ပုဒ်မ ၄၃၆ကို တပ်မတော်သားများ စတင်ကန့်ကွက်ရန် ဒေါ်အောင်ဆန်းစုကြည်တိုက်တွန်း

ပို့စ်တင်ချိန် - 5/17/2014 11:00:00 PM

သိင်္ဂီထွန်း

ရန်ကုန်၊ မဇ္ဈိမ။ ။ ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးအတွက် တပ်မတော်သားများက စတင်ကာ ကန့်ကွက်လက်မှတ်များ ရေးထိုးကြရန် ဒေါ်အောင်ဆန်းစုကြည်က တိုက်တွန်းလိုက်သည်။

ဒေါ်အောင်ဆန်းစုကြည်က မေလ ၁၇ရက် နံနက်က ရန်ကုန်မြို့၊ တာမွေမြို့နယ်ရှိ ဗိုလ်စိန်မှန်ကွင်းတွင် ပြုလုပ်သည့် ဖွဲ့စည်းပုံအခြေခံဥပဒေ ပုဒ်မ ၄၃၆ပြင်ဆင်ရေး ဟောပြောပွဲတွင် ယင်းသို့ ပြောကြားလိုက်ခြင်းဖြစ်သည်။

"ပြည်သူတွေကို ကာကွယ်ဖို့၊ ပြည်သူတွေ အားကိုးနိုင်ဖို့ တိုင်းပြည်ရဲ့ သိက္ခာကို မြှင့်တင်ပေးနိုင်ဖို့ ထူထောင်ပေးခဲ့တဲ့ တပ်မတော်ပါ။ အဲဒါကို ကာကွယ်ရေးဦးစီးချုပ်ကစပြီး ကျန်တဲ့သူတွေအားလုံး သေသေချာချာ စဉ်းစားပါ။ ဒီ၄၃၆ကို လိုလိုလားလားနဲ့ လွှတ်တော်တွင်းကနေ ပြင်ဆင်နိုင်ဖို့အတွက် တပ်မတော်သားများကနေ စပြီးတော့ လက်မှတ် ရေးထိုးကြဖို့ တိုက်တွန်းအပ်ပါတယ်"ဟု ဒေါ်အောင်ဆန်းစုကြည်က ပြောသည်။

သည့်အပြင် လက်ရှိဖွဲ့စည်းပုံအခြေခံဥပဒေ ပုဒ်မ ၄၃၆သည် တပ်မတော်သားများအတွက် အထူးအခွင့်အရေးပေးထားသည့် ပုဒ်မ ဖြစ်သည်ဟုလည်း ၎င်းက ပြောကြားခဲ့သေးသည်။

"၄၃၆ဟာ တပ်မတော်သားတွေအတွက် အထူးအခွင့်အရေးပေးထားတဲ့ ပုဒ်မဖြစ်ပါတယ်။ ဘာဖြစ်လို့လဲဆိုရင် ဒီ၄၃၆အရဆိုရင် တပ်မတော်သားတွေရဲ့ သဘောတူချက် မရှိဘဲနဲ့
ဖွဲ့စည်းပုံ အခြေခံဥပဒေထဲက အဓိက ပုဒ်မတွေကို ပြင်လို့မရဘူး။ တပ်မတော်သားတွေကို မေတ္တာရပ်ခံချင်ပါတယ်။ စဉ်းစားကြည့်ပါ။ တခြားပြည်သူ ပြည်သားတွေထက် ပိုပြီးတော့
အခွင့်အရေးရနေတာဟာ တကယ်ပဲ ဝမ်းသာစရာကိစ္စ ဟုတ်ရဲ့လားဆိုတာ၊ ကိုယ်ကနေ လက်နက်အာဏာကြောင့် အထူးအခွင့်အရေးရတာဟာ သိက္ခာရှိရဲ့လား။ ကိုယ့်အတွက်
ကောင်းရဲ့လားဆိုတာ"ဟု ဒေါ်အောင်ဆန်းစုကြည်က မေးခွန်းထုတ်လိုက်သည်။

