ပြည်သူ့လည်ပင်းဝထိ စီးမျိုလာသော မီတာခများ
ပို့စ်တင်ချိန်
- 5/27/2014 08:06:00 AM
သူ့လက်ထဲကို ရောက်လာတဲ့ စာရွက်ကြောင့် ဒေါ်တူး အတော်လန့် သွားခဲ့ရသည်။ အဲ့ဒါကတော့ အခြားမဟုတ် ဓာတ်အားခ တောင်းခံလွှာပင်၊ မိမိတို့မိသားစုတွင် မီတာခမှာလည်း အတော်ကို စိတ်ဆင်းရဲစရာ ကောင်းသော ဖိအားတစ်ခုလို ဖြစ်နေသည်။ဒေါ်တူးတို့ မိသားစုအတွက်တော့ မီတာခမှာ အိမ်လခ ကဲ့သို့ပင် မရရအောင် စုဆောင်းပြီး ပေးနေရသော တာဝန် တစ်ခုဖြစ်သလို နေ့စဉ် အိမ်စရိတ်တွင် နေရေးနှင့် စားသောက်ရေး အပါဝင် မီတာခကိုလည်း ထည့်တွက်ကာ ရှာဖွေရသည်က သိပ်တော့ မလွယ်ကူလှ။
“ကျမတို့အိမ်မှာ မီတာတွေ အရမ်းကျမှာစိုးလို့ မီးပူတိုက် တာမျိုးလဲ မလုပ်ဘူး၊ ရေခဲသေတ္တာနဲ့ အ၀တ်လျှော်စက်လည်း မသုံးဘူး၊ ထမင်းဟင်းကိုတော့ လျှပ်စစ်မီးဖို သုံးပါတယ်၊ ညပိုင်း မီးဖွင့်တယ်၊ တီဗီကြည့်တယ်၊ ဒီလောက်ပါပဲ၊ အဲ့ဒါ တစ်လ တစ်လကို တစ်သောင်းကျော် အမြဲကျတယ်၊ ကျမတို့ထက် လျှပ်စစ်ဓာတ်အား အများကြီး သုံးတဲ့သူတွေတောင် ကျမတို့လောက် မီတာခ မကျဘူး၊ ဘာမှားနေလဲတော့ မသိပါဘူး၊ တော်တော်ကို ကြာနေပါပြီ၊”ဟု ပြောပြသူကတော့ (၄၈)ရပ်ကွက် မြောက်ဒဂုံနေသူ ဒေါ်တူးတူးပဲ ဖြစ်ပါတယ်။
မြန်မာနိုင်ငံတွင် ယခုနှစ် ဧပြီလမှ စတင်တိုးမြှင့် ကောက်ခံခဲ့သော မီတာခများအား ယခု မေလ ဒုတိယပတ် မီတာတွင် စတင် ရောက်ရှိလာပြီဖြစ်ကာ ဓာတ်အားခ တောင်းခံလွှာမှ မီတာခများမှာလည်း အခြေခံ လူတန်းစားများ အတွက် ပိုမို ၀န်ပိလာသော ပြဿနာ တစ်ခု ဖြစ်လာနေသည်။
“အခုက မီတာစာရွက်တွေ ရောက်လာနေပြီလေ၊ မီတာခ အများကြီး မတိုးလောက်ဘူးလို့ ထင်ထားပေမယ့် စာရွက်ထွက်လာတော့ တော်တော်များနေတာ တွေ့ရတယ်၊ အခုက အိမ်ငှားခက တစ်လ ငါးသောင်း မီတာခက နှစ်သောင်းနီးပါး၊ ကြာရင်သေမှာပဲ၊ ဘယ်လို ရှာဖွေရမယ်တောင် မသိတော့ပါဘူး၊ မသုံးလို့ကလည်းမရ၊ သုံးမှတော့ သူတို့ တောင်းသလောက် မပေးရင်လည်း မီးကဖြတ်မှာ၊ ဘယ်လိုမှ မတတ်နိုင်တဲ့ အနေထားတွေပါပဲ”ဟု (၃၅) ရပ်ကွက်နေသူ အိမ်ငှားတစ်ဦးက ပြောပြခဲ့သည်။
မီတာခများအား တိုးမြှင့်ကောက်ခံရာတွင် မီတာအိမ်သုံး ယူနစ် ၁၀၀ အထိ ၁ ယူနစ်ကို ၃၅ ကျပ်၊ ယူနစ် ၂၀၀ အထိ ကျပ် ၄၀၊ ယူနစ် ၂၀၀ အထက် ကျပ် ၅၀ နှုန်း စက်မှုနဲ့ စီးပွားရေး လုပ်ငန်းသုံး မီတာတွေ အတွက် ယူနစ် ၅၀၀ အထိ ၇၅ ကျပ်၊ ယူနစ် ၁ သောင်းအထိ ၁၀၀ ကျပ်၊ ယူနစ် ၅ သောင်းအထိ ၁၂၅ ကျပ်၊ ယူနစ် ၂ သိန်း အထိ ၁၅၀ ကျပ်နဲ့ ယူနစ် ၂ သိန်းကနေ ၃ သိန်းအထိ ၁၂၅ ကျပ် အဖြစ် ကောက်ခံနေကြောင်းလည်း သိရသည်။
