily
