အိမ်သာ အပိုင်စားသူများ

ပို့စ်တင်ချိန် - 5/17/2014 11:25:00 PM

သော့ခလောက်ခတ်၍ပိတ်ထားသော အများသုံးသန့်စင်ခန်း (အိမ် သာ)များကို စာဖတ်သူတို့ တစ်နေ ရာမဟုတ်၊ တစ်နေရာ တွေ့ဖူး ကြလိမ့်မယ်ထင်ပါတယ်။ ရပ်ကွက်လူကြီးရုံး၊ စာကြည့်တိုက်၊ စာသင်ကျောင်း၊ ဆေးရုံ၊ တက္ကသိုလ်နှင့်ဌာနဆိုင်ရာတော်တော်များများမှာ အိမ်သာများကို သော့ ပိတ်ထားလေ့ရှိကြပါတယ်။ အိမ်သာတစ်လုံးထက်ပိုပြီးရှိတဲ့ တချို့နေရာတွေကျတော့ သန့်သန့်ရှင်းရှင်း၊ ကောင်းကောင်းမွန်မွန်ရှိတဲ့ အိမ်သာတွေကို သော့ပိတ်၊ ကျန် ယိုယွင်းညစ်ပတ်တဲ့ အိမ်သာတွေကို အများသုံးဖို့ဖွင့်ထားတတ်ကြပါတယ်။

ဘာဖြစ်လို့ ဒီလိုလုပ်ကြတာ လဲဆိုတဲ့ မေးခွန်းအတွက် အဖြေ များစွာရှိနိုင်ပါတယ်။ အိမ်သာကို ဖွင့်ခိုင်း၊ ပိတ်ခိုင်းဖို့အတွက် အ ခွင့်အာဏာရှိသူအပေါ်မှာလည်း  မူတည်ပါတယ်။ သူတစ်ဦးတည်း သီးသီးသန့်သန့် အသုံးပြုချင်လို့၊ တခြားသူတွေနဲ့ ရောရောယှက် ယှက် မသုံးချင်လို့၊ ညစ်ပတ်မှာ စိုးလို့၊ လူတန်းစား၊ ရာထူးအဆင့် အတန်းခွဲခြားချင်စိတ်ရှိလို့လည်း ဖြစ်နိုင်ပါတယ်။

မည်သို့ပင်ဆိုစေကာမူ အိမ် သာအလုံးရေနဲ့ ထိုအိမ်သာများ ကို အသုံးပြုမယ့် လူဦးရေဟာ မျှတလုံလောက်ဖို့လိုပါတယ်။ လူ ဦးရေများပြီး အိမ်သာအလုံးရေ နည်းပါးတဲ့နေရာတွေမှာ တစ်ဦး တစ်ယောက် (သို့မဟုတ်)လူနည်း စုသုံးစွဲဖို့ အိမ်သာအချို့ကို သော့ ပိတ်ထားမယ်ဆိုရင် လူသားမဆန်ဘူးလို့ ဆိုရပါလိမ့်မယ်။ အများဆိုင်ဘုံအိမ်သာတွေကို သော့ပိတ်ထားတတ်တဲ့ အလေ့အထဟာ အသိဉာဏ်ပညာရေချိန်မြင့်လူ့အဖွဲ့အစည်းကြားမှာ  မရှိကောင်းသောအရာလို့ ပြောချင်ပါတယ်။

ဒီနေ့ ကမ္ဘာ့လူ့အဖွဲ့အစည်း မှာ ကမ္ဘာလုံးဆိုင်ရာပြောင်းလဲ ဆက်နွှယ်မှုဖြစ်စဉ်နဲ့အတူ အချင်း ချင်းအပြန်အလှန်ဖေးမကူညီမှု၊ ချစ်ကြည်နွေးထွေးမှု၊ လေးစားယုံ ကြည်မှု၊ ကြင်နာစောင့်ရှောက်မှု များ ထွန်းကားပြန့်ပွားလျက်ရှိပါ တယ်။  တန်းတူရည်တူရှိမှုနဲ့ အဆင်ပြေချောမွေ့စေမှုကိုလည်း ရှေးရှုကြိုးပမ်းဖော်ဆောင်လျက် ရှိကြပါတယ်။ ခွဲခြားဆက်ဆံမှု၊ အခွင့်ထူးခံစားမှု၊ နိုင်လိုမင်းထက် ပြုမှု၊ ရန်လိုမုန်းတီးမှုများကို ဆန့် ကျင်ရှုတ်ချလျက်ရှိကြပါတယ်။

