စိတ်ဖိစီးမှုကြောင့် သန္ဓေအောင်ခြင်းကို ထိခိုက်စေနိုင်ကြောင်း လေ့လာချက်များအရ တွေ့ရှိ

ပို့စ်တင်ချိန် - 4/13/2014 10:34:00 AM

သုတေသန ပြုလုပ်သူများအနေဖြင့် စိတ်ဖိစီးမှုနှင့် သန္ဓေမအောင်ခြင်းတို့အကြား ဆက်နွယ်မှုကို သိရှိလို ကြသဖြင့် ကိုယ်ဝန်ဆောင်ရန် ကြိုးစားနေသော အမျိုးသမီးများ၏တံတွေးမှ စိတ်ဖိစီးမှုနှင့် ဆက်စပ်နေ သည့် အင်ဇိုင်းများကိုယူပြိး လေ့လာမှုများ ပြုလုပ်ခဲ့ကြသည်။

ထိုအမျိုးသမီးများကိုလည်း ၁၂ လအတွင်း ကိုယ်ဝန်ဆောင်ခြင်း ရှိ၊ မရှိကိုပါ တစ်ပြိုင်တည်း စောင့်ကြည့် လေ့လာခဲ့သည်။

စိတ်ဖိစီးမှုနှင့်ဆက်စပ်နေသည့် ဇီဝအမှတ်အသား မြင့်မားသော အမျိုးသမီးများတွင် သန္ဓေအောင်နိုင်သည့် အခွင့်အလမ်းပိုနည်းသည်ဟု သုတေသီကော့တနီလင့်ခ်ျက ပြောဆိုခဲ့သည်။

လူတို့တွင် ကာဘိုဟိုက်ဒရိတ်ခေါ် ကစီဓာတ်ကို ချေဖျက်ရန် ပါးစပ်တွင်းသို့ ထုတ်လွှတ်ပေးသည့် အာလ်ဖါ အမိုင်လေ့စ်ခေါ် အင်ဇိုင်းတစ်မျိုးရှိသည်။ ထိုအင်ဇိုင်းသည် အန္တရာယ်နှင့်ကြုံသည့်အခါ ခုခံတိုက်ခိုက်ခြင်း သို့မဟုတ် ထွက်ပြေးလွတ်မြောက်ခြင်းစသည့် တုန့်ပြန်မှုများကို အလိုအလျောက် လုပ်ဆောင်ရန် လှုံ့ ဆော်ပေးသည့် စိတ်ဖိစီးမှု၊ တုန့်ပြန်မှုစနစ်နှင့်လည်း ဆက်စပ်မှုရှိသည်ဟု အိုဟိုင်းယိုးဆေးပညာ တက္က သိုလ်ကောလိပ်မှ မျိုးပွားခြင်းဆိုင်ရာ ရောဂါဗေဒ ပညာဌာန ညွှန်ကြားရေးမှူးလင့်ခ်ျက ဆိုသည်။

သုတေသနကာလအတွင်း လင့်ခ်ျနှင့် အပေါင်းပါတို့သည် တက္ကဆက်နှင့် မစ်ချီဂန်ပြည်နယ်များမှ ဇနီး မောင်နှံအတွဲ ၅၀၀ ခန့်ကို လေ့လာခဲ့သည်။

“ကိုယ်ဝန်ဆောင်ပြီး သားသမီးရယူရန် ပြင်ဆင်နေသော ဇနီးမောင်နှံများကို ကျွန်မတို့ ရှာဖွေလေ့လာခဲ့ ပါတယ်။ သူတို့ကို အိမ်တိုင်ရာရောက် သွားရောက် အင်တာဗျူးမေးမြန်းဖို့ရယ် တံတွေးကောက်ခံတဲ့ အိတ် ကလေးတွေထဲမှာ မိမိတို့တံတွေးများကို မည်သို့စုဆောင်းပေးရမယ်ဆိုတာကို သင်ကြားလေ့ကျင့် ပေးဖို့ သူနာပြုများကို စေလွှတ်ခဲ့ပါတယ်”ဟု လင့်ခ်ျက ပြောပြသည်။

