ရက် ၁၀၀ အတွင်း လူ ၈ သိန်းသေဆုံးခဲ့ရသည့် ကြောက်မက်ဖွယ် လူမျိုးတုန်း သတ်ဖြတ်မှုကြီး

ပို့စ်တင်ချိန် - 4/11/2014 08:33:00 AM

ရ၀မ်ဒါ နိုင်ငံ ၌ ၁၉၉၄ ခုနှစ် တွင် ဟူတူ အစွန်းရောက် များ၏ အညှာ အတာကင်းမဲ့စွာ သတ်ဖြတ် မှုကြောင့် ရက် ပေါင်း ၁၀၀ အတွင်း လူ ၈၀၀၀၀၀ ခန့် သေဆုံး ခဲ့သည်။ လူနည်းစု တူ စီမျိုး နွယ်စု ၀င်များ၊ နိုင်ငံရေး အ တိုက်အခံများအား လူမျိုး ဘာသာ မခွဲခြားဘဲ သတ်ဖြတ်မှု များကို ကျူးလွန် ခဲ့ခြင်း ဖြစ်သည်။
ဟူတူ ပြည်သူ့စစ်များက တူစီတွေကို ဘာကြောင့် သတ်ဖြတ်ခဲ့ကြတာလဲ။

ရ၀မ်ဒါနိုင်ငံသား (၈၅)ရာခိုင်နှုန်းမှာ ဟူတူများဖြစ်ကြသော်လည်း တူစီလူနည်းစု ၀င်များသည် နိုင်ငံအား လွန်ခဲ့သောနှစ်ပေါင်း များစွာကတည်းက လွှမ်းမိုး အုပ်ချုပ်ခဲ့ကြ သည်။ ၁၉၅၉ ခုနှစ်တွင် ဟူတူများ သည် တူစီ မင်း ဆက်အား ဖြုတ်ချခဲ့သောကြောင့် တူစီထောင်ပေါင်းများစွာသည် ယူဂန္ဓာ အပါအ၀င် အိမ်နီးချင်းနိုင်ငံများသို့ ထွက် ပြေးတိမ်းရှောင် ခဲ့ရသည်။ ပြည်ပရောက် တူစီအုပ်စု တစ်ခုသည် ရ၀မ်ဒါ မျိုးချစ် တပ်ဦး (RPF) အမည် ရှိ သူပုန်တပ်ဖွဲ့ကို ဖွဲ့စည်းပြီး ရ၀မ်ဒါအား ၁၉၉၀ ပြည့်နှစ်တွင် ကျူးကျော်ခဲ့ ကာ ၁၉၉၃ ခုနှစ် တွင် ကျမှသာ ငြိမ်း ချမ်း ရေး သဘောတူစာချုပ် ချုပ်ကိုချုပ်ဆိုနိုင်ခဲ့သည်။ ၁၉၉၄ ခုနှစ်၊ ဧပြီ (၆)ရက်နေ့ညတွင် ဟူတူ မျိုးနွယ်စုဝင် သမ္မတဂျူဗဲနယ်ဟာဗြာ ရီမာနာလိုက်ပါလာသော လေယာဉ်မှာ ပစ်ချ ခံခဲ့ရပြီး သမ္မတ လည်း သေဆုံးခဲ့ရသည်။ ဟူတူအစွန်းရောက်များက လေယာဉ်အား RPF က ပစ်ချခဲ့ခြင်းဖြစ်ကြောင်း စွပ်စွဲခဲ့ပြီး တူစီများ အား သတ်ဖြတ် ရန် ပြင်ဆင်မှုများ ကိုပြု လုပ်ခဲ့သည်။ ဟူတူ များသည် လူမျိုး ပြုတ်သတ်မှု များ ကျူးလွန်ရန် အတွက် လေ ယာဉ်ကို ပစ်ချခဲ့ခြင်းဖြစ်ကြောင်း RPF က တုံ့ပြန် ပြောဆိုခဲ့သည်။