ဘယ်လိုမှ မရှိသင့်၊ မဖြစ် သင့်တဲ့ အိမ်သာသော့ခတ်ထားမှု လိုမျိုးလုပ်ရပ်တွေကို ကမ္ဘာ့လူ သားအများစုက သတိထားရှောင် ရှားနေချိန်မှာ စာရေးသူတို့ မြန်မာ့ မြေ၊ မြန်မာ့ရေနဲ့ ပညာ၊ ရာထူး ဌာနန္တရ၊ ငွေကြေးအင်အားကြီးသူ များရှိတဲ့ နေရာဌာနအသိုင်းအဝိုင်း တော်တော်များများမှာတွေ့နိုင်ပါ သေးတယ်။ စစ်ဆေးရေးလူကြီး မင်းများလာလျှင် အသုံးပြုဖို့၊ ဌာနအကြီးအကဲအသုံးပြုဖို့၊ သက်ဆိုင်သူများသာ အသုံးပြုဖို့ အိမ်သာများကို သော့ခတ်ထားလေ့ရှိနေတုန်းဖြစ်ပါတယ်။

‘‘သမီးတို့ကျောင်းက နှစ် ထပ်စာသင်ဆောင်တိုင်းမှာ အပေါ်ထပ်မှာ သန့်စင်ခန်းနှစ်ခန်း၊အောက်ထပ်မှာ နှစ်ခန်းပါပါတယ်။ သန့်စင်ခန်းတစ်ခန်းမှာ အိမ်သာခန်း သုံးခန်းစီရှိပါတယ်။ ဒါပေမဲ့ တချို့သန့်စင်ခန်းတွေကို ဆရာ၊ ဆရာမတွေပဲ အသုံးပြုဖို့သော့ပိတ်ထားပါတယ်။ ဥပမာ စာကြည့်တိုက်ဘေးက သန့်စင်ခန်းကို လုံးဝပိတ်ထားတယ်။ အဲဒီ အပေါ်က သန့်စင်ခန်းကို  မဟာတန်းကျောင်းသား၊  ကျောင်းသူတွေအတွက်ဆိုပြီး ပိတ်ထားတယ်။ ဒီအဆောင်မှာ စာသင်ကြ ရတဲ့ သမီးတို့လို ဘွဲ့ကြိုကျောင်းသား၊ ကျောင်းသူတွေနဲ့ စာကြည့်တိုက်လာတဲ့သူတွေအသုံးပြုဖို့ ကျန်တဲ့နှစ်ခန်းနဲ့ မလုံလောက်ပါဘူး’’လို့ မုံရွာစီးပွားရေးတက္ကသိုလ် ကျောင်းသူတစ်ဦးက ပြောပြပါတယ်။

အထူးသဖြင့် ရုံးဌာနဆိုင်ရာ များနဲ့ ဝန်ထမ်းအိမ်ရာတွေမှာ အရင်ရောက်သူ အရင်ယူစနစ်၊ ရာထူးကြီးသူ အခွင့်ယူစနစ်များနဲ့ အများသုံးအိမ်သာများကို အပိုင် စီးထားတတ်ကြပါတယ်။ အများ ဆိုင်အိမ်သာ၊ ရေချိုးခန်းတွေကို တစ်ဦးတစ်ယောက်တည်း၊ မိသားတစ်စုတည်း ရယူအသုံးပြု နေတာကိုလည်း တွေ့နိုင်ကြပါ တယ်။ လူအများဆိုင်အိမ်သာ တွေကို သော့ပိတ်တဲ့အလေ့အထ ဟာ ခိုင်မာစွဲမြဲပြီး ကျင့်သုံးနေဆဲ ဖြစ်တယ်လို့ ဆိုချင်ပါတယ်။

