ပိုလီယိုရောဂါ ခေါင်းပြန်ထောင်လာ

ပို့စ်တင်ချိန် - 5/24/2014 10:17:00 AM

ေ ခေါင်းငုံ့ တိမ်မြုပ်နေသော ပိုလီယို ပြန်ထလာပြီ။ ပိုလီယို သည် ကမ္ဘာ့ ပြည်သူများ ကျန်းမာရေးကို တစ်ဖန် ပြန်ခြိမ်းခြောက် လာနေပြီ။

ကမ္ဘာတစ်ဝန်း ပြီးခဲ့သည့် နှစ်ပိုင်းများ အတွင်း ပိုလီယိုပိုး ပြန်လည် ပျံ့ပွား လာမှုသည် ကမ္ဘာ့ ပြည်သူများ ကျန်းမာရေး ကိုပါ ခြိမ်းခြောက် လာသည့် အရေးပေါ် အခြေအနေ ရောက်နေပြီ ဟု ကမ္ဘာ့ ကျန်းမာရေး အဖွဲ့ကြီး WHO က သတိပေးချက် ထုတ်ပြန် လိုက်သည်။

အာရှ၊ အာဖရိက၊ အရှေ့ အလယ်ပိုင်း ဒေသ တို့တွင် ပြီးခဲ့သည့် နှစ်ပိုင်းများ အတွင်း ပိုလီယို တစ်ပြိုင်တည်း အသစ် ပျံ့ပွား မှုများ ရှိခဲ့ရာ ““သာမန်ထက် စိုးရိမ်စရာ ကိစ္စ””ဖြစ်ပြီး နိုင်ငံတကာ အသိုင်းအ၀ိုင်း က တက်ညီ လက်ညီ ကိုင်တွယ် ရမည့် ကမ္ဘာ့ ကျန်းမာရေး ပြဿနာကြီး ဟု WHO က တိုက်တွန်း ဆော်သြ လိုက်သည်။ ပိုလီယို ခေါင်းပြန်ထောင်နေသော နိုင်ငံများမှ အခြား နိုင်ငံများသို့ ဆက်လက် ပျံ့ပွားခြင်း မရှိစေရန် ပိုလီယို ရှိနေသော နိုင်ငံများမှ ပြည်ပ ထွက်ခွာ သူအားလုံး ပိုလီယို ကင်းစင် ကြောင်း ထောက်ခံချက် လက်မှတ် ရယူကြရမည် ဟု WHO က အကြံပြုချက် ထုတ်ပြန် ထားသည်။ ပါကစ္စတန်၊ ကင်မရွန်း နှင့် ဆီးရီးယား တို့သည် ၂၀၁၄ ခုနှစ် တွင် နိုင်ငံ ပြင်ပသို့ ပိုလီယိုပိုး ပျံ့ပွားအောင် လုပ်နိုင်ခြေ အရှိဆုံး နိုင်ငံများ စာရင်း ထဲတွင် ပါနေသည်။

၂၀၁၃ ခုနှစ် တစ်နှစ် အတွင်း ကမ္ဘာတစ်ဝန်း ပိုလီယို အသစ်ဖြစ်ပွားမှု ပေါင်း (၄၁၇) ဦးထိ ရှိခဲ့သည်။ ၂၀၁၄ ဧပြီ (၃၀)ရက်နေ့ အထိ လည်း အသစ် ဖြစ်ပွားသူ (၆၈)ဦးကို မှတ်တမ်း တင်ထား နိုင်ပြီဖြစ်သည်။ ပြီးခဲ့ သည့်နှစ် ကာလတူ တွင် အသစ် ဖြစ်ပွားသူ(၂၄)ဦးသာ ရှိခဲ့ရာ များစွာတက် လာသည် ကို တွေ့နိုင်သည်။

