Polyhydramnios ရေမြွာရည် များနေခြင်း

ပို့စ်တင်ချိန် - 4/14/2014 11:12:00 PM

စစ်ကြည့်တော့ သားလေးဆိုတာ သိရတယ်။ ခုဆို ၆ လထဲမှာ သူက တအားလှုပ်တယ် ကန်တယ်။ ကျမ လမ်းလျှောက်ရင် ဗိုက်ကြီးကတင်းပြီး နာတော့ ဆေးစစ်တာ ရေမြွှာရေက သာမာန်ထက် ပိုများနေတယ်တဲ့။ အဲဒါ ဆရာဝန်က လမ်းမလျှောက်ဘဲ နားခိုင်းပါတယ်။ ကျမကလည်း တခါတလေတော့ ခပ်ဝေးဝေးသွားမိတယ်။ ကျမက စာတမ်းအတွက် သုတေသနလုပ်ဖို့ ကျောင်းကိုတော့ စာအုပ်တွေနဲ့ လျှောက်ရတာပါပဲ။ တခါတလေ အိပ်လည်းမပျော်ဘူး။ ဗိုက်ကလည်း လေးနေသလိုပဲ။ အဲဒါ သူငယ်ချင်း တယောက်က ရေမွှာရေများရင် ကလေးက တခုခု ချို့ယွင်းတတ်တယ် ဆိုလို့ ဟုတ်သလား။ ဟိုတလောကလည်း ဖျားတော့ ကလေးအားဆေးတွေ ဖြတ်ထားမိတယ်။ ၂ ပတ်လောက် ကြာတယ်ပေါ့။ ဘာပြင်ဆင်သင့်သလဲ ဆရာရှင့်။

ကိုယ်ဝန်မှာ အထဲကကလေးဟာ ရေမြွာအိတ်ထဲမှာ လုံလုံခြုံခြုံ ရှိနေတယ်။ အိတ်ထဲမှာ ရေမြွာရည် လုံလောက်အာင် ရှိရတယ်။ နည်းတာရော များတာပါ မကောင်းပါ။ Polyhydramnios ရေမြွရည် များနေတာမျိုးက ကိုယ်ဝန်ဆောင် ၁% မှာရှိတတ်တယ်။ ကိုယ်ဝန် ဒုတိယ သုံးလထဲမှာ အဲလိုများလာတယ်။ ကိုယ်ဝန် ၃၄ ပတ်မှာ အများဆုံးရှိတယ်။ များသောအားဖြင့် အသင့်အတင့်သာများတယ်။ ဆေးကုသဘို့မလိုပါ။ သိပ်များနေတာကိုတော့ ဆေးကုရမယ်။

ရေမြွာရည်ဆိုတာ ကြည်လင်နေတယ်၊ ရေလိုဘဲ။ နဲနဲတော့ ဝါနိုင်တယ်။ ကလေးက ရေကူးသလိုနေမယ်။ အပူချိန် ထိန်းပေးတယ်။ ကလေးကို ကောင်းကောင်း အကာအကွယ်ပေးထားတယ်။ အရည်ကို မျိုချမယ်၊ (အဆုပ်မသုံးဘဲ) အသက်ရှူမှု လုပ်မယ်၊ ဆီးအနေနဲ့ စွန့်ထုတ်မယ်။

ဘာလို့ များသလဲ။
(၁) ကလေးက ရေမြွာရည်ကို မျိုချတာ မလုပ်ရင် အရည်တွေ များနေမယ်။ ကလေးမှာ မွေးရာပါ ချို့ယွင်းချက်တွေရှိနေရင် အဲလိုမျိုမချတာ ဖြစ်နိုင်တယ်။ အစာခြေလမ်းရောဂါတွေဖြစ်တဲ့ Duodenal atresia, Esophageal atresia, Gastroschisis နဲ့ Diaphragmatic hernia တွေရှိနေရင်လဲ ဖြစ်နိုင်တယ်။ ဦးနှောက်နဲ့ အာရုံကြောရောဂါတွေဖြစ်တဲ့ Anencephaly and Myotonic dystrophy တွေ၊ Achondroplasia ခြေ-လက် တိုနေတဲ့ မွေးရာပါရောဂါ၊ Beckwith-Wiedemann syndrome တွေ ဖြစ်နိုင်တယ်။
(၂) ရေမြွာရည်ထုတ်နေတာက များတာလဲဖြစ်နိုင်တယ်။ ကလေးအဆုပ်ရောဂါ၊ ကလေးအမွှာ၊ Hydrops fetalis ကလေးကိုယ်ရောင်ရောဂါ၊
(၃) ကလေးနဲ့ မိခင် သွေးအုပ်စု မတူတာဖြစ်နေသလား။
(၄) အကြောင်းခံရှာမတွေ့ဘဲ ဖြစ်တယ်။

ခံစားရတတ်တဲ့ လက္ခဏာတွေဟာ ရေမြွာရည်ကနေ ဖိအားသက်ရောက်လို့ ဖြစ်တယ်။ သိပ်များနေရင် မိခင်လောင်း အနေရခက်ခဲမယ်။ အသက်ရှူရတာ ခက်မယ်။ ကိုယ်ရောင်မယ်။ ဆီးနည်းမယ်။

