အသက်ပါနုတ်ယူနေသော သေမင်းအပူဒဏ်

ပို့စ်တင်ချိန် - 5/03/2014 08:45:00 PM

 အပူချိန် ၄၂ ဒီဂရီ စင်တီဂရိတ်အောက်တွင် ဦးမျိုးချစ် တစ်ယောက် ချွေးတဒီးဒီး ကျနေသော်လည်း ဝမ်းရေးအတွက် ဆိုက်ကားကို အားတင်းနင်းနေရသည်။ သို့သော် သူတောင့်မခံနိုင်တော့။ ထိုအပူချိန်အောက်တွင် ချွေးထွက်လွန်ပြီး မူးလဲရာမှ မန္တလေး ဆေးရုံကြီးသို့ ရောက်ခဲ့ရသည်။

အသက် ၅၄ နှစ်အရွယ် ရှိပြီဖြစ်သော ဦးမျိုးချစ်ကို မန္တလေး ပြည်သူ့ဆေးရုံကြီး အရေးပေါ် လူနာဌာနသို့ မိတ်ဆွေ အပေါင်းအသင်းများက လိုက်လံ ပို့ဆောင်ပေးခဲ့ကြခြင်း ဖြစ်သည်။

ဆေးရုံသို့ ရောက်ချိန် ၁၀၄ ဒီဂရီ စင်တီဂရိတ်အထိ ကိုယ်အပူချိန် ရှိနေသော ဦးမျိုးချစ်ကို အပူချိန် ကျသွားစေရန် ရေခဲရေများ ထပ်ကာထပ်ကာ လောင်းချိုးပေးခဲ့ရသည်။

မန္တလေး ပြည်သူ့ဆေးရုံကြီးသို့ အပူလျှပ် (Heat Stroke) ဖြင့် ရောက်ရှိလာသော လူနာများကို ကိုယ်အပူချိန်အလိုက် ရေခဲရေ စိမ်ထားသည့် အဝတ်များဖြင့် ပတ်ပေးခြင်း၊ ဆေးပုလင်း ချိတ်ကာ ဆေးသွင်းပေးခြင်း၊ ရေခဲရေများ လောင်းချိုးပေးခြင်း၊ ရေခဲစိမ်ထားသည့် ဇလုံထဲသို့ ခေတ္တမျှနေစေခြင်းများ ပြုလုပ်ပေးလျက် ရှိသည်။
“နေပူထဲထွက်ရင် အပူလျှပ်မယ်လို့ ကြေညာထား ပေမယ့်လည်း ဝမ်းစာအတွက် မလုပ်မဖြစ် လုပ်ရတာပါပဲ၊ ဖြစ်မှ ဖြစ်ရောပဲ ဒီလိုမှ မလုပ်ရင်လည်း ဘာနဲ့စားကြမလဲ” ဟု ဦးမျိုးချစ်က မျက်လွှာကို အောက်ချကာ ဝမ်းနည်းသည့် အသံဖြင့် ပြောဆိုသည်။

ဧပြီလ ၂၁ ရက်နေ့မှစ၍ မန္တလေးမြို့ အပူချိန်သည် ၄၂ ဒသမ ၂ ဒီဂရီ စင်တီဂရိတ်သို့ ရောက်ရှိလာသည့်အတွက် နေပူထဲတွင် လုပ်ကိုင် စားသောက်သည့် နေ့စားဝန်ထမ်းများ၊ အသက်ကြီးရွယ်အိုများ၊ အရက်သောက်သူ အများစုသည် အပူဒဏ်ကြောင့် အပူလျှပ်ဝေဒနာ (Heat Stroke) ဖြစ်ပွားပြီး မန္တလေး ပြည်သူ့ဆေးရုံကြီးသို့ ယင်းနေ့မှ စတင်ကာ ညနေ ၆ နာရီ ၃၀ မိနစ် အချိန်နောက်ပိုင်းတွင် ရောက်ရှိလာတတ်ကြသည်။

