အိန္ဒိယ ရွေးကောက်ပွဲ ဟိန္ဒူအမျိုးသားရေးဝါဒီ မိုဒီ၏ BJP ပါတီ အနိုင်ရ

ပို့စ်တင်ချိန် - 5/18/2014 04:27:00 PM

နယူးဒေလီ၊ မေ ၁၇

အိန္ဒိယ ရွေးကောက်ပွဲတွင် အတိုက်အခံ BJP ပါတီက ဆယ်စုနှစ် သုံးခုအတွင်း မဲအပြတ်အသတ် အသာဖြင့် အနိုင်ရရှိခဲ့ခြင်းကြောင့် ပါတီခေါင်းဆောင် မိုဒီက နယူးဒေလီမြို့တော်တွင် အောင်ပွဲခံ အခမ်းအနား ကျင်းပနေကြောင်း BBC သတင်းတွင် ဖော်ပြထားသည်။

ရွေးကောက်ပွဲတွင် လက်ရှိ အာဏာရ ပါတီဖြစ်သော ကွန်ဂရက်ပါတီမှာ အရေးနိမ့်သွားပြီး လာမည့် ရက်ပိုင်းအတွင်း ရာထူးမှ နုတ်ထွက်သွားမည်ဟု မျှော်လင့်ရသည်။

ဟိန္ဒူအမျိုးသားရေး ဝါဒီတစ်ဦးဖြစ်သူ မိုဒီ ရွေးကောက်ပွဲတွင် အနိုင်ရရှိခဲ့ပြီး စီးပွားရေး ပြန်လည်ဆန်းသစ်နိုင်ရေး လုပ်ဆောင်သွားမည်ဟု ရွေးကောက်ပွဲတွင် ကတိပြုထားသည်။
ထို့အပြင် ပါလီမန်နေရာ အများစုကို BJP ပါတီက အနိုင်ရရှိထားသဖြင့် ညွန့်ပေါင်းအဖွဲ့များ မပါဘဲ အစိုးရအဖွဲ့သစ် တစ်ရပ် ဖွဲ့စည်းနိုင်မည်ဟု ရွေးကောက်ပွဲ ရလဒ်များတွင် ဖော်ပြထားသည်။

သို့သော်လည်း မိုဒီ ဝန်ကြီးချုပ်အဖြစ် တာဝန်ထမ်းဆောင်ခဲ့သော ဂူဂျာရတ်ပြည်နယ်၌ ၂၀၀၂ ခုနစ်တွင် ဖြစ်ပွားခဲ့သော လူ့အဖွဲ့အစည်းများကြား ပဋိပက္ခတွင် လူပေါင်း ၂၀၀၀ ကျော် သေဆုံးခဲ့ပြီး သေဆုံးသူ အများစုမှာ မွတ်ဆလင်များ ဖြစ်သဖြင့် မိုဒီ၏ ဦးဆောင်မှုကို အချို့သော အိန္ဒိယနိုင်ငံသားများက စိုးရိမ်နေသည်။
ဟိန္ဒူအမျိုးသားရေးဝါဒီ မိုဒီအပေါ် စွပ်စွဲပြောကြားမှုများ ပေါ်ပေါက်ခဲ့သော်လည်း စွပ်စွဲချက်များကို မိုဒီက အမြဲငြင်းဆိုခဲ့ပြီး တရားစွဲဆိုခြင်းလည်း မခံခဲ့ရပေ။

ရွေးကောက်ပွဲ အောင်ပွဲခံ အခမ်းအနား ဆင်နွှဲနိုင်ရန် နယူးဒေလီမြို့တော်သို့ ရောက်ရှိလာသော မိုဒီကို ထောက်ခံအားပေးသူများက အလံများ၊ ဗုံများ ကိုင်ဆောင် ကြိုဆိုခဲ့သည်။

ယင်းကဲ့သို့ အောင်ပွဲခံ အခမ်းအနား ကျင်းပနေသော်လည်း ရွေးကောက်ပွဲ မဲရေတွက်မှုမှာ မပြီးဆုံးသေးဘဲ BJP ပါတီက လက်ရှိအချိန်ထိ ပါလီမန် အမတ်နေရာ ၂၇၂ နေရာ ရရှိထားပြီး မဟာမိတ် ပါတီများပါ ထည့်သွင်း ရေတွက်ပါက နေရာပေါင်း ၃၃၀ နေရာအထိ ရရှိမည်ဖြစ်သည်။
“အိန္ဒိယ အနိုင်ရရှိခဲ့ပါပြီ။ ကောင်းမြတ်တဲ့နေ့တွေ ရောက်လာတော့မှာပါ” ဟု မိုဒီက ပြောကြားခဲ့သည်။

ကက်ရှမီးယား ဒေသမှသည် တောင်ပိုင်း ကန်ရာကူမာရီ ဒေသရှိ နိုင်ငံတစ်ဝန်းလုံးမှ ပြည်သူများက အစိုးရအဖွဲ့သစ်ကို ပိုင်ဆိုင်ကြောင်း အိန္ဒိယနိုင်ငံသားများ အားလုံးအတွက် စစ်မှန်သော အစိုးရဖွဲ့ပြီး နိုင်ငံသားအားလုံးကို အုပ်ချုပ်သွားမည် ဖြစ်ကြောင်း မိုဒီက ပြောကြားလိုက်သည်။

မွတ်ဆလင်အများစု သေဆုံးခဲ့သော ၂၀၀၂ ခုနစ် အဓိကရုဏ်းဖြစ်ရပ် အပြီးတွင် ဂူဂျာရပ် ပြည်နယ်ဝန်ကြီးချုပ် မိုဒီကို အမေရိကန်နှင့် ဗြိတိန်တို့က လိုလားခြင်း မရှိခဲ့သော်လည်း လက်ရှိတွင် မိုဒီ၏အောင်ပွဲကို အမေရိကန်သမ္မတ အိုဘားမားနှင့် ဗြိတိန်ဝန်ကြီးချုပ် ကင်မရွန်းတို့က ချီးကျူး ဂုဏ်ပြုလိုက်သည်။
“နိုင်ငံရေးအကွဲအပြဲခေတ် နိဂုံးချုပ်သွား ပါပြီ။ ဒီနေ့ကစပြီး လူထုတွေကို စုစည်းပေးမယ့် နိုင်ငံရေး စတင်လာပါပြီ” ဟု ရွေးကောက်ပွဲအနိုင်ရရှိခဲ့သူ မိုဒီက ပြောကြားသည်။

အိန္ဒိယနိုင်ငံ လွတ်လပ်ရေး ရရှိခဲ့သည့် ကာလမှစ၍ ပြည်တွင်း နိုင်ငံရေးလောကကို လွှမ်းမိုးထားသော ကွန်ဂရက် ပါတီမှာ အကျင့်ပျက်လာဘ်စားမှု သတင်းများ၊ စီမံခန့်ခွဲမှု ညံ့ဖျင်းမှုများ၊ ခေါင်းဆောင်မှု အားနည်းမှု များကြောင့် ရွေးကောက်ပွဲတွင် အမတ်နေရာ ၄၄ နေရာသာ အနိုင်ရနိုင်သည်ဟု ခန့်မှန်းထားသည်။

The Voice Weekly