ရေမြွာရည်များနေတာနဲ့ ဒီလိုဖြစ်မှာတွေ ဆက်တွဲလာတတ်တယ်။
- Premature birth ကလေး စောမွေးတတ်တယ်၊
- Pregnancy-induced high blood pressure ကိုယ်ဝန်ဆောင်ချိန်သာဖြစ်တဲ့ သွေးတိုး၊
- Urinary tract infections during pregnancy ကိုယ်ဝန်ဆောင်ချိန် ဆီးလမ်းပိုးဝင်ခြင်း၊
- Premature rupture of membranes ရေမြွာစောပေါက်ခြင်း၊
- Excess fetal growth ကလေးထွားလွန်းခြင်း၊
- Placental abruption အချင်း အထဲမှာကွာခြင်း၊
- Umbilical cord prolapse ချက်ကြိုးထွက်လာခြင်း
- C-section delivery ဗိုက်ခွဲမွေးရခြင်း၊
- Stillbirth ကလေး အသေမွေးခြင်း၊
- Heavy bleeding after delivery မွေးပြီးသွေးဆင်းများခြင်း၊

ကိုယ်ဝန်စောစောမှာ ရေမြွာရည်များရင် ပိုသတိထားရမယ်။
- Ultrasound (အာလ်ထွာဆောင်း) ရိုက်ရမယ်။ တခါမက ရိုက်ရတယ်။ တပတ်တခါအထိ ရိုက်တာလဲလုပ်နိုင်တယ်။
- ရေမြွာရည် တွက်ချက်တာလုပ်မယ်။ Amniotic fluid index ခေါ်တယ်။ AFI 25 cm (9.8 inches) နဲ့ များတာကို Polyhydramnios လို့ သတ်မှတ်တယ်။
- Amniocentesis ရေမြွာဖေါက်ယူ စစ်ဆေးနည်း၊
- Glucose challenge test ဆီးချို စစ်နည်း၊
- Karyotype (ကာယိုတိုက်ပ်) နည်း၊ ကလေးရဲ့ Chromosomes (ခရိုမိုဇုမ်း) ပုံမှန်မဟုတ်တာစစ်နည်းဖြစ်တယ်။ Amniotic fluid ရေမြွာရည်ဖြစ်ဖြစ် Placenta အချင်းဖြစ်ဖြစ် စစ်တယ်။ Chorionic villus sampling စစ်နည်းလဲ လုပ်နိုင်တယ်။

ကလေးအခြေအနေ ပိုသိအောင် စစ်နည်းတွေလဲ ရှိတယ်။
- Nonstress test ကလေးနှလုံးခုန်နှုန်းကို ကလေးလှုတ်ရှားရင် ဘယ်လောက်အထိ ရှိလာသလဲသိအောင် လုပ်နည်း၊
- Biophysical profile ကလေး Nonstress test ကလေးနှလုံးခုန်နှုန်း + အသက်ရှူမှုနဲ့ လှုတ်ရှားမှုစစ်နည်း + ရေမြွာရည် ထုထည်တွေကို စစ်နည်း၊
- Doppler ultrasound ကလေး သွေးလှည့်ပတ်မှု စစ်နည်း၊
- Contraction stress test သားအိမ်ညှစ်တဲ့အချိန် ကလေးနှလုံးခုန်တာပြောင်းလဲမှုကို စစ်နည်း၊

ဘယ်လိုကုသမလဲ
- အတော်အတန် များနေတာ ဆေးကုသဘို့ မလိုပါ။
- ဆီးချို ရှိနေရင် ကုသပါ။
- ကလေး စောမွေးမယ်ထင်ရင်၊ အသက်ရှူ ခက်ခဲလာရင်၊ ဗိုက်နာလာရင် ဆေးရုံတက်ပါ။
- များနေတဲ့ ရေမြွာရည်ကို ဖေါက်ထုတ်နည်း၊ Amniocentesis လုပ်နိုင်တယ်။ တခါတည်းမရရင် ထပ်လုပ်ရမယ်။ ခဏခဏ လုပ်ရတာကို Amnioreduction ခေါ်တယ်။ အထူသတိထားလုပ်ရတယ်။ စောမွေးတာ၊ အထဲမှာ အချင်းကွာတာ နဲ့ ရေမြွာအိတ်စောပေါက်တာတွေ ဖြစ်တတ်တယ်။
- Medication ဆေးပေးနည်း၊ Indomethacin ဆေးသုံးတယ်။ ကိုယ်ဝန် ၃၁ ပတ်ကျော်ရင်တော့ မပေးပါ။ ကလေးနှလုံးကို သတိထားစရာလိုလို့ ဖြစ်တယ်။

ဆေးစာတွေ ရေးတိုင်း သတိပေးတာတခု ထပ်ရေးပါရစေ။ ယာယကံရှင်တွေကို ဖတ်စေတာ တခါတလေ ကောင်းပေမဲ့ တခါတလေ အားလုံးကုန် မဖတ်စေချင်ဘူး။ လူတွေဟာ အစိုးရိမ်နည်းသူ-များသူ မတူကြဘူး။ ဆေးစာဆိုတော့ ကုန်အောင်-စုံအောင် ရေးရတယ်။ အားလုံး ကိုယ့်မှာ လာဖြစ်မလား စိုးရိမ်တာ မမှန်ပါ။ ဆရာဝန်က ချန်ရေးတာလဲ မသင့်ဘူး။ နောက်ပြီး ကိုယ်ဝန်ဆောင်နေရသူတွေဟာ အပေါင်းအသင်းလဲ အပြုသဘော အားပေးတတ်သူတွေနဲ့သာ ပေါင်းသင့်တယ်။ စာကိုလဲ သားရွှေအိုးထမ်းလာတာမျိုးသာ ဖတ်သင့်ကြတယ်။ စာဖတ်တဲ့သူ သားကောင်းရတနာ ထွန်းကားပါစေ။

ဒေါက်တာတင့်ဆွေ
၈-၄-၂ဝ၁၂