သုတေသနစလုပ်တဲ့အချိန်မှာ တစ်ပတ်တစ်ကြိမ် သုတေသနကာလအတွင်း ပထမဦးဆုံးအဖြစ် ရာသီ လာတဲ့အချိန်တွေမှာ သူတို့ရဲ့တံတွေးနမူနာများကို ရယူစုဆောင်းခဲ့ပါတယ်။ အများစုအတွက်ကတော့ တစ်လအတွင်းမှာ သို့မဟုတ် တစ်လပြည့်ခါနီးမှာ ရာသီလာကြတာကို တွေ့ရတယ်။ ဆေးလိပ်၊ အရက်နဲ့ ကဖင်းဓာတ်တွေကို သုံးစွဲခြင်းဟာလည်း အမိုင်လေ့စ် အင်ဇိုင်းကို ပြုပြင်ပြောင်းလဲစေနိုင်တဲ့အတွက် နံနက် အိပ်ရာထထချင်း တံတွေးနမူနာများကို စုဆောင်းစေ ရပါတယ်။

သုတေသီများဟာ ဇနီးမောင်နှံများကို ကိုယ်ဝန် ဆောင်၊ မဆောင် ၁၂ လကြာ စောင့်ကြည့်လေ့လာခဲ့ပါ တယ်။

သုတေသနတွင် ပြီးဆုံးအောင် ပါဝင်နိုင်ခဲ့တဲ့ ဇနီး မောင်နှံ ၄၀၀ ခန့်အနက် ၈၇ ရာခိုင်နှုန်းဟာ ကိုယ်ဝန် ဆောင်နိုင်ခဲ့တယ်။ အသက်၊ လူမျိုး၊ ၀င်ငွေနှင့် အရက် အပါအ၀င် ဆေးလိပ်နှင့် ကဖင်းဓာတ်သုံးစွဲမှု စသည် တို့ကို ထည့်သွင်းစဉ်းစားပြီးနောက် သုတေသီတွေ တွေ့ရှိခဲ့သည့်အချက်မှာ တံတွေးထဲ အာလ်ဖာအင်ဇိုင်း ပါဝင်မှု မြင့်မားတဲ့ အမျိုးသမီးများသည် တံတွေးတွင်အဆိုပါ အင်ဇိုင်းပါဝင်မှု နိမ့်သည့် အမျိုးသမီးများထက် ကိုယ်ဝန်ဆောင်နှုန်း ၂၉ ရာခိုင်နှုန်း နိမ့်ကျနေသည်ဆိုသည့် အချက်ဖြစ်သည်။

သုတေသနရလဒ်များကို မတ်လ ၂၄ ရက်ထုတ် Human Reproduction ဂျာနယ်မှာ ပုံနှိပ်ဖော်ပြခဲ့သည်။ အမျိုးသမီးများ ကိုယ်ဝန်မဆောင်နိုင်ခြင်းသည် စိတ်ဖိစီးမှုတစ်ခုတည်းကြောင့်ဟု ဆိုလိုခြင်း မဟုတ် ကြောင်းကို ရှင်းလင်းစွာ နားလည်ထားဖို့လည်း အရေးကြီးကြောင်း လင့်ခ်ျက ပြောဆိုခဲ့သည်။

“သုတေသနတွေ့ရှိချက်အရ မနက်ဖြန်ကစပြီး ရောဂါသင်တန်းကျောင်းသွားပြီး စာရင်းပေးကြတော့လို့ ဆိုလာတာ မဟုတ်ကြောင်း၊ ပြောလိုတဲ့အချက်က အကယ်၍ လေးငါး၊ ခြောက်လကြိုးစားလို့မှ ကိုယ်ဝန် မရနိုင်သေးဘူးဆိုရင် ကိုယ့်ရဲ့ဘ၀နေထိုင်မှု ပုံစံကိုလည်း ပြန်လည်စစ်ဆေးသင့်တယ်လို့ ဆိုလိုတာပါ။ ငါ့မှာ စိတ်ဖိစီးမှုပြဿနာများ ရှိနေမလားပေ့ါ။ ရှိနေတယ်လို့ယူဆရင် စိတ်ဖိစီးမှုကိုထိန်းချုပ်နိုင်ဖို့ အစီ အစဉ်တစ်ခု စဉ်းစားရတော့မှာပေါ့”ဟု လင့်ခ်ျက အကြံပြုပါသည်။

ယခုသုတေသနသည် စိတ်ဖိစီးမှုကို တိုင်းထွာသည့် ညွှန်းကိန်းနှင့် အမျိုးသမီးများ ကိုယ်ဝန်ဆောင်ရန် ကြာမြင့်ချိန်တို့အကြား ဆက်နွယ်မှုကို ဖော်ထုတ်သည့် ပထမဦးဆုံး အမေရိကန် ပညာရှင်များ၏ လေ့လာ ချက် ဖြစ်ကြောင်း သုတေသန ပြုလုပ်သူများက ထောက်ပြခဲ့သည်။

