အလုပ်သမားများ ကျွမ်းကျင်မှုရှိအောင် ပြင်ဆင်ထားရန် သမ္မတ ပြောကြား
ပို့စ်တင်ချိန်
- 5/01/2014 07:46:00 PM
အာဆီယံ စီးပွားရေးအသိုက်အ၀န်းအတွက် မြန်မာအလုပ်သမားအတွေအနေနဲ့ ကျွမ်းကျင်မှု ရှိအောင် ပြင်ဆင်ထားကြဖို့ သမ္မတဦးသိန်းစိန်က ဒီနေ့ မေလ ၁ ရက်နေ့မှာ ကျရောက်တဲ့ ကမ္ဘာ့အလုပ်သမားနေ့မှာ ပြောကြားလိုက်ပါတယ်။
၂၀၁၅ ခုနှစ် အာဆီယံဒေသတွင်း အကောင်အထည်ဖော်မယ့် စီးပွားရေး အသိုက်အ၀န်းအတွက် မြန်မာအလုပ်သမားတွေ ကြိုတင်ပြင်ဆင်ထားဖို့ အလုပ်သမားနေ့ သ၀ဏ်လွှာမှာ သမ္မတ ဦးသိန်းစိန်က ပြောကြားလိုက်တာပါ။
ပြည်ပကို သွားရောက်အလုပ်လုပ်ကိုင်နေတဲ့ မြန်မာရွှေ့ပြောင်းအလုပ်သမားကိုလည်း ထိရောက်စွာ အကူအညီပေးနိုင်ရေးနဲ့ အကာအကွယ်ပေးနိုင်ရေးအတွက် အပြည်ပြည်ဆိုင်ရာ အဖွဲ့အစည်းများနဲ့ ပူးပေါင်းဆောင်ရွက်နေကြောင်း သ၀ဏ်လွှာမှာ ရေးသားထားပါတယ်။
အစိုးရအနေနဲ့ ၂၀၁၃ ခုနှစ် အလုပ်အကိုင်နဲ့ ကျွမ်းကျင်မှုဖွံ့ဖြိုးတိုးတက်ရေးဥပဒေအရ အလုပ်သမားများရဲ့ ကျွမ်းကျင်မှုဖွံ့ဖြိုးတိုးတက်ရေးကို ပိုမိုထိရောက်စွာ အကောင်အထည်ဖော်ဖို့ ကြိုးပမ်းနေတယ်လို့ ဖော်ပြထားပါတယ်။
DVB Burmese
