လူသားတွေဟာ စက်ရုပ်တွေနဲ့ အလုပ်ယှဉ်လုရမယ့် ၂၀၄၀ခုနှစ်

ပို့စ်တင်ချိန် - 4/25/2014 08:44:00 AM

၂၀၄၀ခုနှစ်လောက်ဆို လော်ရီကား၊ မီးရထား စတာတွေကို Google စက်ရုပ်တွေက မောင်းနှင်ပါလိမ့်မယ်။ ဈေးဆိုင်တွေဆိုတာလည်း အွန်လိုင်းအရောင်းဆိုင်တွေအတွက် အရောင်းပြခန်းတွေဖြစ်လာလိမ့်မယ်။ ဖုန်းဝန်ဆောင်မှုစင်တာတွေမှာလည်း အသိဉာဏ်မြင့်စက်ရုပ်တွေက ၀င်ရောက်တာဝန်ထမ်းဆောင်တော့မယ်။

ဒါတွေဟာ မကြာသေးမီကလုပ်ခဲ့တဲ့ သုတေသနရပ်တွေအရ ပုံပေါ်လာတဲ့ စိတ်မှန်းအနာဂတ်ဖြစ်နိုင်ခြေ တွေပါ။ နောင်နှစ် ၃၀ အောက်အတွင်း ကျွန်တော်တို့ရဲ့ ဘ၀တွေ နဲ့ အလုပ်တွေကို စက်ရုပ်တွေက နေရာဝင်ယူလာနိုင်တယ်လို့ တင်ပြခန့်မှန်းချက်တွေကြောင့်ပေါ့။

စက်ရုပ်ဦးရေ မြင့်မားလာတာကြောင့်ဖြစ်လာမယ့် အလုပ်အတွက် ယှဉ်ပြိုင်မှုဟာ ကျွန်တော်တို့တွေ ခွဲစိပ်ဆရာဝန်တွေဆီ ဦးတည်သွားနေရတာမျိုး ဖြစ်လာစေပါလိမ့်မယ်။ ကျွန်တော်တို့ ဦးနှောက်တွေအတွက် ထပ်ဆင့်လုပ်ဆောင်မှုစွမ်းရည် အတွက်လို့ သုတေသီတွေက အခိုင်အမာဆိုပါတယ်။

စက်တွေလောက်နီးနီး အလုပ်တာဝန်တွေကို မြန်မြန်နဲ့ပြီးနဲ့ ထမ်းဆောင်နိုင်ဖို့အတွက်ဆိုပြီး လူသားနဂိုမူရင်းလက်တွေနေရာမှာ စက်ရုပ်အင်္ဂါတုတွေ အစားထိုးတပ်ဆင်စေဖို့ ကျွန်တော်တို့ တောင်းဆိုချင် တောင်ဆိုရပါလိမ့်မယ်။

ကမ္ဘာလုံးဆိုင်ရာ အလုပ်အကိုင်ရှာဖွေရေး ၀ဘ်ဆိုဒ် xpatjobs.com မှာခန့်ထားတဲ့ အနာဂတ်ဗေဒပညာရှင် တွေရဲ့ ပြောကြားချက်အရ ၀န်ထမ်းတွေဟာ အလုပ်အာမခံချက်တွေ အရနည်းသွားမှာဖြစ်ပြီး မလုပ်ချင်လောက်တဲ့ အလုပ်ကြာချိန်တွေနဲ့ အလုပ်လုပ်ရမှာဖြစ်တယ်လို့ သိရပါတယ်။ ကျွမ်းကျင်ပညာရှင်တွေရဲ့ ခန့်မှန်းချက်အရ တစ်ပတ်အလုပ်လုပ်ချိန်ဟာ လက်ရှိ ၃၇ဒဿမ၄ နာရီကနေ ၅၀ဒဿမ၅ နာရီထိ တိုးသွားမှာပါ။ သုံးပုံတစ်ပုံ တက်သွားမှာပေါ့။

ဒီအန္တရာယ်တွေကို ရှောင်ပြီး ကိုယ်ပိုင်ခန္ဓာတွေနဲ့ အသစ်တီထွင်တဲ့သူတွေဟာ ၂၀၄၀ခုနှစ်မှာ ၀င်ငွေအများဆုံး လူတွေဖြစ်လိမ့်မယ်လို့ သုတေသီတွေက ဆိုပါတယ်။

လူသားတွေရဲ့ ဆက်နွယ်မှုကို လျှော့ချပစ်လိုက်တာရဲ့ ရလဒ်အနေနဲ့ ဘ၀တစ်လျှောက် ကျွန်တော်တို့လူသားတွေဟာ ချစ်တင်းနှောချိန်လည်း လျော့နည်းလာပါလိမ့်မယ်။

သီဟနိုင် (Trend Myanmar)