သရဲ ခေါ်ခြင်း
ပို့စ်တင်ချိန်
- 5/07/2014 02:54:00 PM
ကျွန်တော်တို့ ငယ်ငယ်တုန်းက သရဲ ခေါ်တယ်ဆိုတာ ခေတ်စားပါတယ်..။ ဒါပေမယ့် အဲ့ဒီလို သရဲ ခေါ်ဖို့ ဆိုတာ လူတိုင်း မလုပ်တတ်ပါဘူး။ သရဲ ခေါ်ပုံခေါ်နည်း၊ မေးပုံမေးနည်း၊ အထာကောက်နည်း၊ ပြန်လွှတ်နည်း ဒါတွေ မျိုးစုံရှိပါတယ်..။ ကျွန်တော်မှတ်မိသလောက်ကတော့ ဂါဏာတစ်ခုလည်း ရွှတ်ရတယ် ထင်ပါတယ်..။ ကျွန်တော့်အသက် (၁၃) နှစ်အရွယ်လောက်မှာပဲ ရပ်ကွက်ထဲမှာ ပထမဦးဆုံး သရဲခေါ်တာကို စတင်ကြုံဖူးပါတော့တယ်…။
ကျွန်တော်တို့ရပ်ကွက်ထဲကို မုံရွာက မိသားစုတစ်စုပြောင်းလာပါတယ်..။ အေးအေးဆေးဆေးနေတတ်ပြီး သဘောကောင်းတဲ့ မိသားစုပါ..။ သူတို့မိသားစုထဲမှာ ကျွန်တော့်အရွယ် ကောင်လေးတစ်ယောက်ပါပြီး မကြာခင်မှာပဲ ကျွန်တော်တို့ သူငယ်ချင်းတွေဖြစ်သွားခဲ့ပါတယ်..။ သူတို့မိသားစုမှာ ထူးခြားမှု တစ်ခုက သူတို့ဟာ ညတိုင်း (၉း၀၀) နာရီလောက်ရောက်ပြီဆို ဖက်တစ်ခုထဲကို ထမင်းတွေ၊ ဟင်းတွေထည့်ပြီး လမ်းဆုံ လမ်းလေးခွမှာ ချပြီး ဖရောင်းတိုင်တွေ အမွှေးတိုင်တွေနဲ့ ပူဇော်ပါတယ်..။ ကျွန်တော် အစက ထင်တာက သူတို့ နတ်တွေကို ပူဇော်တယ် ထင်နေတာပါ…။ နောက်ပိုင်းမှ သူငယ်ချင်းက အဲ့ဒီလို လုပ်တာဟာ နာနာဘာဝတွေကို အစားအစာကျွေးတာဖြစ်ကြောင်းနဲ့ နာနာဘာဝ အများစုဟာ လမ်းဆုံလမ်းလေးခွမှာ နေကြတာများကြောင်း ပြောပြပါတယ်..။ သူက အဲ့ဒီ နာနာဘာဝတွေခေါ်ပြီး သိချင်တာတွေ မေးလို့ရတဲ့အကြောင်းပြောပြတော့ ကျွန်တော် တော်တော်ကို အံ့သြသွားခဲ့ရပါတယ်..။ ကျွန်တော်က မယုံဘူးဆိုတော့ သူကလက်တွေ့ပြမယ်လို့ပြောပါတယ်..။ ဒါနဲ့ ကျွန်တော်လည်း သူငယ်ချင်းတွေကိုပြောပြတော့ သူတို့လည်း စိတ်ဝင်စားကြတာနဲ့ တစ်ရက်မှာ အဲ့ဒီကိစ္စကို ကြည့်ကြဖို့ အတွက် တိုင်ပင်လိုက်ကြပါတယ်..။