မန္တလေးတိုင်းဒေသကြီးတွင် နေ့အပူချိန်မှာ တဖြည်းဖြည်း တိုးလာပြီး အပူဒဏ်ကြောင့် ချွေးထွက်လွန်ကာ ခန္ဓာကိုယ် အတွင်းရှိ ရေနှင့် ဓာတ်ဆားဆုံးရှုံးမှု များပြားခြင်းကြောင့် မိတ်နှင့် ယားယံဖုများ ထွက်ခြင်း၊ ပင်ပန်းနွမ်းနယ်ခြင်း၊ မူးမော်ခြင်း၊ ကြွက်တက်ခြင်း၊ ချွေးခြောက်ပြီး ကိုယ်အပူချိန် တက်ခြင်း၊ သတိလစ်ခြင်းတို့အပြင် အသက်အန္တရာယ် အခြေအနေ စိုးရိမ်ဖွယ်အထိ ဖြစ်နိုင်ကြောင်း မန္တလေး ပြည်သူ့ဆေးရုံကြီးမှ အထွေထွေရောဂါကု ဆရာဝန်တစ်ဦးက ပြောကြားသည်။

“Heat Stroke ဆိုတာက နေ့အပူချိန် များနေတဲ့အချိန်မှာ ချက်ချင်းဖြစ်တာ မဟုတ်ဘူး။ လူကတော့ Heat Stroke ဖြစ်တာမသိဘူး။ ညနေပိုင်းကျမှ မူးလဲတာတွေ၊ အဲဒီလိုမျိုးဖြစ်ပြီး ရောက်လာကြတာ” ဟု မန္တလေးဆေးရုံကြီးမှ ဆေးနှင့် လူမှုဆက်ဆံရေး အရာရှိ ဦးမင်းလွင်က ပြောကြားသည်။

မန္တလေးမြို့ အပူချိန်သည် ဧပြီလ ၂၁ ရက်နေ့မှ ၂၄ ရက်အထိ အပူချိန် ၄၂ ဒသမ ၂ ဒီဂရီစင်တီဂရိတ် ဝန်းကျင်တွင် ရှိနေသဖြင့် အပူဒဏ်ကြောင့် ဆေးရုံ ရောက်ရှိသူများ၊ သေဆုံးမှုများ ဖြစ်ပွားခဲ့သည်။

မန္တလေးတိုင်းဒေသကြီးအတွင်း မြို့နယ် ၂၈ မြို့နယ်တွင် အပူဒဏ်ကြောင့် ဧပြီလ ၂၁ ရက်နေ့မှ ၂၆ ရက်နေ့အထိ ဆေးရုံတက် ကုသသူ ၆၅ ဦးရှိပြီး သေဆုံးသူ ခုနစ်ဦးရှိပြီ ဖြစ်ကြောင်း မန္တလေးတိုင်းဒေသကြီး တိုင်းကျန်းမာရေး ဦးစီးဌာနထံမှ စုံစမ်းသိရသည်။

မန္တလေး ပြည်သူ့ဆေးရုံကြီးတွင် ဧပြီလ ၂၁ ရက်နေ့မှ ၂၈ ရက်နေ့အထိ အပူလျှပ်လူနာ ၅၂ ဦး ရောက်ရှိလာပြီး အရက်ကြောင့် သေဆုံးသူတစ်ဦး၊ အပူဒဏ်ကြောင့် သေးဆုံးသူသုံးဦး ရှိကြောင်း မန္တလေး ပြည်သူ့ဆေးရုံကြီး မှတ်တမ်းအရ သိရသည်။

မန္တလေးမြို့ရှိ ပုဂ္ဂလိကဆေးခန်း များတွင်လည်း အပူဒဏ်ကြောင့် မျက်စိနာခြင်း၊ အသံဝင်ခြင်း၊ လည်ချောင်း ယားယံခြင်း၊ အရေပြားများ ယားယံခြင်း၊ မူးမော်ခြင်း၊ ချွေးထွက်လွန်ခြင်း တို့ကြောင့် ရောက်ရှိလာသည့် လူနာအများအပြား ရှိကြောင်း မန္တလေးမြို့ရှိ ပုဂ္ဂလိက အထွေထွေရောဂါကု ဆေးခန်းများထံမှ စုံစမ်းသိရှိရသည်။
“အရက်သမားတွေ၊ နေပူထဲမှာ အလုပ်လုပ်တဲ့သူတွေ၊ ကုန်ထမ်းသမားတွေ၊ ဆိုင်ကယ် ကယ်ရီသမားတွေ၊ အသက်ကြီးတဲ့ သူတွေဆိုရင် ဒီအပူဒဏ်ကို မခံနိုင်ကြဘူး။ ဆေးခန်းကို အပူကြောင့် တစ်နေ့ ၁၀ ယောက်လောက် လာပြကြတယ်။ နေပူထဲထွက်ရင် အကာအကွယ်တွေနဲ့ ထွက်သင့်ပါတယ်” ဟု ချမ်းအေးသာစံ မြို့နယ်ရှိ အေးဆေးခန်းမှ အထွေထွေရောဂါကု ဆရာဝန် ဒေါက်တာ စိုင်းထွန်းအောင်က ပြောကြားသည်။