ယင်းကဲ့သို့ အထူးအခွင့်အရေးကို ရရှိနေပြီး ထိုအခွင့်အရေးကို ခံယူနေခြင်းသည် မိမိကိုယ်ကို ယုံကြည်မှုမရှိရာ ရောက်သည်ဟုလည်း သူမက ဆိုသည်။

"ပြည်သူလူထုရဲ့ ထောက်ခံမှုရမယ်လို့ ကိုယ့်ကိုယ်ကို ယုံကြည်လို့ရှိရင် ဘယ်ဖွဲ့စည်းပုံ အခြေခံဥပဒေကမှ အထူးအခွင့်အရေး ပေးထားစရာ မလိုပါဘူး။ ကျွန်မကိုလည်း ဘာအထူး အခွင့်အရေးမှ ဖွဲ့စည်းပုံအခြေခံဥပဒေက ပေထားတာကို လိုချင်ဘူး။ ပေးထားတယ်ဆိုရင်တောင်မှ ကျွန်မကို စော်ကားတယ်လို့ ကျွန်မက မြင်မှာပဲ။ အဲတော့ မှန်ကန်တဲ့ မာနသွေး
ရှိကြစမ်းပါ။ အထူးအခွင့်အရေး မလိုချင်စမ်းပါနဲ့။ အထူးအခွင့်အရေး လိုတယ်လို့ ထင်တာကိုက ကိုယ့်ကိုယ်ကို ယုံကြည်မှု မရှိတာပဲ"ဟု ဆိုသည်။

သည့်အပြင် ဒေါ်အောင်ဆန်းစုကြည်က မတ်လ ၂၆ရက်က သမ္မတဦးသိန်းစိန်၏ အစိုးရသက်တမ်း သုံးနှစ်ပြည့်အတွက် လွှတ်တော်ထဲ၌ ဟောပြောသည့် မိန့်ခွန်းကို လေ့လာရန်လည်း
တိုက်တွန်းလိုက်သည်။

ယင်းမိန့်ခွန်း၌ သမ္မတဦးသိန်းစိန်က ဖွဲ့စည်းပုံအခြေခံဥပဒေကို ဆက်လက်တည်စေချင်သည့် သဘောရှိပြီး ဖွဲ့စည်းပုံနှင့် ပတ်သက်၍ ပြည်နယ်နှင့်တိုင်း တစ်ချို့နှင့် ဆိုင်သည့် ပုဒ်မများကို
ပြင်ပေးမည်ဟု ပြောခြင်းသည် တိုင်းရင်းသားများနှင့် စိတ်ဝမ်းကွဲအောင် လုပ်နေခြင်းလည်း ဖြစ်သည်ဟု ဒေါ်အောင်ဆန်းစုကြည်က ပြောကြားလိုက်သေးသည်။

အမျိုးသားဒီမိုကရေစီအဖွဲ့ချုပ်အနေဖြင့် ၂၀၀၈ ဖွဲ့စည်းပုံအခြေခံဥပဒေကို အတည်မပြုခင်မှစကာ ယခုအချိန်အထိ ကန့်ကွက်ခဲ့သည်။ ၂၀၀၈ခုနှစ် မေလ နာဂစ်မုန်တိုင်းဖြစ်ပွားချိန်တွင် အတည်ပြုခဲ့သော ဖွဲ့စည်းပုံအခြေခံဥပဒေကို ပြည်သူလူထု ၉၈ရာခိုင်နှုန်းက ထောက်ခံကာ အတည်ပြုခဲ့သည်ဟု အစိုးရက ကြေငြာထားသည်။

