အိန္ဒိယရွေးကောက်ပွဲမှာ ဂူဂျရတ်ပြည်နယ် အုပ်ချုပ်ရေးမှူး အနိုင်ရတာကြောင့် ပြည်သူတွေ အောင်ပွဲခံ

ပို့စ်တင်ချိန် - 5/17/2014 07:44:00 PM

၂၀၁၄ အိန္ဒိယရွေးကောက်ပွဲမှာ ဟိန္ဒူအမျိုးသားဝါဒီ၊ ဂူဂျရတ်ပြည်နယ် အုပ်ချုပ်ရေးမှူး နာရမ်ဒရာ မော်ဒီက နှစ်ပေါင်း ၃၀ အတွင်း မဲအပြတ်အသတ်နဲ့ အနိုင်ရရှိခဲ့တာကြောင့် အိန္ဒိယနိုင်ငံတ၀ှမ်း အိန္ဒိယပြည်သူတွေ အောင်ပွဲခံနေကြပါတယ်။

အိန္ဒိယ၀န်ကြီးချုပ်သစ်အဖြစ် ရွေးကောက်ခံရတဲ့ မော်ဒီဟာ မကြာခင်မှာ ဂူဂျရတ်ပြည်နယ်ကနေ မြို့တော်ဒေလီမှာ သွားရောက်ပြီး အောင်ပွဲခံချီတက်ပွဲ သွားရောက်တော့မှာလည်း ဖြစ်ပါတယ်။ လက်ရှိဝန်ကြီးချုပ် မန်မိုဟန်ဆန်းကတော့ ကွန်ဂရတ်ပါတီက ရွေးကောက်ပွဲမှာ အပြတ်အသတ် ရှုံးနိမ့်ခဲ့တာကြောင့် ၀န်ကြီးချုပ်ရာထူးကနေ နှုတ်ထွက်မယ်လို့ မျှော်လင့်ရပါတယ်။

ဝန်ကြီးချုပ်သစ်မော်ဒီက အိန္ဒိယနိုင်ငံရဲ့ စီးပွားရေးကို ပြန်ပြီးဦးမော့လာအောင် ဆောင်ရွက်မယ်လို့ ရွေးကောက်ပွဲမဲဆွယ်စည်းရုံးစဉ်အတွင်း အိန္ဒိယပြည်သူတွေကို ကတိပေးထားပါတယ်။

ရွေးကောက်ပွဲမဲရလဒ်တွေအရ ဘီဂျေပီပါတီတခုထဲက အနည်းဆုံးရရမယ့် အမတ်နေရာ ၂၇၂ ကို ကျော်လွန်ခဲ့တာကြောင့် မဟာမိတ်ပါတီတွေမပါပဲနဲ့တောင် အစိုးရဖွဲ့နိုင်ပြီဖြစ်ပါတယ်။ မဟာမိတ် ပါတီတွေရဲ့ အမတ်နေရာတွေပါထည့်တွက်ရင် အမတ်နေရာ ၃၃၀ ကျော်ရရှိမှာဖြစ်ပါတယ်။

ဒါပေမယ့် ၂၀၀၂ ခုနှစ်က ဂူဂျရတ်ပြည်နယ်မှာဖြစ်ပွားခဲ့ ဘာသာရေးအဓိကရုန်းတွေကို မတားဆီး မဟန့်တားနိုင်ခဲ့တာကြောင့် သူ့ရဲ့ခေါင်းဆောင်မှုအပေါ် သံသယရှိတဲ့ ပြည်သူတွေ လည်း အများအပြားရှိပါတယ်။ ဂူဂျရတ်အရေးအခင်းမှာ လူအနည်းဆုံး ၁၀၀၀ လောက်သေဆုံးခဲ့ပြီး အများစုက မွတ်စလင်တွေဖြစ်ကြပါတယ်။

မော်ဒီကတော့ စွပ်စွဲချက်တွေကို ငြင်းဆန်ထားပြီး တရားစွဲအရေးယူခံရတာလည်း မရှိခဲ့ပါဘူး။ မော်ဒီ အိန္ဒိယ၀န်ကြီးချုပ်အဖြစ်ရွေးကောက်ခံရမှုကို အမေရိကန်သမတ အိုဘားမား နဲ့ ဗြိတိန်ဝန်ကြီချူုပ် ဒေးဗစ်ကင်မရွန်းတို့အပါအ၀င် ကမ္ဘာ့ခေါင်းဆောင်တွေက ကြိုဆိုခဲ့ကြပါတယ်။

ပါကစ္စတန်ဝန်ကြီးချုပ် နာဝပ်ရှရစ်ကလည်း ဘီဂျေပီပါတီရဲ့အောင်မြင်မှုကို ဂုဏ်ပြုခဲ့ပါတယ်။ ကွန်ဂရက်ပါတီကတော့ အဂတိလိုက်စားမှုတွေ၊ အခုနောက်ပိုင်းနှစ်တွေမှာ ထိရောက်တဲ့ စီမံအုပ်ချုပ်မှု၊ ခေါင်းဆောင်မှုမပေးနိုင်ခဲ့ဘူးဆိုတဲ့စွဲချက်တွေကြောင့် အိန္ဒိယနိုင်ငံ လွတ်လပ်ရေး ရရှိခဲ့ပြီးနောက်ပိုင်း ရွေးကောက်ပွဲသမိုင်းတလျှောက်မှာ မဲရရှိမှုအနည်းဆုံးဖြစ်ခဲ့ပါတယ်။

dvb burmese