ဆလုံသူရဲကောင်း ဗိုလ်လုံးနီ

ပို့စ်တင်ချိန် - 5/09/2014 03:16:00 PM

သူသူထက်လွင်

ဆလုံလူမျိုးများတွင် စိတ်ဝင်စားဖွယ်ကောင်းသော ဖြစ်ရပ်မှန်သမိုင်းပုံပြင်၊ သမိုင်းတင်ထိုက်သော ဖြစ်ရပ်တစ်ခု ရှိခဲ့သည်။ အဆိုပါသမိုင်းပုံပြင်သည် ဆလုံလူမျိုးများဘဝတိုး တက်ရေးအတွက်လာဘ်မစားဘဲ အသက်ကိုစွန့်၍ မူးယစ် အန္တရာယ်ကိုဆန့်ကျင်ခဲ့သည့် ''လူမျိုးအတွက်အသက် စွန့်ခဲ့သော ဆလုံသူရဲကောင်းဗိုလ်လုံးနီ''၏ ဖြစ်ရပ်မှန်ကြိုး ပမ်းမှုပင်ဖြစ်ပါသည်။
''ကျွန်တော်တို့ တနင်္သာရီတိုင်းဒေသကြီးမှာ ဆလုံ လူမျိုးများဘဝတိုးတက်ဖို့ ဆလုံလူမျိုးဖွံ့ဖြိုးရေးအဖွဲ့လေး လုပ်ထားပြီး အဖွဲ့ဥက္ကဋ္ဌအဖြစ် တာဝန်ယူထားပါတယ်။ဆလုံတွေက အရက်သောက်တယ်။

မူးယစ်ဆေးဝါးလဲသုံး ကြတယ်''ဟု ဆလုံလူမျိုးများဖွံ့ဖြိုးရေးဥက္ကဋ္ဌ၊ တနင်္သာရီ တိုင်းဒေသကြီး သစ်တောနှင့်သတ္တုဝန်ကြီး ဦးတင်စိုးက ပြောပြသည်။

ဆလုံလူမျိုးများသည် ရေကူး၊ ရေငုပ်ကျွမ်းကျင်ကြ ပြီးပင်လယ်ကြမ်းပြင်အောက် ၁၆လံအထိ ရေငုပ်ကိရိယာ မပါဘဲ ငုပ်နိုင်ကြောင်း၊ တစ်ခါငုပ်ရင် ၁၅မိနစ်၊ မိနစ် ၂ဝ အထိ ငုပ်နိုင်ကြောင်း သိရသည်။

ယင်းကဲ့သို့ ရေငုပ်ကျွမ်းကျင်သောကြောင့် ရေအောက် ရှိသယံဇာတများကို ရှာဖွေရောင်းဝယ်ခြင်းဖြင့် အသက် မွေးဝမ်းကျောင်းပြုကြသည်။
ဆလုံလူမျိုးများသည် ရိုးသားသူများဖြစ်၍ မြန်မာ နိုင်ငံလွတ်လပ်ရေးမရခင် ကိုလိုနီခေတ်တွင် ပင်လယ်ရေ အောက်သယံဇာတများကို ဈေးပေါပေါဖြင့်ရယူလိုချင်သည့် ဗြိတိသျှများ၏လှည့်စားခြင်းကို ခံခဲ့ရသည်။
ရေအောက်မှာ အချိန်ကြာကြာရေငုပ်နိုင်စေရန်ဆို သည့် အကြောင်းပြချက်ဖြင့် ဆလုံများကို ဘိန်းအလကား ကျွေးခဲ့ရာနောက်ပိုင်းတွင် ဘိန်းရရှိရန်အတွက်မြန်မာ့ပင် လယ်အတွင်းရှိ ငှက်သိုက်၊ ငါးကြီးအံဖတ်၊ သစ်မွှေး၊ ပုလဲ စသည့် အဖိုးတန်ရတနာများစွာဖြင့် လဲလှယ်ကြရတော့ သည်။
ဆလုံလူမျိုးများသည် ဘိန်းစွဲသူဦးရေများပြားလာ ကာ စီးပွားရေး၊ ပညာရေး၊ ကျန်းမာရေးများချို့ယွင်းလာ ပြီး သက်စွန့်ဆံဖျားရှာဖွေထားသော သဘာဝပုလဲသည် ဘိန်းဖိုးတစ်ပတ်စာသာရရှိလေသည်။

ယင်းကဲ့သို့ ဆလုံလူမျိုးများ အခက်ကြုံနေချိန်တွင် ဆလုံအမျိုးသား လုံးနီဆိုသည့် လူငယ်လေးတစ်ဦးပေါ် လာသည်။ သူသည် ဘိန်းရဲ့ဆိုးကျိုးများကိုသိရှိပြီး ဘိန်း ကိုရှောင်ရန် ဆလုံအမျိုးသားများကိုစည်းရုံးသော်လည်း မအောင်မြင်ခဲ့ပေ။
ဗြိတိသျှများကိုလည်း ဘိန်းမရောင်းရန်ပြောသော် လည်းမရသဖြင့် လက်နက်ကိုင်ကာ ပုန်ကန်ဖို့ဆုံးဖြတ်လိုက် သည်။ မောင်လုံးနီမှ ဗိုလ်လုံးနီဖြစ်လာပြီး ဗိုလ်လုံးနီလက် အောက်သို့ ဆလုံအမျိုးသားများ အလုံးအရင်းဝင်ရောက် လာပြီး ဗြိတိသျှဘိန်းတင်သင်္ဘောများကို တိုက်ခိုက်ကြ သည်။