ဒေါက်တာ ဆူလင်းနာ ကန်ဆားလ် ကာလရာသည် ပင်ဆီလ်ဗေးနီးယားတက္ကသိုလ်မှ မျိုးဆက်ပြန့်ပွားမှု ဆိုင်ရာ အင်ဒိုခရိုင်းဗေဒနှင့် ကိုယ်ဝန်မဆောင်နိုင်ခြင်းကို အထူးပြုလေ့လာသည့် ပညာရှင်တစ်ဦးဖြစ်သည်။ ယခုစမ်းသပ်မှုသည် စိတ်ဖိစီးမှုညွှန်းကိန်းများကို ဖော်ထုတ်ပေးရန်အတွက် အလွန်ကြီးမားသည့် ပထမခြေ လှမ်းတစ်ရပ်ဖြစ်ကြောင်း သူမက ဆိုသည်။

“စိန်ခေါ်မှု တစ်စိတ်တစ်ဒေသအဖြစ် ကျွန်မတို့မှာ စိတ်ဖိစီးမှုနှင့်ဆက်စပ်နေတဲ့ ဟိုမုန်းများကို တိုင်းတာ နိုင်တဲ့ တရားဝင်ညွှန်းကိန်းသော်လည်းကောင်း၊ အင်တာဗျူး မေးခွန်းတွေသော်လည်းကောင်း မရှိသေး ပါဘူး။ ဒါ့ကြောင့် နောက်ထပ် ခြေလှမ်းတစ်ရပ် အနေဖြင့် အဆိုပါညွှန်းကိန်းများကိုသတ်မှတ်ရပါလိမ့်မယ်။ နောက်ဆုံးအနေနဲ့ စိတ်ဖိစီးမှုတွေကို ဘယ်လိုတိုင်း တာမလဲဆိုတာ ကျွန်မတို့သိရင် အဲဒီစိတ်ဖိစီးမှုတွေကို ကျွန်မတို့ ထိန်းချုပ်နိုင်မှာပါ”ဟု ကာလ်ရာက ဆိုသည်။

သူမကိုယ်တိုင် အဆိုပါသုတေသနတွင် မပါဝင်ခဲ့ပါ။ စိတ်ဖိစီးမှုသည် ကိုယ်ဝန်ဆောင်မှု(သန္ဓေအောင်ခြင်း) ကို မည်သို့ ဟန့်တားနှောင့်ယှက်ကြောင်းကိုတော့ သုတေသီများ ကောင်းစွာနားမလည်နိုင်ကြသေးပါ။ တံတွေးတွင် ဖိစီးမှုအင်ဇိုင်း များသူများသည် နည်းသူများနည်းတူ သံဝါသပြုသည့် အကြိမ်အရေအတွက် ရှိကြသဖြင့် ဤနေရာတွင် လိင်ဆက်ဆံသည့် အကြိမ်အရေအတွက်နှင့် သက်ဆိုင်သည်ဟု မဆိုသာပါဟု လင့်ခ်ျက ရှင်းပြသည်။

စိတ်ဖိစီးမှုများတဲ့အချိန်တွေမှာ တချို့အမျိုးသမီးများ သားဥကျဆင်ခြင်းမရှိတော့ကြောင်းနှင့် တချို့ အမျိုးသမီး များသည် စိတ်ဖိစီးမှုမြင့်မားနေချိန်တွင်ပင် ကိုယ်ဝန်ဆောင်နိုင်ကြကြောင်း ကာလ်ရာကလည်း ထောက်ပြခဲ့ သည်။ သုတေသနအတွင်း အမျိုးသား များထံမှလည်း အချက်အလက်အချို့ကို ကောက်ယူခဲ့ကြောင်း၊ သို့ သော် အဆိုပါအချက်အလက်များကို ခွဲခြင်းစိတ်ဖြာမှု မလုပ်ရသေးကြောင်း၊ သန္ဓေအောင်ရေးအတွက် အမျိုးသားများ၏ စိတ်ဖိစီးမှုသည်လည်း မည်သို့ဆက်စပ်မှုရှိကြောင်း ရှင်းရှင်းလင်းလင်း မသိရသေး ကြောင်းလင့်ခ်ျက ဆိုသည်။

စိတ်ဖိစီးမှုများပြီး ကိုယ်ဝန်ဆောင်ရန် အခက်အခဲရှိသော အမျိုးသမီးများအနေဖြင့် မိမိတို့ကိုယ်ကို အပြစ် မတင်သင့်ကြောင်း လင့်ခ်ျကပြောကြားရာတွင် “ကျွန်မအနေနဲ့ အမျိုးသမီးတွေကို ဒီသတင်းကို ဖတ်ပြီး ကိုယ်ဝန်မဆောင်နိုင်တာ င့ါကြောင့်လို့ မဆုံးဖြတ် စေချင်ပါဘူး။ စိတ်ဖိစီးမှုဟာ သန္ဓေအောင်ခြင်းအတွက် သိပ်အရေးကြီးတဲ့ ကိစ္စမဟုတ်ဘူးဆိုတာ ကျွန်မတို့ နားလည်ရမယ်”ဟု သူမက သတိပေးခဲ့သည်။