အညစ်အကြေးစွန့်ဖို့၊ ဆေး ကြောသန့်စင်ဖို့၊ အဝတ်အစား ပြင်ဆင်ဝတ်ဆင်ဖို့ သန့်စင်ခန်း များ မရှိမဖြစ်လိုအပ်ပါတယ်။ ကျန်းမာရေးအရလည်း လိုအပ်မှု အရေးကြီးပါတယ်။ မမြင်အပ်တဲ့ ကိစ္စများကို လွယ်လွယ်ကူကူဖြေ ရှင်းနိုင်ဖို့ ထားရှိပေးကြရတာ လည်း ဖြစ်ပါတယ်။ ကျောင်းသား၊ဆရာ မရွေး၊ ငယ်သားအရာရှိ မရွေး၊ လူငယ်လူကြီးမရွေး၊ ကျား/မ မရွေး နေ့စဉ်အသုံးပြုနေကြရတာလည်းဖြစ်ပါတယ်။ ဒီလို ဘာမဟုတ်တဲ့ အိမ်သာသော့ပိတ်ခြင်းများကြောင့် လူ့ပတ်ဝန်းကျင်မှာ အရုပ်ဆိုးလှပါတယ်။

စာရေးသူတို့ ဘာကြောင့် အိမ်သာတွေကို သော့ပိတ်ထား ကြသလဲ။ သော့ပိတ်ထားခြင်းခံ ကြရသလဲ။ ဒီလိုလုပ်တာ နောက် ဆုံးနည်းလမ်းလား စဉ်းစားကြဖို့ လိုပါတယ်။ အများစုက အိမ်သာ အသုံးပြုရာမှာ ညစ်ညစ်ပတ်ပတ် လုပ်တတ်ကြလို့လား။ အိမ်သာ လုံးရေ မလုံလောက်မှု အခက် အခဲများကြောင့်လား။ တစ်ကိုယ် ကောင်းဆန်မှုများကြောင့်လား။ ထိန်းသိမ်းရှင်းလင်းရေးဝန်ထမ်းနဲ့ စရိတ်စက ပြဿနာများကြောင့် လား။ ဘာပဲဖြစ်ဖြစ် အိမ်သာတွေ ကို သော့မခတ်ဘဲ အမြဲဖွင့်ထား ဖို့၊ သော့ခတ်ထားခြင်း မခံကြရ ဖို့ အားလုံးပူးပေါင်းတိုင်ပင်ဖြေ ရှင်းရမှာဖြစ်ပါတယ်။

‘‘အိမ်သာဆိုတာ သော့ပိတ် ထားရမယ့်နေရာမဟုတ်ပါဘူး။ အများပြည်သူ အချိန်မရွေးအသုံး ပြုနိုင်ရမယ်။ အဓိက အရေးကြီး တာက အနံ့အသက်ကင်းပြီး အမြဲ တမ်းသန့်ရှင်းနေရမယ်။ သာယာ စင်ကြယ်တဲ့ အိမ်သဖွယ်ဖြစ်နေရ မယ်။ အိမ်သာကို ဝင်ထွက်အသုံး ပြုသူတိုင်းကလည်း ကိုယ့်ကိုယ် ကိုယ် တန်ဖိုးထားတဲ့အနေနဲ့ စနစ်တကျ၊ စည်းကမ်းရှိရှိ သုံးစွဲကြရမယ်’’လို့ ပါမောက္ခဆရာကြီး တစ်ဦးက ပြောဖူးတာကို သတိရမိပါတယ်။