ဘိန်းတင်လာသော သင်္ဘောများကမ်းရိုးတန်းက မဖြတ်ဝံ့ဘဲ ဘိန်းခန်းများတွင် ဘိန်းပြတ်လပ်သွားသည်။
ကျွန်းပေါင်း ၈ဝဝ ရှိသော ကျွန်းစုများကို ကျွမ်းဝင် နေသည့် ဗိုလ်လုံးနီကိုဖမ်းဆီးရန် ခက်ခဲနေသဖြင့် ဗြိတိသျှ များက ရာထူးပေးပြီး စည်းရုံးသိမ်းသွင်းရာ ဗိုလ်လုံးနီက လက်မခံဘဲ ဘိန်းလုံးဝမရောင်းရန်တောင်းဆိုခဲ့သည်။

ဗိုလ်လုံးနီတပ်သားများသည် ရာသီဥတုကြမ်းတမ်းမှု၊ စားနပ်ရိက္ခာရှားပါးမှုများကြောင့် တဖြည်းဖြည်းလျော့နည်း လာချိန်တွင် ဗြိတိသျှအစိုးရက ဗိုလ်လုံးနီကို ဖမ်းဆီးရန် ဆုငွေကျပ် ၁ဝဝ ထုတ်လိုက်ရာ မကြာမီမှာပင် ဗိုလ်လုံးနီမှာ သူ့သဘောနဲ့သူ အဖမ်းခံလေသည်။
ဖမ်းဆီးရရှိသည့် ဆလုံသူရဲကောင်းဗိုလ်လုံးနီကို ပင် လယ်ကမ်းစပ်တစ်နေရာတွင် သေနတ်ဖြင့်ပစ်ပြီး အဆုံးစီ ရင်လိုက်သည်။ ဆလုံလူမျိုးအားလုံးအတွက် သူရဲကောင်း လုံးနီမှာ အသက်ကိုပင်စွန့်၍ ဘိန်းကိုဆန့်ကျင်ခဲ့ကြောင်း သိရသည်။

လက်ရှိအခြေအနေတွင်လည်း ဆလုံဒေသသည် မူး ယစ်ဆေးဝါးကင်းစင်ခြင်းမရှိသေးကြောင်း၊ ဆလုံမျိုးနွယ် များမှာ ကျန်းမာရေး၊ ပညာရေးနှင့်စီးပွားရေးများ တိုးတက် ရန်လိုအပ်နေသေးကြောင်းသိရသည်။

''မသမာသူတွေက သူတို့ကိုမူးယစ်ဆေးဝါးစွဲအောင် လုပ်ပြီး သူတို့ပစ္စည်းတွေနဲ့ လဲအောင်လုပ်ကြတယ်။ ဘိန်း စွဲတာကတော့ ရိုးရာလိုဖြစ်နေပြီ။ မူးယစ်ဆေးဝါးကင်းစင် အောင် ပညာပေးဟောပြောပွဲတွေလုပ်သင့်ပါတယ်။ သက် ဆိုင်တဲ့မြို့နယ်ဥက္ကဋ္ဌ၊ ရဲမှူးတွေ၊ နယ်လှည့်ဆေးကုသပေးတဲ့ အဖွဲ့တွေက လာဟောပြောကြတယ်။ လူမျိုးတစ်မျိုးကို မြှင့်တင်ဖို့ အချိန်ယူရမယ်။ အသိပညာပေးရမယ်''ဟု ဝန် ကြီးဦးတင်စိုးက သုံးသပ်သည်။

ရိုးသားသောဆလုံတိုင်းရင်းသားများကို မူးယစ်ဆေး ဝါး၏ ကျေးကျွန်အဖြစ် သွတ်သွင်းနေသူများအား နိုင်ငံ တော်မှ အရေးယူထိန်းသိမ်းပေးမှသာလျှင် ဆလုံမျိုးဆက် များပျောက်ပျက်သွားခြင်းမှ ကာကွယ်နိုင်မည်ဖြစ်သည်။
တနင်္သာရီတိုင်းဒေသခံကိုသန်းဆွေကလည်း ''ဆလုံ အမျိုးသားတွေက မူးယစ်ဆေးဝါးသုံးစွဲကြတယ်။ ရှေ့ဆက် ပြီး ဆလုံလူမျိုးတွေ မူးယစ်ဆေးဝါးမသုံးအောင်ဆိုရင် မူး ယစ်ဆေးစွဲအောင်ဖန်တီးနေသူတွေ၊ ရောင်းနေတဲ့သူတွေ ကို စာရင်းနဲ့တကွဖမ်းပြီး အရေးယူဖို့လိုပါတယ်။ ဆေးစွဲနေ သူတွေကိုဆေးဖြည်းဖြည်းချင်းဖြတ်ပေးဖို့လိုပါတယ်။ ဆလုံ နယ်မြေမှာနေတဲ့ ဗမာတွေကလဲ ဆလုံလူမျိုးတွေကို ဝိုင်း ဝန်းထိန်းသိမ်းပြီး ကူညီပေးဖို့လိုအပ်ပါတယ်''ဟုပြောသည်။