ကျွန်တော်တို့ ည (၁၁း၄၀) မိနစ်လောက်မှာ ကျွန်တော်ရယ် အခြား ကျွန်တော့်သူငယ်ချင်း ၃ ယောက်ရယ် ကျွန်တော့်အိမ်ကနေပဲလူစုပြီး ထွက်လာကြပါတယ်..။ အိမ်ကလူကြီးတွေ ခရီးထွက်နေတာကြောင့်လည်း ကံကောင်းခဲ့ပါတယ်..။ ဒီလိုနဲ့ မုံရွာသူငယ်ချင်းအိမ်မှာ သူ့ကိုဝင်ခေါ်ပါတယ်..။ သူလည်း ကျွန်တော့်ကို စောင့်နေပုံပါပဲ..။ ချက်ချင်းပဲ အိမ်ထဲကနေ ထွက်လာပါတယ်..။ သူတစ်ယောက်တည်း မဟုတ်ပါဘူး..၊ သူ့ဦးလေးလည်း ပါလာပါတယ်…။ သူက ဒီကိစ္စကို သိပ်မကျွမ်းသေးတာကြောင့် အမှားအယွင်း တစ်ခုခု မရှိရအောင် ဦးလေး ဖြစ်သူကို အကူအညီတောင်းထားကြောင်း ပြောပြပါတယ်..။ ဦးလေးဖြစ်သူရဲ့ လက်ထဲမှာတော့ အမဲသား တစ်ဆွဲရယ်..၊ ခြေထောက်လေးချောင်းပါ ခုံရှည်တစ်လုံး ကိုင်ထားတာကို တွေ့ရပါတယ်..။ ကျွန်တော်တို့ သရဲခေါ်ဖို့အတွက် လမ်းဆုံကို ဆက်လက် ထွက်ခွာခဲ့ကြပါတော့တယ်..။
လမ်းဆုံကိုရောက်တော့ ည (၁၂း၁၀) မိနစ်ရှိပါပြီ။ ထုံးအတိုင်း လမ်းဆုံမှာ သူတို့ပူဇော်ထားတဲ့ ဖက်ထဲက ထမင်း၊ဟင်းရယ်..၊ မီးငြိမ်းပြီး ကုန်ဆုံးနေပြီဖြစ်တဲ့ ဖရောင်းတိုင်နဲ့ အမွှေးတိုင် အကြွင်းအကျန် တွေ ကိုတွေ့ရပါတယ်..။ ဦးလေးက လမ်းဆုံ အလယ်တည့်တည်မှာ သူ့ဖိနပ်ကို ချွတ်လိုက်ပါတယ်..။ ပြီးတော့ ဖိနပ်တစ်ဖက်ကို မှောက်လိုက်ပါတယ်..။ ဖိနပ်နှစ်ဖက်ပေါ်မှာ ထိုင်ခုံရှည်က မျက်နှာချင်းဆိုင် ခြေထောက် နှစ်ချောင်း ကိုတင်ပါတယ်..။ ကျန်တဲ့ ထိုင်ခုံခြေထောက် နှစ်ချောင်းကိုတော့ လွှတ်ထားပါတယ်..။
ပြီးတော့ အမဲသားဆွဲကို ခုံပေါ်တင်ပါတယ်..။ ကျွန်တော့်သူငယ်ချင်းနဲ့ ဦးလေးဖြစ်သူ ခုံပေါ်မှာ သူတို့ လက်တွေတင်ပြီး မျက်နှာချင်းဆိုင်အနေအထားနဲ့ ဆောင့်ကြောင့်ထိုင်လိုက်ပါတယ်..။ ပြီးတော့ သူတို့ရဲ့ လက်တွေကို လက်မချင်း၊ လက်သန်းချင်း ထိဆက်ပြီး စက်ဝိုင်းပုံသဏ္ဍာန်မျိုးလုပ်လိုက်ပါတယ်..။ ပြီးတော့ ရှေ့မှာ ပိတ်ပြီး ရပ်ကြည့်နေတဲ့ ကျွန်တော်တို့ကို ဖယ်ခိုင်းပါတယ်..။ သရဲ စခေါ်ပါတော့မယ်..။ ကျွန်တော့်တစ် သက် တစ်ခါမှ မမြင်ဖူးတဲ့ အထူးအဆန်းဆုံး ကိစ္စကြီးကို လက်တွေ့မြင်ရတော့မှာ ဖြစ်တဲ့အတွက် စိတ်လှုပ်ရှား မိသလို ကြောက်လည်း ကြောက်နေမိပါတယ်..။