နေ့အပူချိန် မြင့်မားနေချိန်တွင် ရေတွင်း တူးသမားများအတွက် အလွန် အန္တရာယ်များသည့် အနေအထားဖြစ်ပြီး အပူပြင်းပြင်း အောက်တွင် ခန္ဓာကိုယ် ရေစိုနေ၍ ရေခဲရေ မသောက်ရဲဘဲ ဓာတ်ဆားရေ သောက်နေရကြောင်း မန္တလေးမြို့ပေါ်တွင် ရေတွင်းတူးလုပ်ငန်း လုပ်ကိုင်သည့် ဦးမြဆောင်က ပြောဆိုသည်။

အိမ်ခြေမဲ့ သွားလာနေထိုင်သူ အများစုသည်လည်း အပူဒဏ်ကြောင့် အစာရေစာ ပြတ်လပ်ခြင်း၊ အရက်သေစာ အလွန်အကျွံ သောက်စား မူးယစ်ခြင်းကြောင့် သေဆုံးရခြင်းတို့ ဖြစ်ပွားကြောင်းလည်း မန္တလေးတိုင်းဒေသကြီး ရဲတပ်ဖွဲ့မှူးရုံး မှတ်တမ်းအရ သိသည်။

ဧပြီလ ၂၄ ရက်နေ့တွင် မန္တလေးမြို့၏ နေ့အပူချိန်မှာ ၄၂ ဒသမ ၀ ဒီဂရီ စင်တီဂရိတ် ရှိနေသည်။ ယင်းနေ့တွင် စဥ့်ကူးမြို့နယ် ကျောက်ငနွားကျေးရွာ အရှေ့ဘက် ၁ မိုင် ၄ ဖာလုံအကွာ ကျောက်ငနွား-မကွေး လူသွားလမ်းအနီး တောစပ်တွင် အသက် ၅၀ နှစ်အရွယ် အမျိုးသားတစ်ဦး ပုပ်ပွနေသည့် အလောင်းကို တွေ့ရှိခဲ့ပြီး သေဆုံးနေသည့် အလောင်းဘေးတွင် အရက်ပုလင်းခွံ တစ်လုံးကို တွေ့ရှိခဲ့ကြောင်း အဆိုပါရုံးမှ တာဝန်ရှိသူတစ်ဦးက ပြောကြားသည်။
“အရက်သမားတွေက နေပူလည်း အရက်သောက်တာ မလျှော့ဘူး၊ သောက်တာပဲ၊ ဦးနှောက်သွေးကြော ပြတ်ပြီး ဆုံးသွားတာ” ဟု ၎င်းကဆိုသည်။

မန္တလေးတိုင်းဒေသကြီး အတွင်းတွင် ဧပြီလ ၂၁ ရက်နေ့မှ ၂၅ ရက်နေ့အထိ အရက်ကြောင့် ၁၃ ဦး သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး မှတ်တမ်းအရ သိရသည်။

အပူကြောင့်  လူများဆေးရုံ ရောက်ရှိမှု၊ သေဆုံးမှုများ ဖြစ်ပွားနေသဖြင့် နံနက် ၁၀ နာရီမှ ညနေ ၅ နာရီ အသွားအလာ ဆင်ခြင်ခြင်း၊ နေ့ခင်းအချိန်တွင် အရက်သောက်ရန် ရှောင်ကြဉ်ရန်၊ ချွေးထွက် လွန်ပါက ကိုယ်တွင်းရှိ ရေနှင့် ဓာတ်ဆား ဆုံးရှုံးမှုကို ပြန်လည် ဖြည့်တင်းနိုင်ရေး ဓာတ်ဆားရည် သောက်ရန်၊ က်ိုယ်အပူချိန် တက်ပါက ရေအေးဖတ် နိုင်နိုင်တိုက်ခြင်း၊ ဆီးချိုရောဂါ၊ နှလုံးရောဂါ၊ သွေးတိုးရောဂါ အခံရှိသူများ၊ ကလေးသူငယ်များနှင့် သက်ကြီးရွယ်အိုများ အနေနှင့် နေ့လယ်နေ့ခင်းတွင် အရိပ်ရ၍ လေဝင်လေထွက် ကောင်းသော နေရာမျိုးတွင် နားနေခြင်း၊ အပူဒဏ်ကြောင့် ပင်ပန်းနွမ်းနယ်ခြင်း၊ ကိုယ်အပူချိန်တက်ခြင်း၊ သတိလစ်ခြင်းနှင့် အတက်ရောဂါ ဖြစ်လျှင် ဆေးရုံ အရောက်နောက်ကျပါက အသက်ဆုံးရှုံးနိုင်သဖြင့် ဆေးရုံသို့ အမြန်ဆုံး သွားရောက်သင့်ကြောင်း ကျန်းမာရေး ဝန်ကြီးဌာနက အပူဒဏ် ကာကွယ်ရေးနှင့် ပတ်သက်၍ ထုတ်ပြန် ကြေညာထားသည်။