ထိုအချက်ကို ကာလ်ရာကလည်း သဘောတူသဖြင့် ကိုယ်ဝန်မဆောင်နိုင်ခြင်းအတွက် နံပါတ်(၁) ပြဿနာက တော့ အသက်အရွယ် ဖြစ်ပါတယ်။ အမိ သဘာဝတရားကြီးဟာ ရက်စက်တယ်၊ မတရားဘူး။ အသက် ၃၅ အောက် အမျိုးသမီးတွေမှာ ကိုယ်ဝန်ဆောင်နိုင်ခြေ ပိုများပါတယ်။ အသက် ၄၀ ကပ်သွားတဲ့ အမျိုးသမီး အားလုံး ကလေးမရနိုင်တော့ဘူးလို့ ဆိုလိုတာ မဟုတ်ဘူးနော်။ ဒါပေမဲ့ အသက်ကတော့ ကိုယ်ဝန်ဆောင် တဲ့နေရာမှာ အဓိက စကားပြောပါတယ်”ဟု သူမက ရှင်းပြပါသည်။

စီးကရက်သောက်သုံးခြင်းဟာ ကိုယ်ဝန်မဆောင်နိုင်တဲ့ ရောဂါတစ်မျိုးနှင့် လုံးဝဆက်စပ်နေကြောင်းနှင့် အ၀လွန်ခြင်းကိုလည်း ပညာရှင်များ သံသယဖြစ်စပြု လာပြီဖြစ်ကြောင်း သူမက ဆက်လက်ပြောကြား ခဲ့သည်။

ကာလ်ရာသည် ယခုနှစ် နွေဦးရာသီ၌ Penn မြို့တွင် ကိုယ်ဝန်ဆောင်လိုသော အမျိုးသမီးများအတွက် အထူးအစီအစဉ်တစ်ခုကို ပြုလုပ်မည်ဖြစ်သည်။ အဆိုပါ အစီအစဉ်တွင် ယောဂသင်တန်း၊ တရားထိုင်နည်း သင်တန်း၊ အာဟာရအကြံပြုချက် သင်တန်းနှင့် စိတ် ပညာရှင်များ ဦးဆောင်သည့် တိုင်ပင်ဆွေးနွေး အထောက်အကူပြုရေး ၀န်ဆောင်မှုများ ပါဝင်ပါမည်။

အိမ်ထောင်တစ်ခုကို တာဝန်ယူနိုင်တဲ့ အချိန်ရောက်သော်လည်း၊ အဆင်သင့်ဖြစ်နေသော်လည်း မထူ ထောင်နိုင်သေးခြင်းဟာ လူတို့အတွက်နှင့် အထူးသဖြင့် အမျိုးသမီးများအတွက် အလွန်ကြီးမားတဲ့ စိတ်ဖိစီး မှုတစ်ခုဖြစ်ကြောင်း ကာလ်ရာက သတိပေးခဲ့သည်။

စိတ်ဖိစီးမှုဟာ ကိုယ်ဝန်မဆောင်နိုင်ခြင်းအတွက် အဓိကကျတဲ့အကြောင်းရင်း ဟုတ်မဟုတ်ကိုတော့ ကျွန်မ အသေအချာ မသိပါဘူး။ စိတ်ဖိစီးမှုသိပ်မရှိတဲ့ အမျိုးသမီးတွေကိုလည်း ကိုယ်ဝန်ရှိဖို့ သေချာတယ်
လို့လည်း ပြောဖို့ခက်ပါတယ်။ မှန်၊ မမှန် ကျွန်မတို့ မသိပါဘူး။ ကျွန်မ ယေဘုယျအားဖြင့် ပြောလိုတာက မိမိကိုယ်ကို အိမ်ထောင်တစ်ခု ထူထောင်ဖို့ ကြိုးစားနေတယ်ဆိုရင်တော့ ကိုယ့်ကိုယ်ကိုယ် စိတ်ချမ်းသာအောင် အတတ်နိုင်ဆုံးနေထိုင်သွားဖို့ပါပဲ”ဟု သူမက ဆက်လက် ပြောကြားခဲ့သည်။

Benny ဘာသာပြန်သည်
mizzimaburmese