လူမျိုးပြုတ်သတ်ဖြတ်မှုများကို မည် ကဲ့သို့ ကျူးလွန်ခဲ့ကြသလဲ။

စနစ်တကျ ကျူးလွန်ခဲ့ကြသည်ဟု ဆို လို့ရသည်။ အစိုးရ အတိုက် အခံများ၏ စာရင်း ကို စနစ်တကျ ရေး ဆွဲ ပြီး ပြည်သူ့စစ်များ လက်ထဲသို့ လွှဲပြောင်း ပေးခဲ့သည်။ ပြည်သူ့ စစ် များသည် အတိုက်အခံများအား မိ သားစုဝင် များ မကျန်သတ်ဖြတ်ခဲ့ကြသည်။ အိမ်နီးချင်း များက သူတို့၏ အိမ်နီးချင်း များကို သတ် ဖြတ်ခဲ့ကြပြီး၊ ခင်ပွန်းများကလည်း တူစီဇနီး သည်များကို သတ်ဖြတ်ခဲ့ကြသည်။ ယင်း အချိန်တွင် မျိုးနွယ်စု ၀င်ဆိုင်ရာ မှတ်ပုံ တင် ကတ်များကို ထုတ်ပေးခဲ့ သောကြောင့် ဟူတူ များသည် တူစီများ နေထိုင် သော ရပ်ကွက် များဝန်းရံပြီး သတ်ဖြတ်မှုများကို စနစ်တကျ ကျူးလွန်ခဲ့ကြသည်။ ထို့ပြင် တူစီ အမျိုးသမီး များအား အဓမ္မ ခေါ်ဆောင်ခဲ့ပြီး လိင်ကျွန်များ အဖြစ် ခိုင်းစေခဲ့ကြသည်။

သတ်ဖြတ်မှုတွေရပ်တန့်အောင် လုပ်ဆောင်ခဲ့ကြသလား။

ကုလနှင့် ဘယ်လ်ဂျီယမ်တပ်ဖွဲ့ဝင်များ သည် ရ၀မ်ဒါတွင် တပ်စွဲ ထားသော်လည်း ကုလတပ်ဖွဲ့ဝင် များ သည် သတ်ဖြတ်မှုများကို တားဆီးခြင်း မရှိခဲ့ချေ။ ဆိုမာလီယာ တွင် အမေရိကန် တပ်ဖွဲ့ဝင် များ သေဆုံးခဲ့ပြီး နောက် အမေရိကန်အစိုးရသည် အာဖရိကလူမျိုးရေး ပြဿနာတွင် မပါဝင်ရန် ဆုံးဖြတ် ခဲ့ကြသည်။ ဘယ်လ်ဂျီ ယမ် စစ်သား ၁၀ ဦးသတ်ဖြတ်ခံခဲ့ ရပြီးနောက် ကုလငြိမ်းချမ်းရေးထိန်းသိမ်းမှု တပ်ဖွဲ့ဝင် များနှင့် ဘယ်ဂျီယမ် စစ်သား များ သည် ပဋိပက ဇုန်များမှ ဆုတ်ခွါ ခဲ့သည်။ ဟူတူ အစိုးရ ၏ မဟာမိတ် ဖြစ်သည့် ပြင်သစ်သည် လည်း တပ်ဖွဲ့တစ်ခုကိုစေလွှတ်ခဲ့ပြီး သတ် ဖြတ်မှုမရှိသည့် ဇုန်တစ်ခုကို ဖန်တီးခဲ့သော် လည်း သတ်ဖြတ်မှုများ ကို တားဆီးနိုင်ခြင်း မရှိခဲ့ချေ။ ရ၀မ်ဒါ၏ လက်ရှိသမ္မတက ပြင်သစ် တပ်ဖွဲ့များသည်လည်း အစုလိုက်အပြုံလိုက် သတ်ဖြတ်မှုတွင် ပါဝင်ခဲ့ကြောင်း စွပ်စွဲပြော ဆိုခဲ့သည်။

