ဆီးရီးယား အဆိပ်ငွေ့သုံး တိုက်ခိုက်မှု ထပ်ဖြစ်

ပို့စ်တင်ချိန် - 4/17/2014 08:44:00 PM

ဆီးရီးယား အစိုးရနဲ့ အတိုက်အခံတွေ အပြန်အလှန် စွပ်စွဲနေ

ဆီးရီးယား အစိုးရက ကလိုရင်း ဓာတ်ငွေ့နဲ့ နောက်ထပ် တိုက်ခိုက်မှု ရှိခဲ့တယ် ဆိုတဲ့ အထောက် အထားတွေကို ဆီးရီယား အတိုက်အခံတွေက ဖော်ထုတ်လိုက်ပါတယ်။

အင်တာနက် ပေါ်မှာ မြင်ရတဲ့ ဗီဒီယိုပုံတွေ အရ ကလိုရင်း အဆိပ်သင့်တယ်လို့ ယူဆရတဲ့ လက္ခဏာ ခံစားနေရတဲ့ လူငယ် ၄ ယောက်ကို ဆေးဝန်ထမ်း တွေက ကြိုးစား ကုသပေးနေတာ တွေ့မြင်ရပါတယ်။

အဲဒီ တိုက်ခိုက်မှုဟာ ဒမတ်စကပ် မြိုတော် ဆင်ခြေဖုံးက Harasta မှာ ဖြစ်ခဲ့တာလို့ ဆိုပေမယ့် အဲဒီ ဗီဒီယိုကို သီးခြား အတည် မပြုနိုင်သေးပါဘူး။

Hama မြို့ မြောက်ပိုင်းမှာ ကလိုရင်း ဓာတ်ငွေ့နဲ့ တိုက်ခိုက်မှု ဖြစ်ခဲ့အပြီး ၄ ရက် အကြာမှာ အခု စွပ်စွဲချက် ပေါ်ထွက်လာတာပါ။

ဆီးရီးယား အစိုးရနဲ့ အတိုက်အခံတွေဟာ ဒီတိုက်ခိုက်မှုနဲ့ ပတ်သက်ပြီး အပြန်အလှန် ပြစ်တင် ပြောဆိုနေကြပါတယ်။

ကလိုရင်း ဓာတ်ငွေ့ကို စစ်ပွဲတွေမှာ အသုံးမပြုဖို့ တားမြစ်ထားတာ ဖြစ်ပါတယ်။
BBC Burmese