သူတို့ဆီမှာ မထူးဆန်းပါဘူး ( မြင်သမျှ ... ကြားသမျှ )
ပို့စ်တင်ချိန်
- 5/15/2014 08:14:00 PM
ဒီတစ်ပတ် ထူးခြားတဲ့ သတင်းကတော့ အာဏာအလွဲသုံးစားမှုနဲ့ ထိုင်းဝန်ကြီးချုပ် ယင်လပ်ကို ဖွဲ့စည်းအုပ်ချုပ် ပုံအခြေခံဥပဒေတရားရုံးက ရာထူးမှ ဖယ်ရှားလိုက် တယ် ဆိုတာပါပဲ။ အားလုံးသိကြတဲ့အတိုင်းပါပဲ။
ထိုင်းနိုင်ငံမှာ ဝန်ကြီးချုပ်ဆိုတာ အချုပ်အခြာ အာဏာပိုင်တဲ့သူပါပဲ။ နိုင်ငံတစ်နိုင်ငံလုံးကို စီမံအုပ်ချုပ်ခွင့် ရာထူး ပိုင်ဆိုင် ထားသူပါ။ သူလုပ်ဆိုလုပ်၊ သူ ဖြုတ်ဆို ဖြုတ်ကြရမှာပါ။ သူတို့နိုင်ငံရဲ့ ဖွဲ့စည်းပုံအရ ဝန်ကြီးချုပ်ရဲ့ အထက် မှာတော့ ဘာမှမရှိပါဘူး။ ဘုရင်ကလည်း အချုပ် အခြာ အာ ဏာမပိုင်ပါဘူး။ ကဲ… ဒါပေမဲ့ ဒါဟာရိုးရှင်း သော ဥပမာလေးတစ်ခုပါပဲ။
ဝန်ကြီးချုပ်ထက်ကြီးတာ ဘယ်သူမှ မရှိပေမယ့် ဥပဒေကတော့ သူ့အထက်မှာ ရှိပါတယ်။ သူရာထူးအာဏာကို အလွဲသုံးစားလုပ် တယ်ဆိုတာလည်း ဘာမှ ပြောပလောက် တာမဟုတ်ပါဘူး။ သူ့ရဲ့အစ်ကိုဖြစ်သူ ယခင်ဝန်ကြီးချုပ် သက်ဆင်ကို အစွဲပြုပြီး နိုင်ငံရေးကြောင့် ဖယ်ရှားခံရသူတွေကို ပြည်ဝင်ခွင့်ပေး လိုက်တာမျိုးပါပဲ။ ဒါကို အာဏာ အ လွဲ သုံးစားလုပ်တယ်ဆိုပြီး ဖွဲ့စည်းအုပ်ချုပ်ပုံ အခြေခံတရားရုံးက ဝန်ကြီးချုပ်ရာထူးကနေ ဖယ်ရှားလိုက်ပါတယ်။ဒါဟာ ဝန်ကြီးချုပ်တစ်ယောက်ရဲ့ အထက်မှာ ဘယ် သူမှ မရှိတော့ပေမယ့် ဝန်ကြီးချုပ်ရဲ့အထက်မှာ တရားဥပဒေ ရှိတယ်ဆိုတာ အထင်အရှားပါပဲ။
ကဲ …ကျွန်တော်တို့ ဆီမှာ ရော…..
အမျိုးစုံသော တရားစွဲဆိုမှုတွေနဲ့၊ အမျိုးစုံသော မတရားမှု၊ ဘယ်ဥပဒေနဲ့ မှ ဘာမှလုပ်လို့မရဘဲ ဂုဏ်ထူးဆောင် တောင် ဖြစ်လာနေမှု။ မပြောတော့ပါဘူးဗျာ။ ကိုယ့် ဘာသာကိုယ် စဉ်းစားကြည့် ပေါ့။ ကျွန်တော်တို့ဆီမှာ ဥပဒေရဲ့ အထက် ဘယ်သူထပ်ရှိနေလဲပေါ့ဗျာ။ ကျွန်တော်ကတော့ အိမ်နီးချင်းနိုင်ငံဖြစ်တဲ့ ထိုင်းနိုင်ငံနဲ့ ပဲ နှိုင်း ယှဉ်ပေးချင်မိပါတယ်။ သတင်းလေးကတော့
”ထိုင်းဝန်ကြီးချုပ် ယင်လပ်ကို အာဏာအလွဲသုံးစားမှု စွဲချက်ဖြင့် ဖွဲ့စည်းအုပ်ချုပ်ပုံအခြေခံဥပဒေ တရားရုံးက ရာထူးမှ ဖယ်ရှား”