အရင်ဆုံး ပါဠိစကားတွေပါတဲ့ ဂါဏာကို ဦးလေးကြီးက အရင်ရွှတ်ပါတယ်..။ ၂ မိနစ်လောက်ကြာပါတယ်..။
ပြီးတော့ " ဒီလမ်းဆုံလမ်းလေးခွရဲ့ အရှေ့အရပ်မှာ ရှိကြတဲ့..၊ နာနာဘာဝများ ..၊ ဒီခုံလေးမှာ ၀င်ရောက်ပြီး ကျွန်တော်တို့နဲ့ ဆော့ကစားနိုင်ပါတယ်..၊ ဆော့ကစား ပြီးရင်တော့ ခုံပေါ်က အမဲသားကို ကျွေးမှာဖြစ်ပါတယ်..။ ကျွန်တော်တို့နဲ့ ဆော့ကစားမယ်ဆိုရင် ခုံကို လှုပ်ပြပါ " လို့ပြောပြီး သူတို့လက်တွေကို ခုံနဲ့ ၆ လက်မ လောက်ကွာအောင် မြှောက်လိုက်ပါတယ်..။ ပြီးတော့ စက်ဝန်းပုံသဏ္ဍာန် ချိတ်ဆက်ထားတဲ့ သူတို့ လက်တွေကို တစ်ဝက်လောက်ဟ ပေးလိုက်ပါတယ်..။ ၁၀ စက္ကန့်လောက်ပဲ ကြာပါတယ်..။ လက်တွေနဲ့ ခြောက်လက်မ လောက် ကွာထားတဲ့ အဲ့ဒီခုံက ထူးဆန်းစွာပဲ လှုပ်လာပါတယ်..။ ခုံလှုပ်လာပြီဆိုတာနဲ့ သူတို့ နှစ်ယောက်က ခုနက ဟထားတဲ့ လက်တွေကို ပြန်ချိတ်လိုက်ပြီး စက်ဝိုင်းပုံသဏ္ဍာန် အနေအထားကို ပြန်ယူ လိုပါတယ်..။ အခုဆိုရင် ကျွန်တော်တို့ ခုံထဲမှာ အခုဆိုရင် နာနာဘာဝတစ်ကောင် ၀င်ရောက်နေပြီပဲ ဖြစ်ပါတယ်..။
ကျန်တဲ့သူတွေစကားပြောလို့ မရပါဘူး..၊ ခုနက ပါဠိလို ဂါဏာရွတ်ထားတဲ့သူပဲ စကားပြောပြီး မေးမြန်းလို့ရပါတယ်..။ မေးမြန်းတဲ့နေရာမှလည်း ခုံထဲမှာ ၀င်နေတဲ့ နာနာဘာဝက စကားပြောလို့ မရတဲ့ အတွက် ခုံနဲ့ အချက်ပြပြီး အမေးအဖြေ ပြုလုပ်ရပါတယ်..။ မေးတဲ့သူ ကိုယ်တိုင်ကလည်း အဖြေ ပါတဲ့ မေးခွန်းမျိုး မေးပေးရပါတယ်..၊ (ဥပမာ …. သရဲက မိန်းမဆိုရင် ခုံကို တစ်ချက် လှုပ်ပြပါ..၊ ယောက်ျားဆိုရင် နှစ်ချက် လှုပ်ပြပါ…) ဆိုပြီး မေးရပါတယ်..