ရခိုင်တစ်မျိုးသားလုံး ညီလာခံ ကျင်းပမယ်၊ ရိုဟင်ဂျာနဲ့ သက်ဆိုင်တာတွေကို အဓိက ဆွေးနွေးသွားမယ်

ပို့စ်တင်ချိန် - 4/21/2014 03:06:00 PM

ရိုဟင်ဂျာ တွေ အလိုမရှိကြောင်း ပြုလုပ်တဲ့ ဆုတောင်းပွဲတစ်ခု (Credit: ABC)

ရခိုင်တစ်မျိုးသားလုံး ညီလာခံကို ဧပြီလ ၂၇ ရက်ကနေ မေလ ၁ ရက်နေ့အထိ ပြုလုပ်ဖို့ရှိပြီး ဒီညီလာခံအတွင်း ရိုဟင်ဂျာနဲ့ သက်ဆိုင်တာတွေကို အဓိက ဆွေးနွေးသွားမယ်လို့ သိရပါတယ်။

၁၀ စုနှစ်ပေါင်းများစွာ မကျင်းပဖြစ်ခဲ့တဲ့ ရခိုင်တစ်မျိုးသားလုံးညီလာခံကို ၅ ရက်ကြာ ကျင်းပမှာဖြစ်ပြီး ရခိုင်ပြည်နယ်အတွင်းက အခက်အခဲတွေ၊ ရခိုင်ပြည်နယ် လုံခြုံရေးနဲ့ ဒေသဖွံ့ ဖြိုးရေး တွေကို ဆွေးနွေး ကြမယ်လို့ ဆိုပါတယ်။

မြို့နယ်အလိုက် အခက် အခဲ တွေကို ဆွေးနွေးကြမှာ ဖြစ်သလို နယ်စပ် ဖြတ်ကျော်ပြီး ခိုးဝင်လာတဲ့ ဘင်္ဂါလီတွေနဲ့ ပတ်သက်ပြီး တော့လည်း အဖြေတစ်ခု ရဖို့အထိ ဆွေးနွေးကြမှာ ဖြစ်တဲ့အကြောင်း ညီလာခံ ဖြစ်မြောက်ရေး ကော်မတီဝင် ကိုရဲမင်းဦးက အခုလို ပြောပါတယ်။

“မြို့နယ်အလိုက် မြို့နယ်အလိုက် ၁၇ မြို့နယ်ကနေ တက်ရောက်လာမယ့် မြို့နယ်ကိုယ်စားလှယ်တွေကလည်းဘဲ မြို့နယ်အလိုက် လက်ရှိ ကြုံ့တွေ့နေရတဲ့ အခက်အခဲ အကျပ်အတည်းတွေကို တင်ပြကြမယ်၊ တောင်းဆိုကြမယ်၊ ဆွေးနွေးကြမယ် အကြံပြုကြမယ်။ နယ်စပ်ဖြတ်ကျော်တဲ့ ကိစ္စတွေ အပြင် ဘယ်လို အစီအမံတွေနဲ့ ချိတ်ဆက်မိမိ ပြည်မနဲ့ ချိတ်ဆက်ပြီးတော့ လုပ်နိုင်မလဲဆိုတဲ့ ကိစ္စရပ်တွေလည်း ဆွေးနွေးဖို့ ရှိပါတယ်။ အဖြေတစ်ခု ထွက်လာနိုင်အောင်ထိတော့ ကျွန်တော်တို့ ကြိုးစားသွားဖို့ ညီလာခံမှာ ရည်မှန်းချက် ရှိပါတယ်။”

အဲဒီ ညီလာခံမှာ ရခိုင်ပြည်တွင်း ပါတီတွေ၊ ပြည်ပရောက်အဖွဲ့အစည်းတွေ၊ ရခိုင်တိုင်းရင်းသား လက်နက်ကိုင်တွေ ပါဝင် ဆွေးနွေးကြမှာ ဖြစ်ပြီး ညီလာခံရဲ့ အတည်ပြု ထုတ်ပြန်ချက်တွေ၊ လုပ်ငန်းစဉ်တွေကို အကောင်အထည်ဖော်ရေး ရုံးခန်းတွေ ဖွင့်လှစ်ပြီး တစ်မျိုးသားလုံး ပါဝင် နိုင်ဖို့ ဆောင်ရွက် သွားမှာ ဖြစ်တယ်လို့ သိရပါတယ်။

အခုလို ဆွေးနွေး ထုတ်ပြန်မှုတွေကနေ ပြည်ထောင်စု အစိုးရကို တောင်းဆိုသွားမှာ ဖြစ်ပြီး အစိုးရအနေနဲ့ ရခိုင်ပြည်သူတွေရဲ့ ဆန္ဒအတိုင်း လုပ်ဆောင်ပေးဖို့ အရေးကြီးတဲ့အကြောင်း ကိုရဲမင်းဦးက ဆက်ပြောပါတယ်။

တစ်ဆက်တည်းမှာပဲ ရခိုင် တစ်မျိုးသားလုံး ညီလာခံမှာ တက်ရောက် ဆွေးနွေးဖို့ အတွက် ပြည်နယ်အစိုးရ၊ ပြည်ထောင်စုအစိုးရနဲ့ ပြည်တွင်း အင်အားကြီးပါတီတွေကိုလည်း ဖိတ်ကြားထားတယ်လို့ ရေဒီယိုသြစတြေးလျ သတင်းထောက် စူးရှက သတင်းပေးပို့ထားပါတယ်။

ABC Radio Australia