မွတ်စလင် ညီအကိုတော်များ အဖွဲ့ မရှိစေရဟု စီစီ ဆို

ပို့စ်တင်ချိန် - 5/06/2014 04:38:00 PM

မေ ၆။

အီဂျစ်ရွေးကောက်ပွဲတွင် အနိုင်ရရန် ရေပန်းစားသော ကိုယ်စားလှယ်နှင့် စစ်တပ်အကြီးအကဲဟောင်း ဖြစ်သူ အဗ္ဗဒူလ်ဖာတာအယ်လ်စီစီ မှ
ပိတ်ပင်ထားသည့် မူစလင် ညီအကိုတော်များအဖွဲ့ မရှိစေရဟု ပြောဆိုလိုက်သည်။

အီဂျစ် ရုပ်မြင်သံကြားနှင့် ပထမဆုံး ပြုလုပ်သော အင်တာဗျုးတွင် ယခုလို ပြောကြားခဲ့ပြီး သူ့အား လုပ်ကြံရန် အစီအစဉ် နှစ်ခုကိုလည်း
ေေ ဖော်ထုတ်နိုင်ခဲ့ကြောင်း ထပ်မံပြောကြားခဲ့သည်။

မစ္စတာ စီစီသည် အီဂျစ်၏ ပထမဆုံး ဒီမိုကရေစီ နည်းကျ ရွေးကောက်ထားသော သမ္မတ မိုဟာမက်မော်စီအား ပြီးခဲ့သောနှစ် ဇူလိုင်က
ြ ဖြုတ်ချခဲ့သည်။

မစ္စတာ စီစီသည် မေ ၂၆-၂၇ ရက်တွင် ကျင်းပမည့် ရွေးကောက်ပွဲတွင် ကျယ်ကျယ်ပြန့်ပြန့် အနိုင်ရရှိရန် မျှော်လင့်လျက် ရှိသည်။

သမ္မတ မိုဟာမက်မော်စီအား ဖြုတ်ချပြီး မွတ်စလင် ညီအကိုတော်များ အသင်းကို ပြီးခဲ့သောနှစ်က ဖြိုခွဲခဲ့စဉ်တွင် နိုင်ငံရေး ရည်မှန်းချက်များ
သူ့တွင် မရှိကြောင်း ငြင်းဆိုထားခဲ့သည်။

အီဂျစ်၏ ပုဂ္ဂလိကပိုင် ရုပ်မြင်သံကြားလိုင်းများ ဖြစ်သည့် CBC နှင့် ONTV တို့မှ တနင်္လာနေ့က ပူးပေါင်း ပြုလုပ်ခဲ့သည့် အင်တာဗျူးတွင်
“ ပြောချင်တာကတော့ ခင်ဗျားတို့ကို ဖယ်ရှားခဲ့တာ ကျွန်တော် မဟုတ်ပါဘူး။ အီဂျစ်နိုင်ငံသားတွေက ဖယ်ရှားခဲ့တာပါ “ဟု မွတ်စလင်
ညီအကိုတော်များ အသင်းကို ရည်ရွယ်၍ မစ္စတာစီစီမှ ပြောဆိုခဲ့သည်။

အကယ်၍ မစ္စတာ စီစီသာ သမ္မတနေရာ ရရှိခဲ့ပါက မွတ်စလင်ညီအကိုတော်များ အသင်းကို အဆုံးသတ်သွားစေမည်လား ဟူ၍ မေးမြန်းခဲ့ရာတွင်
စစ်တပ်အကြီးအကဲဟောင်းမှ “ ဟုတ်ကဲ့ ” ဟု ပြန်လည် ဖြေကြားခဲ့သည်။

စစ်တပ်မှ ကိုယ်စားလှယ်လောင်းဟူသော ပြောဆိုမှုများကို မစ္စတာစီစီမှ ငြင်းပယ်ခဲ့ပြီး အီဂျစ်နိုင်ငံ၏ အုပ်ချုပ်မှုပိုင်းတွင် စစ်တပ်မှ ပါဝင်မည်
မဟုတ်ကြောင်း ပြောဆိုခဲ့သည်။ ဆန္ဒပြန်မှုများကို တင်းကျပ်စွာ ထိန်းချုပ်ထားသည့် အငြင်းပွားဖွယ်ရာ ဥပဒေဘက်မှလည်း ကာကွယ်ပြောဆိုခဲ့သည်။

အကယ်၍ မစ္စတာ စီစီသည် သမ္မတအဖြစ် ရွေးချယ်ခံခဲ့ရပါက ၁၉၅၀ ခုနှစ်ကတည်းက စတင်ပြီး စစ်တပ်မှ လာပြီး အုပ်ချုပ်သူများတွင် နောက်ဆုံး
ြ ဖြစ်လာမည် ဖြစ်သည်။

လူအခွင့်အရေး စောင့်ကြည့်မှု အဖွဲ့များမှ စစ်တပ်ကျောထောက်နောက်ခံ ပြုသော အာဏာပိုင်များသည် သတင်းမီဒီယာများနှင့် နိုင်ငံရေး အတိုက်အခံ
များကို ရန်လိုသော အပြုအမူများ ပိုမို ပြသလာလျက် ရှိကြောင်း ပြောဆိုခဲ့ကြသည်။

မစ္စတာ မော်စီအား ဖြုတ်ချပြီး နောက်ပိုင်းတွင် လူပေါင်း ၁၀၀၀ ကျော် သေဆုံးခဲ့ပြီး မစ္စတာ မော်စီ၏ မွတ်စလင် ညီအကိုတော်များ အသင်းမှ လူထောင်
ပေါင်းများစွာမှာ အကြမ်းဖက် အစ္စလာမ်မစ် လှုပ်ရှားမှုဖြင့် ကြားဖြတ်အစိုးရ အာဏာပိုင်များမှ ဖမ်းဆီးထိန်းသိမ်းမှု ခံရလျက် ရှိသည်။

မစ္စတာ စီစီ၏ ထောက်ခံသူများကမူ ဆန္ဒပြမှုများနှင့် နိုင်ငံရေး အကြမ်းဖက်မှုများကြောင့် မတည်ငြိမ်မှုများ ဖြစ်ပွားနေသည့် နိုင်ငံအား တည်ငြိမ်မှု ရရှိစေရန်
ထိန်းသိမ်းနိုင်မည့် ကြံ့ခိုင်သော ပုံရိပ်တစ်ခုအဖြစ် စီစီအား မြင်ကြသည်။

Ref: BBC
ဘာသာပြန်-ကိုဒူး
The Myanma Age