။ ဒါဆို သရဲက မိန်းမဆိုရင် ခုံကို တစ်ချက်၊ ယောက်ျားဆိုရင် ခုံကို နှစ်ချက် လှုပ်ပြီး အလည်မှာ ခုံကို အလည်မှာ ပြန်ရပ်နေစေပါတယ်..။ ၀င်နေတာ ကလေးသရဲ ဆိုရင်တော့ ခုံကို လှုပ်ပြမှာ မဟုတ်ပဲ မေးတဲ့သူက ပြန်လည်ပြီး ကလေး ဆိုရင် ဘယ်နှစ်ချက်လှုပ်ပြပါ ဆိုပြီး မေးလို့ရပါတယ်..။ အရေအတွက် မေးခွန်းကိုတော့ ရိုးရိုးပဲ မေးလို့ရပါတယ်..။ ဥပမာ အသက် ဘယ်နှစ်နှစ်မှာ ဆုံးတာလဲ..၊ တစ်ချက်ကို တစ်နှစ်နှုန်းနဲ့ ဖြေပေးပါလို့ မေးရင် သူခုံလှုပ်ပြတဲ့ အချက်တွေကို မှတ်ထားလိုက်ရုံပါပဲ..။
ခုံလှုပ်ပြတယ်ဆိုတဲ့နေရာမှာ ကျွန်တော်ပြောခဲ့သလိုပဲ လက်တွေက ခုံနဲ့ ခြောက်လက်မ လောက် အကွာ လေထဲမှာ ထားထားတာပါ..။ ခုံရဲ့ မျက်နှာချင်းဆိုင် ခြေထောက်နှစ်ဖက်ကို ဖိနပ်တွေ ခုထားတဲ့ အတွက် ကျန်တဲ့ ခြေထောက်နှစ်ဖက်က လွတ်နေပါတယ်..။ အခု အမေးအဖြေလုပ်နေတဲ့ ခုံလှုပ်ပြတယ်ဆိုတာက အဲ့ဒီခုံက လွတ်နေတဲ့ ခြေထောက်နှစ်ချောင်းကနေ ဟိုဖက်ဒီဖက် လှုပ်ပြတာကိုဆိုလိုတာပါ..။ တစ်ဖက်ကို တစ်ချက်နှုန်းနဲ့ ရေတွက်ရပါတယ်..။ သူ့အဖြေပြီးရင်တော့ ခုံဟာ ထူးဆန်းစွာပဲ လေထဲမှာ ညီညာစွာ ရပ်တန့် နေပါတယ်..။
ကဲ… ကျွန်တော်တို့ သရဲခေါ်တဲ့ အကြောင်း ပြန်ဆက်လိုက်ရအောင်ဗျာ…။ ခုနက ပြောပြတဲ့ အတိုင်း ၀င်လာတဲ့ သရဲကို ကျွန်တော်တို့ မေးလိုက်တာ.. သူက ၁၀ တန်းကျောင်းသူ၊ အသက် (၁၅) နှစ်ရှိပြီ ဖြစ်ကြောင်း၊ ဒီနေမှာပဲ ကားနဲ့ တိုက်မိပြီး မကျွတ်မလွတ်ဖြစ်နေကြောင်း၊ ကျွန်တော်တို့နဲ့ တစ်ရပ်ကွက် အကျော်၊ ရပ်ကွက် (၁၁) ထဲက ( ..) လမ်းထဲက၊ အိမ်အမှတ် (.. ) မှာ နေထိုင်ကြောင်း၊ ကျွန်တော်တို့နဲ့ အမေးအဖြေ လုပ်ရတာ ပျော်ကြောင်း သိရပါတယ်..။
