ဆန္ဒပြလယ်သမားများကို ရဲက အင်အားသုံး ရိုက်နှက်

ပို့စ်တင်ချိန် - 5/14/2014 06:49:00 PM

လယ်မြေအသိမ်းခံရမှုကြောင့်ဖေဖော်ဝါရီလ ၁၂ ရက်နေ့က အောင်ကုန်းရွာ လယ်သမားတွေ သပိတ်စခန်းဖွင့် ဆန္ဒပြတောင်းဆိုနေတာကို အာဏာပိုင်တွေက လာရောက် တားဆီးနေစဉ်

ပဲခူးတိုင်း သဲကုန်းမြို့မှာ ဆန္ဒပြကြတဲ့ လယ်သမားတွေကို ရဲတပ်ဖွဲ့က အင်အားသုံး ရိုက်နှက်ခဲ့တဲ့အတွက် ၂ ဦး အပြင်းအထန် ဒဏ်ရာရရှိသွားပါတယ်။

ပဲခူးတိုင်း သဲကုန်းမြို့ အောင်ကုန်းကျေးရွာက လယ်သိမ်းခံ လယ်သမားတွေဟာ သဲကုန်းမြို့ပေါ် ဆန္ဒပြပြီး အပြန်မှာ ရိုက်နှက်ခံရတာလို့ တရားလွတ်တော်ရှေ့နေ ဦးမြင့်အေးက ပြောပါတယ်။

သဲကုန်းမြို့ အောင်ကုန်းရွာက လယ်သမားတွေဟာ အသိမ်းခံရတဲ့ မြေတွေပြန်ရရှိရေး ဖေဖော်ဝါရီလက သဲကုန်းမြို့မှာ သပိတ်စခန်းဖွင့်လှစ်ဆန္ဒပြခဲ့ကြတာဖြစ်ပါတယ်။
ဒီကနေ့မှာ သူတိုရဲ့ သပိတ်စခန်းဖြိုးခွင်းခဲ့ခြင်း ၃ လပြည်အနေနဲ့ ဆန္ဒပြကြသလို သူတိုရဲ့ ခေါင်းဆောင်ဖြစ်တဲ့ ဦးပေါက်စကို မေလ ၆ ရက်နေ့က အာဏာပိုင်တွေက ဖမ်းဆီးထားတဲ့အတွက် ပြန်လွှတ်ပေးဖို့ သဲကုန်းမြို့မှာ စီတန်းလှည့်လည် တောင်းဆိုဆန္ဒပြကြတာဖြစ်ပါတယ်။

ဒီလိုဆန္ဒပြအပြီး အောင်ကုန်းရွာကို အပြန်လမ်းမှာ ရဲတပ်ဖွဲ့ဝင် အင်အား ၃၀ လောက်က စောင့်ပြီး ရိုက်နှက်တာလို့ ဦးပေါက်စရဲ့ ရှေ့နေ ဦးမြင့်အေးက ပြောပါတယ်။

“သဲကုန်းမြို့ကအထွက် အောင်ကုန်းရွာကို သွားတဲ့လမ်းပေါ်မှာ တပ်ရွာဆိုတဲ့ ရွာနားရောက်ရော ရဲ ၃၀က လယ်သမားတချုို့ကို ၀င်ရိုက်တယ်။ ရိုက်တော့ ကောင်းထက်ကျော်ဆိုတဲ့ လယ်သမားအရေးဆောင်ရွက်တဲ့ လူငယ်က တော်တော်လေး ပြင်းပြင်းထန်ထန် အရိုက်ခံရတယ်။ အရိုက်ခံရပြီး ရဲတွေက အဲဒီကောင်လေးကို လက်ထိတ်ခတ်ပြီး ဘုန်းကြီးကျောင်းမှာ ထည့်ပြီးဖမ်းလိုက်တယ်။ ဒါ့အပြင် ဒေါ်ညိုဆိုတဲ့ လယ်သူမလည်း အရိုက်ခံပြီးတော့ သူ့ကိုရဲကားပေါ်တင်ပြီး ပေါင်းတည်ကိုပို့တယ်။ ထောင်ကိုပို့လား ဘယ်ကိုပို့လဲတော့ မသိ့ဘူး။ နောက်တခါ ကိုဝင်းဆိုတဲ့ လယ်သမားကိုလည်း ဖမ်းသွားတယ်။”

ဒါ့အပြင် ဒီရိုက်နှက်မှုဟာ ဆန္ဒပြပွဲကို သတင်းလိုက်ပါယူတဲ့ သတင်းထောက်တွေ ပြန်သွားတဲ့အချိန်မှာ ဖြစ်တယ်လို့လည်း ဦးမြင့်အေးက ပြောပါတယ်။

ဒီဖမ်းဆီးရိုက်နှက်မှုတွေနဲ့ပတ်သက်ပြီး အသေးစိတ်သိရဖို့ သဲကုန်းရဲစခန်းကို မေးမြန်းဖို့ ကြိုးစားခဲ့ပေမယ့် ပြန်လည်ဖြေကြားခြင်း မရှိပါဘူး။

လက်ရှိမှာတော့ အရိုက်ခံရတဲ့ လယ်သမားအရေးလှုပ်ရှားသူ ကိုကောင်းထက်ကျော်ကို တပ်ရွာက ဘုန်းကြီးရဲ့တောင်းဆိုမှုကြောင့် လွှတ်ပေးလိုက်ပြီး ဒေါ်ညိုနဲ့ ကိုဝင်းကိုတော့ ဖမ်းဆီးသွားတယ်လို့ ဦးမြင့်အေးက ပြောပါတယ်။

အောင်ကုန်းရွာက လယ်သမားတွေရဲ့ လယ်မြေတွေ ဧက ၁၁၀၀ ကျော်ကို ၂၀၀၀ ပြည့်နှစ်ကတည်းက စစ်တပ်က သိမ်းထားတယ်လို့ သိရပါတယ်။

ဒီနောက်မှာတော့ လယ်ယာ လက်ကား သမဝါယမ အသင်း အမှတ်(၃) လီမိတက်က လွှဲပြောင်း ရယူခဲ့ကြောင်း လယ်သမားတွေက ပြောပါတယ်။

ဒီလယ်သိမ်းခံရမှုနဲ့ပတ်သက်ပြီး လယ်ယာမြေ ပြန်ရရှိရေး အာဏာပိုင်တွေဆီ အကြိမ်ကြိမ် စာတင်တောင်းဆိုခဲ့ပေမယ့် အရေးယူဆောင်ရွက်ပေးမှု မရှိတဲ့အတွက် ပြီးခဲ့တဲ့ ဖေဖော်ဝါရီလက သပိတ်စခန်းဖွင့် တောင်းဆိုဆန္ဒပြခဲ့ပါတယ်။

ဖေဖော်ဝါရီလ ၁၄ ရက် သပိတ်စခန်းဖြိုခွင်းခံရပြီးနောက် လယ်သမားတွေဟာ အောင်ကုန်းရွာကို ပြောင်းပြီး သပိတ်စခန်းဖွင့်ခဲ့တာ အခုချိန်ထိဖြစ်တယ်လို့ ပြောပါတယ်။

DVB Burmese