"ဒီဖွဲ့စည်းပုံအခြေခံဥပဒေနဲ့ ကျွန်မတို့နိုင်ငံရဲ့ အနာဂတ်ဟာ ကောင်းနိုင်မှာမဟုတ်ဘူးလို့ သိထားလို့ အစဉ်တစိုက် ကန့်ကွက်တာဖြစ်တယ်။ ၂၀၀၈မှာ ဒီဖွဲ့စည်းပုံအခြေခံဥပဒေကို အတည်ပြုခဲ့တဲ့ လူထုဆန္ဒ ခံယူပွဲကိုလည်း ကျွန်မတို့ ကန့်ကွက်ခဲ့ပါတယ်။ ကျွန်မတို့ အသိအမှတ် မပြုခဲ့ပါဘူး။ အဲဒီ့တုန်းက ၉၈ရာခိုင်နှုန်းနဲ့ ပြည်သူလူထုက သဘောတူတယ်လို့ ပြောတဲ့လူတွေကိုတော့
ပြောရက်လိုက်တာလို့ ပြောချင်ပါတယ်။ ဒီလို မဟုတ်တဲ့ကိစ္စကို ဟုတ်ပါတယ်လို့ ပြောရက်လို့ရှိရင် ကျွန်မတို့နိုင်ငံရဲ့ အနာဂတ်အတွက် သိပ်ပြီး ကောင်းတဲ့ လက္ခဏာမဟုတ်ဘူးလို့ပဲ ပြောချင်ပါတယ်"ဟု
ဒေါ်အောင်ဆန်းစုကြည်က ဆိုလိုက်သည်။

ဟောပြောပွဲတွင် ၈၈မျိုးဆက် ငြိမ်းချမ်းရေးနှင့် ပွင့်လင်လူ့အဖွဲ့အစည်းမှ ခေါင်းဆောင် ဦးမင်းကိုနိုင်ကလည်း "အဲဒီ့ဖွဲ့စည်းအုပ်ချုပ်ပုံ အခြေခံဥပဒေဟာ အဲဒီ့အချိန်က နိုင်ငံရဲ့ ထိပ်တန်းပုဂ္ဂိုလ်တွေ ပါဝင်ခဲ့တယ်လို့ ပြောပါတယ်။ ဟုတ်ပါပြီ ။ ထိပ်တန်းပုဂ္ဂိုလ်တွေဆိုတာ ဘယ်လိုလဲဆိုတာ ကျွန်တော်တို့ ကိုယ်တိုင်က အဲဒီ့အချိန်မှာ ထောင်ထဲမှာရှိပါတယ်။ ပြည်သူလူထု ချစ်တဲ့ခေါင်းဆောင်၊
ယုံကြည်တဲ့ ခေါင်းဆောင်က အဲဒီ့အချိန်မှာ အကျယ်ချုပ် ကျနေမကျနေ ပြည်သူလူထု မှတ်မိပါတယ်။ အဲလိုပဲ တိုင်းရင်းသားခေါင်းဆောင် အများစုဟာလည်း အကျဉ်းထောင်တွေထဲမှာ လှိမ့်ပိတ်ပြီးတော့ ပိတ်ခံရထားတဲ့ အချိန်မှာ။ ဒါဆိုရင် အဲဒီ့ဖွဲ့စည်းပုံ ရေးဆွဲတဲ့အခါမှာ ပါဝင်တဲ့ ထိပ်တန်းပုဂ္ဂိုလ်ဆိုတာ ဘယ်လိုလူတွေပါလိမ့်။ ပြည်သူလူထုကို ကိုယ်အသွေးအသားလို သဘောထားရမယ့်အစား ထစ်ခနဲရှိတာနဲ့ ပြည်သူလူထုကို အကြမ်းဖက်နှိမ်နင်းတဲ့ နေရာမှာ ထိပ်တန်းကျတဲ့ ပုဂ္ဂိုလ်တွေလား"ဟု မေးခွန်းထုတ်လိုက်သေးသည်။

၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးအတွက် အမျိုးသားဒီမိုကရေစီအဖွဲ့ချုပ်နှင့် ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့တို့ ပူးပေါင်း၍ ပထမအကြိမ် ပြုလုပ်သည့်
ဟောပြောပွဲကို ရန်ကုန်မြို့ တာမွေမြို့နယ်၊ ဗိုလ်စိန်မှန်ကွင်းတွင် ပြုလုပ်ခဲ့သည်။ မေလ ၁၈ရက် နံနက် ၈နာရီခွဲတွင်လည်း မန္တလေးမြို့၊ အောင်ပင်လယ်ကွင်းတွင် ပြုလုပ်မည်ဖြစ်သည်။

Mizzima Burmese