ဒီလိုနဲ့ မေးပြီး ၁၅ မိနစ်လောက်ကြာတော့ ဦးလေးက ဂါထာ တစ်ခုကို ရွတ်ပါတယ်..။ ပြီးတော့ "ငါတို့နဲ့ လာဆော့ကစားတဲ့အတွက် ကျေးဇူးတင်ပါတယ်..။ အခုသွားလိုရာ သွားနိုင်ပါပြီ..။ အမဲသားကို လမ်းဆုံရဲ့ ညာဖက်ထောင့်မှာ ထားခဲ့ပါမယ်…"ဆိုပြီး လက်ကို ပြန်ဟပေးလိုက်ပါတယ်..။ ခုံက အလည်မှာ ရပ်နေရာကနေ ချက်ချင်းပဲ သူ့နဂိုအနေအထားအတိုင်း ပြန်ရောက်သွားပါတယ်..။ သူရဲမလေး ထွက်သွားပါ ပြီ…။
ဦးလေးက အမဲသားကို လမ်းရဲ့ ညာဖက်ထောင့် မှာ ထားခဲ့ပြီး အိမ်ကို ပြန်လာတဲ့လမ်းမှာ သူ့အတွေ့ အကြုံတွေကို ပြောပြပါတယ်..။ ဒီလိုမေးတဲ့နေရာမှာ မေးချိန်ကို (၁၅) မိနစ်သာ အများဆုံး ထားပြီး မေးရကြောင်း၊ ပြန်မလွှတ်ပဲ အချိန်အကြာကြီး ဆွဲထားရင် စိတ်ဆိုးပြီး မိမိတို့ထဲက လိပ်ပြာငယ် တဲ့ လူတစ်ယောက်ယောက်ကို ၀င်ပူးကြောင်း၊ အရေးအကြီးဆုံးအချက်က စသလို နောက်သလိုနဲ့ ဒီည ငါတို့ ထဲက ဘယ်သူနဲ့ လိုက်မှာလဲ..၊ ဘယ်သူ့ကို ခင်လဲ စတာတွေကို မမေးရပါဘူး..၊ ဒီမေးခွန်းမျိုးဟာ နာနာဘာဝတွေကို အိမ်ထဲလိုက်နိုင်ဖို့ ခွင့်ပြုချက်ပေး သလို ဖြစ်တတ်ပါတယ်..။ သူတို့မုံရွာမှာ အဲ့ဒီလို သွားစမိလို့ သရဲဟာ ကောင်လေး တစ်ယောက်ရဲ့ ဘေးကနေ လုံးဝကို မခွဲတော့ပဲ..၊ ကောင်လေးခမျာ အိပ်လည်း သူ့ပုံမြင်ရ..၊ စားလည်း သူ့ပုံမြင်ရနဲ့ နောက်ဆုံး ရူးသွားခဲ့ပြီး သေဆုံးသွား ခဲ့တယ်လို့ ပြောပါတယ်..။ ဘာပဲဖြစ်ဖြစ် ကျွန်တော့်အတွက်တော့ လုံးဝ မမေ့နိုင်စရာကောင်းတဲ့ ညတစ်ည ဖြစ်ခဲ့ပါတယ်..။
ဒီလိုနဲ့ နောက်တစ်နေ့ နံနက် ကျွန်တော်တို့ သူငယ်ချင်း (၄) ယောက် နိုးတာနဲ့ ချက်ချင်း သွားကြည့်ခဲ့တာ ကျွန်တော်တို့ ထားခဲ့တဲ့ အမဲသား ရှိ/မရှိ ဆိုတာကိုပါ..။ မရှိတော့ပါဘူး..။ ဒါကတော့ သရဲပဲ စားသွားတာလား..၊ လမ်းဘေးကခွေးပဲ ဆွဲတာလားဆိုတာကိုတော့ စဉ်းစားစရာပါပဲ..။
နောက်တစ်ခုက မနေ့ညက သိခဲ့တဲ့ လိပ်စာအတိုင်း ရပ်ကွက် (၁၁)၊ ( ..) လမ်းထဲကို သူငယ်ချင်း (၄) ယောက် သွားခဲ့ကြပါတယ်..။ အဲ့ဒီနံပါတ်နဲ့ အိမ်က အဆိုပါလမ်းထဲမှာ တစ်ကယ်ရှိပါတယ်..။ ကျွန်တော်တို့ ညက သိခဲ့တဲ့ အိမ်နံပါတ်ကို လှမ်းမြင်လိုက်ရတော့ ကြက်သီး မွေးညှင်းတွေ ဖျင်းကနဲ ထသွားခဲ့ရပါတယ်..။
