ပျောက်ဆုံးလေယာဉ် ရှာဖွေသည့် နိုင်ငံတကာ စုံစမ်းထောက်လှမ်းရေး အဖွဲ့ခေါင်းဆောင် တစ်ဦး မလေးရှား ငှားရမ်း

ပို့စ်တင်ချိန် - 4/30/2014 11:43:00 AM

ကွာလာလမ်ပူ ဧပြီ ၂၉

မလေးရှားလေယာဉ် ပျောက်ဆုံးရခြင်း၏ အကြောင်းရင်းကို ရှာဖွေ ထောက်လှမ်းရန် တာဝန်ပေးထားသော နိုင်ငံတကာ စုံစမ်းထောက်လှမ်းရေး အဖွဲ့ကို ဦးဆောင်မည့်သူတစ်ဦးအဖြစ် လေကြောင်းညွှန်ကြားမှု ဦးစီး ဌာန ညွှန်ကြားရေးမှူးချုပ်ဟောင်းဖြစ်သူ ကွတ်ဆူချွန်ကို မလေးရှားက ငှားရမ်းလိုက်ကြောင်း မလေးရှား အစိုးရက ဧပြီ ၂၉ ရက်တွင် ထုတ်ပြန်ကြေညာ သည်။

ယင်းနိုင်ငံတကာ စုံစမ်းထောက်လှမ်းရေးအဖွဲ့၏ အဖွဲ့ဝင်များအဖြစ် အမေရိကန် အမျိုးသားပို့ဆောင်ရေး လုံခြုံမှုအဖွဲ့၊ ဗြိတိန်လေကြောင်း မတော်တဆဖြစ်မှု စုံစမ်းရေးအဖွဲ့ခွဲ၊ တရုတ်လေကြောင်း မတော်တဆ ဖြစ်မှု စုံစမ်းထောက်လှမ်းရေးဌာန၊ ပြင်သစ်ကုန်းလမ်းပို့ဆောင်ရေး မတော်တဆဖြစ်မှု စုံစမ်းထောက်လှမ်း ရေးဗျူရို၊ သြစတြေးလျပို့ဆောင်ရေး လုံခြုံမှုဗျူရို၊ လေယာဉ်ထုတ်လုပ်သော ဘိုးရင်းကုမ္ပဏီနှင့် ဗြိတိသျှ ဂြိုဟ်တု ဆက်သွယ်ရေး ကုမ္ပဏီတစ်ခုဖြစ်သော အင်ဗာဆက်တို့မှ ပုဂ္ဂိုလ်များအပြင် စင်ကာပူနှင့် အင်ဒိုနီးရှား နိုင်ငံများမှ ကိုယ်စားလှယ်များ ပါဝင်သည်။

ယင်းနိုင်ငံတကာ စုံစမ်းထောက်လှမ်းရေးအဖွဲ့၏ အဓိကရည်ရွယ်ချက်မှာ နောင်အခါ အလားတူဖြစ်ရပ်မျိုး ထပ်မံမဖြစ်ပွားရေးအတွက် မလေးရှားလေယာဉ် ပျောက်ဆုံးရ ခြင်း၏ အကြောင်းရင်းကို စုံစမ်းခြင်း၊ သုံးသပ်ချင့်တွက်ခြင်းနှင့် ဆုံးဖြတ်ချက်များ ပြုလုပ်ပေး ခြင်းဖြစ်ကြောင်း မလေးရှား ခေတ္တပို့ဆောင်ရေး ဝန်ကြီး ဟီရှန်မုဒ္ဒင်ဟူစိန်က ပြောကြားသည်။

ထို့ပြင် ဟီရှန်မုဒ္ဒင်ဟူစိန်က ယင်းနိုင်ငံတကာ စုံစမ်းထောက်လှမ်းရေး အဖွဲ့သည် ပျောက်ဆုံးလေယာဉ်နှင့် ပတ်သက်သောအပြစ်များကို ဝေပုံချရန် မရည်ရွယ်ကြောင်း ထပ်လောင်းပြောကြားသည်။ မတ် ၈ ရက်က ပျောက်ဆုံးသွားသော မလေးရှားလေယာဉ်ကို နိုင်ငံ တကာရှာဖွေရေးအဖွဲ့က အင်တိုက်အားတိုက်ရှာဖွေမှု ပြုကြသည့်တိုင် ပျာက်ဆုံးလေယာဉ်နှင့်ပတ်သက်သည့် အပျက်အစီးအပိုင်းအစများ ယနေ့ထိ ရှာဖွေ တွေ့ရှိခြင်း မရှိသေးပေ။ ထို့အတူ ပျောက်ဆုံးလေယာဉ်သည် ဗီယက်နမ်လေပိုင်နက်အတွင်း ရောက်ရှိသွား စဉ် ဘာကြောင့် ရုတ်တရက် လမ်းကြောင်းပြောင်းပြီး ရေဒါဖန်သားပြင်မှ ပျောက်ဆုံးသွားသည်ဟူသော အချက်ကို ယနေ့တိုင် အဖြေမရှာနိုင်ကြသေးပေ။

မလေးရှားအာဏာပိုင်များအနေဖြင့် ပင်လယ်ကြမ်းပြင် ရှာဖွေရေးတွင် အသုံးပြုသော ပစ္စည်းများ ဖြန့်ကြက်မှု၊ ရှာဖွေရေးကုန်ကျစရိတ်နှင့် နောက်ဆုံးဖြစ်ပေါ် တိုးတက်မှုများကို သက်ဆိုင်ရာမိသားစုဝင်များ အား အကောင်းဆုံး နည်းလမ်းဖြင့် အသိပေး အကြောင်းကြားမှုများကို ပျောက်ဆုံးလေယာဉ် ရှာဖွေရေးတွင် ပါဝင်သော အခြားနိုင်ငံများနှင့် တွေ့ဆုံဆွေးနွေးကြမည်ဟု သိရသည်။

MOI Webportal Myanmar