ဘာဖြစ်လို့ အဲဒီလောက် ကြောက်စရာ ကောင်းခဲ့တာလဲ။

ရ၀မ်ဒါသည် အစဉ်အလာအားဖြင့် ချုပ်ကိုင်မှုကြီးမားသော လူ့အဖွဲ့အစည်း ဖြစ်သည်။ အောက်ခြေခရိုင် များမှ ဗဟိုအစိုးရ အထိ ပိရမစ်ပုံစံအဆင့်ဆင့် ဖွဲ့စည်းထားခြင်း ဖြစ်သည်။ ယင်းအချိန် က အာဏာရ ပါတီဖြစ် သည့် MRND တွင် အင်တဲရာဟမ်ဝဲအမည် ရှိ လူငယ်အဖွဲ့ခွဲရှိနေပြီး၊ ၄င်းအဖွဲ့အား သတ် ဖြတ်မှုများပြုလုပ်ရန် ပြည်သူ့စစ်အဖြစ် အသွင်ပြောင်းလဲခဲ့သည်။ လက်နက်များနှင့် သတ်ဖြတ်ရမည့် သူများစာရင်းကို ဒေသ ဆိုင်ရာ အဖွဲ့ များ ထံသို့ ပေးပို့ခဲ့ပြီး၊ ယင်းအဖွဲ့ များကလည်း ၄င်းတို့နယ်မြေရှိ သတ်ဖြတ်ရ မည့်သူများကို တာဝန် ကျေ ပွန် စွာ သတ်ဖြတ် ခဲ့ကြသည်။ ဟူတူအစွန်းရောက်များသည် အသံလွှင့်ရုံ များကို တည်ထောင်ခြင်း၊ သတင်းစာ များ ထုတ်ဝေခြင်းတို့ကို ပြုလုပ်ခဲ့ ပြီး၊ ပြည်သူများအား ပိုးမွှားများသို့မဟုတ် တူစီများကို သတ်ဖြတ်ရန် ၀ါဒဖြန့်ချိ မှု များ ပြုလုပ်ခဲ့သည်။ သတ်ဖြတ်ခံခဲ့ရသူများ၏ စာရင်းကို အသံလွှင့်ရုံက ပုံမှန်ထုတ်ပြန် ကြေညာခဲ့သည်။ ဘုန်း တော်ကြီးများနှင့် သီလရှင်များပင်လျှင် ဘုရားကျောင်းအတွင်း ခိုလှုံနေသူများကို သတ်ဖြတ်ခဲ့ကြသည်။

သတ်ဖြတ်မှုတွေ ဘယ်လိုပြီးဆုံးခဲ့သလဲ။

တူစီ၏ စုစည်းညီညွတ်သော RPF သည် ယူဂန္ဓာ စစ်တပ်၏ ထောက်ခံ မှုဖြင့် ရ၀မ်ဒါပိုင်နက်များကို တ ဖြည်းဖြည်းသိမ်း ပိုက်ခဲ့သည်။ ဇူလိုင် ၄ တွင် RPF သည် မြို့တော် ကီဂါလီသို့ ၀င်ရောက် ခဲ့သည်။ အရပ် သား များ နှင့် လူမျိုးပြုတ် သတ်ဖြတ်မှု များ ကို ကျူးလွန်ခဲ့သည့် ဟူတူ နှစ်သန်းခန့် သည် လက်စားချေ သတ်ဖြတ်ခံ ရ မည်ကို စိုးရိမ်သော ကြောင့် ယင်း အချိန်က ဇိုင်ရဲ ဟု ခေါ် ဆိုသည့် ကွန်ဂို ဒီမိုကရက်တစ် ပြည်သူ့ သမ္မတ နိုင်ငံသို့ ထွက်ပြေးတိမ်းရှောင်ခဲ့ကြသည်။

