တိုင်ချင်ရာတိုင်ဆိုတဲ့ ရပ်ကွက်ထဲက ကော်စက်ရုံကို ဖယ်ရှားပေးပါ
ပို့စ်တင်ချိန်
- 5/30/2014 12:14:00 PM
ရန်ကုန်တိုင်း ဒေသကြီး၊ မြောက်ဥက္ကလာပမြို့နယ်(ည)ရပ် ကွက် ခေမာသီ လမ်းမပေါ်ရှိ ပုဂ္ဂလိက ကော်စက်ရုံမှညှော်နံ့များ ကြောင့် ပတ်ဝန်းကျင်ရှိကလေး သူငယ်များနှင့် လူကြီးများအသက် ရှူလမ်းကြောင်းဆိုင်ရာဝေဒနာ ခံစားရခြင်းများရှိနေကြောင်း ရပ် ကွက်နေသူတို့က ပြောသည်။
ယင်းကော်စက်ရုံသည် ကော် ပုံများထုတ်လုပ်လျက်ရှိပြီး စက်ရုံ မှ အသံများကြောင့် ညစဉ်အိပ် ရေးပျက်ခြင်းကိုလည်းကြုံတွေ့နေရ ကြောင်း ဒေသခံများက ပြော သည်။ အဆိုပါစက်ရုံကို စက်မှုဇုံ တစ်ခုခု၌ တည်ဆောက်သင့်ပြီး လူနေရပ်ကွက်၌ ဆောက်ထား သဖြင့် ရပ်ကွက်နေပြည်သူများက ရပ်ကွက်အုပ်ချုပ်ရေးမှူးထံသို့ ပြောင်းရွှေ့ဖယ်ရှားပေးရန်လက်မှတ် ထိုးတိုင်ကြားထားကြောင်း သိရ သည်။
“ဒီစက်ရုံက ကျွန်မတို့အိမ်ရဲ့ နောက်ဘက်မှာဆိုတော့ ညှော်နံ့ တွေကိုအမြဲရှူနေရတယ်။ လူကြီး တွေလည်း ခေါင်းကိုက်တယ်။ ကျွန်မသားလေးခဏခဏတရှောင် ရှောင်ဖျားနေတော့ ဆေးခန်းပြပြီး ဆေးစစ်ကြည့်လိုက်တော့ အဆုတ် ရောဂါဖြစ်နေတယ်လို့သိရတယ်။ ကျွန်မသားလေးကိုဆေးတိုက်တာ (၆)လရှိသွားတော့ ဆေးကိုတော့ ရပ်လိုက်ပြီ”ဟုမိခင်ဖြစ်သူဒေါ်အေး မွန်စိုးက ပြောသည်။
ယခုကာလတွင် ကလေး တချို့တွင်အဆုတ်ရောဂါများခံစား နေရကြောင်းနှင့် အဆုတ်ရောဂါ ပျောက်ဆေးများကိုသောက်နေရ ကြောင်း သိရသည်။
“လူကြီးတွေလည်းအသက်ရှူ ကျပ်လို့ ဆေးခန်းကိုပြနေရတယ်။ ကျွန်မတို့အနေနဲ့ ဒီစက်ရုံကိုပြောင်း ရွှေ့တာကိုပဲလိုချင်တယ်။ သူတို့က စီးပွားရေးလုပ်ပေမဲ့ပတ်ဝန်းကျင်ကို ထိခိုက်တာတော့မကောင်းဘူး။ ကျွန်မတို့ လူနေရပ်ကွက်ဖြစ်နေတဲ့ အတွက် ဒီစက်ရုံတွေကိုမဆောက် သင့်ဘူး။စက်မှုဇုန်ထဲမှာပဲဆောက် သင့်ပါတယ်”ဟု ၎င်းက ထပ်မံ ပြောသည်။
ရပ်ကွက် ပြည်သူများက လက်မှတ်ထိုးတိုင်ကြားထားသည့် အတွက် ရပ်ကွက်အုပ်ချုပ်ရေးမှူး က စက်ရုံပိုင်ရှင်ကိုခေါ်ယူတွေ့ဆုံ ခဲ့ကြောင်း သိရသည်။
“ကျွန်တော်စက်ရုံပိုင်ရှင်တွေ ကိုခေါ်ပြီးတော့ပြောပြထားပါတယ်။ သူတို့လုပ်နေတဲ့နောက်ကျောမှာ ရှိတဲ့ ဘုမ်္မာ ၁၂ လမ်း၊ ၁၃ လမ်း မှာရှိတဲ့လူတွေနဲ့ နောက်ဖေးချင်း ပေါက်နေတယ်။ တိုင်သူတွေရှိ တော့ စက်ရုံပိုင်ရှင်ကို ခေါ်ပြီး သဘောထားကို မေးမြန်းတယ်။ ကျွန်တော်တို့ကစက်ရုံကိုဆက်မလုပ် ဖို့ပြောတဲ့အခါကျတော့ ညှော်နံ့ တွေကင်းအောင်လေစုပ်ပန်ကာ တွေ၊ ခေါင်းတိုင်တွေကိုခပ်မြင့်မြင့် ကိုတပ်ပေးမယ်လို့ပြောတယ်။ ဒီလို ဆောင်ရွက်ပေးလို့မှမရရင်လည်း တိုင်ချင်ရာ တိုင်ကြပါလို့ ပြောပါ တယ်”ဟု ရပ်ကွက်အုပ်ချုပ်ရေးမှူး ကိုမျိုးဆွေက ပြောသည်။
ရပ်ကွက်နေပြည်သူများနှင့် ၎င်းင်းစက်ရုံဖယ်ရှားပြောင်းရွှေ့ရေး အတွက် သက်ဆိုင်ရာဌာနဆိုင်ရာ များသို့ ဆက်လက်တင်ပြသွား မည်ဖြစ်ကြောင်း သိရသည်။
ရန်ကုန်မြို့တော်စည်ပင်သာ ယာရေးနယ်နိမိတ်အတွင်း၌ အသံဆိုး၊ အနံ့ဆိုးထွက်သော လုပ်ငန်းများကိုတားမြစ်ကာရွှေ့ ပြောင်းခြင်းများပြုလုပ်လျက်ရှိ သော်လည်း လူနေရပ်ကွက်များ တွင် အသံဆိုး၊ အနံ့ဆိုးထွက် သောလုပ်ငန်းအချို့ဆက်လက်ရှိ နေဆဲဖြစ်ကြောင်း ရန်ကုန်မြို့ခံ တို့က ဆိုသည်။
မျိုးကျော်
BY HOTNEWS