အကျယ်လောင်ဆုံး သတင်း ဒီတစ်ပတ်မှာ အကျယ်လောင် ဆုံးသတင်းတွေကတော့ မကွေးတိုင်းဒေသကြီးမှာ မီဒီယာလွတ်လပ်ခွင့် ဆန္ဒပြတဲ့သတင်းပါပဲ။ ဆန္ဒပြမှုတွေလည်း အကြိမ်ကြိမ်နဲ့ မီးမငြိမ်း စတမ်းကို ဖြစ်ပေါ်နေတာလည်း တွေ့ရတယ်။ အချို့ကလည်း မီဒီယာလွတ်လပ်ခွင့် အနည်းဆုံး တိုင်းပြည်မှာ မီဒီယာလွတ်လပ်ခွင့် အနည်းဆုံးဒေ သအဖြစ် ဖော်ပြကြပါ တယ်။ဒီထက် ပိုထူးခြားတဲ့ သတင်းကတော့ မီဒီယာလွတ်လပ်ခွင့်အတွက် ဆန္ဒပြသူတွေကို မီဒီယာမှာ ဖော်ပြနိုင်ဖို့ သတင်းလာယူတဲ့ သြစတြေးလျနိုင်ငံသား မီဒီ ယာသမားကို ပြည်နှင် ဒဏ်ပေးလိုက်တယ်ဆိုတာပါပဲ။
ပြဿနာက ပြည်နှင်ဒဏ်ပေးရခြင်းမှာ သတင်းလွတ်လပ်ခွင့်နဲ့မဆိုင်ဘဲ ဗီဇာလိမ်လည် လျှောက်ထားပြီး သတင်း ယူလို့ဆိုပြီး အကြမ်းဖျင်း သိရပါတယ်။ ဗီဇာကို စီးပွားရေးကိစ္စနဲ့ လျှောက်ထားပြီး မကွေးမြို့ပေါ် မီဒီယာလွတ်လပ်ခွင့် စီတန်းလှည့်လည်ရာမှာ ပူးပေါင်းပါ ဝင်တဲ့ အ တွက် ပြည်နှင်ဒဏ်ပေးတာလို့လည်း ဆိုပါတယ်။
တော်ပါသေးတယ်။ ပိုင်နက်ကျူးလွန်မှုနဲ့တရားစွဲမခံလိုက်ရတာ ကံကောင်းပါတယ်။ ဟုတ်တယ်လေ။ သူ့ နေရာသူ့ဒေသလည်း မဟုတ်ဘဲနဲ့ ဝင်လာပြီး သတင်းတွေယူ ဓာတ်ပုံတွေရိုက် လာလုပ်နေတာလေ။ စဉ်းစားကြည့် လေ။ သြစတြေးလျကနေ မြန်မာပြည် ရောက်လာကတည်းက ပိုင်နက်ကျူးလွန်နေပြီ။ ဗီဇာနဲ့မို့ တရားဝင်တယ်တွေ ဘာတွေလာပြော မနေနဲ့။ ကိုယ့်အိမ်ပေါ်ကို တံခါးဖွင့်ခေါ်ပြီး အင်တာဗျူးလုပ်၊ မကျေနပ်တော့ ပိုင်နက်ကျူးလွန်မှုနဲ့ တရားစွဲ ခံရ၊ ထောင်ကျ။ အများပြည်သူပိုင် လို့ဆို ထားတဲ့ နေရာတွေသွား။ ဟိုက မကျေနပ်လို့ ပိုင်နက်ကျူးလွန်မှုနဲ့ တရားစွဲ၊ ထောင်ကျ။
ကဲ..ဒီလိုအနေအထားမှာ သူ့ကို ပြည်နှင်ဒဏ်အပေးခံ ရတယ်ဆိုတာ ကံမကောင်း ဘူးလား။ တော်ကြာ ပိုင်နက်ကျူးလွန်မှုနဲ့ တရားစွဲလိုက်လို့ ဟုတ်ပေ့ဖြစ်နေဦးမယ်။
မိုးဦးစပြီလား
မိုးရာသီကို ပြန်ရောက်တော့မယ့် အရိပ်အယောင်တွေ မြင်နေရပါပြီ။ တချို့နေရာတွေဆိုရင် မိုးသည်းထန်စွာ ရွာသွန်းမှုတွေတောင် ရှိနေပါပြီ။ မိုးရာသီမှာ အဓိကပြောရမှာ ကတော့ လမ်းတွေပါပဲ။
လမ်းမပေါ်ရေကြီး ရေကျော်ခြင်းကလည်း ထိန်းမရ တဲ့ နှစ်စဉ်ကြုံတွေ့နေရတဲ့အခက်အခဲပါပဲ။ ဒီနှစ်မှာတော့ လမ်းမတွေ ရေမကျော်အောင် အရင် ကမလုပ်ခဲ့တဲ့ ရေနုတ်မြောင်းတွေ တူးဖော်နေခြင်းပါပဲ။
လိုအပ်ချက်ကို ပြုလုပ်တဲ့အတွက်ကောင်းပါတယ်။ဒါပေမဲ့ ပြောစရာ ရှိတာက ရေနုတ်မြောင်းတွေလုပ်ဖို့ လမ်းတွေ ကို အားပါးတရဖျက်ပြီး ဘာမှလဲ ဆက်မလုပ်ဘဲ ဒီအတိုင်းထားသွားတာတွေပါပဲ။