နောက်တစ်နေ့မှာ အဲ့ဒီအိမ်ကသူတွေနဲ့သိတဲ့ အခြား သူငယ်ချင်းတစ်ယောက်ရဲ့ အကူအညီနဲ့ အဲ့ဒီ အိမ်ရောက်သွားခဲ့ပါတယ်..။ တခြား အကြောင်းကိစ္စတစ်ခုနဲ့ ရောက်သွားခဲ့တာပါ..။ အိမ်ထဲမှာ ကျောင်းဝတ်စုံနဲ့ ဆုယူနေတဲ့ ကောင်မလေးတစ်ယောက်ပုံကို ချိတ်ဆွဲ ထားပါတယ်..။ ကျွန်တော် တော်တော်လေးကို လန့်နေပါပြီ..။ နောက်ဆုံး သိချင်စိတ်ကို လုံးဝ မအောင့်အီး နိုင်တာနဲ့ပဲ ကျွန်တော် အရှက်မဲ့စွာ "အန်တီ..၊ ဒီဓါတ်ပုံထဲက ဘယ်သူလဲမသိဘူးနော်..၊ ကျွန်တော့် သူငယ်ချင်းနဲ့ အရမ်းဆင်လို့ပါ…" ဆိုပြီး မေးလိုက်ပါတယ်..။
"အဲ့ဒါ အန်တီ့ သမီးလေ..၊ သားသူငယ်ချင်းတော့ မဖြစ်နိုင်ပါဘူး..၊ လွန်ခဲ့တဲ့ ၂၀ နှစ်လောက်က ကားတိုက်ပြီး ဆုံးသွားတာလေ…"
"ဗျာ…၊ ဟုတ်လား..၊ ဘယ်နေရာမှာ တိုက်တာလဲ အန်တီ…"
"ရပ်ကွက် (၁၀)၊ အ.ထ.က (၅) ဘေးနားက လမ်းဆုံမှာ…ကျောင်းသွားရင်း တိုက်မိတာ..."
သေချာပါတယ်...။ မနေ့က ကျွန်တော်တို့ မေးခဲ့တာ အဲ့ဒီလမ်းဆုံမှာပါပဲ..။ ကျွန်တော့်ပုံစံက အိနြေ္ဒမဆည်နိုင်ပဲ ဂယောင်ချောက်ချားတွေ ဖြစ်နေမှာ သေချာပါတယ်..။ ဒါဆို သူ့အသက်က အခုချိန်ဆို (၃၅) နှစ်လောက်တောင် ရှိနေမှာပေါ့….၊ ကျွန်တော် ဒီကိစ္စကို လုံးဝ မဖြစ်နိုင်ဘူးပဲ တွက် ထားတာပါ..။ ယုံလည်း မယုံချင်ပါဘူး..၊ မနေ့က ကျွန်တော်တို့နဲ့ အမေးအဖြေလုပ်ခဲ့တာ လှည့်ကွက်တစ်ခုလို့သာ ကျွန်တော် ထင်ထားတာပါ..။ ကျွန်တော် ခေါင်းနပန်းတွေ တော်တော်လေးကြီးသွားပါတယ်..။ ကျွန်တော် သူ့ဓါတ်ပုံကို ထပ် ကြည့်မိလိုက်တယ်..။ သူက ဓါတ်ပုံထဲကနေ ကျွန်တော့်ကို စိုက်ကြည့်နေတဲ့ပုံစံပါပဲ..။ ကျွန်တော် အလောတကြီး နှုတ်ဆက်ပြီး အိမ်ကို အပြေးတပိုင်း ပြန်ခဲ့ရပါတော့တယ်..။
Credit: အောင်ထွန်းဦး