ကွန်ဂိုမှာ ဘာတွေဖြစ်ခဲ့သလဲ။

ကွန်ဂိုဒီမိုကရက်တစ် ပြည်သူ့သမ္မတ နိုင်ငံတွင် ဆယ်စုနှစ်နှစ်ခုကြာ မတည်ငြိမ် မှု များနှင့် ရ၀မ်ဒါရှိ လူ မျိုး ပြုတ်သတ်ဖြတ်မှုများ ကြား တိုက်ရိုက်ဆက်စပ်မှုရှိခဲ့သည်။ လက်ရှိ အချိန်တွင် RPF အဖွဲ့ ဝင်များပါဝင်သော ရ၀မ်ဒါ အစိုးရသည် ဟူတူပြည်သူ့ စစ်များ အား လက် ခံထားသည်ဟု အကြောင်းပြပြီး ကွန်ဂို အား နှစ်ကြိမ်တိုင် တိုင် ကျူးကျော်ခဲ့သည်။ ထို့ ပြင် ရ၀မ်ဒါအစိုးရသည် ကွန်ဂိုရှိ တူစီတပ်ဖွဲ့ဝင် များအား လက်နက်များ ထောက်ပံ့ ပေးခဲ့သည်။

ရ၀မ်ဒါရဲ့ လက်ရှိအခြေအနေ ဘယ်လိုရှိနေလဲ။

RPF ခေါင်းဆောင်တစ်ဦးလည်းဖြစ် သလို ရ၀မ်ဒါ သမ္မတလည်းဖြစ်သည့် ပေါ ကာဂါမီသည် နိုင်ငံတွင်း စီးပွားရေးတိုးတက် အောင် လုပ်ဆောင်နိုင်ခဲ့သောကြောင့် ချီးကျူးခံခဲ့ရသည်။ ၄င်းသည် ရ၀မ်ဒါအား နည်းပညာ ဆိုင် ရာ ဗဟိုချက်တစ်ခုဖြစ်အောင် ကြိုးပမ်းခဲ့သည်။ သို့သော် ကာဂါမီသည် အတိုက်အခံများကို သည်း ခံလေ့မ ရှိ ဘဲ တချို့ အတိုက်အခံများ သတ်ဖြတ်ခံခဲ့ရကြောင်း စွပ်စွဲမှုများရှိခဲ့သည်။ လူမျိုးပြုတ် သတ်ဖြတ် မှုဖြင့် လူနှစ် သန်းခန့်အား ဒေသဆိုင်ရာ ခုံရုံးများနှင့် ဟူတူပြည်သူ့ စစ်ခေါင်းဆောင် များအား အိမ်နီးချင်း တန်ဇေးနီးယားရှိ ကုလခုံရုံးတွင် ကြားနာစစ်ဆေးခဲ့ကြသည်။ လက်ရှိအစိုးရသည် ရ၀မ်ဒါ၌ နောက်ထပ် သွေးမြေကျမှုများ ထပ်မံမ ဖြစ် ပွားစေရန် နိုင်ငံတွင်း လူမျိုးပြုတ်သတ်ဖြတ်မှုနှင့် ပတ် သက်ပြီး ဆွေးနွေး ပြောဆိုခွင့် မပေး ခဲ့ချေ။ သို့သော် ဆွေးနွေးပြောဆိုခွင့်ပိတ်ပင်ထား ခြင်းကြောင့် ပြန်လည်ရင်ကြားစေ့ရေး မဖြစ်နိုင် တော့ဘဲ ပိတ်ပင်မှုသည် တစ် ချိန်ချိန်တွင် ပြန်လည်အုံကြွလာနိုင်သည့် လူမျိုး ရေးတင်းမာမှုများကို ဟန်ဆောင်ဖုံးဖိထား ခြင်းသာဖြစ်ကြောင်း ဝေဖန်မှုများလည်း ရှိခဲ့သည်။

Ref: Rwanda genocide: 100 days of slaughter:BBC

The Messenger