အမျိုးသားများလည်း သားအိမ်ခေါင်းကင်ဆာ အန္တရာယ်ခံရနိုင်ဟုဆို

ပို့စ်တင်ချိန် - 5/23/2014 08:15:00 PM

သားအိမ်ခေါင်းကင်ဆာ ကာကွယ်ဆေးကို အမျိုးသမီးတွေပဲ ထိုးသင့်တယ်လို့ ထင်ထားပါသလား။ လေ့လာမှုတစ်ခုမှာတော့ HPV ဗိုင်းရပ်စ်ကူးစက်ခံထားရတဲ့ အမျိုးသမီး ၁၈ ရာခိုင်နှုန်းလောက်ဟာ ဗိုင်းရပ်စ်ကို ယင်းတို့ရဲ့ အမျိုးသားတွေဆီ တစ်နှစ်အတွင်း ကူးစက်စေနိုင်ကြောင်း ဖော်ပြထားပါတယ်။ ဒါဟာ HPV ပိုး သယ်ဆောင်ထားတဲ့ အမျိုးသား ၇ ရာခိုင်နှုန်းသာ အမျိုးသမီးတွေကို ကူးစက်နေတာနဲ့ နှိုင်းယှဉ်နိုင်ပါတယ်။

HPV ဗိုင်းရပ်စ်ဟာ သားအိမ်ခေါင်းကင်ဆာကို ဖြစ်ပွားစေတာဟာ အဓိကဖြစ်ပေမယ့် အခြားရောဂါများနဲ့လည်း တိုက်ရိုက်ပတ်သက်မှုရှိနေပါသေးတယ်။ “ယခင်က အမျိုးသမီးများသာ သားအိမ်ခေါင်းကင်ဆာ ကာကွယ်ဆေး ထိုးရမယ်လို့ ထင်ခဲ့ကြပါတယ်။ ဒါပေမဲ့ ကျားမနှစ်မျိုးလုံး ထိုးသင့်တယ်ဆိုတဲ့ ရလဒ်ကို မိမိတို့ဖော်ထုတ်နိုင်ခဲ့ပါတယ်”လို့ Texas ပြည်သူ့ကျန်းမာရေးတက္ကသိုလ်မှ တွဲဖက် ပါမောက္ခ Nyitrary က ပြောကြားထားပါတယ်။

HPV ဗိုင်းရပ်စ်ကူးစက်ခံရပြီးရင် ရောဂါလက္ခဏာ ချက်ချင်း ပြသမှုနည်းပြီး စအိုဝ၊ လိင်အင်္ဂါများမှာ ကြွက် နို့ပုံစံအနာများပေါက်တတ်ပါတယ်။ သားအိမ်ခေါင်းကင်ဆာ၊ လိင်တံကင်ဆာနဲ့ လည်ချောင်းကင်ဆာများကို ဖြစ်ပွားစေနိုင်ပါတယ်။

လေ့လာမှုမှာ အမေရိကန်၊ မက္ကဆီကိုနဲ့ ဘရာဇီး နိုင်ငံတွေက စုံတွဲ ၄၀၀၀ကျော်ပါဝင်ခဲ့ပြီး အမျိုးသား သို့မဟုတ် အမျိုးသမီးမှာ HPV ကူးစက်ခံထားရသူတွေဖြစ်ပြီး အသက် ၁၈နှစ်မှ ၇၀အထက်အထိ အသီးသီးဖြစ်ပါတယ်။ တွေ့ရှိရတဲ့ အချက်ကတော့ HPV ဟာ အမျိုးသမီးကနေ အမျိုးသားများကို ပိုမိုကူးစက်နိုင်ပြီး ကူးစက်မှုကြောင့် ရောဂါဖြစ်ပွားနိုင်ချေ ဆတူရှိနေတယ်ဆိုတဲ့ အချက်ပဲဖြစ်ပြီး အမျိုးသားများက HPV ကို မူလပင်မ သယ်ဆောင်သူများ primary carriers ဖြစ်တယ်ဆိုတဲ့ အချက်ကို ချေဖျက်နိုင်ခဲ့ပါတယ်။
ဒီသုတေသနကို Journal of Infections Disease မှာဖော်ပြထားတာဖြစ်ပါတယ်။
သက်ကို
Ref: ANI

Health Updates Journal