သံတွဲမြို့တွင် လုယက်မှု ကျူးလွန်ရန် အားထုတ်သူအား ဖမ်းဆီးရမိ
ပို့စ်တင်ချိန်
- 4/16/2014 04:26:00 PM
သံတွဲ ဧပြီ ၁၆
၂၀၁၄ ခုနှစ်၊ ဧပြီလ ၁၆ ရက်နေ့ နေ့လည် ၁၁း၀၀ နာရီအချိန်ခန့်က သံတွဲမြို့နယ်၊ အမှတ် (၃) ရပ်ကွက်၊ မဟာဗန္ဓုလလမ်း၊ အိမ်အမှတ် (၂၀) နေ မရွှေနီလာမြင့် အသက် (၃၄) နှစ် (အဘ) ဦးရဲမြင့်သည် နေအ်ိမ်ဈေးဆိုင် တွင်ဈေးရောင်းနေစဉ် အမည်မသိလူ (၂) ဦးမှ နှာခေါင်းစည်း အနက်ရောင် (Mask) တပ်လျက် ဆိုင်ကယ်ဖြင့်ရောက်ရှိလာပြီး ဆိုင်ထဲဝင်လာသဖြင့် မရွှေနီလာမြင့်မှ ဘာလိုချင်ပါသလဲဟု မေးရာ ၎င်းတို့မှ အရုပ်လိုချင်တယ်ဟု ပြော၍ မရွှေနီလာမြင့်မှ ဆိုင်ထဲရှိ သိုးမွှေးဝက်ဝံရုပ်များကို ချပြပြီး ဈေးနှုန်းပြောနေစဉ် အသင့်ပါလာသော အရိုးသွား (၁၀) လက်မခန့်ရှိ ဓားဦးချွန်ဖြင့် မရွှေနီလာမြင့်၏ ဝမ်းဗိုက်အား ထောက်ရာ မရွှေနီလာမြင့်မှ လက်ဖြင့် ပုတ်ချလိုက်၍ ဓားလွှတ်ကျသွားစဉ် “ဓားပြတိုက်တယ်” ဟု အော်ပြီး ၎င်းအား ဆိုင်အပြင်သို့ တွန်းထုတ်ပြီး မိခင်ဖြစ်သူ ဒေါ်မေမေမြင့် အသက် (၅၅)နှစ် (အဘ) ဦးတင်ဖေ ရောက်ရှိလာပြီး ထိုလူအား လှမ်းဆွဲစဉ် ဒေါ်မေမေမြင့်၏ လက်အားကိုက်ပြီးတွန်းထုတ်သဖြင့် ဖင်ထိုင်လဲကျသွားပြီး ဒေါ်မေမေမြင့်တွင် တင်ပစုံရိုး ဒဏ်ရာရရှိခဲ့ပြီး ၎င်းအား အနီးဝင်းကျင်ရှိ လူများမှ ဝိုင်းဝန်းဖမ်းဆီးပြီး မေးမြန်းရာ ဌေးလှိုင်ဦး (၂၆) နှစ် (အဘ) ဦးစန်းလွင်ဖြစ်ကြောင်း သိရှိရပြီး ဆိုင်အတွင်း ဝင်ရောက်၍ လုယက်ကျူးလွန်ရာ အားထုတ်သူ ဌေးလှိုင်ဦးအပေါ် ဥပဒေအရ အရေးယူပေးပါရန် မရွှေနီလာမြင့်မှ တရားလိုပြုလုပ် တိုင်တန်းခဲ့၍ သံတွဲမြို့မ ရဲစခန်းတွင် အမှုဖွင့်လျက်ရှိကြောင်း သိရှိရသည်။ အဆိုပါအမှုအား သံတွဲမြို့မ ရဲစခန်းမှ ရဲအုပ် ကျော်အောင်မှ လက်ခံစစ်ဆေးလျက်ရှိကြောင်း သိရှိရသည်။
MOI Webportal Myanmar