ပိုလီယို သည် အသက်ငါးနှစ် အောက် ကလေးများ ကို အဓိက ကူးစက် သည်။ ရေနှင့် အစားအစာ မှ တစ်ဆင့် ပိုလီယိုပိုး အဓိက ပြန့်ပွားပြီး လူ၏ ခန္ဓာကိုယ် ထဲရောက် သောအခါ အူအတွင်း အခြေ တည်ကာ ပိုးများ ပေါက်ဖွားသည်။ ထို့နောက် အာရုံကြောစနစ်များ အတွင်း ၀င်ရောက် ပြီး ခန္ဓာကိုယ်ကို ထိန်းချုပ် နေသော အာရုံကြောများ ကို အလုပ် ရပ်ဆိုင်းအောင် လုပ်သည်။ ပိုလီယို ပိုး ကူးစက်ခံ ရသူ ၂၀၀ တွင် တစ်ယောက် သည် ခန္ဓာကိုယ် အကြော များသေသွား တတ်သည်။ အလွန် ပြင်းထန်ပါက နာရီပိုင်း အတွင်း သေဆုံးသည် အထိ ဖြစ်ပွား စေသည်။

ကြီးသထက် ကြီးလာသော အန္တရာယ်

““ပိုလီယို ခေါင်းပြန်ထောင် လာနှုန်းဟာ ကမ္ဘာ့ ပြည်သူများ ကျန်းမာရေး အရေးပေါ် အခြေအနေ ကြေညာ ဖို့လိုတဲ့ အချက်တွေ အားလုံးနဲ့ ကိုက်ညီနေ တာကြောင့် WHO က ကြေညာ ခဲ့တာ ဖြစ်ပါတယ်””ဟု WHO ဒုတိယ အမှုဆောင် အရာရှိချုပ် ဘရုစ်အေးဝါ့ဒ် က ပြောသည်။

ပိုလီယို ခေါင်းပြန် ထောင်လာသော နိုင်ငံများမှ ကိုယ်စားလှယ်များ ပါဝင်သော ပိုလီယို အရေးပေါ် အစည်းအဝေး ကို ပြီးခဲ့သည့် အပတ်က ဂျနီဗာမြို့တွင် WHO ဦးဆောင်ပြီး ပြုလုပ်ခဲ့သည်။

““ပိုလီယို ခေါင်းပြန်ထောင် လာတာဟာ သာမန်ထက် ပိုကဲတဲ့ အခြေအနေ မျိုးဖြစ်လာခြင်း ကြောင့် ပိုလီယို မရှိသေးသော နိုင်ငံများ အတွက်ပါ စိုးရိမ်ဖွယ် ဖြစ်လာ သဖြင့် နိုင်ငံတကာ အသိုင်းအ၀ိုင်း လက်တွဲ ညီညီ ဆောင် ရွက်ကြရန် အထူး လိုအပ်သည်””ဟု WHO ၏ နိုင်ငံတကာ ကျန်းမာရေး စည်းမျဉ်း စည်းကမ်းများ ဆိုင်ရာ အရေးပေါ် ကော်မတီ ကလည်း ကြေညာချက် ထုတ်ပြန် ထားသည်။

““ကမ္ဘာ့ အသိုင်းအ၀ိုင်းက လက်တွဲ ညီညီ တိုက်ဖျက်ဖို့ ပျက်ကွက် ခဲ့မည်ဆိုပါက ကာကွယ်ဆေး ရှိပါလျက်နှင့် ပင် မထိန်းချုပ် နိုင်တော့သော အခြေအနေမျိုး ရောက်သွား နိုင်သည်””ဟု ထပ်လောင်း သတိပေး ထားသည်။

အာဖဂန်နစ္စတန်၊ ဂီနီယာ၊ အီသီယိုးပီးယား၊ အီရတ်၊ အစ္စရေး၊ ဆိုမာလီယာ၊ နိုင်ဂျီးရီးယား တို့သည်လည်း ၂၀၁၄ ခုနှစ်တွင် အခြား နိုင်ငံများ သို့ပါ ပိုလီယို ပျံ့ပွား အောင် လုပ်ဆောင် လာနိုင်သည့် နိုင်ငံများ ဖြစ်သည်ဟု WHO က စာရင်းသွင်း ထားသည်။ ကမ္ဘာ့ ပြည်သူများ အတွက် ကျန်းမာရေး အရေးပေါ် သတိပေးချက် ထုတ်ပြန်ခြင်း သည် WHO သမိုင်း၌ ၂၀၀၉ ခုနှစ် ဆားစ် ရောဂါ ကာလက တစ်ကြိမ်နှင့် ယခု ပိုလီယို ခေါင်းပြန်ထောင် လာသည့် တစ်ကြိမ်သာ ရှိသေးသည်။