မန္တလေး ပြည်သူ့ဆေးရုံကြီးတွင်လည်း ၂၀၁၀ ပြည့်နှစ်တွင် ဖြစ်ပွားခဲ့သော Heat Stroke ကဲ့သို့ ဖြစ်ပွားခဲ့လျှင် ကုသပေးနိုင်ရန် ကြိုတင် ပြင်ဆင်ထားကြောင်း၊ ဆေးဝါးများ စုဆောင်းထားခြင်း၊ ဝန်ထမ်း အင်အားများ တိုးမြှင့်ထားခြင်း၊ လူမှုကူညီရေး အသင်းများနှင့် ချိတ်ဆက်ထားခြင်း၊ မန္တလေးမြို့ပေါ်ရှိ ရေခဲစက်များမှလည်း ရေခဲအခမဲ့ ကူညီပေးခြင်းများ ပြုလုပ်ထားကြောင်း မန္တလေး ပြည်သူ့ဆေးရုံကြီး ဆေးနှင့် လူမှုဆက်ဆံရေး အရာရှိ ဦးမင်းလွင်က ပြောကြားသည်။

မန္တလေးတိုင်းဒေသကြီးတွင် ပြီးခဲ့သည့် ၂၀၁၀ ပြည့်နှစ် Heat Stroke ဖြစ်ပွားသည့် အချိန်တွင် တစ်နေ့လျှင် လူ ၂၀၀ နီးပါး သေဆုံးခြင်း၊ တောင်မြင့် သုသာန် မီးသင်္ဂြိုဟ်စက်တွင် အလောင်းများ များပြားသည့်အတွက် ခေါင်းတိုင် ကျိုးကျသည်အထိ ဖြစ်ပွားခဲ့ကြောင်း စိမ်းရောင်စို Activities မှ အတွင်းရေးမှူး ဦးမောင်မောင်ဦးက ပြောကြားသည်။
“မန္တလေးတိုင်းထဲမှာ အပူဒဏ် ကာကွယ်ရေးစခန်းတွေ ဖွင့်ထားတယ်။ ဆေးဂျူတီတွေ ချထားတယ်” ဟု တိုင်းကျန်းမာရေး ဦးစီးဌာမှ တာဝန်ရှိသူတစ်ဦးက ဆိုသည်။

မန္တလေးတွင် ဧပြီလ ၃၀ ရက်နေ့ နေ့အပူချိန်မှာ ၃၈ ဒသမ ၀ ဒီဂရီတင်တီ ဂရိတ်ရှိသည်ဟု ထုတ်ပြန်ချက်များအရ သိရသည်။

မြန်မာနိုင်ငံတွင် ထိုကဲ့သို့ အပူချိန် လွန်ကဲမှုကဲ့သို့ ရာသီဥတု ပြောင်းလဲမှုများ တစ်နှစ်ထက်တစ်နှစ် သိသာဆိုးရွားစွာ ခံစားလာရပြီ ဖြစ်သည်။ ထိုဆိုးကျိုးများအတွက် ကုသရန် နည်းလမ်းများ ရှိသည်။
“အခုဖြစ်မှ သစ်ပင်စိုက်လို့ရတာ မဟုတ်ဘူး၊ အပူပိုင်း မိုးနည်းရပ်ဝန်း ဒေသအတွက် သစ်ပင်စိုက်တာ အကောင်းဆုံးပါပဲ။ ရေတိုအပိုင်းနဲ့ ရေရှည်အပိုင်း ဆိုပြီး နှစ်ပိုင်းရှိပါတယ်၊ ရေတိုအပိုင်းကတော့ အခုကျန်းမာရေး ဝန်ကြီးဌာနရဲ့ အပူဒဏ် သတိပေး ကြေညာချက်တွေပါ။ ရေရှည် အနေနဲ့ကတော့ သစ်ပင်စိုက်တာ အကောင်းဆုံးပါပဲ၊ မိုးလေဝသကနေ နောင်အတွက် ထုတ်ပြန်တဲ့ သတင်းတွေက ကောင်းတာတစ်ခုမှ မပါဘူး၊ အဲဒါတွေကြောင့် အရိပ်ရသစ်ပင်တွေ စိုက်သင့်တယ်” ဟု ၂၀၁၀ ပြည့်နှစ်မှ ၂၀၁၃ ခုနှစ်အထိ မန္တလေးတိုင်းဒေသကြီးနှင့် ရှမ်းပြည်နယ်တို့တွင် အပင်ပေါင်း သုံးသောင်းကျော် စိုက်ပျိုးခဲ့သည့် စိမ်းရောင်စို Activities အတွင်းရေးမှူး ဦးမောင်မောင်ဦးက ပြောကြားသည်။

