စစ်တပ်က အာဏာသိမ်းတာကို ဆန့်ကျင်ရေးသားပါက မည်သည့်လူမှုကွန်ရက်ကိုမဆိုပိတ်ပစ်ကာ ရေးသားသူကို တရားစွဲမည်ဟု ထိုင်းစစ်တပ်ထုတ်ပြန်

ပို့စ်တင်ချိန် - 5/23/2014 08:32:00 PM

လူမှုကွန်ရက်များတွင် တပ်မတော်မှအာဏာသိမ်းမှုနှင့် တပ်မတော်ခေါင်းဆောင်များကိုကိုဝေဖန်ပြောဆိုခြင်း(သို့) ဆန့်ကျင်ခြင်း အစရှိသည့် ဖော်ပြမှုမျိုးရှိပါက မည်သည့်လူမှုကွန်ရက်ကိုမဆို ပိတ်မည်ဖြစ်ကြောင်း အာဏာသိမ်းအဖွဲ့ကယနေ့သတိပေးသည်။

"လူမှုကွန်ရက်ကို အသုံးပြုသူတွေအနေနဲ့ အာဏာသိမ်းကောင်စီကိုဝေဖန်တာမျိုး ဆန့်ကျင်တာမျိုး လက်ရှိ ဥပဒေကိုချိုးဖောက်တာမျိုးတွေဖြစ်အောင်လှုံ့ဆော်တဲ့စာသားမျိုးတွေ မရေးကြပဲ ပူးပေါင်းဆောင်ရွက်ပေးကြစေချင်ပါတယ်။ တစ်ကယ်လို့ မလိုက်နာပဲဆန့်ကျင်တာတွေကို တွေ့ရင် လူမှုကွန်ရက် ၀န်ဆောင်မှုကို ချက်ခြင်းပိတ်ပစ်ပြီး၊ သက်ဆိုင်သူကိုလဲ ချက်ခြင်းဆင့်ခေါ်တရားစွဲမှာပါ"ဟုလည်း အာဏာသိမ်းကောင်စီမှဆိုသည်။

ထိုင်းနိုင်ငံ၏ စစ်တပ်သည် ၎င်းတို့အပေါ် နည်းနည်းလေးမှ ဝေဖန်ခြင်းကို လက်ခံခြင်းမရှိဘဲ အရေးယူသော်လည်း မြန်မာစစ်တပ်ကမူ လူမှုကွန်ယက်သုံးသူအချို့၏ စစ်တပ်အပေါ် အမျိုးမျိုး ပုတ်ခတ်ပြောဆိုမှုများကို ထိုင်းကဲ့သို့ အရေးယူမှုမျိုး ပြုလုပ်ခြင်းမရှိသည်မှာ ဒီမိုကရေစီဆန်သော စစ်တပ်ဟု
ဆိုနိုင်ကြောင်း ထိုင်းနိုင်ငံအရေးလေ့လာနေသူ တစ်ဦးက ဆိုသည်။

ထိုင်းနိုင်ငံတွင် Twitter နှင့် facebook လူမှုကွန်ရက်တို့ကို အထူးပင်လူကြိက်များကာ သုံးစွဲသူလည်း အလွန်များပြားပါသည်။

ref: AFP
Popular Myanmar News