မီတာခများ တိုးမြှင့် ကောက်ခံမှုများနှင့် ပတ်သတ်၍ သဘောထား ကွဲပြားမှု များစွာရှိနေကာ ယင်းကဲ့သို့ တိုးမြှင့်ကောက်ခံနိုင်ရန် အတွက် မေလ တတိယပတ် အတွင်းမှာပင် လွှတ်တော်ထဲ၌ မဲခွဲဆုံးဖြတ်ခဲ့ရာ ကန့်ကွက်သူ (၁၈)ဦးခန့်သာ ရှိခဲ့ခြင်းကြောင့် အဆိုပါ တိုးမြှင့်ကောက်ခံမှုမှာ အတည် ဖြစ်ခဲ့ရကြောင်းလည်း သိရသည်။
ယင်းသို့ တိုးမြှင့်ကောက်ခံမှုမှာ ပြည်ပ နိုင်ငံများနှင့် နှိုင်းယှဉ်ပါက နည်းနေသေးကြောင်း စသည်ဖြင့် သုံးသပ်မှုများ ရှိနေကာ အစိုးရ အနေဖြင့် ယင်းသို့ တိုးမြှင့်ထားခြင်းသည်ပင် အရင်း မကျေသေးပဲ ၁ ယူနစ်ကို ၅၂ ပြား၊ ဆုံးရှုံးနေရကာ ၁ နှစ်လျှင် ကျပ်ငွေ သန်း၇၇၀ ရှုံးနေရသေးကြောင်းလည်း လွှတ်တော်တွင် တရားဝင် ထွက်ဆိုခဲ့ကြသည်။
“အိမ်နီးချင်း နိုင်ငံတွေနဲ့ မနှိုင်းယှဉ်နဲ့လေ အိမ်နီးချင်း နိုင်ငံတွေက အဲ့ဒီလို လျှပ်စစ်ဓာတ်အားခတွေ ပေးနိုင်မှာပေါ့ သူတို့မှာ ပေးနိုင်တဲ့ ၀င်ငွေ တစ်ခုရှိနေတာကိုး၊ ဒီမှာက လက်လုပ် လက်စားတွေလေ၊ သူတို့လောက် ၀င်ငွေ မရှိပဲ၊ သူတို့လို ဆောင်ရရင်တော့ တောင်းရမ်းပြီး စားဖို့ပဲ ကျန်တယ်”ဟု ဒေါ်တူးတူးက စိတ်ဆိုးစွာ ပြောပြခဲ့သည်။
မြန်မာနိုင်ငံတွင် လျှပ်စစ်ဓါတ်အားခ (မီတာခ)များ တိုးမြင့်လာခြင်းမှာ အခြေခံ လက်လုပ်လက်စားများ၊ အိမ်ငှား နေထိုင်နေရသူများ အတွက် အခက်ခဲများစွာ ဖြစ်ပေါ်လာစေနိုင်ကြောင်းနှင့် ယင်းအခက်ခဲများအား အခြေခံ လူတန်းစားများ မှလွဲ၍ ကျန်လူတန်းစားများ နားလည်နိုင်လိမ့်မည် မဟုတ်ကြောင်း၊ ယင်းကဲ့သို့ အခြေနေများစွာ ကွာခြားမှုများကြောင့် အခြေခံ လူတန်းစားများနှင့် အုပ်ချုပ်သူများ အကြားတွင် အမြဲလို ပြဿနာများစွာ နှင့် အယူဆကွဲလွဲမှု များစွာ ဖြစ်နေရကြောင်းလည်း ပြည်ပရောက် နိုင်ငံရေး အကျဉ်းသား ဟောင်းတစ်ဦးက သုံးသပ် ပြောကြားခဲ့သည်။
အခြေခံ လူတန်းစား တစ်ဦးအတွက် ပျမ်းမျှ လစာငွေမှာ တစ်လလျှင် (၈၀၀၀၀)ကျပ် ၀န်းကျင်ခန့်ရှိကာ မိသားစု ခြောက်ယောက်ခန့်ရှိသော အခြေခံ လူတန်းစား မိသားစုအတွင်းတွင် ယင်းဝင်ငွေ ပုံမှန်ရှိသော အလုပ်သမား နှစ်ယောက်ခန့် ရှိသော်လည်း အလုပ် မလုပ်ကိုင်နိုင်သော၊ ၀င်ငွေ မရှိသော သက်ကြီးရွယ်အိုနှင့် ကလေးငယ်များ အတွက် လက်ကျန်ငွေများမှာ မငတ်ရုံ တမယ် စားသောက်ကြရသော ၀င်ငွေ တစ်ရပ်ဖြစ်ရာ ယင်းသို့ မိသားစု အတွင်း သောင်းနှင့်ချီ ကုန်ကျလာတော့မည့် မီတာခမှာ အခြေခံ လူတန်းစားများ အတွက် မထင်မှတ်လောက်အောင် များပြား လွန်းလှသည်။
