ကိုယ်ဝန်ဆောင်အမျိုးသမီး အိမ်သာတက်ရင်း အိမ်သာထဲ ထွက်ကျခဲ့တဲ့ ကလေးငယ်ကို ပြန်လည်ကယ်တင်ခဲ့ရ

ပို့စ်တင်ချိန် - 5/02/2014 02:12:00 PM

ရေဆွဲအိမ်သာကနေ မိခင်ဖြစ်သူက ရေဆွဲချဖို့ ကြိုးစားခဲ့တဲ့ မွေးကင်းစ ကလေးငယ်တစ်ဦးကို တရုတ်ဆေးရုံတစ်ခုမှာ ကယ်တင်ခဲ့ရတယ်လို့ ဧပြီလ ၂၈ ရက်နေ့မှာ DailyMail က ဖော်ပြခဲ့ပါတယ်။
ကိုယ်ဝန်ရှိနေကြောင်း ကိုယ့်ကိုကိုယ် မသိဘူးလို့ဆိုတဲ့ ထိုအမျိုးသမီးဟာ ဗိုက်နာတာကြောင့် ဆေးရုံကို ရောက်ရှိလာခဲ့တာ ဖြစ်ပါတယ်။
သူမအိမ်သာကို သွားတဲ့အချိန်မှာ ကလေးထွက်လာခဲ့တာ လို့ဆိုပါတယ်။
တာဝန်ကျ ဆရာဝန် Gao Yuwen ရဲ့အဆိုအရ မနက် ၁ နာရီလောက်မှာ ဝရံတာက တစ်စုံတစ်ယောက်ရဲ့ အော်သံကို ကြားရတယ်လို့ဆိုပါတယ်။
“ကျွန်တော်လည်း ပြေးသွားတော့ အိမ်သာအပြင်ဘက်မှာ လူတွေစုနေတာ တွေ့ရတယ်။ မိန်းမတစ်ယောက်က တံခါးကို အတင်းထုပြီး အထဲကနေ တံခါးဖွင့်ဖို့ နောက်မိန်းမတစ်ယောက်ကို ပြောနေတယ်”
“သူက အိမ်သာထဲဝင်ပြီး သူ့ကိုသူ အထဲက လော့ခ်ချထားတာ။ နည်းနည်းလောက်ကြာတော့ အထဲက ကလေးငိုသံကြားရတယ်။ ကျွန်တော်လည်း တံခါးခေါက်ရင်း အထဲမှာ အဆင်ပြေရဲ့လားလို့ မေးတယ်“ လို့ Gao Yuwen က ပြောကြားခဲ့ပါတယ်။
တံခါးဖွင့်ခိုင်းလို့မရတာကြောင့် လုံခြုံရေးတစ်ယောက်က ရိုက်ချိုးဖွင့်ခဲ့ရတယ်လို့ဆိုပါတယ်။ ဒေါက်တာ Gao က “ကလေးက တအားကိုငိုရင်း အိမ်သာအိုးထဲမှာ နစ်နေတာကို ကျွန်တော်တွေ့တယ်။ အချင်းကလည်း သူ့အမေနဲ့ဆက်လျက်ကြီး” လို့ဆိုပါတယ်။
ကလေးရော၊အမေရော အခြေအနေကောင်းပါတယ်တဲ့။

ဖိုးသူတော်