ကျွန်တော်တို့ရပ်ကွက်မှာတင် ဖျက်ပြီး ပြန်မပြင်တဲ့လမ်းတွေ အများကြီးပါ။ တစ်မြို့လုံးအတိုင်းအတာနဲ့ဆို ရင် နည်းမှာမဟုတ်ပါဘူး။ မယုံရင် တက္ကစီငှားစီးကြည့်ပါ။ ”မြောင်းဖော်နေတာရှိလား။ ရှိရင် မလိုက်ဘူး” ဆိုပြီး ငြင်းတဲ့အဆင့်ထိပါပဲ။
ဘာလို့လဲဆိုတော့ ကားကို ကွေ့ပတ်ပြီး မောင်းနေရတာ စိတ်ပျက်လို့ပါတဲ့။နောက်ပြီး ပိုခက်တာက ဖျက်တာက တစ်ဖွဲ့၊ ပြင်တာကတစ်ဖွဲ့ပါတဲ့။ ဖျက်တဲ့သူတွေ သွားမေးတယ်။ ”ဒီရေနုတ်မြောင်းတွေ ဘယ်တော့ပြန်လုပ်မလဲ” ဆိုရင် ”မသိဘူး”တဲ့။
ကဲ.. မခက် လား။မိုးတွင်းမှာ ရေလျှံမှာစိုးလို့ ရေနုတ်မြောင်း လုပ်တယ်တဲ့။ လမ်းတွေဖျက်ပြီး ပြီးအောင် မလုပ်ဘူး။ ကဲ.. အခု မိုးရွာပြီ။ ဘယ်လိုလုပ်ကြမတုံး။
ကဲ … ဘယ်လိုဆက်လုပ်ကြမလဲ
လာဘ်ပေးလာဘ်ယူအများဆုံး တိုင်ကြားခံရတာ တရားရေးမဏ္ဍိုင်တဲ့။ ကဲ… ဘယ်လိုလုပ်ကြမတုံး။ တိုင်ကြားစာတစ်သောင်းမှာ ရှစ်ထောင်ဟာ တရားရေးမဏ္ဍိုင်ကို တိုင်ကြားတာပါတဲ့။ ဒီလောက်တောင် အကျင့်ပျက်ခြ စားနေရင် ဘယ်လိုလုပ်ပြီး တရားဥပဒေ စိုးမိုးနိုင်မှာတဲ့လဲ။
ပြစ်မှုရှိသူကို ပြစ်ဒဏ် ချရတဲ့သူတွေကိုယ်တိုင် က ပြစ်မှု ကျူး လွန်ပြီးမှ ပြစ်ဒဏ်ချတယ်ဆိုတော့ဗျာ။ ပြစ်မှုပေါ် ပြစ်မှုထပ်ရုံပဲ ရှိမှာပေါ့။
လောကမှာ သမာသမတ်အကျဆုံး လူဆိုတာ တရားသူကြီးပဲဗျ။ ဒါမှလည်း ပြစ်မှုရှိသူတွေကို မှန်မှန်ကန်ကန်ဆုံး ဖြတ်နိုင်မှာ။ ဒါမှလည်း လူတွေရဲ့ လုံခြုံ ရေး ကို ကျော သားရင်သား မခွဲခြားဘဲ မှန်မှန်ကန်ကန်နဲ့ ထိန်းချုပ်နိုင်မှာ။ ကဲ.. အခု ကျွန်တော်တို့ဆီမှာဗျာ။ လာဘ်ပေးလာဘ်ယူ ဆိုတာ ပြစ်မှု မြောက် တာပဲမ ဟုတ်လား။ အဲဒီပြစ် မှု မြောက်တဲ့ လာဘ်ပေးလာဘ်ယူမှုကို ကျူးလွန်တာ တရားရေးကဆိုတော့ဗျာ။
မမှန်ကန်ဆုံးလုပ်ရပ်ကို လုပ်နေကြတာ အမှန်ကန်ဆုံး ဆုံးဖြတ်ရ မယ့်နေ ရာ ဖြစ်မနေဘူး လားခင်ဗျာ။ ကဲ…စဉ်း စားသာကြည့်တော့။ ဥပဒေဆိုတာ လည်း ငွေမည်းတွေကြားမှာ မြုပ်နေလို့ ညစ် ထေးပြီး ခေါင်း မဖော်နိုင်တော့ဘူး။ အဲဒါကြောင့် ကျွန်တော်တို့ဆီမှာ ဘာဖြစ်နေလဲ သိလား။ဥပဒေတော့ရှိတယ်။ ဒါပေမဲ့ တရားဥပဒေ မရှိတော့ဘူး။ ဒါကြောင့် ရှိနေတဲ့ဥပဒေကို လိုရာဆွဲယူပြီး အပြစ်ချပိုင်ခွင့်ရှိတယ်။ တရားဖို့ မတရားဖို့ မလိုဘူး။
ပြန်ဆုံမယ်ဗျ။
အကြည်တော်
Popular Myanmar News Journal