ပါကစ္စတန်၊ အာဖဂန်နစ္စတန် နှင့် နိုင်ဂျီးရီးယား တို့တွင် ပိုလီယို သည် လူသားများ ကျန်းမာရေး ကိုပါ ခြိမ်းခြောက် သည့် ရောဂါဆိုးကြီး အဖြစ် ဆက်ကျန် ရှိနေသည်။ အထူးသဖြင့် ပါကစ္စတန် တွင် ပိုလီယို ကာကွယ်ဆေး တိုက်ကျွေး သူများကို တာလီဘန်များ က ပစ်ခတ် သတ်ဖြတ် မှုများကြောင့် ပိုလီယို တိုက်ဖျက်ရေး လုပ်ငန်းများ နှောင့်နှေး ကာ ပိုလီယို ပျံ့ပွားမှုများ ဆက်ကြီးထွား နေသည်။

ပြီးခဲ့သည့် (၁၄)နှစ် တိုင်တိုင် ပိုလီယို ကင်းစင်ခဲ့ သော ဆီးရီးယား နိုင်ငံသည် လည်း ပါကစ္စတန် မှလာ သော ပိုလီယို ပိုးကြောင့် ပိုလီယို နိုင်ငံ အဖြစ် ပြန်လည် သတ်မှတ် ခံနေရသည်။ ဆီးရီးယား တွင် သုံးနှစ်ကျော် ကြာလာသည့် တိုင် မပြီးသေးသော ပြည်တွင်းစစ် ကြောင့် လည်း ကျန်းမာရေး စောင့်ရှောက်မှု လုပ်ငန်းများ ပျက်စီး ကာ ပိုလီယို ခေါင်းပြန်ထောင် လာခြင်းဖြစ်သည်။ ဆီးရီးယားမှ စစ်ပြေး ဒုက္ခသည်များ သည် ဂျော်ဒန်၊ လက်ဘနွန် နှင့် တူရကီ နိုင်ငံများသို့ ကူးပြောင်း ၀င်ရောက် လျက်ရှိရာ ထိုသူများ ကို ပိုလီယို ရှိမရှိ စစ်ဆေးရန် လည်း မဖြစ်နိုင်လောက် အောင်ခဲယဉ်း နေသဖြင့် အိမ်နီးချင်း များဖြစ်သော ထိုသုံးနိုင်ငံ သို့ပါ ပိုလီယို ပိုး ပြန့်လာမည် ကို စိုးရိမ် ရလျက်ရှိသည်။

ပိုလီယို သည် ၁၉၈၈ ခုနှစ်တွင် ကမ္ဘာ့ နိုင်ငံပေါင်း (၁၂၅) နိုင်ငံ တွင် အသက်ကို ရန်ရှာ နိုင်သော ရောဂါဆိုး ကြီး အဖြစ် ရှိခဲ့ရာမှ ယခုအခါ အာဖဂန်နစ္စတန်၊ ပါကစ္စတန် နှင့် နိုင်ဂျီးရီးယား တို့တွင်သာ ကျန်ရှိ တော့သည်။ သို့သော် ပြီးခဲ့သော နှစ်ပိုင်းများ အတွင်း ပိုလီယို ကင်းစင်သော နိုင်ငံများ တွင်ပါ ပိုလီယို ခေါင်းပြန်ထောင် လာခဲ့သည်။

၂၀၁၈ ခုနှစ် နောက်ဆုံး ထားပြီး ပိုလီယို ကို ကမ္ဘာပေါ်မှ လုံးဝ နိဂုံးချုပ် သွားအောင် တိုက်ထုတ်ရန် ကမ္ဘာ့ ကျန်းမာရေး အဖွဲ့ကြီးက ရည်မှန်းချက် ချထားသည်။

Ref: World facing polio health emergency (BBC, AFP, Euronews)
The Messenger