ကင်ညာနိုင်ငံမှာ လူ ၄ ထောင်ကျော်ကို ဖမ်းဆီး

ပို့စ်တင်ချိန် - 4/09/2014 01:19:00 PM

ဖမ်းဆီးခံရသူ ဆိုမာလီ အချို့

ကင်ညာ နိုင်ငံမှာ လုံခြုံရေးအရ ဆောင်ရွက်တဲ့ အနေနဲ့ ဖမ်းဆီး ထိန်းသိမ်းထားသူပေါင်း ၄ ထောင် ကျော်သွားပြီလို့ ကင်ညာ အာဏာပိုင် တွေက ပြောပါတယ်။

ပြီးခဲ့တဲ့ အပတ်က ကင်ညာ မြို့တော် နိုင်ရိုဘီက ဆိုမာလီတွေ ကြီးစိုးတဲ့ မြို့နယ်တစ်ခုမှာ ဗုံးခွဲ တိုက်ခိုက်မှုတွေ ဖြစ်ပွားခဲ့အပြီး အခုလို ဖမ်းဆီးမှုတွေ စတင်ခဲ့တာ ဖြစ်ပါတယ်။

ဖမ်းဆီးခံရသူ အများစုဟာ ဆိုမာလီ နိုင်ငံသားတွေ ဖြစ်ကြပြီး နိုင်ရိုဘီ မြို့တော်က အားကစားရုံ တစ်ခု အတွင်းမှာ ၃ ရက်ကြာ ထိန်းသိမ်းခံထားကြရပါတယ်။

ဖမ်းဆီးခံရသူတွေကို ကုလသမဂ္ဂနဲ့ လူ့အခွင့်အရေး အဖွဲ့တွေ အပြင် သူတို့ရဲ့ ဆွေမျိုးတွေပါ တွေ့ခွင့် မရကြဘူးလို့ ဆိုပါတယ်။

အထောက်အထား မပြနိုင်တဲ့ ဆိုမာလီတွေကို သူတို့နိုင်ငံကို ပြန်ပို့ဖို့ ရုံးတင် စစ်ဆေးမှာ ဖြစ်တယ်လို့ ကင်ညာ ပြည်ထဲရေးဝန်ကြီး Joseph Ole Lenku က ပြောပါတယ်။

ဘီဘီစီ (မြန်မာပိုင်း)