နတ်ပြည်ရောက်ကြောင်းတရား သုံးမျိုး
ပို့စ်တင်ချိန်
- 5/30/2014 06:45:00 PM
ဘုရားရှင်က ဓမ္မပဒပါဠိတော်မှာ နတ်ပြည်ရောက်ကြောင်းတရား သုံးမျိုးကို ဟောတော်မူပါတယ်။
သစ္စံ ဘဏေ နကုဇ္စျေယျ၊ ဒဇ္ဇာ အပ္ပမ္ပိ ယာစိတော။
ဧတေဟိ တီဟိ ဌာနေဟိ၊ ဂစ္ဆေ ဒေ၀ါန သန္တိကေ။ (ဓမ္မပဒ၊ ၂၂၄၊ နှာ ၄၁)
မှန်ကန်တဲ့စကား ပြောပါ။ အမျက်မထွက် သည်းခံခွင့်လွတ်ပါ။ နည်းများမဟူ တောင်းသူလာရင် ပေးကမ်းစွန့်ကြဲပါ။ ဒါဟာ နတ်ပြည်ရောက်ကြောင်း တရားသုံးမျိုးပါပဲ။
မှန်ကန်စွာပြောလေ့ရှိသူဟာ နတ်ရွာကို ရောက်ရတယ်။ ဘာကြောင့်လဲဆိုရင် မှန်မှန်ကန်ကန်ပြောလေ့ရှိသူဟာ မှန်ကန်တဲ့ အလုပ်ကို လုပ်လေ့ရှိသူ ဖြစ်လို့ပါပဲ။ ဒါကြောင့်ပဲ ဘုရားရှင်က ကောင်းတဲ့အရသာအားလုံးထဲမှာ သစ္စာတရားဟာ အကောင်းဆုံး အရသာဖြစ်တယ်လို့ ဟောတော်မူပါတယ်။
အမျက်ထွက်စရာအာရုံနဲ့ ကြုံတဲ့အခါ အမျက်ထွက်ခွင့်မပေးပဲ အေးအေးဆေးဆေးနဲ့ သည်းခံလေ့ရှိတာဟာလည်း နတ်ရွာ လားကြောင်း အကျင့်ကောင်းတစ်ခုပါပဲ။ ဘာလို့လဲဆိုရင် အမျက်ထွက်လိုက်တဲ့အတွက် ဖြစ်ပေါ်လာမယ့် ကြီးမားတဲ့ အပြစ်တွေ၊ ဆိုးကျိုးတွေကို ဖြစ်ခွင့်မပေးလိုက်လို့ပါပဲ။ ဒါ့အပြင် အမျက်ထွက်ဖွယ်အာရုံကိုပင် နှလုံးသွင်းဆင်ခြင် မေတ္တာအသွင် ကူးပြောင်းပေးနိုင်လိုက်တယ်။ ဆိုလိုတာကတော့ အကိုသိုလ်ဖြစ်မယ့်အာရုံကို ကုသိုလ်အသွင်ပြောင်းယူနိုင်လိုက်တာပါပဲ။
အနည်းငယ်သောအရာကိုပင် တောင်းလာသူကို သဒ္ဓါကြည်ဖြူ ပေးလှူခြင်းဟာလည်း နတ်ရွာရောက်ကြောင်း အကျင့်ကောင်းပါပဲ။ နည်းနည်းလေးကိုပင် စေတနာစင်စွာ ပေးလှူခြင်းဟာ နတ်ရွာကို ရောက်စေနိုင်တယ်ဆိုရင် များများပေးလှူ သဒ္ဓါကြည်ဖြူလိုက်ပါက ဆိုဖွယ်မရှိပါ။ ဘ၀ဟာ ပိုပြည့်စုံသွားပါလိမ့်မယ်။
ဒါကြောင့် စာချစ်သူများ နတ်ပြည်လားချင်တယ်ဆိုရင် သစ္စာစကားပြောရပါမယ်။ အမျက်မထား မေတ္တာပွားရပါမယ်။ အနည်း ငယ်ပင်ဖြစ်စေကာမူ စေတနာစင်စွာ ပေးလှူတတ်ရပါမယ်။
ရွှေစမ်းမြေ အရှင်က၀ိဓဇသာရ