ဆလုံလူမျိုးများကို မော်ကင်းဟုခေါ်ပြီး ယခုအခါ ဆလုံလူမျိုးအများစုသည် နတ်ကိုးကွယ်ခြင်းမှ ဗုဒ္ဓဘာသာ နှင့် ခရစ်ယာန်ဘာသာများ ယုံကြည်ကိုးကွယ်သူများဖြစ်လာ ကြောင်းနှင့် နိုင်ငံတော်မှ ဆလုံကျေးရွာများထူထောင်ပေး ထားသဖြင့် တနင်္သာရီတိုင်း မြိတ်ခရိုင်နှင့် ကော့သောင်း ခရိုင်အတွင်းရှိ ကျွန်းစုကျွန်းတန်းများတွင် မှီတင်းနေထိုင် လျက်ရှိသည်။

''အစ်မတို့လွန်ခဲ့တဲ့ ၁ဝနှစ်လောက်က ဆလုံဒေသကို ကော့သောင်းကနေတစ်ဆင့် သွားတုန်းက ဆလုံတွေက အဝတ်အစား အပြည့်အစုံမဝတ်ထားဘူး။ အပေါ်ပိုင်းမှာ အင်္ကျီသိပ်မဝတ်ကြဘူး''ဟု တနင်္သာရီဒေသတွင်နေထိုင်ပြီး ဆလုံကျွန်းသို့ရောက်ဖူးသူ အမျိုးသမီးတစ်ဦးက ပြောပြ သည်။

ဆလုံလူမျိုးများသည် ၁၉၉၆၊ ၉၇ ခုနှစ်များတွင် ပြည့် စုံသော ဝတ်စားဆင်ယင်ခြင်းများမရှိဘဲ ၂ဝဝဝ ပြည့်နှစ်မှ စတင်၍ အဝတ်အစားများဝတ်ဆင်လာကြကြောင်းနှင့် အစိုးရသစ်တက်ပြီး နောက်တနင်္သာရီတိုင်းဒေသကြီးနေ ဆလုံလူမျိုးများကို နိုင်ငံသားစိစစ်ရေးကတ်များ ပြုလုပ် ခြင်း၊ ဆလုံကျေးရွာများတွင် စာသင်ကျောင်းများဆောက် လုပ်ပေးခြင်းများ ဆောင်ရွက်ပေးခဲ့သည်။

''နိုင်ငံသားစိစစ်ရေးကတ်တွေကို အစိုးရသစ်တက် လာပြီး ပြုလုပ်ပေးခဲ့ပါတယ်။ ကျွန်းစုမှာဆိုရင် ၂ဝ၄ ခု၊ ကော့သောင်းခရိုင်မှာဆိုရင် ၆ဝဝ လောက်လုပ်ပေးထား ပါတယ်''ဟု တနင်္သာရီတိုင်းဒေသကြီးအစိုးရအဖွဲ့မှ တာ ဝန်ရှိသူတစ်ဦးက ပြောသည်။

လက်ရှိအခြေအနေတွင် ဆလုံလူမျိုးများ၏ လူဦး ရေ အနည်းငယ်သာကျန်ရှိနေသောကြောင့် ဆလုံလူမျိုး များဘဝတိုးတက်ရေးအတွက် မူးယစ်ကင်းစင်ရန်လိုအပ်ပြီး ကျန်းမာရေးကောင်းမွန်ကာ ပညာထူးချွန်သော ဆလုံစီး ပွားရေးလုပ်ငန်းရှင်များပေါ်ပေါက်လာစေရန် နိုင်ငံတော်မှ စောင့်ရှောက်ပံ့ပိုးပေးရန် လိုအပ်နေသည်။

သို့ဖြစ်၍ ပင်လယ်ပျော်ဆလုံမျိုးဆက်သစ်များသည် ကျဆုံးသွားသော ဆလုံသူရဲကောင်းဗိုလ်လုံးနီမျှော်လင့် ထားသလို နောင်တစ်ချိန်တွင်ဘိန်းသုံးစွဲမှုလုံးဝကင်းစင် ပြီး ပညာရေးအောင်မြင်မှုများနှင့်အတူ ကျန်းမာ၊ ချမ်းသာ သူ များဖြစ်ပါစေကြောင်း ဆန္ဒပြုရေးသားလိုက်ခြင်းပင်ဖြစ် ပါသည်။

Yangon Times Journal | အတွဲ ၁၀ - အမှတ် ၁၇