“ကျမတို့လို ၀င်ငွေ တစ်သိန်းကျော်ရှိတဲ့ လူလတ်တန်းစား အတွက်တောင် မီတာခက တစ်ကယ် ၀န်ပိစေပါတယ်၊ အိမ်သုံး ဆိုပေမယ့်လည်း ပြောရရင် ဘယ်သူမှ (၁၀၀)ယူနစ်အောက် သုံးသူမရှိပါဘူး၊ နှစ်ရာ ယူနစ် သုံးသူတွေ အတွက်(၅)ကျပ်ပဲ တတ်တာလို့ လွှတ်တော် ကိုယ်စားလှယ်က ပြောနေပေမယ့် တစ်ကယ်တမ်း ကျမတို့ ဆောင်နေရတာက အဲ့ဒီလို ငါးကျပ်လောက် တတ်တဲ့နှုန်းကို မဟုတ်ပါဘူး၊ တစ်ချို့ နေရာတွေမှာ မီတာတွေက မတရား လည်နေတယ်၊ အကြိမ်ကြိမ် လာစစ်ဆေးဖို့ ပြောပြီး လာကြည့်ပေးတဲ့ လူကို ပိုက်ဆံ တစ်သောင်းလောက် ပေးလိုက်မှ ပုံမှန်အတိုင်း သူများမီတာ လည်နှုန်း ပြန်ဖြစ်ပြီး မီတာခတွေ ပြန်ငြိမ်သွားတာမျိူးတွေက ဘာလုပ် တာလဲ၊ ဒီလိုမျိုးတွေ တွေ့နေရတာ အစိုးရရဲ့ မသေချာ မရေရာမှုလို့ ပြောရမလား၊ ပြည်သူဆီက ငွေတွေ ညာယူနေတယ် ပြောရမလား၊ မီတာပုံးရဲ့ စနစ်မကျမှုလို့ ပြောရမှာလား၊ အဲ့ဒီလိုပေါ့နော် အစိုးရ အနေနဲ့ သူတို့ဘက်ကနေ တစ်ခုခုဆို ၀န်ဆောင်မှု ပေးဖို့တွေ၊ တာဝန်ယူမှု မရှိပဲ၊ တစ်ခုခုဆို ပြည်သူကပဲ အားလုံးထမ်းပြီး ဆောင်ဖို့ လုပ်တာကတော့ အင်မတန်မှကို ရုပ်ပျက်တယ်လို့ ခံစားရတယ်” ဟု ဈေးကွက် ၀န်ဆောင်မှု လုပ်ငန်းများ ဆောင်ရွက်နေသော မမိငယ်က ပြောခဲ့သည်။
အဆိုပါ မီတာခများမှာ အစိုးရ အတွက် ကာမိစေရန်ပင်မရှိပဲ တစ်နှစ်လျှင် ကျပ်ငွေ သန်း ၇၇၀ ရှုံးနေ ရဦးမည်ဟုလည်း ဆိုသည်။ မည်သို့ပင်ဆိုစေကာမူ ယခုချိန်မှာတော့ မီတာတိုးမြှင့်ကောက်ခံဖို့ လွှတ်တော်မှ သဘောတူထားသည့် အတိုင်း တိုးမြင့်လာသော မီတာခများကို ပြည်သူ အများ မရမက ရအောင် ရှာဖွေရင်း၊ စားမည့်ထဲမှ မီးဖိုးချန်ကာ မီတာခများ ဆောင်နေပေဦးမည်... ဆောင်ကြရပေဦးမည်။ ဒီလိုပါပဲ အခြေခံ လူတန်းစား မိသားစုဝင် ဒေါ်တူးတူးမှာလည်း မီတာစာရွက်လေး ကိုင်ကာ စိတ်မသက်စွာဖြင့်ပင် ဘာလုပ်ရမှန်းမသိ၊ နောက်ဆုံးတော့ မကြာမှီ အလုပ်မှ ပြန်လာမည့် သားသမီးတွေ ရောက်သည်နှင့် သေသေချာချာ မြင်သာစေမည့် ပြတင်း တံခါးလေးတွင် မီတာစာရွက်ကလေးကို အားနာနာနှင့်ပင် ညှပ်ထားလိုက်ရင်း ယင်းမီတာစာရွက် မြင်ချိန်တွင် တစ်ယောက် တစ်ပေါက် ပြောဆိုကြတော့မည့် သားသမီးများ အသံကို ကြိုတင် ကြားယောင်ကာ သက်ပြင်းမောကိုသာ ချလိုက်မိပါတော့သည်။ ။
Tomorrow