အိမ်သာသော့ပိတ်ခြင်း အပြင် အိမ်သာအရေအတွက် နည်းပါးခြင်း၊ လုံခြုံသန့်ရှင်းမှု အားနည်းခြင်းများကိုလည်း တွေ့ရတတ်ပါတယ်။ စာသင်ကျောင်းတွေ၊ ဝန်ထမ်းအိမ်ရာတွေ၊ ကယ် ဆယ်ရေးစခန်းတွေမှာ ပိုပြီးသိသာပါတယ်။ဝင်ငွေနည်းပါး အခြေခံလူတန်းစားအိမ်ခြေစိပ်စိပ်နေရာများ၊ လက်လုပ်လက် စား ဆင်ခြေဖုံးရပ်ကွက်များ၊ ကျေးလက်တောရွာများမှာ အိမ် သာသော့ပိတ်ခြင်းကို အတွေ့ရ နည်းနိုင်ပေမယ့် အိမ်သာမရှိခြင်း၊ အိမ်သာအသုံးမပြုခြင်း၊ ဖြစ်သလို တပိုတပါးသွားနေကြခြင်းကလည်း အမျိုးသားကျန်းမာရေး ကဏ္ဍအတွက် အလေးပေးထည့်သွင်းစဉ်းစားကြရမယ့် လက်ရှိ အနေအထားများဖြစ်တယ်ဆို တာကို ကြုံတုန်းပြောလိုက်ချင်ပါ တယ်။

ဥပမာ ရန်ကုန်မြို့တော်မှာ ဆိုရင် ရန်ကုန်မြို့တော်စည်ပင် သာယာရေးကော်မတီ (Y.C.D.C)၊ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာန၏ စာရင်းဇယား များအရ ရွေ့လျားသန့်စင်ခန်း ကိုးခုအပါအဝင် အများပြည်သူသုံးသန့်စင်ခန်းပေါင်း ၂၆ ခုရှိကြောင်းသိရပါတယ်။ ပြီးခဲ့တဲ့ မဟာသင်္ကြန်ပွဲတော်ကာလအတွင်း ရန်ကုန်မြို့မှာ ရေကစား သူများအသုံးပြုနိုင်ရန် အခမဲ့ယာယီရွေ့လျားသန့်စင် ခန်း ၃၂ ခန်းထားပေးခဲ့ကြောင်း၊ ကမ္ဘာအေးဘုရားလမ်းမပေါ်ရှိ သင်္ကြန်ရေ ကစားမကဏ္ဍပ်များက မဏ္ဍပ် တစ်ခုလျှင် ယာယီရွေ့လျားသန့်စင်ခန်းတစ်ခုစီကို တစ်ရက်လျှင်တစ်သောင်းကျပ်ဖြင့် မဖြစ်မနေငှားရမ်းအသုံးပြုကြရကြောင်း သိရပါတယ်။

အလှူအတန်း၊ ပွဲလမ်း သဘင်၊ အခမ်းအနားတွေမှာ အိမ်သာစီစဉ်ထားရှိမှုများကလည်း အရေးကြီးပါတယ်။ အဆင်ပြေဖို့၊ လုံလောက်ဖို့၊ သန့်ရှင်းဖို့ သက်သက်သာသာ အသုံးပြုနိုင်ဖို့  စီမံခန့်ခွဲထားကြရမှာဖြစ်ပါတယ်။ အိမ်သာသုံးစွဲဖို့ကိစ္စလေးအတွက် မည်သူ့ကိုမျှ အပန်းမကြီးစေသင့် ပါဘူး။ အိမ်သာတွေကို အပိုင်စီး မထားသင့်ပါဘူး။ တချို့ဆိုင်ရာ ဆိုင်ရာ လုပ်ငန်းခွင်တည်ဆောက် ခြင်းစီမံကိန်းများမှာတော့ အ ထက်ဗဟိုက အိမ်သာဆောက်ဖို့ ချထားပေးတာ ငွေဆယ်သိန်းဆို ပေမယ့် အောက်ခြေမှာ တကယ် ဆောက်ထားတာက တစ်သိန်း တန်အိမ်သာလောက်ပဲဖြစ်နေ တာလည်းရှိတယ်လို့ မိတ်ဆွေ တစ်ဦးက ပြောပြပါတယ်။ ဒါမျိုး ကိုတော့ အိမ်သာရယ်လို့ ရုပ်လုံး အကောင်အထည်မပေါ်ခင် ကတည်းက အိမ်သာအပေါ်ကနေ အပိုင်စားထားသူများကြောင့်လို့ သာ ဆိုလိုက်ချင်ပါတော့တယ်။

လွင်ချန်ဖြိုး(နတ်မောက်)