ရာဇာမင်းကား တိမ်းမှောက်မှု ဒဏ်ရာရသူ သုံးဦး စိုးရိမ်နေရဆဲဟု အမြန်လမ်းရဲတပ်ဖွဲ့မှူး ပြော
ပို့စ်တင်ချိန်
- 5/14/2014 07:19:00 AM
နေပြည်တော်၊ မဇ္ဈိမ။ ။ ခရီးသည် ၁၄ဦး သေဆုံးခဲ့ပြီး ၂၉ ဦးဒဏ်ရာရရှိခဲ့သည့် ရာဇာမင်းကား တိမ်းမှောက်မှုတွင် ဒဏ်ရာရသူသုံးဦးမှာ စိုးရိမ်ရသည့် အနေအထားရှိသည်ဟု မြန်မာရဲတပ်ဖွဲ့၊ အမြန်လမ်းရဲတပ်ဖွဲ့၊ ရဲတပ်ဖွဲ့မှူး ရဲမှူးကြီး နေဝင်းက မဇ္ဈိမကို မေလ ၁၃ရက်တွင် ပြောကြားသည်။
၎င်းက “စိုးရိမ်ရတဲ့ လူနာက နှစ်ယောက်၊ သုံးယောက်ရှိတယ်။ ဦးနှောက်အာရုံကြော ward မှာရယ်၊ အရိုးရယ်၊ အထူးကြပ်မတ်ဆောင်မှာရယ်ရှိတယ်။ သတိ မလည်သေးတာ (Unconcious) တစ်ယောက်၊ နှစ်ယောက်တော့ရှိပါတယ်”ဟု ပြောသည်။
ဒဏ်ရာရသူ ၂၉ ဦးအနက် ၂၆ ဦးကို နေပြည်တော်၊ ကုတင် ၁ဝဝဝ ဆေးရုံ၌ ကုသပေးနေပြီး ကျန်လူနာ သုံးယောက်ကိုမူ လယ်ဝေးမြို့နယ်၊ ပြည်သူ့ဆေးရုံး၍ ကုသပေးလျက်ရှိသည်ဟု ၎င်းက ဆိုသည်။
ယာဉ်တိမ်းမှောက်မှုဖြစ်ပွားရခြင်းမှာ ယာဉ်မောင်းအရက်သောက်ခြင်း၊ မိုင်နှုန်းပိုမောင်းနှင်ခြင်းကြောင့် မဟုတ်ဘဲ မိုးရွာချိန်ဖြစ်၍ တိမ်းမှောက်သည်ဟု ယူဆနိုင်ကြောင်း ရဲမှူးကြီး နေဝင်းက ပြောသည်။
ရာဇာမင်းကား၊ နေပြည်တော်ဂိတ်တာဝန်ခံ ဦးအေးမင်းထွန်းက “ကျွန်တော်တို့ဂိတ်မှာ ယာဉ်မောင်းတွေက အရက်သောက်ခွင့်မရှိပါဘူး”ဟုဆိုသည်။
မော်တော်ကားသည် အခင်းဖြစ်ပွားရာ နေရာ မရောက်မီ တစ်ဖာလုံခန့်မှစတင်၍ လမ်း၏ညာဘက်သို့ ဘီးကျသွားကာ မိုင်တိုင် ၁၉၇/၆ အရောက်တွင် ကွန်ကရစ်တုံးများ၊ တံတားလက်ရမ်းများနှင့် အကာများကို တိုက်မိကာ တံတားအောက်သို့ ၄၅ ဒီဂရီစောင်း ကာတိမ်းမှောက်သွားသည်ဟု ရဲမှူးကြီး နေဝင်းက ပြောသည်။
၎င်းက “အမြင့်ပေကတော့ ၅ဝ လောက်ရှိမှာပေါ့”ဟု ဆိုသည်။
နေပြည်တော်၊ မော်တော်ယာဉ်လုပ်ငန်းပေါင်းစုံထိန်းသိမ်းရေးကော်မတီ(အဝေးပြေး)ဥက္ကဋ္ဌ ဦးဝင်းဆွေက “ယာဉ်လိုင်းတွေမှာ တစ်ရက်တည်း နှစ်ကြောင်းပြေးတဲ့ ယာဉ်လိုင်းဆိုလို့ ရာဇာမင်းနဲ့ တစ်ခြား တစ်လိုင်း၊ နှစ်လိုင်းလောက်ပဲရှိပါတယ်” ဟု မှတ်ချက်ပြုသည်။
ရာဇာမင်းဂိတ်မှ နေပြည်တော်တာဝန်ခံဦးအေးမင်းက အဆိုပါ မော်တော်ကားသည် မေလ ၁၂ရက် နံနက် မှ ရန်ကုန်မှထွက်လာရာ မွန်လွဲချိန်တွင် နေပြည်တော်သို့ ရောက်ရှိလာပြီး ညနေ ငါးနာရီတွင် ရန်ကုန်သို့ပြန်လည်ထွက်ခွာခဲ့ခြင်းဖြစ်သည်ဟု အတည်ပြုသည်။
ဖြစ်စဉ်တွင် ယာဉ်အကူ(စပယ်ယာ)သေဆုံးခဲ့သော်လည်း ယာဉ်မောင်းမှာမူ စိုးရိမ်ရသည့်အခြေအနေမဟုတ်ဘဲ အတွင်းလူနာအဖြစ်ကုသနေရကာ ၎င်းကို အစောင့်ရဲများနှင့် သီးသန့်ထားရှိကာ လောလောဆယ်တွင် ခြေချုပ်ခတ်ထားပြီး ပုဒ်မ ၃ဝ၄(က)၊ ၃၃၇ ၃၃၈ စသည်တို့ဖြင့်စွဲဆိုထားသည်ဟု ဆိုသည်။
၂ဝဝ၉ ခုနှင်တွင် စတင်ဖွင့်လှစ်ခဲ့သည် အဆိုပါအမြန်လမ်းမကြီးတွင် ယာဉ်တိုက်မှုကြောင့် လူပေါင်း ၃၆ဝ ကျော်သေဆုံးခဲ့ပြီးဖြစ်သည်ဟု အမြန်လမ်းရဲတပ်ဖွဲ့က ထုတ်ပြန်ထားသည်။
Mizzima