နိုင်ငံတကာတွင် တောအုပ်များ၊ သစ်တောများကို စနစ်တကျ ထိန်းသိမ်းထားရှိခြင်းဖြင့် ရာသီဥတုဒဏ်ကို ကာကွယ်မှုများ လုပ်ဆောင်နေပြီး မြန်မာနိုင်ငံ အနေနှင့် တိုင်းဒေသကြီး အသီးသီးအလိုက် လုပ်ဆောင်သင့်ကြောင်း၊ NGO များမှလည်း ပူးပေါင်း ဆောင်ရွက် လုပ်ဆောင်သင့်ကြောင်း၊ အစိုးရအဖွဲ့ အနေနှင့် ဖြစ်လာမှ ပြုလုပ်ခြင်းထက် မဖြစ်ခင်မှ ကြိုတင်ကာကွယ် ပြုလုပ်သင့်ကြောင်း စိမ်းရောင်စို Activities မှ အတွင်းရေးမှူးက ထပ်မံပြောကြားသည်။
မြန်မာနိုင်ငံ ဒေသအချို့တွင် စံချိန်သစ် တင်သည်အထိ အပူချိန် မြင့်တက်မှုများလည်း ဖြစ်ပေါ်နေပြီး ကလေး၊ မုံရွာ၊ ရွှေဘို အပါအဝင် ဒေသအချို့တွင်လည်း အပူလျှပ် ဝေဒနာကြောင့် ဆေးရုံတက် ကုသရသည်များ ရှိသကဲ့သို့ ရောဂါအခံ ရှိနေသော အပူဒဏ် မခံနိုင်သော သက်ကြီးရွယ်အိုအချို့ သေဆုံးသည့် ဖြစ်စဉ်များလည်း ရှိနေသည်။

လူ့အသက်ကိုပါ ချွေယူနေပြီ ဖြစ်သော ရာသီဥတု ပြောင်းလဲမှုများ မြန်မာနိုင်ငံတွင် ကြုံတွေ့လာရပြီဖြစ်ရာ ယင်းနှင့်ပတ်သက်၍ စိမ်းရောင်စို Activities အတွင်းရေးမှူး ဦးမောင်မောင်ဦး က အောက်ပါအတိုင်း ပြောဆိုသည်။
“ရာသီဥတု ပိုပူလာရခြင်းက မြို့ပြကို အလွန်အကျွံ ချဲ့ထွင်ခြင်းပဲ။ မြို့ပြကို ချဲ့ထွင်မယ်ဆိုရင် သစ်ပင်တွေခုတ်မယ်၊ သစ်ပင်တွေ မရှိတော့တဲ့အတွက် ရာသီဥတုက ပိုပြီးပူလာမယ်။ ပိုက်ဆံရှိတဲ့ သူတွေ အတွက်ကတော့ အပူဒဏ်ကို ကာကွယ်ဖို့ အဲယားကွန်း၊ ပန်ကာတွေနဲ့ နေလို့ရတယ်။ အခြေခံ လူတန်းစားတွေ၊ နေရောင်ခြည်အောက်မှာ အလုပ်လုပ်ဖို့ ငြင်းဆန်လို့ မရတဲ့ လူတွေအတွက်ကတော့ မြို့ပြ ချဲ့ထွင်လာခြင်းရဲ့ အကျိုးဆက်ကို ခံစားရတာပါ”

The Voice Weekly

Written by  ဖြိုးဖြိုးဇော်